Gran Amor pa Nos Tata Su Yunan
Amor ta e atributo i motibu prinsipal pa e propósitonan spiritual ku nos a wòrdu enkargá di nos profeta stimá pa tuma.
Mi rumannan stimá, esaki ta un tempu úniko i importante den historia. Nos ta bendishoná pa ta biba den e delaster dispensashon promé ku e di Dos Benida di e Salbador. Serka di e kuminsamentu di e dispensashon aki na 1829, e aña promé ku e Iglesia a wòrdu organisá formalmente, un revelashon apresiá a wòrdu risibí deklarando ku “un obra maravioso” tabata “serka di bini dilanti.” E revelashon aki a establesé ku esnan ku tabatin deseo di sirbi Dios ta kualifiká pa tal servisio mediante “fe, speransa,karidat, i amor, ku e mira solamente pa e gloria di Dios.”1 Karidat, ku ta “e amor puru di Cristu,”2 ta inklui Dios Su amor eterno pa tur Su yunan.3
Mi propósito e mainta aki ta pa enfatisá e ròl esensial di e tipo di amor den obra mishonal, obra di tèmpel i historia familiar, i e opservansia religioso familiar sentrá riba e hogar i apoyá pa Iglesia. Amor pa e Salbador i amor pa nos próhimo4ta e atributo i motibu prinsipal pa ministrá i e propósitonan spiritual5ku nos a wòrdu pidí pa hasi pa nos profeta stimá, Presidente Russell M. Nelson, den e ahustenan anunsiá na 2018.
Esfuerso Mishonal pa Reuní Israel Esparsí
Mi tabatin eksperensia ku e relashon entre obra mishonal i amor tempran den mi bida. Tempu mi tabatin 11 aña, mi a risibí un bendishon patriarkal for di un patriarka ku tabata mi tawela tambe.6 E bendishon tabata bisa den un parti, “Mi ta bendishoná bo ku gran amor pa bo próhimo, pasó lo bo wòrdu yamá pa hiba e evangelio na e mundu … pa kombèrtí almanan pa Cristu.”7
Hasta na e edat yòn aki mi a komprondé ku kompartí e evangelio tabata basá riba un amor grandi pa tur e yunan di nos Tata Selestial.
Tempu mi tabata Outoridat General asigná pa traha riba Prédicad Mi Evngelio 15 aña pasá, nos a konkluí ku e atributo di amor tabata esensial pa obra mishonal den nos tempu, manera ku e tabata semper. Kapítulo 6, tokante atributonan manera di Cristu, inkluso karidat i amor, tabata konsistentemente e kapítulo mas popular bou di e mishoneronan.
Komo representante di e Salbador, mayoria mishonero ta sinti e tipo di amor aki, i ora nan hasié, nan ta wòrdu bendishoná pa e esfuersonan. Ora miembronan haña un komprodementu di e tipo di amor aki, kual ta esensial den asistí Señor den Su propósito, e obra di Señor lo wòrdu realisá.
Mi tabatin e privilegio di tin un ròl chikitu den un ehèmpel maravioso di e tipo di amor aki. Tempu mi tabata sirbi komo Presidente di Area di Islanan Pásifiko, mi a risibí un yamada di Presidente R. Wayne Shute. Tempu e tabata un hòmber yòn, el a sirbi un msihon na Samoa. Despues, el a regresá na Samoa komo un presidente di mishon.8 Ora el a yamá mi, e tabata presidente di e Apia Samoa Temple. Un di su mishoneronan hóben, tempu e tabata presidente di mishon, tabata Èlder O. Vince Haleck, ku awor ta Presidente di Area den Pasífiko. Presidente Shute tabatin gran amor i respèt pa Vince i henter e famia Haleck. Mayoria di e famia tabata miembro di Iglesia, pero Vince su tata, Otto Haleck, e patriarka di e famia (di desendensia alemán i samoano) , no tabata un miembro. Presidente Shute tabata sa ku mi lo mi ta na un konferensia di estaka i otro reunionnan na Samoa merikano, i el a puntra mi si lo mi konsiderá pa keda den residensia di Otto Haleck ku e meta pa kompartí e evangelio ku n’e.
