Kon e Saserdosio ta Bendishoná e Hubentut
Dor di e saserdosio nos por wòrdu hisa. E saserdosio ta trese lus den nos mundu.
Mi ta agradesido di ta akinan. Ora ku mi a haña sa ku lo mi tin e oportunidat pa papia ku boso awe, mi a sinti mi hopi emoshoná, pero na mes momentu, hopi humilde. Mi a tuma hopi tempu pensando kiko lo mi por kompartí i mi ta spera ku e Spiritu ta papia ku boso direktamente pa medio di mi mensahe.
Den e buki di Mormon, Lehi ta duna un bendishon na kada un di su yunan promé ku el a fayesé ku ta yuda nan rekonosé nan fosa i potensial eterno. Ami ta esun mas yòn di ocho yu , i e aña ku a pasa aki mi tabata e úniko yu na kas pa promé bes. Sin tabatin mi rumannan serka òf semper tin un hende pa kombersá kuné tabata duru pa mi. Tabatin anochi ku mi a sinti mi hopi so Mi ta gradisí pa mi mayornan ku a purba hasi nan esfuerso pa yuda mi. Un ehèmpel di esaki ta momentu ku mi tata a ofresé pa duna mi un bendishon di i saserdosio pa konsuelo durante un tempu di desafio partikular. Despues di su bendishon; kosnan no a kambia inmediatamente, pero mi por a sinti pas i amor di mi Tata Selestial i di mi tata. Mi ta sinti mi bendishoná di tin un tata digno ku por duna mi bendishondi saserdosiotur ora ku mi tin mester i por a yuda mi komprondé mi fortalesa i potensial eterno, meskos ku Lehi a hasi ora ku e0 la bendishoná su yu nan.
No opstante bo sirkunstansha, semper bo por tin akseso na bendishon di saserdosio. Dor di miembronan di famia, amigunan, rumannan ministrante, lidernan di saserdosio i un Tata Selestial ku nunka lo faya ku bo, bo por risibí e bendishonnan di e saserdosio. Elder Neil L. Andersen a bisa: “E bendishonnan di e saserdosio ta infinitamente mas grandi ku esun ku ta wòrdu pidi pa atministrá e don. … Si nos ta digno e ordenansanan di e saserdosio ta enrikesé nos bida.”1
No duda pa pidi pa un bendishon ora ku bo mester di èkstra guia. Ta den nos momentunan di difikultat nos mester di e Spiritu pa yuda nos mas tantu. Niun hende no ta perfekto, i nos tur ta eksperensha difikultat. Algun di nos por sufri di ansiedat, depreshon, adikshon, òf ku sintimentunan ku nos no ta sufisiente bon. Bendisho nan di saserdosio por yuda nos superá e desafio nan aki i risibí pas segun nos ta sigui bai dilanti den futuro. Mi ta spera ku nos ta lucha pa biba digno di risibí e bendishon nan aki.
Un otro manera ku e saserdosio ta bendishoná nos ta pa medio di bendishon nan patriarkal. Mi a siña pa lesa mi bendishon patriarkal kada bes ku mi ta sinti mi tristu òf mi so. Mi bendishon ta yuda mi rekonosé mi potensial i e plan spesífiko ku Dios tin pa mi. E ta konsolá mi i yuda mi mira mas leu di mi perspektiva nan terenal. E ta rekordá mi di mi donnan i di e bendishonnan ku lo mi risibí si mi biba digno. Tambe e ta yuda mi rekordá i sinti mi na pas ku Dios lo proveé kontesta i habri portanan pa mi eksaktamente na e momentu adekuá ku mas mi mester.
Bendishon nan patriarkal ta yuda prepará nos pa regresá pa biba ku nos Tata Selestial. Mi sa ku bendishon nan patriarkal ta bin for di Dios i por yuda nos kombertí nos debilidatnan den fortalesanan. Esakinan no ta mensahe di un “adivinado”; e bendishon nan aki ta bisa nos loke nos mester skucha. E bendishonnan patriarkal ta manera un Liahona pa kada un di nos. Ora ku nos pone Dios promé i tin fe den E, E lo guia nos dor di nos propio desierto.
Meskos ku Dios a bendishoná Joseph Smith ku e saserdosio di manera ku e evangelio por a wòrdu restourá, nos por risibí e bendishon di e evangelio den nos bida dor di e saserdosio. Tur siman nos ta risibí e privilegio i oportunidat pa tuma e sakramentu. Pa medio di e ordenansa di saserdosio aki, nos por tin e Spiritu pa ta semper jintu ku nos kual ta limpia i purifiká nos. Si bo ta sinti e nesesidat pa eliminá algu for di bo bida papia ku un lider di konfiansa ku por yuda bo hasi e kosnan ku bo sa ku ta korekto. Bo lidernan por yuda bo haña akseso na e poder kompletu di e Ekspiashon di JesuCristu.
Danki na e saserdosio nos por risibí tambe e bendishonnan di ordenansanan di e tèmpel. For di dia ku mi por a drenta tèmpel mi a hasié un meta i prioridat pa asistí ku regularidat. Tumando e tempu i hasiendo e sakrifisionan nesesario pa ta mas serka di mi Tata Selestial den Su kas santu, mi a wòrdu bendishoná risibiendo revelashon i sugerensha ku di bèrdat a yuda mi durante mi bida.
Dor di e saserdosio nos por wòrdu hisa. E saserdosio ta trese lus den nos mundu. Elder Robert D. Hales a bisa: “Sin e poder di e saserdosio, ‘hinter e mundu lo tabata kompletamente përdí’ (wak D&C 2:1–3). Lo no tabata tin lus, ni speransa - solamente skuridat.”2
Dios ta animando nos . E kie pa nos regresá na DjE. E konosé nos personalmente. E konosé bo. E stima nos. Semper E ta konsiente di nos i ta bendishoná nos hasta ora ku nos ta sinti di no ta meresé. E sa kiko nos mester i ki ora nos mester di e kos.
“Pidi, i boso lo risibí; buska, i boso lo haña; bati, i lo wòrdu habrí pa boso:
“Pas162 ken ku pidi, lo risibí; i e ku buska lo haña; i na e ku bati, porta lo habri p’e.”(Mateo 7:7–8).
Si te ainda bo no tin un testimonio di e saserdosio, mi ta enkurashá bo pa hasi orashon i puntra pa sa pa bo mes di Su poder i despues lesa e eskrituranan pa skucha Dios Su palabra. Mi sa ku si nos hasi un esfuerso pa eksperensha e poder di Dios Su saserdosio den nos bida nos lo wòrdu bendishoná. Den e nòmber di JesuCristu, amèn.