Profundo den Nos Kurason

Pa Douglas D. Holmes

Resientemente relevá komo Promé Konsehero di e Presidensia General di Hombres Jovenes

Señor ta trata di yuda nos--nos tur-- trese Su evangelio mas profundo den nos kurason.

Rumannan, Esta un tempu maravioso [ku] nos ta biba aden. Miéntras nos ta selebrá e kuminsamentu di e Restourashon, tambe e ta apropiá pa selebrá e Restourahon kontinuo ku nos ta eksperenshando. Huntu ku boso mi ta regosihá ku nos ta biba den e tempu aki.¹ Señor ta sigui pone na lugá, dor di Su profetanan, tur loke ta nesesario pa yuda nos prepará pa risibí E.²

Un di e kosnan nesesario ta e inisiativa nobo pa Mucha i Hubentut. Hopi di boso ta familiarisá ku e programa aki su r énfasis riba pone meta, emblemanan nobo pa pertenesé, i konferensianan Pa Fortalesa di Hubentut. Pero nos no mester laga e kosnan ei tapa nos bista di prinsipionan riba kua e programa ta basá i nan propósíto pa yuda trese e evangelio di JesuCristu hopi profundo den kurason di nos yunan i hubentut.³

Mi ta kere ku ora nos ta bin kompronde e prinsipionan aki mihó, nos lo rekomosé esaki mas manera un programa pa miembronan di 8 pa 18 aña. Nos lo wak kon Señor ta trata di yuda nos—nos tur—trese Su evangelio mas profundo den nos kurason. Mi ta spera ku e Spiritu Santu lo yuda nos siña huntu ku otro.

Relashonnan — “Ta, huntu ku Nan”⁴

E promé prinsipio ta relashonnan. Pasó nan ta un parti asina natural di iglesia di JesuCristu, ku tin biaha nos ta lubidá e importansia di relashonnan den nos hornada kontinuo na Cristu. No ta wòrdu sperá di nos pa nos hañ òf kana e kaminda di kombenio nos so. Nos mester di amor i sostén di mayornan, otro miembronan di famía, amigunan, i lídernan ku tambe ta kanando e kaminda.

E típo di relashonnan aki ta tuma tempu. Tempu pa ta huntu. Tempu pa hari, hunga, siña, i sirbi huntu. Tempu pa apresiá otro su interésnan i retonan. Tempu pa ta honesto ku otro segun nos ta aspirá pa ta mas mihó huntu ku otro. E relashonnan aki ta un di e propósitonan primordial di reuní komo famíanan, quorumnan, klasnan i kongregashonnan. Nan ta e fundamentu di ministrá di un manera efektivo⁵

Elder Dale G. Renlund a duna nos e klave pa desaroyá e relashonnan aki ora ku el a bisa: “Pa sirbi otro efektivamente nos mester wak nan … dor di Tata Selestial Su wowo. E ora ei so nos por kuminsá komprondé e berdadero balor di un alma. E ora ei so nos por sinti e amor ku Tata Selestial tin pa tur Su yunan.”⁶

Wak otro manera Dios ta hasi ta un don. Mi ta invitá kada un di nos pa buska pa haña e don aki. Segun nos wowo ta wòrdu habrí pa wak⁷ tambe por ta posibel pa nos yuda otro wak nan di mes manera ku Dios ta wak nan.⁸ Presidente Henry B. Eyring a enfatisá e poder di esaki ora el a bisa: “Loke lo bai importa mas ta loke [otronan] siña di [bo] tokante ken nan ta di bèrdat i ken nan por bira en realidat. Mi ta suponé ku nan lo no siña esaki dor di lektura. Nan lo siña esaki dor di sentimentunan di ken bo ta, ken bo ta kere nan ta, i kiko bo ta kera ku nan por bira.”⁹ Yudando otronan pa komprondé nan propio identidat i propósito ta un di e donnan di mas grandi ku nos por duna.¹⁰ Wak otronan i nos mes miéntras Dios ta kose nos kurason “huntu den unidat i den amor.”¹¹