Mi kasá, Mary, i ami a keda serka Otto i su kasá, Dorothy, den bunita kas. Na desayuno mi a kompartí un mensahe di evangelio i a invitá Otto pa topa ku e mishoneronan. E tabata amabel, pero firme, den nenga e invitashon. El a bisa ku e tabata komplasé ku hopi miembro di su famia tabata Santunan di Delaster dianan. Pero ku forsa el a indiká ku algun antepasado di su mama tabata ministronan Cristian na Samoa, i el a sinti un lealtat grandi nan fe Cristian tradishonal.9 Sinembargo, nos a despedí komo bon amigu.
Despues, tempu Presidente Gordon B. Hinckley tabata preparando pa dediká e Tèmpel di Suva Fiji, el a pidi su sekretario personal, Hermano Don H. Staheli,10pa yama mi na New Zeeland pa hasi areglonan. Presidente Hinkley kier a bula di Fiji pa Samoa Merikano pa topa ku e Santunan. Sierto hotèl usá den un bishita anterior a wòrdu sugerí. Mi a puntra ku mi por a hasi areglonan diferente. Hermano Sthaheli a bisa, “Abo ta e Presidente di Área; esei lo ta bon.”
Inmediatamente mi a yama Presidente Shute i a bisé ku kisas nos tin un di dos chèns pa bendishoná nos amigu Otto Haleck spiritualmente. E biaha aki e mishonero lo ta Presidente GGordon B. Hinckley Mi a puntra si el a pensa ku lo ta apropiá pa e famia Haleck por hospedá nos tur den Presidente Hinkley su grupo di biahe.11 Presidente i Hermana Hinkley, nan yu muher Jane, i Èlder i Hermana Jeffrey R. Holland tambe tabata parti di e grupo di biahe. Presidente Shute, trahando ku e famia, a hasi tur e areglonan.12
Ora nos a yega for di Fiji, despues di e dedikashon di e tèmpel, nos a wòrdu saludá ku kariño.13 Nos a papia e anochi ei ku miles di miembronan di Samoa i despues a sigui pa e edifisionan di famia Haleck. Ora nos a reuní pa desayuno e dia siguiente, Presidente Hinkley i Otto Haleck a bira bon amigu kaba. E tabata interesante pa mi [realisá] ku nan tabatin mes un kombersashon ku ami tabatin ku Otto mas ku un aña promé. Ora Otto a ekspresá su atmirashon pa nos iglesia pero a reafirmá su kompromiso na su iglesia eksistente, Presidente Hinkley a pone su man riba Otto su skouder i a bisa, “Otto, esei no ta sufisiente bon; bo mester bira un miembro di e Iglesia. Esaki ta Señor Su Iglesia.” Figurativamente bo por a mira e armadura di resistensia kai for di Otto ku un disposishon pa aseptá lokual Presidente Hinkley a bisa.
Esaki tabata e kuminsamentu di enseñansa mishonal adishonal i un humildat spiritual ku a pèrmití Otto Haleck pa wòrdu boutisá i konfirmá un poko mas ku un aña despues. Un aña despues di esei, e famia Haleck a wòrdu seyá komo un famia eterno den tèmpel.14
Lokual a emoshoná mi durante di e eksperensia inkreibel aki tabata e ministrashon abrumador di amor ekshibí pa Presidente Wayne Shute pa su mishonero antiguo, Èlder Vince Haleck, i su deseo pa mira henter e famia Haleck uní komo un famia eterno.15
Ora ta trata di reunimentu di Israel, no mester tin sigur ku nos ta sinti e tipo di amor aki i kita for di sentimentunan di meramente responsabilidat16 òf kulpa pa sentimentunan di amor i partisipashon den e asosiashon dibino di kompartí e Salbador su mensahe, ministerio, i mishon ku e mundu.17
Komo miembronan nos por mustra amor pa e Salbador i nos rumannan rònt mundu dor di hasi invitashonnan simpel. E skema nobo di Escuela Dominical ta representá un oportunidat eksepshonal pa miembronan pa ku éksito i amor invitá amigunan i koleganan pa bini i mira i sinti un eksperensia di Iglesia.18 Un reunion sakramenta spiritual, sperando ku e ta mes sagrado ku Elder Jeffrey R. Holland a deskribí ayera, lo wòrdu siguí pa un reunion di 50 minüt enfoká riba e Tèstament Nobo i e Salbador òf diskursonan di konferensianan relevante tambe enfoká riba e Salbador i Su Doktrina.
