E Ekspiashon di Jesucristu

Pa Tad R. Callister

Presidente General di Eskuela dominical resien relevá

E Salbador Su Ekspiashon no ta solamente den alkanse infinito pero den alkanse individual.

E temporada di aña aki nos ta gosa i reflekshoná partikularmente riba e Ekspiashon di e Salbador. E ta enbèrdat e doktrina mas dibino, di ekspanshon mental,pashoná ku e mundu òf universo hamas a yega di konosé. E ta lokual ta duna speransa i propósito na nos bida.

Kiko anto ta e Ekspiashon di JesuCristu? Den un sentido, e ta un serie di eventonan dibino ku a kuminsá den e Hardin di Getsémani, a sigui na e krus, i a kulminá ku e Salbador su Resurekshon for di e graf. E tabata motivá pa un amor inkomprendibel pa kada un di nos. E tabata rekerí un ser ku tabata sin piká, ku tabatin poder infinito riba e elementonan—hasta morto, ku tabata poseé un kapasidat sin límite pa sufri e konsekuensianan di tur nos pikánan i malesanan, i ken en fakto a eksperensiá tur e kosnan aki. Esaki tabata e mishon di JesuCristu—esaki tabata Su Ekspiashon.

Kiko anto tabata su propósito? E tabata pa hasi posibel pa nos regresá den Dios Su presensia, bira meskos ku n’E, i tin un plenitut di goso. Esaki a wòrdu hasí dor di vense kuater opstákulo:

Morto físiko
Morto spiritual kousá pa Adam i pa nos piknan.
Nos aflikshonnan i enfermedatnan
Nos debilidatnan i imperfekshonnan

Pero kon e Salbador por logra esaki sin violá e leinan di hustisia?

Imaginá pa un momentu un hòmber kontemplando un kaida liber eksitante ta tuma un desishon purá i bobo ta bula spontáneamente for di aeroplano chikitu. Despues di hasi asina, pronto e ta realisá e bobedat di su akshonnan. E ke aterisá sigur, pero tin un opstákulo—e lei di gravedat. E ta move su brasanan ku velosidat masha haltu, sperando pa bula, pero sin éksito. E ta posishoná su kurpa pa flota òf slep pa slo e bahada, pero e lei di gravedat ta konstante i sin miserkordia. E ta purba kombensé e lei básiko di naturalesa ki: “Tabata un fayo. Lo mi no hasié nunka mas atrobe” Pero su rogamentu ta pa orea surdu. E lei di gravedat no konosé kompashon; e no ta hasi eksepshon. Sinembargo ,afortunadamente, diripiente e hòmber ta sinti algu riba su lomba. Su amigu den e aeroplano, sintiendo e momentu di bobedat, a pone un parashut ei djis promé ku e salto. E ta haña e kabuya pa trèk i ta rank’é. Aliviá, e ta flota safe na tera. Por puntra, “E lei di gravedat a wòrdu violá, òf e parashut a funshoná denter di e lei pa proveé un aterisahe safe?”

Ora nos hasi piká, nos ta meskos ku e hòmber bobo ku a bula for di e aeroplano. No ta importá kiko nos hasi pa nos mes kuenta, solamente un aterisahe di emergensia ta warda nos. Nos mester sigui e lei di hustisia, kual, meskos ku e lei di gravedat, ta masha demandante i sin pordon. Nos por wòrdu salbá solamente pa motibu di e Salbador, ku mediante Su Ekspiashon, ku miserikòrdia ta proveé nos un sortonan di parashut spiritual. Si nos tin fe den JesuCristu i ta arepentí (kier men ku nos ta hasi nos parti i ta trèk e kabuya), e ora ei e podernan protektor di e Salbador ta usá na nos fabor, i nos por aterisá spiritualmente sin daño.

Eaki ta posibel, sinembargo, solamente e pasó e Salbador a vense e kuater opstákulonan ku ta prevení nos progreso spiritual.

1. Morto El a vense morto mediante Su Resurekshon glorioso. E Apòstel Pablo a siña: “Meskos ku pa motibu di Adam tur hende ta muri, asina tur hende lo lanta ku Cristu.”

2. Piká. E Salbador a vense piká i kulpa pa tur esnan ku arepentí. Asina poderoso i profundo Su poder pa limpia ta ku Isaias a primintí, “Ounke boso pikánan ta kòrá manera sanger, nan lo bira blanku manera lechi.”

