Nos Por Hasi Mihó I Ta Mihó
Hasi boso enfoke riba arepentimentu diario asina integral den boso bida ku bo por ehersé e saserdosio ku poder mas grandi ku nunka antes.
Mi rumannan kerí, ta un inspirashon pa mira riba e kongregashon grandi di Señor Su batayon di poseedornan di saserdosio. Esta un gran forsa di bondat boso ta! Nos ta stima bo. Nos ta resa pa boso. I nos ta hopi gradisí pa boso.
Resientemente mi a haña mi mes atraé pa Señor Su instrukshon duná na e Profeta Jose Smith: “No papia nada mas ku no ta arepentimentu na e generashon aki,” E deklarashon aki hopi biaha ta ripití den skritura. E ta lanta un pregunta opvio: “Tur hende tin ku arepntí?” E kontesta ta si.
Demasiado hende ta konsiderá arepentimentu komo un kastigu—salgu pa evitá ku eksepshon di e sirkunstanshanan di mas serio. Pero e sentimentu aki di ta kastigá ta engendrá pa satanas. E ta trata di blòkia nos pa wak JesuCristu ku ta pará ku mannan habrí sperando i dispuesto di sana, pordoná, limpia, i fortalesé, purifiká, i santifiká nos.
E palabra pa arepentimentu den Tèstamènt Nobo na Griego ta metanoeo. E promé parti meta- ta nifiká “kambio.” E delaster parti -noeo ta relashoná ku e palabra Griego ku ta nifiká “mente,” “konosementu,” “spiritu,” i “rosea.”
Kermen di, ora Jesus ta puntra abo i ami pa “arepentí” E ta invitando nos pa kambia nos mente, nos konosementu, nos spiritu—asta e manera ku nos ta hala rosea. E ta puntrando nos pa kambia e manera ku nos ta stima, pensa, sirbi, dediká nos tempu, trata nos kasánan, siña nos yunan, i asta kuida nos kurpa.
Nada ta liberá mas, ta mas noble, òf mas krusial pa nos progreso individual ku e enfoke regular, diario riba arepentimentu. Arepentimentu no ta un suseso; e ta un proseso. Ta e yabi pa felisidat i pas mental. Ora konop’é ku fe, arepentimentu ta habri nos akseso na e podernan di e Ekspiashon di JesuCristu.
Sea ku bo ta diligentemente moviendo riba e kaminda di kombenio, [òf] a slip òf a baha for di e kaminda di kombenio, òf no por ni wak e kaminda di kombenio for di unda bo ta awor aki, mi ta roga bo pa bo arepentí. Eksperensiá e poder ku ta fortalesé [ku ta bin] di arepentimentu diario—di hasi i ta un tiki mihó tur dia.
Ora nos skohe pa arepentí, nos ta skohe pa kambia. Nos ta pèrmití e Salbador pa trasnformá nos den e mihó[ vershon] di nos mes. Nos ta skohe pa krese spiritualmente i risibí goso—e goso di redenshon den Dje. Ora nos skohe pa arepentí, nos ta skohe pa bira mas manera JesuCristu.
Rumannan , nos mester hasi mihó i ta mihó pasó nos ta den un bataya. E lbataya kontra piká ta real. E atversario ta kuatrifiká su esfuersonan pa interumpí testimonionan i impedí e obra di Señor. E ta armando su sekuasnan ku armanan poderoso pa alehá nos di partisipá di e goso i amor di Señor.
Arepentimentu ta e yabi pa evitá miseria inflihí dor di trampanan di e atversario. Señor no ta spera perfekshon di nos na e punto aki den nos progreso eterno. Pero E ta spera pa nos bira kada biaha mas puru. Arepentimentu diario ta e kaminda pa puresa, i puresa ta trese poder. Puresa personal por hasi nos instrument poderoso den mannan di Dios. Nos arepentimentu—nos puresa—lo empoderá nos pa yuda e rekohementu di Israel.
Señor a siña e Profeta Jose Smith “ku e derechi di e Saserdosio ta inseparablemente konektá ku e podernan di shelu, i ku e podernan di shelu no por wòrdu goberná si no pa e prinsipionan di rektitut.”
Nos sa kiko lo duna nos mas akseso na e podernan di shelu. Tambe nos sa kiko lo strobe nos progreso—kiko nos tin ku stop di hasi pa krese nos akseso na e podernan di helu. Rumannan, buska dor di orashon pa komprondé kiko ta para den bo kaminda di arepentimentu. Identifiká kiko a stòp bo di arepentí. I e ora ei kambia! Arepentí! Nos tur por hasi mihó i ta mas mihó ku antes.
Tin maneranan spesífiko den kua nos por probablemente mehorá. Un ta e manera ku nos ta trata nos kurpa. Mi ta asombrá di e milagernan di e kurpa humano. Ta un kreashon magnífiko, essential pa nos subimentu gradual na nos potensial divino final. Nos no por progresá sin dje. Dunando nos e don di tin un kurpa, Dios ta pèrmití nos pa tuma un paso importante pa bira mas manera Dje.
Satanas ta komprondé esaki. E ta iritá ku e hecho ku su apostasia premortal permanentemente ta deskualifiké di e provilegio aki, lagand’é den in estado konstante di resentimentu. P’esei hopi, esta si no ta mayoria, di e tentashonnnan ku e ta pone den nos kaminda ta laga nos abusá di nos kurpanan òf e kurpanan di otro. Pasó Satan ta miserable sin un kurpa e ke pa nos ta miserable pasó nos tin esun di nos.
