Prepará pa Risibí Tur Kos Nesesario
Bendishonnan lo bini ora nos ta lucha na kumpli ku nos responsabilidat individual pa siña i stima e evangelio restourá di JesuCristo.
E programanan i aktividatnan di E Iglesia di JesuCristo di e Santunan di Delaster dianan ta birando hopi massentrá den hogar I sostené pa Iglesia, manera demostrá pa medio di un serie di ahustenan anunsiá den konferensianan general resien. Presidente Russel M. Nelson a konsehá nos: “Tin hopi mas pa bin. … Bebe bo pilnan di vitamina. Tuma bo sosiegu. E ta bai ta emoshonante.“
Mi ta hasi orashon i invitá e yudansa di e Spiritu Santu mientras nos ta konsiderá huntu varios implikashon basiko di e ahustenan kontinuo den Señor Su Iglesia restourá.
Enseñansa di Evangelio sentrá den hogar i apoyá pa Iglesia.
Elder Craig C. Christensen tabata mi kompañero resientemente den un konferensia di liderazgo di saserdosio, i e la usa dos pregunta simpel pa emfatisá e prinsipio di bira un hogar sentrá i apoyá pa Iglesia. E la sugerí ku en bes di regresá na nos hogar despues di reunionnan di Iglesia riba djadumingu i puntra, “Kiko bo a siña tokante die Salbador i Su evangelio awe na Iglesia?” nos mester puntra den nos reunionnan di Iglesia, “Kiko mi a siña tokante e Salbador i Su evangelio e siman aki den bo hogar?” E opservansia adekuá di e dia di reposo, e plan nobo di estudio i e kalendario di reunionnan ahustá ta yuda nos siña e evangelio tantu den nos hogar komo na Iglesia.
Kada miembro di E Iglesia di Jesucristo di e Santunan di Delaster dianan tin un responsabilidat individual pa siña i biba e enseñansa di Señor i risibí pa medio di e outoridat adekuá di ordenansanan di salbashon i eksaltashon. Nos no mester spera e Iglesia komo un organisashon pa siña i bisa nos tur kos ku nos mester sa i hasi pa bira disipulonan mas deboto i perseverá baliente te na fin. Más bien, nos responsabilidat persona ta siña loke nos mester siña, biba manera nos sa ku nos mester biba konverti den lo ke e Maestro ke pa nos ta. I nos hogarnan lo ta e miho luga pa siña, biba i bira.
Komo mucha, Jose Smith a siña di Dios for di su famia. Su esfuersonan pa diskubrí Dios su boluntat a pone Jose buska pa e bèrdat entre e diferente denominashonnan Kristian, skrudiña, i hasi orashon sinsero na Dios. Ora e hoben José Smith a yega su kas bèk for di e Arboleda Sagrada inmediatamente después di e aparishon di e Tata i e yu, e la papia promé ku su mama. Ora e la “inkliná na e chimenea, [su] mama a puntre kiko tabata pasando. [Jose] a responde, ‘No preokupa, tur kos ta bon - mi ta bon sufisiente.’ E ora ei [e] la bisa [su] mama, ‘mi a siña pa mi mes.’” E eksperiensi di Jose ta proporsiona un patronchi poderoso di enseñansa ku kada un di nos mester kopia. Nos tambe mester siña esaki pa nos mes.
E propósito general di e plan di e Tata Selestial ta pa Su yunan bira mas manera E. a konsekuensia, E ta brina nos e oportinidatnan esensial pa krese i progresá. Nos kompromiso pa siña i biba di akuerdo ku e bèrdat ta sumamente importante den e mundu ku ta “den komoshon” i ku ta mas konfuso i maligno kada bia. Nos no por spera ku simplemente asisti e reunionnan di Iglesia i partisipá den e programanan i, pa esei, risibí tur e edifikashon i protekshon spiritual ku ta permiti nos “resistí e maldat di dia”.
“Mayornan tin un deber sagrado pa lanta nan yunan den amor i rektitut.” Lidernan di Iglesia inspirá, maestronan, i aktividatnan ta yuda esfuersonan invidual i familiar pa krese spiritualmente. I aunke nos tur mester di yudansa pa sigui pa dilante den e kaminda di pakto, e responsabilidat final di desaroyá forsa spiritual i resistena ta kai riba kada un di nos.
Korda kon Nefi, e yu di e profeta Lehi, tabata desea pa wak, skucha i sa pa e mes pa medio di e poder di e Espiritu Santu e kosnan ku su tata a siñ den e vishon di e palu di bida. Nefi klaramente tabata tin mester i a wòru bendishoná den su hubentut pa medio di ehèmpel i enseñansa di su “bon mayornan.” Sin embargo, meskos ku José Smith, e tabata tin e deseo di siña i sa pa su mes.
