Gritu di Hosanna

Presentá pa Presidente Russell M. Nelson

Presidente di E Iglesia di JesuCristu di e Santunan di e Delaster Dianan

Awor mi rumannan, miéntras nos ta konmemorá Jose Smith su Promé Vishon di e Tata i e Yu, nos ta sinti ku e lo ta apropiá pa regosihá huntu dor di partisipá den e gritu di Hosanna.

E grito sagrado aki a wòrdu duná pa promé biaha den e dispensashon aki na e dedikashon di e tèmpel di Kirtland rib 27 mart 1836. Awor e ta wòrdu duná na e dedikashon di kada tèmpel. E ta un tributo sagrado na e Tata i e Yu, simbolisando e reakshon di e multitut ora e Salbador a hasi Su entrada triunfal na Yerusalèm. Tambe et reafirmá loke e hóben Jose a eksperenshá e dia ei den e Arboleda Sagrado—ku ta, ku e Tata i e Yu ta dos Ser Glorifiká kende nos ta adorá i alabá.

Awor lo mi demostrá kon e gritu di Hosanna ta wòrdu duná. Ora mi hasi esei, mi ta invitá nos koleganan di media pa trata esaki komo hopi sagrado opservando dignidat i rèspèt.

Kada unu partisipando ta tuma un lensu blanku limpi, teniendo e na un skina, i zwai miéntras nos ta bisa den un bos “Hosanna, Hosanna, Hosanna na Dios i na e Lamchi,” ripitiendo esaki tres biaha, siguí pa “Amèn, Amè, i Amèn,” Pero si bo no tin un lensu blanku, bo por simpelmente zwai bo man.

Rumannan, awor mi ta invitá boso pa lanta para i partisipá den e Gritu di Hosanna, siguí pa e “Himno di Hosanna” i “E Espiritu di Dios”¹ lo wòrdu kantá.

Riba un señal di e dirigente, por fabor uni kantando “El Espiritu de Dios.”

Hosanna, Hosanna, Hosanna na Dios i e Lamchi.
Hosana, Hosana, Hosana na Dios i e Lamchi.
Hosana, Hosana, Hosana na Dios i e Lamchi.
Amèn, Amèn, i Amèn.