Bo kurpa ta in tèmpel personal, kreá pa ta e kas pa nos spiritu eterno. Bo kuido di e tèmpel ei ta importante. Awir, mi ta puntra boso mi rumannan, Boso ta mas interesá den bisti i prepará e kurpa pa apresio di mundu òf pa komplasé Dios? Boso kontesta ta manda in mensahe direkto na Dje tokante boso sentimentunan entorno Su regalo transedental pa boso. Den reverensia pa nos kurpa, rumannan, mi ta pensa nos por hasi mihó i ta mihó.
Un otro manera ku tambe nos por hasi mihó i ta mihó, ta kon nos ta honra nos hende muhénan den nos bida, kuminsando ku nos kasánan i yunan muhé, nos mamanan i nos rumannan muhé
Hopi luna pasá, mi a risibí un karta ku a kibra mi kurason di in Hermana kerí. El a skirbi: “[Mi yu nuhé i ami] ta sinti ku nos ta den kompetensia feros pa e atenshon dediká di nos kasánan’ i nos yunan kontra e 24/7 aktualisashon di deporte, weganan di video, aktualisashon di bolsa di balor, [i] un sinfin di análisis i opservashon di tur e weganan di tur tipo di deporte professional. Ta parse ku nos ta perdiendo nos stul di VIP ku nos kasánan i yunan pa motibu di nan stulanan VIP ku [deporte] i weganan]”
Rumannan, boso [romé deber i uesn di mas importante komo poseedornan di saserdosio ta pa nos stima i kuida bodo kasá. Bira unu ku n’e. Ta su kompañero. Hasié fásil p’e ke ta di bo. Niun otro interes den bida mag di tin mas prioridat ku konstruí un relashon eterno ku n’e. Nada riba televishon, in dispositivo mobil, òf kòmpiuter ta mas importante ku su bienestar. hasi un inventarisashon di kon bo ta dediká bo tempu i unda bo ta dediká bo energia. Esei lo bisa bo unda bo kurason ta. Resa pa bo kurason ta riba e frekuensia di kurason di bo kasá. Buska pa trese alegria p’e. Buska su konseho, i skucha. Su aporte lo mehorá bo resultado.
Si bo mester arepentí pa motibu di e manera ku bo a trata e muhénan mas serka di bo, kuminsá awor. Kòrda tambe ku e ta bo responsabilidat pa yuda e muhénan den bo bida pa risibí e bendishonnan ku ta bin dor di biba Señor Su lei di kastidat. Nunka ta e rason ku in muhé no por risibí su bendishon di tèmpel.
Rumannan, nos tur mester arepentí. Nos mester labta for di e sofa, laga e remote kòntròl, i lanta for di nos soño spiritual. Ta tempu pa pone nos armadura di Dios,pa asina komprometé den e obra mas importante na mundu. Ta tempu pa “hinka nos hos, i kosecha ku tur [nos] poder mente i forsa.” E podernan di maldat nunka no tabata mas furioso manera nan ta awor aki. Komo siervonan di Señor nos no por drumi miéntras e lucha ta mas fuerte.
Bo famia mester di bo liderasgo i amor. Bo quorum i esnan den bo barrio òf rama mester boso fortalesa. I tur ku topa ku bo, mester sa kon un berdadero disípulo di Señor ta parse i ta akrua.
Mi kerido hermanonan, boso ta skohé dor di nos Tata pa bin na e mundu aki na e momento krusial aki dor di boso firmesa spiritual premortal. Boso ta entre esnan mas integro, hòmbernan balente ku hamas a bin na e mundu aki. Satanas sa ken boso ta i tabata den e bida premortal, i ta komprondé e obra ku mester wòrdu hasí promé ku e Salbador regresá. I despues di hopi milenio di praktiká su artenan astuto, e atversario ta eksperensiá i inkoregibel.
Gradisí di sa, ku e saserdosio ku nos ta poseé ta mas fuerte ku e artemañanan di e atversario. Mi ta roga pa boso ta e hòmbernan i hòbennan ku e Salbador ta desea pa boso ta. Hasi ku boso enfoke riba arepentimentu diario ta asina integral den boso bida ku bo por ehersé e saserdosio ku un poder mas grandi ku nunka. Esaki ta e úniko kaminda ku bo por tene bo mes i bo famia spiritualmente sigur
Señor mester hòmbernan ku no ta egoista ku ta pone e bienestar di otro riba esun di nan mes. E mester hòmbernan ku intenshonalmente ta obra pa tende e bos di e spiritu ku klaridat. E mester di hòmbernan di kombenio, ku ta warda e mandamentunan ku integridat. E mester di hòmbernan ku ta determiná pa tene nan mes seksualmente limpi—hòmbernan digno ku por wòrdu yamá den un fregá di wowo pa duna bendishon ku kurason puro, mente limpi, i mannan dispuesto. Señor mester di hòmbernan ansioso pa arepentí—hòmbernan ku selo pa sirbi i ta parti di Señor Su batayon di poseedornan di saserdosio digno.
Mi ta bendishoná boso pa bira e hòmbernan ei. Mi ta bendishonáboso ku e kurashi pa arepentí i siña kon pa ehersé e poder kompletu di e saserdosio. Mi ta bendishoná boso pa komuniká e amor di e Salbador na boso kasánan i yunan i na tur ku konosé boso. Mi ta bendishonáboso pa hasi mihó i pa ta mihó. I mi ta bendishonáboso ku miéntras boso ta hasi e esfuersonan aki, boso lo eksperensiá milagernan den boso bida.
Nos ta komprometé den e obra di Dios Tosopoderoso. Jesus ta e Cristo. Nos ta su sierbonan. Asina mi ta testifiká den nòmber di JesuCristu, amèn.