Trein Nos Múskulonan Spiritual
Lesa i siña solamente tokante múskulonan no ta sufisiente pa krese múskulo, lesa i siña tokante fe sin agregá akshon no ta sufisiente pa edifiká fe.
Mi ta gradesido pa e bendishon di tin un kurpa físiko, kual ta un regalo asombroso di nos Tata Selestial. Nos kurpa tin mas ku 600 múskulo.1 Hopi múskulo tin mester di ehersisio pa por ta den kondishon pa realisá nos aktividatnan diario. Nos por gasta hopi esfuerso mental pa lesa i siña tokante nos múskulonan, pero si nos pensa ku esaki lo hasi nan fuerte, nos lo ta masha desapuntá. Nos múskulonan ta krese solamente ora nos uza nan.
Mi a yega na realisá ku donnan spiritual ta komportá di mesun manera. Nan tambe mester wòrdu di trin pa krese E don spiritual di fe, por ehèmpel, no ta solamente un sentimentu òf un estado di ánimo; e ta un prinsipio di akshon ku ta aparesé frekuentemente den e skrituranan ligá na e verbo ehersisio.2 Lesa i siña solamente tokante múskulonan no ta sufisiente pa krese múskulo, lesa i siña tokante fe sin agregá akshon no ta sufisiente pa edifiká fe.
Tempu mi tabatin 16 aña, mi ruman hòmber mayó, Ivan, ku tabatin 22 aña e tempu ei, a yega kas un dia i a kompartí algun notisia ku famia. El a disidí pa wòrdu boutisá den E Iglesia di JesuCristu di e Santunan di e Delaster dianan. Nos mayornan a wak e un poko sképtiko, i mi no ta kòrda di a komprondé kompletamente kiko tabata pasando. Mas o ménos un aña despues, el a duna nos mas notisia sorprendente: el a disidí pa sirbi komo misionero di Iglesia, kual a nifiká ku nos lo no mir’é pa dos aña. Mi ta kòrda ku mi mayornan no tabata emoshoná ku e notisia aki; sinembargo, mi a mir’é ku un determinashon kla ku a oumentá mi atmirashon p’e i pa e desishon ku el a tuma.
Lunanan despues, miéntras Ivan tabata sirbiendo su mishon, mi tabatin e oportunidat pa plania un fakansi ku algun amigu di skol. Nos ker a selebrá efin di nos añanan di skol sekundario i pasa algun dia na playa.
Mi a skibi un karta pa mi ruman misi di veranoonero hasiendo menshon di mi plannan di fakansi. El a skibi ku e suidat kaminda e tabata sirbiendo tabata riba kaminda pa mi destinashon. Mi a disidí ku lo ta un bon idea pa stòp i bishit’é. Te lat mi a haña sa ku misioneronan no tin mag di haña bishita di famia.
Mi a hasi tur areglo. Mi ta kòrda di ta sintá den bus ta pensa di tur e bon tempu ku Ivan i ami lo tin huntu riba e dia bunita ku solo aki. Nos por tin desayuno, kombersá, hunga den santu, drumi den solo — esta un dushi tempu nos lo bai tin!
Ora e bus a yega e terminal, mi a mira Ivan pará banda di un otro hóben, tur dos ku kamisa blanku i dashi. Mi a baha for di bus, nos a brasa otro, i el a introdusí su kompañero. Sin pèrdè un minüt mas, mi a bisa mi ruman di mi plannan pa e dia, pero mi no tabata sa nada di lokual Ivan a plania. El a wak mi, hari, i a bisa, “sigur! Sinembargo, nos tin ku hasi kompra promé. Bo ke bini ku nos?” Mi a bai di akuerdo, pensando ku nos lo tin sufisiente tempu pa gosa despues na playa.
E dia ei, pa mas ku 10 ora, mi a kana den e kayanan di e suidat ku mi ruman i su kompañero. Mi a hari ku hendenan hinter dia. Mi a saludá hende ku nunka [antes] mi no a mira den mi bida. Nos a papia ku tur hende, bati na porta di hende straño, i a bishitá personanan ku mi ruman i su kompañero tabata siñando.
Durante un di e bishitanan aki, mi ruman i su kompañero tabata siña tokante di JesuCristu i e plan di salbashon. Diripente, Ivan a pousa i a wak mi. Pa mi sorpresa, ku amabilidat a puntra mi pa kompartí mi opinion tokante lokual tabata wòrdu siñá. Tabatin un silensio, i tur bista tabata riba mi. Ku algun difikultat, finalmente mi a haña e palabranan i a kompartí mi sentimentunan tokante e Salbador. Mi no tabata sa si lokual mi a kompartí tabata korekto òf robes. Mi ruman no a koregí mi nunka; al kontrario, el a gradisí mi pa kompartí mi pensamentu i sentimentunan.