Ku forsanan sekular ku ta krese mas i mas ku ta trèk nos, nos mester di e forsa ku ta bini di relashonnan di amor. Asina ta ku ora nos ta plania aktividatnan i reunionan, i otro enkuentronan, laga nos kòrda ku e propósito general di e enkuentronan aki ta pa konstruí relashonnan di amor ku ta unifiká nos i yuda trese e evangelio di JesuCristu mas profundo den nos kurason.¹²

Revelashon, Liber Albedrio i Arepentimentu—”Konektá Nan ku Shelu”¹³

Naturalmente no ta sufisiente pa ta mará na otro. Tin hopi gruponan i organisahonnan ku ta a logra union rondó di diferente kousa. Pero e union ku nos ta buska ta pa bira unu den Cristu, pa konektá nos mes ku nE.¹⁴ Pa konektá nos kurasonnan ku shelu, nos mester eksperenshanan individualmente spiritual[, manera Elder Andersen a kaba di papia elokuentemente di dje ku nos.¹⁵ E eksperenshanan ei ta bini segun Spiritu Santu ta trese e palabranan i amor di Dios den nos mente i kurason.¹⁶

E revelashon aki ta bini dor di skrituranan, espesialmente e Buki di Mormon, dor di palabranan inspirá di profetanan bibiente i otro disipelnan fiel; i tambe dor di e stèm ketu i chikí di Spiritu Santu.¹⁷ E palabranan aki ta mas ku enk riba papel, planan di músika den nos orea òf pensamentunan den nos mente òf sentimentunan den nos kurason. E palabra di Dios ta poder spiritual.¹⁸ Ta bèrdat i lus.¹⁹ Ta e manera ku nos ta tende [di] DjE! E palabra ta kuminsá i oumentá nos fe den Cristu i ta alimentá den nos e deseo pa bira mas manera e Salbador—esei ta, pa arepentí i kana e kaminda di kombenio.²⁰

Aprel ku a pasa ei, Presidente Russel M. Nelson a yuda nos kompronde e ròl prinsipal di arepentimentu den e hornada ku ta reelá.²¹ El a bisa: ”Ora nos skohe pa arepentí, nos ta skohe pa kambia! Nos ta pèrmití e Salbador pa transformá nos den e mihó vershon di nos mes. … Nos ta skohe pa bira mas manera JesuCristu!”²² E proseso di kambio aki huntu ku e palabra di Dios ta e manera ku nos por konekta ku shelu.

Den e invitashon di Presidente Nelson pa arepentí tin e prinsipio di albedrio. Nos mester skohe arenpentimentu pa nos mes. E evangelio no por wòrdu forsá den nos kurason. Manera Elder Renlund a bisa, “Nos Tata Selestial Su meta no ta pa pone Su yunan hasiloke ta bon;, et ta pa laga Su yunan skohe pa hasi loke ta bon.”²³

Den e programanan ku a reemplasá e programa di Mucha i Hubentut, tabatin mas ku 500 diferente rekisito pa logra pa por a risibí diferente rekonosiementu²⁴ Awendía solamente tin unu. E ta un invitashon pa skohe pa bira mas manera e Salbador. Nos ta hasi esaki dor di risibí e palabra di Dios dor di e e Spiritu Santu i pa laga Cristu kambia nos pa bira “e mihó vershon di nos mes.

Esaki ta hopi mas ku solamente pone un meta òf pa bia mihó di nos mes. Metanan ta simplemente un insrumento pa konektá ku shelu dor di revelashon, liber albedrio i arepentimentu—pa bini serka Cristu i risibí Su evangelio mas profundo den nos kurason.

Kompromiso i Sakrifisio—“Laga Nan Guía”²⁵

Finalmente, pa trese e evangelio di JesuCristu mas profundo den nos kurason, nos mester di komprometé nos mes den dje—pa duna di nos tempu i talentonan p’e, pa sakrifiká p’e.²⁶ Nos tur ke biba un bida signifikante. i rsaki ta spesialmente bèrdat di e generashonku ta lantndo aki. Nan ta desea un kousa.