Algun hermana di Sosiedat di Sokoro a puntra di kon nan a haña un asignashon pa “reuní” huntu ku e miembronan di e quorum di saserdosio. Tin motibu pa esaki, i Presidente Nelson a splika hopi di nan den e delaster konferensia general. El a konkluí, “Simplemente nos no por reuní Israel sin boso.”19 Den nos tempu nos ta bendishoná ku aproksimadamente 30[trinta] porshento di nos mishoneronan di tempu kompletu ta hermananan. Esaki ta prove insentivo adishonal pa hermananan di Sosiedat di Sokoro pa kompartí e evangelio ku amor. Lokual ta nesesario ta un kompromiso spiritual amoroso, kompasivo pa kada un di nos—hòmbernan, hubentut, i muchanan—pa kompartí e evangelio di JesuCristu. Si nos demostrá amor, amabilidat, i humildat, hopi lo aseptá nos invitashon. Esnan ku skohe pa no aseptá nos invitashon ainda lo ta nos amigunan.
Tèmpel i Historia Familiar Esfuerso pa Reuní Israel
Amor ta tambe sentral den nos esfuerso di tèmpel i historia familiar pa reuní Israel na e otro banda di e velo. Ora nos siña di e pruebanan i difikultatnan ku nos antepasadonan a enfrentá, nos amor i apresio pa nan ta oumentá. Nos esfuerso di tèmpel i historia familiar a wòrdu fortalesé signifikantemente ku e ahustenan nobo tantu den e skema di reunion di djadumingu i den e klas di avanse pa hubentut i quorumnan. E kambionan aki duná pa atenshon mas tempran i poderoso pa siña tokante nos antepasadonan i e rekogimentu di Israel na otro banda di e velo. Tantu obra di tèmpel i historia familiar a wòrdu mehorá grandemente.
Internet ta un hèrmènt poderoso; e hogar ta nos sentro di historia familiar primordial. Nos miembronan hóben ta eksepshonalmente kapasitá den investigashon di historia familiar i ta spiritualmente motivá pa realisá boutismo pa nan antepasadonan, kende nan a siña stima i apresiá. For di e kambio pa pèrmití hopi mucha di 11 aña pa hasi boutismo pa e mortonan, presidentenan di tèmpel rònt mundu a reportá gran oumento di asistensia. Un presidente di tèmpel a informá nos ku “tabatin oumento remarkabel den patronchinan boutismal… i e adishon di muchanan di 11 aña ta trese mas famia. … Hasta na nan edat [yòn], nan ta parse di ta sinti reverensia i propósito pa e ordenansa ku nan ta realisando. E ta bunita pa mira!”20
Mi sa ku nos lidernan di Primaria i hóbennan ta hasoendo i lo sigui hasi obra di historia familiar i tèmpel un esfuerso mas grandi. Hermananan di Sosiedat di Sokoro i hermanonan di saserdosio por ta enbolbí ku amor pa yuda kumpli ku nan responsabilidat di tèmpel i historia familiar individualmente i tambe pa asistí i inspirá muchanan i hóbennan pa reuní Israel na otro banda di velo. Esaki ta partikularmente importante den hogar i riba Sabat. Mi ta primintí ku [si] realisá ordenansanan ku amor pa nos antepasadonan lo fortalesé i protehé nos hubentut i famianan den un mundu ku ta birando mas malbado. Mi ta testifiká personalmente ku Presidente Russell M. Nelson a risibí revelashonnan profundo i importante relashoná ku tèmpelnan i obra di tèmpel.