Tin okashon, ku mi a enkontrá ku bon Santunan ku tabatin problema pa pordoná nan mes, ku inosentemente pero inkorektamente a pone límite na e Salbador Su podernan pa redimí. Pero inkonsientemente, nan a kambia un Ekspiashon infinito den un limitá ku di algun manera no por kompensá nan piká òf debilidat partikular. Pero e ta un Ekspiashon infinito pasobra e ta inkluí i ta kontené kada piká i debilidat, tantu komo kada abuso òf dolor kousá pa otronan.

Truman G. Madsen a hasi e opservashon ku ta konsolá aki:

“Si tin algun di boso ku wòrdu engañá den e konvikshon ku bo a bai muchu leu … ku bo a haña e venenu di piká kual ta hasi imposibel pa algun dia bo por ta lokual bo por a bira—E ora ei skucha mi.

“Mi ta duna mi testimonio ku boso no por kai mas leu ku e lus i inteligensia tremendo di JesuCristu por alkansá. Mi ta duna mi testimonio ku miéntras tin un tiki di e boluntat pa arepentí i alkansá, e ta ei. E no a solamente baha na boso kondishon; El a baha bou di dje, pa E por ta den i dor di tur kos, e lus di bèrdat.”Doctrina y Convenios 88:6.]”

Un motibu ku e ta asina esensial pa komprondé e Salbador Su Ekspiashon i Su implikashonnan infinito ta e lokual ta ku mas komprondementu ta bini un deseo mas grandi pa pordoná nos mes i otronan.

Ounke nos por kere den Cristu su podernan pa limpia, hopi biaha e pregunta ta lanta: “Kon mi sa si mi a wòrdu pordoná pa mi pikánan? Si nos sinti e Spiritu, pues esei ta nos testimonio ku nos a wòrdu pordoná, òf ku e proseso di limpiamentu ta tumando lugá. Presidente Henry B. Eyring a siña, “Si bo a sinti e influensia di e Spiritu Santu … , boso por tuma esaki komo evidensia ku e Ekspiashon ta funshoná den boso bida.”

Algun a puntra, “Pero si mi a wòrdu pordoná, di kon ainda mi ta sinti kulpa?” Kisas den Dios su mizerikòrdia e memoria di lokual kulpa ei ta un atvertensia, un sorto di “señal di stòp” spiritual, a lo ménos pa un tempu, ta kòrda nos ora un tentashon adishonal ta konfrontá nos: “No bai riba e kaminda ei. Bo konosé e dolor ku e por trese.” Den e sentido aki, e ta sirbi komo un protekshon, no un kastigu.

Ta posibel anto pa rekordá nos pikánan i ainda ta liber di kulpa?

Alma a rekòrdá su pikánan, hasta añanan despues ku el a arepentí. Pero el a sklama na Jesus pa mizerikòrdia, bisando ku e no por a kòrda tur su dolornan mas, i ku e no tabata angustiá pa e rekuerdo di su pikánan mas

Kon e por a rekòrdá su pikánan pero no tabatin dolor òf kulpa? Pasó ora nos arepentí, nos ta “nase di Dios,” Nos ta bira, manera e skrituranan ta bisa, “kriaturanan nobo” den Cristu. Ku honestidat perfekto nos por bisa awor, “Mi no ta e hòmber òf muhé ku a hasi e pikánan di pasado aki. Mi ta un ser transformá.”

Aflikshonnan i Enfermedatnan. Alma a profetisá ku Señor lo bai dilanti, sufriendo doló i aflikshonnan i tentashonnan di tur sorto. Di kon? “Ku Su intestino por ta yená ku mizèrikòrdia, … pa e por sa segun e karni kon pa yuda su pueblo segun nan enfermedatnan.

Kon E ta logra esaki? Tin biaha E ta kita e aflikshon, tin biaha E ta fortalesé nos pa perseverá, i tin biaha E ta duna nos un perspektiva eterno pa komprondé nan naturalesa temporal mihó. Despues ku José Smith a keda den prison di Liberty pa mas o menos dos luna, finalmente el a sklama, O Dios na unda bo ta? Enbes di duna alivio mesora, Dios a respondé ku speransa lo ta den su alma i ku su atversidat i aflikshonnan lo ta pa un momentu kòrtiku i ku despues si e perseverá bon, Dios lo eksalté den altura.

