Tendiendo Su Bos
Den un mundu ku asina tantu bosnan ku ta kompetí ku otro, nos Tata Selestial a hasi posibel pa nos por skucha i sigui esun di Dje.
Anteriormente awe mainta, mi kasásu ruman hòmber a dun’éun nota ku e [e señora] a skirbi su mama hopi aña pasá. E tempu ei, hermana Homer Tabata djis un mucha chikitu. Un parti di e nota Tabata bias, “Kerido mama, ta duel mi [ku] mi no a duna mi testimonio awe,— pero mi stima boso.” Ora nos a bai alomorsá, mi a pensa esei ta algu onteresante. P’esei mi a sinta, I a skirbi un nota ku tabata bisa, “Kerido Presidente Nelson, ta duel mi [ku] mi no a duna mi diskurso awe—pero mi stima bo.” Di un manera esei no tabata sinti bon. P’esei ata nos aki, I mi ta kontentu pa uni mi palabranan na esnan ku a wòrdu papiá den e seshon awe.
Hopi aña pasá, mi a biaha den un avion chikitu ku un píloto resien sèrtifiká bou di stür. Na final di nos buelo, nos tabatin pèrmit pa aterisá. Pero ora nos tabata yegando serka di suela, mi a tende un alarma dilanti den e avion alartando e píloto pa “lanta e avion bèk.” E píloto a wak su ko píloto ku tabatin mas eksperensha, ku a mustra den un direkshon otro di kaminda nan tabatin ku aterisá, i a bias, “Awor!”
Nos avion rapidamente a move bai man robes i abou, i despuues a kuminsá lanta bèk na un altura apropiá i a drenta bèk den e prosedura nesesario pa por a yega safe bèk na nos destinashon. Despues nos a bin haña sa ku un otro avion tambe a haña pèrmit pa lanta. Si nos a sigui e instrukshonnan di e alarma, nos lo a bai dal den e avion, na lugá di bira kontrali di kaminda e otro avion tabata. E eksperensha aki a siña mi dos lès importante: Na promé lugá, na momentunan krìtiko den nos bida, nos lo tende un multitut di stèm ku ta kompetí pa nos atenshon. I na di dos lugá, ta ekstremamente importante pa nos skucha esnan korekto.
Bosnan ku ta kompetí ku otro
Nos ta biba den un mundu ku hopi stèmnan ku ta kompetí pa nos atenshon. Ku tur e notisianan urgente, tweet, blòg, pòtkast, i e konseho di e bòsnan elektroniko ku ta sali for di nos telefòn i komputer, i otro hende, nos por haña ku ta difisil pa sá kua stèm nos tin ku konfia. Tin biaha nos ta puntra konseho di esnan ku ta rònt di nos riba internèt, pensando ku e mayoría lo proveé e mihó fuente di bèrdat. Otro biaha nos ta keda “pará … entre dos opinion,” no skohendo esun ni e otro.” Ainda mas tin biaha nos ta sigui loke ta kumbiniente, enfoká riba un stèm òf un echo pa guía nos pa konfia solamente riba nos mes su abilidat pa pensa.
Miéntras ku kada un di e métodónan aki por ta di asistensha, eksperensha ta siña nos ku nan no ta tur biaha konfiabel. Loke ta popular no ta semper mihó. Keda entre dos opinion no ta trese direkshon. Loke ta kumbiní tiki biaha ta trese loke ta importante. Enfoke riba un solo stèm òf echo por stroba nos abilidat di komprende loke nos tin ku hasi. I konfia solamente riba nos mes su abilidat pa pensa por laga nos keda demasiado dependiente di nos mes ideanan. Si nos no ta kouteloso, e bòsnan malu por guía nos for di e sentro di e evangelio na lugánan kaminda fe ta difisil pa sostené i nos ta haña nos mes al final solamente ku soledat, amargura i desatisfakshon.
