E Poder di Fé di Sosten
Dor di lanta bo man pa sostené, bo ta hasi un promesa ku Dios, di ken e siervonan aki ta, ku lo bo sostenene nan.
Hopi biaha mi a tende lidernan di saserdosio duna danki pa e fé di sosten di esnan ku nan ta sirbi. For di e emoshon di nan bosnan, bo sa ku nan gratitut ta profundo i real. Mi proposito awe ta pa transmiti Señor su apresio pa e sosten ku boso ta duna Su siervonan den Su Iglesia. I e ta tambe pa enkurashá boso pa eherse i krese den e poder di sostené otronan ku boso fé.
Promé ku boso a nase, boso a demostrá e poder ei. Pensa atras riba loke nos sa di e mundu di spiritu prome ku nos a nanse. Nos Tata Selestial ta presentá un plan pa Su yunan. Nos tabata einan. Lusifer, nos ruman spiritual, a oponé e plan ku lo pèrmití nos usa nos libertat pa skohe. Jehová, e Yu Stimá di Tata Selestial, a sostoné e plan. Lusifer a guia un rebelion. Jehová su bos di sostenimentu a prevalesé, i El a duna Su mes komo boluntario pa ta nos Salbador.
E hecho ku bo ta aki den mortalidat awor ta sigurá nos ku bo a sostené e Tata i e Salbador. A tuma fé den JesuCristo pa sostené e plan di felisidat i JesuCristo Su lugá den dje ora nos sa asina tiki di e desafionan ku nos lo enfrentá den mortalidat.
Boso fé pa sostené e siervonan di DIos a bin ta e kurason di bo felisidat den e bida aki tambe. Ora bo akseptá e desafionan di e misioneronan i hasi orashon pa sá si e Buki di Mormon ta e palabra di Dios, boso ta tin e fé pa sostené un siervo di Señor. Ora bo aksepta e invitashon pa wòrdu boutisá, bo ta sostené un siervo humilde di Dios.
Ora bo laga un hende pone man riba bo kabes i bisa, “Risibí e Espiritu Santu,” bo ta sostené e poseedor di e Saserdosio di Mèlkisedek.
For di e dia ei, bo a, dor di sirbi fielmente, sostené kada persona ku a konferí e saserdosio riba bo i kada un ku a ordená bo na un ofisio den e saserdosio.
Den komienso di bo eksperiensa di saserdosio, kada sostenimentu tabata un evento simpel den konfia in siervo di Dios. Awor, hopi di boso a subi na un lugá kaminda e sostenimentu ta rekerí mas.
Bo ta skohe sea bo ta sostene tur esnan ku Dios yama—den loke sea ku Señor a yama nan. E eskoho ei ta sosodé den konferensianan rònt mundu. El a sosodé den esaki. Den tipo di reunionnan aki, nòmbernan di hòmber i muhé—siervonan di Dios—ta wòrdu lesá i bo ta invitá pa alsa bo man pa sostené. Bo pornengá di duna bo voto di sosten, òf bo por duna bo promesa di fé di sosten. Dor di lanta bo man i sostené, bo ta hasi un promesa. Bo ta hasi un promesa ku Dios, di ken Su siervo nan ta, ku lo bo sostenene nan.
E ser humano imperfektonan aki, ta manera abo. Wardando bo promesa to rekeri fe inmutabell ku ta Señor a yama nan. Wardando e promesanan aki lo trese felisidat eterno. Si bo no warda nan lo trese dolor pa bo i pa esnan ku bo ta stima — i hasta perdida fuera di loke bo ta imagina.
Lo bo a wòrdu puntra, òf lo bai wòrdu puntra, si bo ta sostené bo obispu, presidente di estaka, Outoridatnan General, i Ofisialnan General di Iglesia. Esaki por sosodé mientras ta wòrdu pidí n’abo pa sostené ofisialnan i lidernan den konferensia. Tin biaha e lo sosodé den un entrevista ku e obispu òf presidente di estaka.
Mi konseho ta pa bo puntra bo mes e kosnan aki promé, ku pensamentu kouteloso i den orashon. Ora bo hasi esaki, bo por wak atras riba bo pensamentunan resien, palabranan i echonan. Purba na kòrda i pone bo kontestanan ku lo bo duna den un kuadro ora Señor ta entrevista bo, sabiendo ku un dia E lo hasie. Bo por prepará bo mes dor di hasi bo mes preguntanan manera lo siguiente:
-
Mi a pensa òf papia di debilidat humano di e hendenan ku mi a primintí di sostené?
-
Mi a buska pa prueba ku Señor ta guiando nan?
-
Mi a sigui konsientemente i fielmente nan liderazgo?
-
Mi a papia di e evidensia [ku] mi ta mira ku nan ta sirbidonan di Dios?
-
Mi ta hasi orashon pa nan regularmente i ku sentimentu di amor?
E preguntanan ei, pa hopi di nos, ta hiba nos na algun inkomodidat i un nesesidat di arepenti. Nos ta wòrdu mandá pa Dios pa no husga otronan inhustamente, pero den praktika, nos ta haña esei difísil pa evitá. Kasi tur kos ku nos ta hasi den traha huntu ku hende ta hiba nos na evaluá nan. I den kasi tur aspekto di nos bida, nos ta kompará nos mes ku otronan. Nos por hasi esei pa diferente rason, algun di por ta rasonabel, pero e ta hiba nos hopi biaha na ta kritiko.
