“Bini, Sigui Mi”
JesuCristu ta invitá nos pa tuma e kaminda di kombenio di regreso pa kas na nos Mayornan Selestial i pa ta huntu ku esnan ku nos ta stima.
Mi rumannan stimá, mi kasá Wendy i ami ta masha kontentu di ta huntu ku boso riba e mainta di Sabat aki. Hopi kos a sosodé for di nos delaster konferensia general. Tèmpelnan nobo a wordu dediká na Concepión, Chili; Barranquilla, Colombia; i Roma, Italia. Nos a eksperensiá underramamentu riku di e Spiritu den e evenementunan sagrado aki.
Mi ta felisitá e kantidat di muhernan (i hòmbernan) ku resientemente a lesa e Buki di Mormon i a deskubrí goso i tesoronan skondí. Mi ta sinti mi inspirá riba reportahenan di e milagernan risibí.
Mi ta maraviá na e mucha hòmbernan di 11 aña ku, awor komo diakóno, ku dignidat ta parti e santa sena kada djadumingu. Nan ta bai tèmpel huntu ku e muhernan hóben di 11 aña, ku awor ansiosamente ta siña i sirbi komo Abejitas. Tantu hombres jovenes i mujeres jovenes ta predikando e bèrdatnan di evangelio ku klaridat i konvikshon.
Mi ta regosihá ku muchanan i hóbennan ku ta yudando pa siña e evangelio den nan hogar miéntas nan ta traha huntu ku nan mayornan pa sigui kuríkulo sentrá riba hogar i apoyá pa Iglesia.
Nos a haña e potrèt aki di Blake di kuater aña, ku, tempran riba un djasabra mainta, a gara un buki di Iglesia i a sklama, “Mi tin ku alimentá mi spiritu!”
Blake, nos ta emoshoná ku bo i otronan ku ta skohe pa alimentá nan spiritu dor di fiesta ku e berdatnan di e evangelio restourá di Jesucristu. I nos tin alegria den sa ku hopi ta risibiendo e poder di Dios den nan bida ora nan ta adorá i sirbi den tèmpel.
Manera hopi di boso sa, nos famia a eksperensiá un separashon tierno tres luna pasá ora nos yu muhé Wendy a bai for di e bida mortal aki. Den e delaster dianan di su bataya ku kanser, mi tabata bendishoná ku e oportunidat pa tabatin nos kombersashon di despedida di tata i yu muhé.
Mi a tene su mannan i a bisé kuantu mi tabata stim’é i kon gradesido mi tabata di ta su tata. Mi a bisa: “Bo a kasa den tèmpel i a honra bo kombenionan fielmente. Abo i bo esposo a duna bon bini na shete yu den boso hogar i a kria nan pa ta disípulonan deboto di JesuCristu, miembronan di Iglesia balente, i suidadanonan kontribuyente. I nan a skohe kasánan di mes un kaliber. Bo papi ta masha, masha orguyoso di bo. Bo a trese mi hopi goso!”
Suavemente el a respondé, “Danki, Papi.”
Tabata un momentu tierno, i yoramentu pa nos. Durante di su 67 aña, nos a traha huntu, kanta huntu, i a ski hopi biaha huntu. Pero e anochi ei, nos a papia di kosnan ku ta di mas importansia, manera kombenionan, ordenansanan,, obedensia, fe, famia, fidelidat, amor, i bida eterno.
Nos ta sinti hopi falta di nos yu muhé. Sinembargo, dor di e evangelio restourá di JesuCristu, nos no ta preokupá p’e. Ora nos sigui honra nos kombenionan ku Dios, nos ta biba den antisipashon di lo ta huntu ku n’e atrobe. Miéntras tantu, nos ta sirbiendo Señor aki i e ta sirbié aya—den paraiso.1
Defakto, mi kasá i ami a bishitá Paraiso anteriormente e aña aki—Paraiso, California. A sosedé, ku nos bishita programá aya a yega ménos ku 40 ora despues ku nos yu a bai for di e mundu aki. Nos, huntu ku Èlder Kevin W. Pearson i su kasá, June, tabata reforsá pa e Santunan di Estaka Chico California. Nos a siña di nan gran fe, nan ministerio, i e milagernan ku a sosedé hasta den nan pèrdidanan teribel for di e kandela di mondi mas destruktivo den historia di California.
Miéntras nos tabata aya, nos a papia largu ku John, un agente polisial yòn, ku tabata un di e hopi balente promé respondedornan . El a kòrdá riba e skuridat diki ku a baha riba Paraiso riba 8 novèmber, 2018 ora vlam i karbon a pasa den e suidat, destruyendo propiedatnan i poseshonnan manera un plaga i lagando nada mas ku monton di shinishi, blòkinan di chimenea atras.
