Na Unda Esaki lo Kondusí?

Dor di Presidente Dallin H. Oaks

Promé Konsehero den e Promé Presidensia

Nos ta hasi mihó eskoho i tuma mihó desishon si nos wak na e alternativanan I reflekshoná na unda nan ta kondusí.

E evangelio restourá di JesuCristu ta enkurashá nos pa pensa riba e future. E ta splika e propósito di bida mortal I e realidat di e bida ku ta sigui.. E ta siña ideanan grandi di e futuro pa guia nos akshonnan awe.

Di otro banda, nos tur konosé personanan ku solamente ta preokupá ku e presente; gast’é awe gosa awe, I no pensa riba e futuro.

Nos presente i nos futuro lo ta mas felis si nos ta semper konsiente di nos futuro. Miéntras nos ta tuma desishonnan awor, semper nos mester puntra nos mes, “Na unda esaki lo kondusí?”

I.

Algun desishon ta skohe entre hasi algu òf no hasi nada. Mi a tende un ehèmpel di e tipo di desishonnan aki na un konferensia di estaka na Merka hopi aña pasá.

E lugá tabata un campus bunita di skol. Un multitut di studiante yòn tabata sintá riba e yerba. E diskursante ku a deskribí e eksperensia aki a splika ku nan tabata wak un ardiya (eekhoorn) bunita di palu ku in rabu yen lana hungando rònt di un palu bunita di mahòk. Tin biaha e tabata riba tera, otro biaha ariba i abou i rondo di e tronkon. Pero dikon e bista familiar aki lo atrae e multitut di studiantenan

Drumi riba yerba djis serka tabata un kacho irlandes. E tabata e opheto di interes di e studiantenan i ardiya di dje. Kada bes ku e ardiya tabata for di bista rondo di e palu, e kacho tabata bai un tiki mas dilanti pa despues drumi bek. Esaki ta loke tabata hala atenshon di e studiantenan. Ketu i inmobil nan wowonan tabata fasina pa e evento di kua e resultado tabata opvio.

Finalmente, e kacho ta sufisiente serka pa atrape den su boka. Tabatin un suspiro di spantu i e multitut di studiantenan a bringa pa saka e animal for di boka di e kacho, pero ya tabata lat. E ardiya tabata morto.

Kualke di nan den e multitut por a atverti e ardiya djisdor di grit’é pero ningun a hasie. Nan a djis opserva mientras lo inevitabel tabata yega mas serka. Ningun hende a puntra: kiko lo pasa? Ora loke ta di spera a sosode, tur a hasi lihe pa evita e resultado, pero tabata muchu lat. Tur loke nan por a ofrese ta un lamento ku lagrima.

E historia aki ta un tipo di parabola. E ta konta pa kosnan ku nos ta mira den nos bidanan, i den bidanan, i sirkustansianan rondo di nos. Segun nos ta mira peligernan ta aserka personanan ku nos ta stima, nos tin eskoho di papia of keda den silensio. Ta bon pa puntra nos mes, Na unda esaki ta kondus?? Ora e konsekuensianan ta inmediato i serio, nos no por keda sin hasi nada. Nos mester duna atvertensia of hasi esfuersonan preventivo apropia miéntras ainda tin tempu.

E desishonnan ku mi a kaba di deskribi ta envolvi eskohonan entre tuma algu di akshon of no tuma ningun akshon. Mas komun ta e desishonnan entre un akshon of otro. Esakinan ta inklui eskohonan entre bon i malu, pero mas biaha ta eskohonan entre dos bon. Aki tambe mester puntra na unda esaki ta kondusi of kiko lo pasa? Nos ta tuma hopi desishonnan entre dos kos bon, hopi biaha ta trata di kon nos lo usa nos tempu. No tin nada malu den hunga video game of wak televishon of papia na selular. Pero kada unu di esakinan ta enbolbi “gastu di oportunidat” ku ta nifika ku si nos usa nos tempu hasiendo algu, nos ta perde oportunidat di hasi otro kos. Mi tin sigur bo por mira ku nos mester di kalkula kuidadosamente ku nos ta perde tempu riba un aktividat, hasta si e ta perfekto riba su mes.