Prepará Famianan Eterno i Personanan pa Biba ku Dios
E énfasis nobo den e estudio i bibamentu di e evangelio sentrá den e hogar i e rekursonan ku ta duná pa Iglesia ta un gran oportunidat pa ku amor prepará famianan eterno i pèrsonanan pa mira i biba ku Dios. 21
Ora un hòmber i un muhé ta seyá den tèmpel, nan ta drenta den e òrdu sagrado di matrimonio den kombenio nobo i eterno, un òrdu di e saserdosio.22 Huntu nan ta optené i risibí bendishonnan di saserdosio i poder pa guia e direkshon di nan famia. Muhénan i hòmbernan tin ròlnan úniko manera spliká den “E Famia: Un Proklamashon na e Mundu,”23pero nan mayordomia ta igual den balor i importansia.24 Nan tin poder igual pa risibí revelashon pa nan famia. Ora na ta traha huntu den amor i rektitut, nan desishonnan tin bendishon di shelu.
Esnan ku buska pa sa e boluntat di Señor komo persona i pa nan famia mester lucha pa rektitut, mansedumbre, amabilidat, i amor. Humildat i amor ta e karakterístika di identifikashon di esnan ku ta buska Señor Su boluntat, spesialmente pa nan famia.
Perfekshoná nos mes, kualifiká nos mes pa e bendishonnan di kombenionan, i prepará pa mira Dios ta responsabilidatnan individual. Nos mester ta outo sufisiente i seriamente enbolbí den hasi nos hogar un refugio for di e tormentanan ku ta rondoná nos25i “un santuario di fe.”26 Mayornan tin e responsabilidat pa siña nan yunan ku amor. Hogarnan yená ku amor ta un goso, un alegria, i literalmente un shelu riba tera. 27
Mi mama su kantika favorito tabata “Cuando hay Amor.”28 Ki ora ku el a skucha e promé frase, “ Tin bunitesa rònt ora tin amor den hogar,” e tabata bira emoshoná i ku lágrima. Komo mucha nos tabata konsiente ku nos tabata biba den e tipo di hogar aki; e tabata un di su prioridatnan.29
Adishonalmente di un atmósfera di amor den hogar, Presidente Nelson a hasi enfoke riba limitá uso di media ku ta stroba nos propósitonan prinsipal.30 Un adaptashon ku lo benefisiá kasi kualke famia ta pa hasi Internèt, media sosial, i televishon un sirbidó enbes di un distraishon òf, hasta pió ainda, un doño. E guera pa e alma di tur, pero partikularmente muchanan, tin biaha ta den hogar. Komo mayornan nos mester ta sigur ku media tin kontenido tantu bon, apropiá pa edat, i konsistente ku e atmósfera di amor ku nos ta purba di krea.
Siñansa den nos hogar mester ta kla i interesante pero tambe spiritual, ku goso , i yen di amor.31
Mi ta primintí ku ora nos enfoká riba nos amor pa e Salbador i Su Ekspiashon, hasi E sentral den nos esfuersonan pa reuní Israel na tur dos banda di e velo, sirbi otronan, i prepará individualmente pa mira Dios, e influensia di e atversario lo wòrdu disminuí i e goso, alegria, i pas di e evangelio lo magnifiká nos hogar ku amor manera di Cristu32 Mi ta testifiká di e promesanan di doktrina aki i ta duna un testimonio sigur di JesuCristu i Su sakrifisio ekspiatorio pa nos bienestar, den e nòmber di Jesucristu, amèn.