Remarkenan final
Laga nos dedikI i rédedika nos bida pa sirbi Dios i Su yunan – na tur dos banda di e velo.
Mi rumannan stimá, segun nos ta yega na final di e konferensha históriko aki, nos ta gradisí Señor pa Su inspirashon i protekshon. E mensahenan aki a instruí i edifiká nos.
Tópikonan no a wòrdu asigná na e diskursantenan. Kada unu di nan a hasi orashon pa risibi revelashon personal durante e preparashon di nan mensahe. Ta remarkabel pa mi, kon e temanan ta parse manera nan ta pas asina bon ku otro. Segun bo ta studia nani, buska pa siña kiko Señor ta tratando di instruí abopa medio di su sierbonan.
E músika tabata glorioso. Nos ta sprofundamente gradesí na e músikonan ku a kombiná nan talentonan pa trese e Spiritu di Señor den kada seshon. I El a bendishoná e orashonnan i e kongregashonnan den kada seshon. Realmente, konferensha tabata atrobe un fiesta spiriual pa nos tur.
Nos ta spera i hasi orashon ku kada unu di e miembronan su hogar lo bira un refugio di fe berdadero, kaminda e Spiritu di Señor por permanesé. A pesar di disputa rondó di nos, nos hogar bor bira un lugá selestial, kaminda estudio, orashon, i fe por wòrdu úni ku amor. En realidat nos por bira disípulonan di Señor pa defendé i representé nunda ku nos ta.
Dios Su meta mester ta nos meta. E ke pa Su yunan skohe pa bai bèk serka Dje, prepará, kalifiká, investí, seyá, i fiel na e kombenionan será den santu tèmpelnan.
Awor aki nos tin 162 tèmpel dediká. Esnan di mas promé ta para komo monumentu di e fe i vishon di nos pioneronan stimá. Kada tèmpel ku a wòrdu konstruí dor di nan, ta resultado di nan gran sakrifisio personal i nan esfuerso. Kada un ta eksistí komo goya hopi balioso komo e korona di e logronan di e pioneronan.
Ta nos responsabilidat sagrado pa kuida nan. Pesei, e tèmpelnan hístoriko aki den futuro serkano lo bai tin un periodo di renobashon i refreská i, pa pa algun un gran restourashon. E esfuerso lo wöordu hasí pa preservá e historia úniko di kada tèmpel, kaminda ta posibel, pa preservá e bunitesa ku ta inspirá i ekpertisio profeshonal úniko di generashonnan ku a pasa pa hopi tempu.
Detayenan pa e St George Tèmpel na Utah a wòrdu anunsiá kaba. Plannan pa tantu e renobashon di e Tèmpel na Salt Lake, i Temple Square i e plasa ku ta banda di e Ofisina di Iglesia lo wòrdu anusiá Djabièrne, 19 april. 2019.
E tèmpelnan di Manti i Logan na Utah tambe lo wòrdu renobá den e añanan ku ta bini. Ora ku e plannan ei ta prepará, nan tambe lo wòrdu anunsiá.
E obra aki lo rekeri ku kada unu di e tèmpelnan aki lo wòrdu será pa un temporada. Miembronan di iglesia por sigui gosa di e adorashon den i servisio di tèmpel na otro tèmpelnan den bisendario. Ora ku kada proyekto wòrdu kompletá, kada tèmpel históriko lo wòrdu redediká.
Rumannan, nos ta mira tèmpelnan komo nos edifisionan di mas sagrado den e Iglesia. Segun nos ta anunsia plannan pa konstruí un tèmpel nobo, e ta bin bira parti di nos historia sagrado. Awor, por fabor skucha ku koutela i reverensha. Si mi anunsiá un tèmpel na un lugá ku ta speshal pa bo, mi ta sugerí pa bo simplemente baha bo kabes i ofresé un orashon silensioso di gratitut den bo kurason. Nos no ke niun eksploshon verbal ku lo distraí for di e karakter sagrado di e konferensha aki i for di Señor Su santu tèmpelnan.
Awe nos ta gradesí di anunsiá plannan pa konstruí mas tèmpelnan. Nan lo bin wòrdu trahá na e sigiente lugánan:
Pago Pago, American Samoa; Okinawa City, Okinawa; Neiafu, Tonga; Tooele Valley, Utah; Moses Lake, Washington; San Pedro Sula, Honduras; Antofagasta, Chile; Budapest, Hungary.
Danki mi rumannan stimá.
Ora ku nos ta papia di nos tèmpelnan, tantu esnan bieu komo nobo laga nos mustra dor di nos áktonan ku nos ta disípelnan bèrdadero di Señor JesuCristu. Laga nos renobá nos bida por medio di nos fe i konfiansa den Dje. Mi ta spera ku nos ta tuma parti di Su ekspiashon dor di nos arepentimentu diario. I ku nos ta dediká i rédedika nos bida sirbiendo Dios i Su yunan – na tur dos banda di e velo.
Mi ta laga mi amor i bendishon ku boso, sigurando boso ku revelashon ta kontinuá den esaki, Señor su Iglesia. E lo sigui te ora ku “e propósitonan di Dios wòrdu kumplí, i e Gran Yehova lo bisa ku e obra ta kla.”
E bendishon aki mi ta duna boso i tambe kompartí mi tèstimonio ku Dios ta bibu! Jesus ta e Cristu. Esaki ta Su Iglesia. Nos ta Su pueblo. Den e nòmber di JesuCristu, amèn.