Algun tempu pasa mi a duna un diskurso entitula Bon, mihó of mas mihó. Den e charla ma bisa ku djis pasobra algu ta bon, no ta sufisiente motibu pa hasie. E kantidat di bon kosnan ku nos por hasi ta surpasa e tempu disponibel pa hasi nan. ALgun kos ta mihó ku bon, i esaki ta e kosnan ku mester di prioridat den nos bidanan. Nos mester pasa algun bon kos pa skohe otronan ku ta mas miho.”¹

Tuma e perspektiva mas grandi. Kiko ta e efekto riba nos futuro di e desishonnan ku nos tuma den presente? Korda e importansia di buska edukashon, studia evangelio, renoba nos paktonan dor di partisipa den sakramento, i bai tèmpel.

II.

‘Unda esaki lo hiba nos?’ “tambe ta importante den skohe kon nos ta mira of pensa di nos mes. Mas importante ainda, kada un di nos ta un yu di Dios ku un destino potensial di bida eterno. Kada otro etikèt, inkluso okupashon, rasa, karakteristikanan físiko of honornan, ta temporal of trivial den terminonan eternal. No skohe pa mira of pensa di bo mes den terminonan ku ta pone limite riba nos meta ku nos mester lucha p’e.

Mi rumanan, ku ta mira of lesa loke mi ta bisa, mi ta spera ku bo sa dikon bo lidernan ta duna siañansa i konseho ku nos ta duna. Nos stima, i nos Tata Selestial i Su Yu, JesuCristu, ta stima boso. Nan plan pa nos ta e gran plan di salbashon” (Alma 42:8).. E plan i Nan mandamentunan i ordenansanan kombenionan ta hiba nos ta e felisidat di mas grandi i alegria den e bida ku ta spera nos. Komo sirbidonan di e Tata i e Yu, nos ta duna edukashon i konseho manera Nan a dirigi nos via e Spiritu Santu. Nos no tin ningun otro deseo ku papia e berdat i enkurasha bo pa hasi loke Nan a bias nos komo e kaminda pa bida eterno “e regalo di mas grandi di Dios”( Doktrina i Convenios 14:7).

III.

Ata un otro ehèmpel di e efekto riba futuro di desishonnan hasi den presente. E ehèmpel ta trata di e desishon pa hasi un sakrifisio presente pa logra un meta futuro importante.

Durante un konferensia di estaka na Cali, Colombia, un ruman a konta kon e i su prometido kier a kasa den tèmpel ora esun mas serka tabata na Peru. Pa tempu largu, nan a spar nan plaka pa paga bus. Finalmente nan a subi bus pa Bogota, pero ora nan a yega, nan a tende ku e bus pa Lima, Peru tabata yen kaba. Nan por a bai kas sin kasa of kasa pafo di tempel. Afortunadamente, tabatin un otro alternativa. Nan por a bai den e bus pa Lima si nan tabata dispuesto di sinta abou den bus pa henter e viahe di sinku anochi. Nan a skohe pa hasi esaki. E dama a bisa ku tabata difisil maske algun pasahero a laga nan sinta riba nan stul pa deskansa e pianan.

Loke a impreshona mi den esaki ta e ruman su deklarashon ku e tabata gradesí ku e i su kasa por a bai e tèmpel asina, pasó el a kambia e manera ku nan tabata sinti tokante e evangelio i e manera ku no tabata pensa di matrimonio den tempel. Dios a rekompensa nan ku e kresementu ku ta bini di sakrifisio. El a opserva tambe ku nan trip di sinku dia pa e tèmpel a yuda krese nan spiritualidat mas ku hopi biahe pa tèmpel ku ta sin sakrifisio.

Den e ananan despues di tende e testimonio aki, mi a imaginá kon diferente e pareha hóben aki su bida lo tabata si nan a skohe otro, di no hasi e sakrifisio nesesario pa kasa den tempel.

Nos ta tuma hopi desishonnan den bida, algun grandi i algun chiki. Mirando bek, nos por mira e gran diferensia algun di e desishonnan a hasi den nos bidanan. Nos ta hasi mihó eskoho I tuma mihó esishon si nos wak e akternativanan I reflekshoná na unda nan ta kondusí. Miéntras nos ta hasi asina, nos ta sigui Presidente Russell M. Nelson su konseho pa kumonsa ku e fin den mente.² Pa nos, e fin ta semper riba e kaminda di kombenio dor di e tèmpel pa bida eterno e don di mas grandi di Dios.

Mi ta testifiká di JesuCristu i di e efektobnan di Su Ekspiashon I e otro bèrdatnan di Su evangelio sempiterno den e number di JesuCristu, amèn