Skucha e Stèm Robés
Laga mi demostra kiko mi ker men dor di husa un anología i un ehèmpel di den skritura. Montañeronan hopi biaha ta yama altitutnan di riba 8000 meter e “zona mòrto” pasó na e alturanan ei no tin sufisiente oksígeno pa sostene bida. Tin un ekivalente spiritual di e zona mòrto. Si nos pasa demasiado tempu den lugánan sin fe, bòsnan ku ta parse bon por kita nos di risibí e oksígono spiritual ku nos mester.
Den e Bùki di Mormón, nos ta lesa kon Korihor, tabatin un eksperensha asina. El a haña gran popularidat dor di su siñansanan ku tabata “plasentero [pa] e mente karnal.” El a bisa ku mayornan i profetanan ta insruí tradishonnan kèns diseñá pa limitá nos libertat i distribui ignoransha. El a bisa ku hende lo mester ta liber pa hasi loke sea ku nan skohe pa hasi pasó mandamentunann ta simplemente restrikshonan kuminiente. Pa e, fe den e ekspiashon di JesuChristu tabata e efekto di un mente loko,” kreá dor di e krehesha den un ser ku no por ta eksistí pasó e no por wòrdu mirá.
Korihor a krea asina tantu disturbio ku ela wòrdu hibá dilante di e hues mayor i e sumo saserdote. Einan, el a lanta na bos haltu, krítika riba e lídernan i a eksigí un señal. Un señal a wòrdu duná. Dios a hasi ku e no por a papia mas. Korihor na e momentu ei a realisá ku el a wòrdu engañá, i pensando di bèrdatnan presioso ku ela bandoná, ela lamenta, “semper mi tabata sá.”
Korihor e ora ei a roga pa kuminda te ora ku el a wòrdu matá dor di un grupo di Zoramita. E versikulo final den su historia ta kontené e refleho humilde aki: “ I asina nos ta mira ku diabel lo no sostené su yunan den e delaster dia, pero lastra nan pa kaminda di fièrnu.
E bos korekto
Dor ku nos Tata Selestial ke mihó pa nos, E ta hasi posibel pa nos por tende Su stèm. Hopi biaha nos ta tendé por medio di impreshonnan duná dor di e Spiritu Santu. E Spiritu Santu ta e di tres miembro di e Deidat. E ta tèstifiká di e Tata i e Yu, a wòrdu mandá pa “siña nos tur kos,” i lo “mustra nos tur kos ku nos lo mester hasi.”
E Spiritu ta papia na diferente manera ku diferente hende, i E por papia ku e mes un persona na diferenta manera na diferente okashon. Esei ta pone ku siñansa di e manera ku E ta papia ku nos ta un tarea ku ta dura henter nos bida. Tin biaha, E ta papia ku nos “mente i den [nos] kurason” ku un bòs ku ta ketù, pero poderoso ku ta pasa dor “nan ku … ke tende te den sentro.” Otro biaha, Su impreshonnan “ta keda den [nos] mente[nan]” òf “ta impreshoná nos sentimentunan.” Otro biaha, nos pechu ta “kima di emoshon. ” I otra biaha atrobe E ta yena nos alma ku goso, iluminá nos mente òf ta trese pas den nos kurason preokupá.
Haña Su Bos
Nos lo haña nos Tata su stèm den hopi lugá. Nos ta hañé ora ku nos hasi orashon, studiá e skrituranan, i asistí na iglesia, partisipá den diskushonnan, òf bishitá tèmpel. Sigur lo nos hañé den e konferensha e fin di sima aki.
Awe nos a sostené 15 hòmber komo profeta, vidente i reveladó. Nan spiritualidat i eksperensha ta duna nan un perspektivo úniko ku ègt nos mester. Nan mensahe ta fasil pa risibi i kompartí ku klaridat absoluto. Nan ta bisa nos kiko Dios ke pa nos sa, sea ku e ta popular òf no.