E evangelio di JesuCrist ta e kousa di mas grandi den mundu. Presidente Ezra Taft Benson a bisa: “Dios a manda nos pa hiba e evangelio rònt mundu. Esei ta e kousa ku mester uni nos awendía. Solamente e evangelio lo salba mundu for di e kalamidat di su propio destrukshon. Solamente e evangelio lo uni hòmber [i muhé] di tur rasa i nashon den pas. Solamente e evangelio lo trese goso, felisidat i salbashon pa e rasa humano.”²⁷

Elder David A. Bednar a primintí, “Segun nos ta empoderá nos hubentut dor di invitá nan i laga nan aktua pa nan mes, e Iglesia lo sigui move bai dilanti di maneranan milagroso.”²⁸ Demasiado biaha nos no a invitá i nos no a pèrmití e hubentut pa sakrifiká pa e gran kousa di Cristu. Elder Neal A. Maxwell a indiká, “Si [nos] hobennan no ta impreshoná [ku Dios Su obra], probablemente nan ta sobrekargá dor di mundu.”²⁹

E programa di Mucha i Hubentut ta enfoká pa empoderá nos hubentut. Nan ta skohe nan mes metanan. Presidensianan di quorum i esun di klas ta poné den nan ròl apropiá. E konseho di hubentut di bario mesun kos ku e konseho di bario ta enfoká riba e obra di salbashon i eksaltashon.³⁰ Quorumnan i klasnan ta kumins 160 nan reunionnan dor di plabrá kon nan por hasi e obra ku Dios a duna nan.³¹

Presidente Nelson a bisa e hubentut di iglesia: “Si bo skohe pa, òf si bo ke pa ta … bo por ta un gran parti di algu grandi, algu grandioso, algu mahestuoso! … Boso ta kai bou di algun di e mihó spiritunan ku hamas a wòrdu mandá na mundu aki. Boso tin e kapasidat di ta mas inteligente, mas sabio i tin mas impakto riba mundu ku kualke un di e generashonnan anterior!”³² Na un otro okashon, presidente Nelson a bisa hobennan: “Mi tin konfiansa sin duda den boso. Mi ta stima boso. i Señor tambe stima boso. Nos ta Su pueblo ku ta komprometé huntu ku otro pa hasi Su obra.”³² Hobennan, boso por sinti e konfiansa ku presidente Nelson tin den boso i kon importante boso ta den e obra aki?

Mayornan i lídernan adulto, mi ta invitá boso pa wak e hóbennan aki manera presidente Nelson ta wak nan. Segun e hóbennan ta sinti boso amor i konfiansa, segun boso ta enkurashá nan i siña nan kon pa guía—anto despues duna nan chèns pa hasi esaki—nan lo sorprendé boso ku nan komprenshon, nan abilidatnan i nan dedikashon na e evangelio.³⁴ Nan lo sinti e goso di skohe pa komprometé i sakfrifiká pa e gran kousa di Cristu. E evangelio lo drenta mas profundo den nan kurason, i e obra lo move bai dilanti di un manera milagroso.

Promesa i Testimonio

Mi ta primintí, ku ora nos ta enfoká riba e prinsípionan aki—relashonnan, revelashon, liber albedrio, arepentimentu i sakrifisio—e evangelio di JesuCristu lo senk mas profundo den nos tur su kurason. Nos lo wak e Resyourashon movr bai dilanti pa asina yega na su propósito final, e redenshon di Israèl i e establesimentu di Sion.³⁵ kaminda Cristu lo reina manera rei fi reinan.

Mi ta testifiká ku Dios ta kontinuá di hasi tur kos nesesario pa prepará Su pueblo pa e dia ei. Ku nos por wak Su man den e obra aki ora nos tur ta lucha pa “bini serka Cristu i wòrdu perfekshoná den Dje.”³⁶ Den e nòmber di Jesu Cristu, amèn.