Pa 15 ora John a kore dor di un skuridat impenetrabel ku tabata yen di sper di karbon menasante miéntras e tabata yuda persona tras di otro, famia tras di otro skapa pa seguridat— tur esei ku peliger pa su mes bida. Sinembargo, durante e eksperensia difísil aki, lokual a terorisá John mas tantu tabata su pregunta preokupante: “Unda mi famia ta?” Despues di hopi ora preokupante di angustia, finalmente el a haña sa di nan evakuashon sigur.
E relato di John su prekupashon pa su famia a inspirá mi pa papia awe ku esnan di boso ku lo por puntra ora ta aserkando e fin di boso bida mortal, “ Unda mi famia ta?” Den e dia benidero ora boso kompletá boso tempu di prueba mortal i drenta e mundu di spiritu, boso lo wòrdu enfrentá ku e pregunta konmovedor: “Unda mi famia ta?”
JesuCristu ta siña e kaminda bèk pa nos hogar eterno. E ta komprondé nos Tata Selestial Su plan di progreso eterno mihó ku kualke di nos. Defakto, E ta e piedra angular di tur esei. E ta nos Redentor, nos Sanador, i nos Salbador.
For di tempu ku Adamku Eva a wòrdu saká for di Hardin di Eden, JesuCristu a ofresé Su brasa poderoso pa yuda tur ku ta skohe pa sigui E. Kada biaha, skrituranan ta relatá ku, apesar di tur tipo di piká di tur tipo di hende, Su brásanan te ainda ta ekstendé.2
E spiritu den kada un di nos naturalmente ta anhelá pa amor familiar dura pa semper. Kantikanan di amor ta duna un speransa falsu ku amor ta tur loke bo mester si bo ke ta huntu pa semper. I algun eróneamente ta kere ku e Resurekshon di JesuCristu ta proveé un promesa ku tur hende lo ta ku nan sernan stimá despues di morto.
En realidat, e Salbador mes a bisa bon kla ku miéntras Su Resurekshon ta sigurá ku tur persona ku a yega di biba enbèrdat lo wòrdu resusitá i biba pa semper,3 muchu mas ta rekeri si nos ke tin e privilegio haltu di eksaltashon. Salbashon ta un asuntu individual, pero eksaltashon ta un asuntu familiar.
Skucha na e palabranan aki bisá pa Señor JesuCristu na Su profeta: “Tur kombenionan, kontrakt, vínkulo, obligashonnan, huramentunan, votonan, ehekushonnan, konekshonnan, asosiashonnan,òf espektativanan, ku e Spiritu Santu di promesa no a realisá, firma i seya no tin efikasia, birtut òf forsa den i despues di e resurekshon den e mortonan; pasobra tur kontrato ku no wòrdu hasí ku e meta aki tin un fin ora hende muri.”4
Pues, kiko ta nesesario pa un famia wòrdu eksaltá pa semper? Nos ta kualifiká pa e iprivilegio e dor di hasi kombenionan ku Dios, warda e kombenionan ei, i risibí ordenansanan esensial.
Esaki tabata bèrdat for di kuminsamentu di tempu. Adam i Eva, Noba i su kasá, Abraham i Sarah, Lehi i Sariah, i tur otro disípulonan deboto di JesuCristu — for di ku e mundu a wòrdu kreá — a hasi e mesun kombenionan ku Dios. Nan a risibí e mesun ordenansanan ku nos komo miembro di Señor su Iglesia restourá awendia, e kombenionan ei ku nos a risibí na boutismo i den tèmpel.
E Salbador ta invitá tur pa siguié den e awanan di boutismo i, ku tempu, pa hasi kombenionan adishonal ku Dios den tèmpe, i risibí i ta fiel na e otro ordenansanan esensial. Tur esakinan ta nesesario si nos ke wòrdu eksaltá ku nos famia i ku Dios pa semper.
E angustia di mi kurason ta ku hopi hende ku mi ta stima, ku mi ta atmirá, iku mi ta respetá a ninga Su invitashon. Nan ta ignore e ruego di JesuCristu ora E ta bisa, “Bin siguí Mi.”5
Mi ta komprondé di kon Dios ta yora.6 Mi tambe ta yora pa tal amigunan i famianan. Nan ta hòmbernan i muhernan maravioso, ku deboshon pa nan famia i responsabilidatnan síviko. Nan ta duna generosamente di nan tempu, energia, i rekursonan. I e mundu ta mihó pa nan esfuersonan. Pero nan a skohe pa no hasi kombenionan ku Dios. Nan no a risibí e ordenansanan ku lo eksaltá nan huntu ku nan famianan i mara nan huntu pa semper.7
Mi ta deseá ku mi por a bishitá nan i invitá nan pa konsiderá seriamente e leinan di Señor ku ta hasi esaki posibel. Mi a puntra mi mes kiko lo mi por bisa p’asina nan por sinti kuantu e Salbador ta stima nan, i kuantu ami ta stima nan, i yega na rekonosé kon hòmbernan i muhernan ku ta warda kombenio por risibí un “plenitut di goso.”8
Nan mester komprondé ku miéntras tin un lugá pa nan despues di aki—huntu ku hòmbernan i muhernan maravioso ku tambe a skohe panohasi kombenionan ku Dios—esei nota e lugá kaminda famianan lo ta reuní i duná e privilegio pa biba I progresá pa semper. Esei nota e reino kaminda nan lo eksperensiá e plenitut di goso—di progreso i felisidat ku no ta kaba nunka.9 E bendishonnan perfekto aki por bini solamente dor di biba den un reino eksaltá ku Dios, nos Tata Eterno; Su Yu, JesuCristu; i nos miembronan di famia maravioso, digno, i kualifiká.