Si tur loke abo òf ami sa tokante di Jesucristo i su evangelio restourá ta loke otro hendenan ta siña nos òf bisa nos, e ora ei e fundeshi di nso testimonio den dj’E i su obra glorioso den e Delaster Dianan ta basá riba santu. Nos no por konfia eksklusivamente den òf fia e lus i konosimentu di e evangelio for di otro persona, inkluyendo esnan ku nos stima i den ken nos ta konfia.
Signifikativamente, e profeta José Smith a siña nos ku kada Santu di Ultimo Dia mester komprondé pa e mes “e diseñonan di propositónan di Dios den nos benida na mundu”.
“Si nos por a lesa i komprondé tur loke a wòrdu skibí for di e dianan di Adam, tokante e relashon di hende ku Dios i e angelnan den un estado di futuro, nos lo sa masha tiki mes tokante di esei. Lesando e eksperiensia di otronan, òf e revelashon duna na nan no por duna na nos nunka un bista komprensivi di nso kondishon i bèrdadero relashon ku Dios. Konosimentu di e kosnan aki por wòrdu optené solamente pa medio di eksperiensia den e ordenansanan di Dios duná pa e propositó ei.”
E abilitashon di e logro den e gran ophetivo spiritual aki pa e hendenan i e famianan ta un di e rasonnan fundamental pa kua e programanan i aktividatnan di e Iglesia di Jesucristo di e Santunan di Delaster dianan a sentra mas den e hogar i e Iglesia ta apoyá den e temporada spesifiko den dispensahson di e plenitut di e tempunan.
Implikashonnan di e enseñansa sentrá den e hogar i apoyá pa e Iglesia
Permiti mi resumí algun implikashon basiko di e enseñansa di evangelio kada bes mas sentrá den e hogar i apoyá pa e Iglesia.
El último sentro di kapasitashon misional ta den nos propio hogarnan; e sentronan di formashon di misionero ta na Provo, Manila, Ciudad de México i otro lugánan. Nos klasnan di escuela dominical ta mas instruktivo mester ta nos estudio individual i familiar den nos lugámam di residensia; di yudansa pero sekundario ta klasnan di escuela dominical ku ta den nos kapianan.
Sentro di Historia Familiar awor ta den nos hogarnan Suporte suplemental pa nos obra di buskeda di historia familiar ta disponibel tambe den nos sentronan di reunion.
Klasnan di preparashon vital pa tèmpel ta sosodé den nos hogarnan; klasnan di preparashon pa tèmpel importante pero sekundaria tambe por tuma luga periodikamente den nos sentronan di reunionnan.
Hasiendo nos hogarnan un santuario kaminda nos por “ta den lugánan santu” ta esensial den e ultimo dianan. I tan importante manera e enseñansa sentrá den e hogar i apoyá pa e Iglesia ta pa nos fortalesa i protekshon spiritual awendia, e lo ta mas vital den futuro.
Enseñansa Sentrá den e Hogar i Apoyá pa e Iglesia i Preparashon pa Tèmpel
Por fabor, konsiderá komo e prinsipio di “enseñansa sentrá den e hogar i apoyá pa e Iglesia” ta aplika de nos preparashon i dignidat individual pa risibí ordenansanan i konvenionan sagrado den e kas di Señor.
De hecho, e preparashon di tèmpel ta mas efektivo den nos hogarnan. Pero hopi miembro di e Iglesia no ta sigur den loke nan por i no por bisa tokante e eksperiensia den tèmpel pafó di tèmpel.
Presidente Ezra Taft Benson a deskribí dikon e inseguridat aki ta eksistí:
“E tèmpel ta un lugá sagrado, i e ordenansanen den e tèmpel ta di un karakter sagrado. Pa motibu ku e ta sagrado tin bia nos ta duda na bisa algu tokante e tèmpel na nos yunan i ñetunan.
“Komo konsekuensia, hopi no ta desaroyá un deseo real pa bai tèmpel, òf ora nan bai einan, nan no tin masha informashon pa prepará nan pa e obligasonnan i konvenionan ku nan ta bai drenta.
“Mi ta kere un entendimentu apropia òf antesendente lo yuda inumerabel pa prepará nos hobennan pa bai tèmpel … [i] lo krea un deseo den nan pa buska nan bendishon di saserdosio meskos ku Abraham a siña di dje nan.”
Dos guia basiko lo yuda nos logra e entendimentu apropiá emfatisá pa Presidente Benson.
Guia #1 Pasobra nos stima Señor, semper nos mester papia tokante Su kas santu ku reverensia. Nos no mester divulgá ni deskribí e simbolonan asosiá ku e konvenio ku nos ta risibí den e seremonionan sagrado di tèmpel. Tampoko nos mester diskutí e informashon sagrado ku nos ta primintí spesifikamente den e tèmpel ku nos lo no revelá.
