Kuidadoso kontra indiferente
Miéentras e influensianan di e mundu ta inkliná mas pa e malu, nos mester lucha ku tur nos diligensia pa keda firme riba e kaminda ku ta hiba nos sigur na nos Salbador.
Un biaha mi a mira un seña den bentana di un negoshi ku ta bisa: “Felisidat, $ 15.00.” Mi tabata asina kurioso pa sa kuantu felisidat mi por a kumpra pa $15.00 ku mi a drenta paden pa wak. Lokual mi a haña tabata hopi kosnan chikitu barata i souvenir—nada ku mi a mira di ningun manera por a duna mi e tipo di felisidat ku e señal a impliká! Durante e añanan, mi a pensa hopi biaha riba e señal i kon fásil por ta pa buska felisidat den kosnan ku ta barata i temporal. Komo miembro di E Iglesia di JesuCristu di e Santunan di e Delaster dianan, nos ta bendishoná pa sa kon i unda pa haña felisidat berdadero. E ta hañá den biba e evangelio establesé pa nos Señor i Salbador, Jesucristu, i den esforsá pa bira mas manera E.
Nos tin un amigu stimá ku tabata ingeniero di trein. Un dia mientras e tabata kore un trein riba su ruta, el a mira un outo para riba e pista su dilanti. Pronto el a realisá ku e outo tabata pegá i inkapas pa krusa e pista. Inmediatamente el a pone e trein den estado di emergensia, ku a aktivá e brek na kada banda di e wagònnan ku tabata ekstendé 1.21kilometer tras di e motor, ku tabatin un karga di 6,500 tonelada (5,897 tonelada métriko). No tabatin un chèns físiko ku e trein lo ta kapas pa para promé ku e dal e outo, kual el a hasi. Afortunadamente pa e personanan den e outo, nan a skucha e atvertensia di e trein su flùit i a hui for di e outo promé ku e impakto. Ora e ingeniero a papia ku e agente polisial investigadó, un muhé rabiá a aserká nan. El a grita ku el a mira hinter e insidente i a testifiká ku e ingeniero no a ni sikiera purba di kita pa no dal e outo!
Opviamente, si e ingeniero por a kita i bandoná e pista pa evitá un aksidente, e i hinter su trein lo a bai kai pèrdè den un salida di e pista i e trein su progreso di avanse lo yega na un parada abrupto. Afortunadamente pa e, e reilnan di e pista riba kua su trein tabata kore a tene e wilnan di e trein firme moviendo pa su destinashon apesar di e opstákulo den su kaminda. Afortunadamente pa nos, nos tambe ta riba un pista, un kaminda di kombenio na kua nos a komprometé ora nos a wòrdu boutisá komo miembronan di E Iglesia di JesuCristu di e Santunan di e Delaster dianan. Ounke tin biaha nos por haña opstákulonan riba kaminda, e kaminda aki lo mantené nos moviendo pa nos valioso destino eterno si nos keda firme riba dje.
E vishon di e palu di bida ta mustra nos kon e efektonan di indiferensia por alehá nos for di e kaminda di kombenio. Pensa ku e bara di heru i e kaminda rekto i smal, òf e kaminda di kombenio, ta hiba direktamente na e palu di bida, kaminda tur e bendishonnan duná pa nos Salbador i Su Ekspiashon ta na alkanse pa esunnan fiel. Tambe mirá den e vishon tabata e riu di awa representando e sushedat di e mundu. E skrituranan ta deskribí ku e riu aki tabata kore serka di e kaminda pero tabata pasa solamente den besindario di e palu, no na dje. E mundu ta yená ku distraishonnan ku por engañá hasta esunnan eskohí, kousando nan pa ta indiferente den warda nan kombenionan —asina hibando nan serka di e palu, pero no na dje. Si nos no ta kuidadoso den warda nos kombenionan ku eksaktitut, nos esfuersonan indiferente por eventualmente hiba nos den kamindanan prohibí òf pa uni ku esunnan ku ya kaba a drenta e edifisio grandi i espasioso. Si no ta kuidadoso nos por hasta hoga den profundidat di e riu shushi.1
Tin un manera kuidadoso i un indiferente pa hasi tur kos, inkluso biba e evangelio. Ora nos ta pensa riba nos kompromiso na e Salbador, nos ta kuidadoso òf indiferente? Pa motibu di nos naturalesa mortal, tin biaha nos no ta rashonalisá nos komportashon, tin ta biaha refiriendo na nos akshonnan komo di ta den intermedio, òf meskla bon ku algu ku no ta asina bon? Kada biaha ku nos bisa, “sinembargo,” “eksepto,” òf “pero” ora e ta apliká pa sigui e konseho di nos lidernan profeta òf biba e evangelio kuidadosamente, de hecho nos ta bisando, “E konseho ei no ta apliká na ami.” Nos por rashonalisá kuantu ku nos ke, pero e hecho ta, ku no tin un manera bon pa hasi e kos robes!