Ta duel mi pa bisa mi amigunan ku tin reserva:
“Den e bida aki, nunka boso no a keda konforme di ta dos den nada. Sinembargo, ora boso resistí pa aseptá e evangelio restourá di JesuCristu, boso ta skohe pa keda konforme ku e di dos mihó kos.
“E Salbador a bisa, ‘Den mi Tata Su kas tin hopi manshon’10 Sinembargo, ora boso skohe pa nohasi kombenio ku Dios, boso ta konformá pa un dak mas skars riba boso kabes den henter eternidat.”
Mi ta roga mi amigunan resiente bisando:
“Drama boso kurason na Dios. Puntra E si e kosnan aki ta bèrdat. Traha tempu pa studia Su palabranan. Studia realmente! Si di bèrdat boso ta stima boso famia i si boso ta deseá pa wòrdu eksaltá huntu ku nan den eternidat, paga e preis awor—dor di estudio serio i orashon ferviente—pa konosé e bèrdatnan eterno aki i despues kumpli ku nan.
“Si boso no ta sigur ku boso ta hasta kere den Dios, kuminsá einan. Komprondé ku den ousensia di eksperensianan ku Dios, un hende por duda e eksistensia di Dios. Pues, pone boso mes den un posishon pa kuminsá Kermen, pone bo mes den e posishon E E ora ei, pone bo mes dem um posishon pa haña eksperensianan ku n’e. Humiá bo mes. Hasi orashon pa tin bista pa mira Dios Su man den boso bida i den e mundu rònt boso. Puntra E pa bisa boso si E tei realmente—si E konosé boso. Puntr’é kon E ta sinti tokante boso. I despues, skucha.”
Un amigu stimá di mi tabatin eksperensia limitá ku Dios. Pero e tabata anhelá pa ta huntu ku su esposa ku a fayesé. E ora ei, el apidi mi pa mi yud’é. Mi a anim’é pa topa ku e mishoneronan pa por komprondé e doktrina di Cristu i siña di e kombenionan, ordenansanan, i bendishonnan di evangelio.
Eesei el a hasi. Pero el a sinti e direkshon ku nan a konseh’é lo rekirí di dje pa hasi muchu kambio den su bida. El a bisa, “E mandamentunan i kombenionan aki ta muchu difísil pa mi. Tambe, imposibel pa mi paga diesmo, i mi no tin tempu pa sirbi den Iglesia.” Despues el a puntra mi, “Ora mi muri, por fabor hasi e obra di tèmpel nesesario pa mi esposa ku mi p’asina nos por ta huntu atrobe.”
Afortunadamente, mi no ta r hues di e hòmber aki. Pero mi ta kuestioná e efikasia di obra vikario di tèmpel pa un hòmber ku tabatin e oportunidat pa wòrdu boutisá den e bida aki, —pa wòrdu ordená den e saserdosio i pa risibí bendishonnan di tèmpel miéntras [ku e tabata] den mortalidat—pero ku tuma e desishon konsiente pa rechasá e kaminda ei.
Mi rumannan stimá, JesuCristu ta invitá nos pa tuma e kaminda bèk pa kas na nos Mayornan Selestial i pa biba ku esnan ku nos ta stima. E ta invitá nos pa “Bini, sigui mi.”
Awor, komo Presidente di Su Iglesia, mi ta supliká na boso ku a distansiá boso mes for di Iglesia i ku boso ku realmente no a buska pa sa ku e Salbador Su Iglesia a wòrdu restourá. Hasi e trabou spirituald i buska pa sa pa boso mes, i por fabor hasié awor. Tempu ta kabando.
Mi ta testifiká ku Dios ta biba! Jesus ta e Cristu. Su Iglesia i e plenitut di Su evangelio a wòrdu restourá pa bendishoná nos bida ku goso, awor i despues. Asina mi ta testifiká den nòmber di JesuCristu, amèn.