Guia #2 E tèmpel ta e kas di Señor. Tur kos den e tèmpel ta mustra nos na nos Salbador, Jesucristo. Nos por diskutí e proposito basiko di i e doktrina i prinsipionan asosiá ku ordenansanan i konvenionan den tèmpel.
President Howard W. Hunter a konsehá,“Laga nos kompartí ku nos yunan e sentimentunan spiritual ku nos tin den tèmpel. I laga nos siña na mas profundamente i mas kómodo e kosnan ku nos por bisa apropiadamente tokante e proposito di e kas di Señor.”
A través di e geneashonnan, for di profeta José Smith te ku Presidente Russell M. Nelson, e lidernan di Iglesia a siña nos ampliamente e propositonan di doktrina di e ordenansanan i konvenionan di tèmpel. Ta esksistí un un gran reserva di rekurso den format di print, oudio, video, i otro formatnan pa yuda nos konosé e ordenansanan di inisiashon, dotashon, e matrimonio i otro ordenansanan di seyamentu. Tambie tin informashon disponibel tokante sigui e Salbador i risibí i honra e konevnionan pa warda e lei di obediensia, e ley di sakrifisio, e lei di evangelio, e lei di kastidat, i e lei di konsagrashon. Tur miembro mester familiarisá nan mes ku e materialnan ekselente disponibel na temples.churchofjesuschrist.org.
Presidente Russell M. Nelson a emfatisá e balanse vital entre e naturalesa sagrado i e seremonianan di tèmpel i e informashon valioso tokante tèmpel publiká pa e Iglesia ku ta korekto, apropiá, i disponibel publikamente. El a splika:“Mi ta rekomendá pa tur miembro … lesa pasahenan den e Diksionario Bibliko ku ta relatá na e tèmpel, manera ‘UngiKonvenioSakrifisioi ‘Tèmpel Tambe lo bo ke lesa Eksodo, kapitulo 26-28, i Levitiko, kapitulo 8. E Tèstament Bieu, i tambe e buki di Moises i Abraham den e Perla di Gran Presio ta suprayá e antiguedat di e obra di tèmpel i e naturalesa duradero di su ordenansanan.”
Pues, imaginá bo yunan puntra bo, “Un hende na skol a konta mi ku pañanan straño ta wòrdu bistí den tèmpel. Esei ta bèrdat?” Un video kortiku ta disponibel den temples.churchofjesuschrist.org titulá“Pañanan Sagrado di Tèmpel.” E rekursonan ekselente aki ta splika kon, for di antiguedat, hòmbernan i muhénan a brasa e musika sagrado, diferente formanan di orashon, paña simboliko religioso, gestonan i ritualnan pa ekspresá nan sentimentunan masm intimo di deboshon na Dios. Pues, e Iglesia ta apoyá preparashonnan sentrá den e hogar pa e bendishonnan glorioso di e tèmpel i pa medio di e instrukshonnan basiko i rekurso remarkabel manera e video aki. Hopi informashon util ta disponibel pa bo.
Ora nos ta purba na anda den e humildat di Señor su Espiritu, nos lo wòrdu bendishoná pa komprondé i logra den nos hogarnan e balanse nesesario entre loke ta i no ta apropiá pa diskutí kosnan sagrado di ordenansanan i konvenionan di tèmpel.
Promesa i Testimonio
Mi ta sospechá ku algun di boso ainda ta puntrando boso mes si e enseñansa di e evangelio por bira algu sentrá den en hogar i apoyá pa e Iglesia. Quizas abo ta e uniko miembro di Iglesia den bo hogar, of bo tin un kasa ku no ta apoyá bo, òf un mayor soltero, òf bo ta biba bo so komo un Santu di Ultimo Dia soltero òf divorsiá, i bo por tin preguntanan tokante kon ta apliká e prinsipionan aki na bo mes. Bo por ta un pareha ku ta wak otro i puntra, “Nos por hasi e kos aki?”
Si bo por hasi’e! Mi ta primintí bo ku e bendishon abilitante lo flui i lo ta evidente den bo bida Portanan lo habri. E lus lo briya. Bo kapasidat lo krese pa perseverá diligentemente i ku pasenshi.
Mi ta testifiká ku bendishonna di kompensashon lo bini ora nos ta purba na kumpli ku nos responsabilidat individual pa siña i stima e evangelio restourá di JesuCristo. Nos por ta bèrdaderamente “prepará pa risibí tur kos ku nos mester.” Asina mi ta primintí i testifiká bo den nòmber di Señor Jesucristo, amèn.