Durante e oranan aki huntu, mi ruman i su kompañero no a pasa niun solo minüt pa siña un lès eksklusivamente na ami so, tòg mi a haña mas konosementu ku den tur e kòmbersashonnan anterior ku n’e. Mi a presensiá kon karanan a kambia ora hendenan tabata haña lus spiritual den nan bida. Mi a mira kon algun di nan a haña speransa den e mensahenan, i mi a siña kon pa sirbi otronan i lubidá mi mes i mi mes deseonan. Mi tabata hasi lokual e Salbador a siña: “Si kualke hende ke sigui mi, lagué ninga su mes.”3
Mirando bèk, mi ta realisá ku mi fe a krese e dia ei pasó mi ruman a duna mi e oportunidat pa poné den akshon. Mi a trein e ora nos tabata lesa for di e skrituranan, buska hende pa siña, duna testimonio, sirbi otronan i sigui asina. Nos no a yega na tuma solo dia ei, pero mi kurason tabata bañá den lus di shelu. Mi no a mira niun pipita di granito di playa, pero mi a sinti mi fe krese manera un granito di simia di mosterd.4 Mi no a pasa e dia ku solo manera un turista, pero mi a haña eksperensianan, i sin realisá esaki, mi tabata un misionero— sin ku ni sikiera mi tabata miembro di Iglesia!
Oportunidatnan pa Fortalesé Múskulonan Spiritual
Danki na e Restourashon di e evangelio, nos por yega na komprondé kon nos Tata Selestial ta yuda nos desaroyá donnan spiritual. Ta mas probabel ku E lo duna nos oportunidatnan pa desaroyá e donnan aki mas bien ku djis duna nos nan sin esfuerso físiko òf spiritual. Si nos ta den sintonia ku Su Spiritu, nos lo siña pa identifiká e oportunidatnan aki i despues aktua segun nan.
Si nos buska mas pasenshi, nos por haña nos mes ku nesesidat pa praktik’é miéntras nos ta warda kontesta. Si nos ke mas amor pa nos próhimo, nos por desaroyá esaki dor di sinta banda di un kara nobo na iglesia. Di e manera aki nos ta trein múskulonan spiritual i ta desaroyá nan den fuentenan di fortalesa den nos bida. Di e manera aki, nos ta trein múskulonan spiritual i desaroyándo nan den fuentenan di fortalesa den nos bida.
Probablemente lo no ta fásil na kuminsamentu, i e lo por bira hasta un gran desafio. E palabranan di Señor, mediante Moroni, ta aplikabel na nos awendia: “I si hende bini serka mi lo mi mustra nan nan, debilidatnan. Mi ta duna hende debilidatnan pa nan por ta humilde; i mi grasia ta sufisiente pa tur hende ku humiyá nan mes dilanti mi; pasobra si nan humiyá nan mes dilanti di mi; i tin [òf eherse] fe den mi, e ora ei lo mi hasi kosnan debil bira fuerte pa nan.5
Mi ta gradesido pa mi ruman Ivan, ku no solamente a kompartí e evangelio ku mi pero tambe indirektamente a invitá mi pa bib’é i rekonosé mi debilidatnan. El a yuda mi pa aseptá e invitashon di e Maestro; “Bini, sigui mi”6—tpa kana manera e Salbador a kana, buska manera e Salbador a buska, i stima manera e Salbador ta stima nos. Lunanan despues, despues di mi eksperensia misional, mi a disidí di wòrdu boutisá i pa sirbi mi mes mishon.
Laga nos aseptá e invitashon di Presidente Russell M. Nelson i intenshonalente bini na e Salbador7 dor di identifiká e múskulonan ku tin mas nesesidat di aktividat spiritual i kuminsá na trein nan. Esaki ta un kareda di distansia largu mas bien ku un sprent, asina ta ku no lubidá e aktividatnan spiritual chikitu pero konstante ku lo fortalesé e múskulonan spiritual importante aki. Si nos ke oumentá nos fe, anto laga nos hasi e kosnan ku tin mester di fe.
Mi ta duna mi testimonio ku nos ta yunan di un Tata Selestial amoroso. Su Yu, JesuCristu, ta stima nos. El a bini na e mundu aki pa mustra nos e kaminda i despues a duna Su bida boluntariamente pa duna nos speransa. ñ E Salbador ta invitá nos pa sigui Su ehèmpel perfekto, pa ehersé nos fe den Dje i Su Ekspiashon, i pa oumentá tur e donnan spiritual ku nos a wòrdu bendishoná ku n’e. E ta e kaminda; Esaki ta mi testimonio den e nòmber di JesuCristu, amèn.