Buska Su bòs den kualke un di e lugánan aki ta bon, pero buské den mas ku unu di nan ta mas mihó ainda. I ora nos tendé, nos mester sigui e direkshon ku e ta duna. E apòstel Santiago a bisa, “ Sea hende ku ta pone su palabra den praktika, no solamente esnan ku ta skucha so.” I Presidente Thomas S. Monson a siña: “ Nos ta mira. Nos ta warda. Nos ta skucha e bòs ketù i simpel. Ora ku e ta papia, hòmber i muhé sabio ta obedesé.”
Ora ku guía ta poko poko pa yega.
Na inisio di mi bida profeshonal, Hermana Homer i ami a wòrdu puntrá pa aseptá u kambio di asignashon di trabou. Na e momentu ei, e tabata parse manera un desishon enorme. Nos a studia, nos a hasi ayuno, nos a hasi orashon, pero e kontesta tabata poko poko pa yega. Al final, nos a tuma e desishon i a sigui bai dilanti. Sigun nos a hasi esaki, nos a sinti pas, i no muchu mas aleu nos a siña ku e tabata un di e mihó desishonnan ku hamas nos a hasi.
Dor di esaki nos a siña ku konstestanan tin biaha ta poko poko pa yega. Esaki por ta, pasó no ta e tenpu korekto, pasó un kontesta no ta nesesario òf pasó Dios ta konfia nos, pa nos mes tuma e desishon. Elder Richard G Scott, a instruí ku nos mester di ta gradisí pa tempunan asina i a duna e promesa aki: “Ora ku bo ta biba digno i bo eskoho ta konsistente ku e Salbador su siñansanan i bo mester di aktua, sigui ku konfiansa. … Dios lo no laga bo sigui demasiado leu sin un impreshon di atvertensha si bo a tuma e desishon malu.”
Nos mester skohé.
Asina, ta ku nos tin ku disidi kua bòs entre tur e diferente bòsnan, nos lo obedesé. Lo nos sigui e stèm deskonfiabel ku mundu ta supòrt, òf nos lo hasi e obra ku ta rekerí di nos pa laga nos Tata su bos guía nos den nos desishonnan i protehá nos di peliger? Mas diligentemente nos ta buska Su stèm, mas fasil e ta bira pa tende. No ta ku Su bòs ta bira mas duru pero ku nos abilidat pa skuché ta oumentá. E Salbador a primintí ku si nos “skucha [Su] mandamentunan i skucha [Su] konseho,” E “lo duna [nos] mas.” Mi ta tèstifika ku e promesa aki ta bèrdat—pa kada unu di nos.
Kasi un aña pasá, nos a pèrdè mi ruman hòmber mayor den un aksidente tragiko di outo. John su bida tabata yen di promesa i potenshal. Pero sigun e la bira mas grandi, malesa físiko i mental a hasi su bida hopi difisil. Ounke e sanashon ku ela spera no a yega den e bida aki, John tòg a tene duru na su fe, ku determinashon pa perseverá, di e mihó manera ku e tabata por.
Awor, mi sa ku John no tabata perfekto, pero mi a puntra mi mes kiko ta e kos ku a duné asina tantu perseveransha. Hopi stèm a invit’é pa bira síniko òf amargá, pero e a skohe pa no kue e kaminda ei. Na lugá di esei el a hasi su esfuerso pa ankra su bida na e sentro di e evangelio. El a biba su biba einan, pasó e tabata sá ku e lo haña e bòs di su Maestro einan, ela biba henter su bida einan, pasó e tabata sá ku ta einan e lo wòrdu instruí.
Konklushon
Rumannan, den un mundu ku asina tantu bòsnan ku ta kompetí ku otro, mi ta tèstifiká ku nos Tata Selestial a hasi posibel pa nos por skucha i sigui esu di Dje. Si nos ta diligente, E i Su Yu lo duna nos e guía ku nos ta buska, e fortalesa ku nos mester, i e felisidat ku nos tur ta desea. Den e nòmber di JesuCristu, amèn.