Awor José a komprondé ku e eksperensia marga aki tabata solamente un punto chikitu konsiderando eternidat. Ku e komprenshon di e vishon, el a skibi e Santunan for di e mes un sèl di prison, “Rumannan stimá, lafa nos hasi tur kos ku ta den nan poder ku alegria, i despues nan por ta na pas ku e siguransa grandi ku nan lo risibí e salbashon di Dios.” Pa motibu di e Salbador Su Ekspiashon, nos por tin un pèrspektiva eterno ku ta duna nifikashon na nos pruebanan i speransa pa alivio.

4. Debilidatnan i Imperfekshonnan. Pa motibu di Su Ekspiashon, e Salbador tin podernan di fortalesa, tin biaha referí komo grasia, ku por yuda nos vense nos debilidatnan i imperfekshonnan i pues ta yuda nos den nos proseso pa bira mas manera E.

Moroni a siña: “Si, bini na Cristu, i wòrdu perfekshoná den dje, … ku pa medio di su grasia boso por ta perfekto den Cristu.” Ta parse di tin dos método òf manera pa nos usa di e podernan di grasia aki ku por refiná—hasta perfekshoná —nos.

Promé, e ordenansanan di salbashon. E skrituranan ta bisa nos ku den e ordenansanan e poder di dibinidat ta wòrdu manifestá. Tin biaha, nos por pensa di ordenansanan komo un lista di kòntròl—nesesario pa eksaltashon; pero en bèrdat kada ordenansa ta duna akseso na un poder dibino ku ta yuda nos bira mas manera Cristu. Por ehèmpel:

Ora nos wòrdu boutisá i risibí e don di e Spiritu Santu, nos ta bira limpi— pues birando mas santu manera Dios.
Adishonalmente pa medio di e Spiritu Santu, nos mente por wòrdu iluminá i nos kurason suavisá pa asina nos por pensa i sinti mas manera E.
I ora nos ta seyá na nos kasá, nos ta heredá e derechi na “trononan, reinonan, prinsipalidatnan, i podernan” komo donnan di Dios.

Un dos método pa e podernan aki ta e don di e Spiritu. Pa motibu di Cristu su Ekspiashon, nos ta eligibel pa risibí e don di e Spiritu Santu i su donnan spiritual athunto. E donnan aki ta atributonan di dibinidat; p’esei, kada biaha ku nos atkirí un don di e Spiritu, nos ta bira mas manera Dios. Sin duda esei ta e motibu ku e skrituranan ta avisá nos na hopi okashon pa buska e donnan aki.

Presidente George Q. Canon a siña: “Ningun hende no tin ku bisa, ‘O mi no por yuda; esaki ta mi naturalesa.’ E no ta wòrdu hustifiká den esaki, pa motibu ku Dios a primintí pa … duna donnan ku lo kita [nos debilidatnan]. … Si kualke un di nos ta imperfekto, ta nos deber pa hasi orashon pa e don ku lo hasi nos perfekto.”

Resumiendo, e Salbador Su Ekspiashon ta duna bida enbes di morto, “bunitesa enbes di shinishi,” sanashon enbes di dolor, i perfekshon enbes di debilidat. Ta shelu su solushon pa e opstákulonan i luchanan di e mundu aki.

Den e Salbador Su delaster siman di mortalidat, El a bisa, “Na mundu boso lo pasa den tribulashon; ma tuma kurashi, Ami a derotá mundu!” Pasó e Salbador a realisá Su Ekspiashon, no tin forsa eksterior òf evento òf persona —niun piká òf morto òf divorsio—ku por prevení nos pa logra eksaltashon, si nos warda Dios su mandamentunan. Ku e konosementu ei, nos por sigui dilanti ku bon animo i siguransa apsoluto ku Dios ta ku nos den e esfuerso selestial aki.

Mi ta duna mi testimonio ku e Salbador Su Ekspiashon no ta solamente infinito den kapasidat, pero individual den aplikashon — ku e no por solamente hiba nos bèk na Dios su presensia, pero ta hasi posibel pa nos por bira manera E—e meta prinsipal di Cristu su Ekspiashon. Di esaki mi ta duna mi testimonio gradesido i sigur den e nòmber di JesuCristu,amèn.