Presidente George Q. Canon a duna un atvertensia ku lo pas’é na boso komo [ku e ta] di mi mes. Mi ta kere el a papia e bèrdat: “Dios a skohe Su siervonan. E la reklamá esaki komo Su prerogativo pa kondená nan si nan mester kondenashon. E no a duna esei na nos individualmente pa sensurá i kondená nan. Ningun hende, ni maske kon fuerte e por ta den e fé, ni maske kon haltu den e Saserdosio, por papia malu di e ungí di Dios i haña falta ku Dios Su outoridat aki na mundu sin haña Su disgustu. E Spiritu Santu lo alehá su mes for di tal hende, i e lo bai den skuridat. Komo ku esaki ta e kaso, bo no ta mira kon importante ku e ta pa nos ta kouteloso?”
Mi opservashon ta ku miembronan di Iglesia rònt mundu ta generalmente fiel na otro i na esnan ku ta presidí riba nan. Tin, sinembargo, mehoransa ku nos por i mester hasi. Nos por alsa mas altu den nos poder pa sostené otro. E lo tuma fé i esfuerso. Aki tin kuater sugerensia ku mi ta duna pa nos por aktua riba dje den e konferensia aki.
-
Nos por identifiká akshonnan spesifiko e diskursanto ta rekomendá i kuminsa awe pa ehekutá nan. Ora nos hasi esaki, nos poder pa sostené nan lo krese.
-
Nos por hasi orashon pa nan ora nan ta papia pa e Spiritu Santu por karga nan palabranan den kurasonnan di personanan spesifiko ku nos ta stima. Ora nos siña despues ku nos orashon a wòrdu kontestá, nos poder pa sostené e lidernan ei lo krese.
-
Nos por hasi orashon pa diskursantenan spesifiko por wòrdu bendishoná i magnifika ora nan ta duna nan mensahenan. Ora nos ta mira ku nan a wòrdu magnifika, nos lo krese den nos fé pa sostené nan, i e lo dura.
-
Nos por skucha pa mensahenan di e diskursantenan ku ta bin komo un kontesta na nos nos orashonnan personal pa ayuda. Ora nos kontesta bini, i nan lo bin, nos lo krese den nos fé pa sostené tur Señor su siervonan.
Banda di mehorá den sostenimentu na esnan ku ta sirbi den e Iglesia, nos lo siña ku lo tin otro manera ku nos por krese den e tipo di poder ei. Einan, E por trese bendishonnan aun mas grandi pa nos. Ta den e hogar i famia.
Mi ta papia na e poseedor di saserdosio hoben ku ta biba den un hogar huntu ku su tata. Laga mi konta bo for di mi propio eksperensia kiko e ta nifika pa un tata pa sinti e fé di sostenimentu. E lo por wak bo ku konfiansa. Pero e por ta enfrentando desafionan ku abo no konosé. Tin biaha e no por wak e kaminda dor di e problemanan su dilanti.
Bo atmirashon p’e lo yudé un poko. Bo amor p’e lo yudé ainda mas. Pero e loke lo yuda nos mas ta e palabranan sinsero manera esaki: “Tata, mi a hasi orashon p’abo, i mi a sinti ku Señor lo yuda bo. Tur kos lo bai sali bon. Mi sa ku E lo hasié.”
Palabranan manera esei tambe tin poder den e otro direkshon, [di] tata pa yu. Ora un yu komete un eror serio, kiras hasta den e parti spiritual, e lo spor inti ku el a faya. Komo su tata, na e momentu ei, bo por ta sorprendé ora, despues ku bo hasi orashon pa sa kiko mester hasi, e Spiritu Santu ta pone e palabranan aki den bo boka: “Yu, mi ta ku bo semper. Señor stima bo. Ku Su ayuda, bo por logra yega. Mi sa ku bo por i ku lo bo hasi’e. Mi stima bo.”
Den e quorum di saserdosio i den e famia, mas fé pa sostené e otro ta e manera pa konstrui e Sion ku Señor ke pa nos krea. Ku Su ayuda, nos por i nos lo hasi’e. E lo tuma enseñansa pa stima Señor ku tur nos kurason, poder, mente, i forsa pa nos stima otro manera nos ta stima nos mes.
Ora nos ta krese den e amor puru di Cristu, nos kurason ta bira moli. E amor ei lo hasi nos humilde i hiba nos na arepentimentu. Nos konfiansa den Señor i den otro lo krese. I e ora ei nos lo bai na bira unu, manera Señor a primintí ku nos por.
Mi ta testifiká ku Dios e Tata konosé bo i stima bo. Jesus ta e Cristo bibiente. Esaki ta Su Iglesia. Nos ta poseé Su saserdosio. E lo honra nos esfuersonan pa krese den nos poder pa ehers’e i sostené un i otro. Mi ta testifiká asina den e nòmber sagrado di JesuCristu, amèn.