E tema di hóbennan pa 201 ta tumá for di Juan14:15 kaminda Señor ta instruí: “Si boso ta stima mi, warda mi mandamentunan.” Si nos ta stim’é manera nos ta bisa, nos lono por mustra e amor aki dor di ta un poko mas kuidadoso den biba Su mandamentunan?
Sea kuidadoso den biba e evangelio no nesesariamente kier men pa ta formal òf arogante. Lokual e ta nifiká ta pa ta apropiá den nos pensamentunan i komportashon komo disípulonan di JesuCristu. Segun nos ta meditá riba e diferensia entre kuidadoso i indiferente den nos bibamentu di e evangelio, tin aki algun pensamentu pa konsiderá:
Nos ta kuidadoso den nos adorashon di Sabat i den nos preparashon pa partisipá di e santa sena tur siman?
Nos por ta mas kuidadoso den nos orashonnan i estudio di skritura òf ta mas komprometé aktivamente den Bini i Sigui Mi—Pa Personanan i Famianan?
Nos ta kuidadoso den nos adorashon den tèmpel i kuidadosamente i deliberadamente nos ta nos ta biba e kombenionan ku nos a hasi na boutismo i den tèmpel. Nos ta kuidadoso den nos aparensia i modesto den nos bistimentu, espesialmente den lugánan i sirkunstansianan sagrado? Nos ta kuidadoso den kon nos ta bisti e garmentnan sagrado di tèmpel? Òf e moda di mundu ta dikta un aktitut mas desinteresá?
Nos ta kuidadoso den nos ta ministrá na otronan i kon nos ta kumpli ku nos yamamentunan den Iglesia, òf nos ta indiferente òf kasual den nos yamamentu pa sirbi?
Nos ta kuidadoso òf indiferente den lokual nos ta lesa i wak na televishon i riba nos aparatonan selular? Nos ta kuidadoso den nos lenguahe? Òf nos ta aseptá kasualmente kosnan brutu i vulgar?
E pamfleta Para la Fuerza de la Juventud tin normanan ku, ora sigui nan ku kuidou, lo duna nos bendishonnan i lo yuda nos pa keda riba e kaminda di kombenio. Ounke el a wòrdu skibí pa benefisiio di e hubentut, su normanan no ta ekspirá ora nos sali for di e programanan di Hombres Jóvenes i Mujeres Jóvenes. Nan ta aplikabel pa kada un di nos, tur ora. Un revishon di e normanan aki por inspirá otro maneranan ku nos por ta kuidadoso den bibamentu di e evangelio.
Nos no ta baha nos normanan pa wòrdu aseptá òf pa otro persona sintié konfortabel. Nos ta disípulonan di JesuCristu, i komo tal nos tin tarea pa elevá otronan, lanta nan na un lugá mas haltu, santu kaminda nan por risibí bendishonnan mas grandi.
Mi ta invitá kada un di nos pa buska e guia di e Spiritu Santu pa sa kua kambio nos mester hasi den nos bida pa ta mas kuidadosamente aliniá ku nos kombenionan. Tambe mi ta roga boso pa no kritiká otronan ku ta riba e mes un biahe. Señor a bisa ku huisio ta di Dje.2 Nos kada un ta den e proseso di kresementu i kambio.
E historia den e Buki di Mormon tokante e apóstatanan Amlicita ta interesante pa mi. Pa laga otronan sa ku nan no tabata asosiá ku JesuCristu i Su Iglesia, nan a un marka di distinshon kòrá riba nan frenta pa tur hende mira.3 Den un manera kontrario, i komo disípulonan di JesuCristu, kon nos ta marka nos mes? Otronan por mira fásilmente Su imágen den nos kara i sa ken nos ta representá dor di e manera kuidadoso ku nos ta hiba nos bida?
Komo un pueblo di kombenio, no ta intenshon pa nos meskla ku e resto di e mundu. Nos a wòrdu yamá “un pueblo pwkuliar”4—esta un elogio! Segun e influensianan di e mundu ku oumento ta brasa e maldat, nos mester lucha ku tur nos diligensia pa keda firme riba e kaminda ku ta hiba nos sigur na e Salbador, habriendo e distansia entre nos bibamentu di kombenio i e influensianan mundano.
Ora mi ta pensa riba optené felisidat duradero, mi ta realisá ku tin biaha nos ta haña nos mes den e parti gris. Neblinanan di skuridat ta inevitabel segun nos ta biaha banda di e kaminda di kombenio. Tentashon i desinteres por kousa nos pa ta sútilmente nos desviá nos ruta den e skuridat di e mundu i leu for di e kaminda di kombenio. Pa momentunan ku esaki por pasa, nos profeta stimá, Presidente Russell M. Nelson, a urgi nos pa subi bèk riba e kaminda di kombenio, i pa hasi asina hopi lihé. Mi ta masha grades pa e regalo di arepentimentu i pa e poder di Ekspiashon di nos Salbado.
Ta imposibel pa biba un bida perfekto. Solamente un hòmber tabata kapas p biba perfektamente miéntras e tabata riba e planeta telestial aki. Esei tabata JesuCristu. Ounke nos no ta perfekto, rumannan, nos por ta digno: digno pa partisipá di e santa sena, digno pa bai tèmpel, i digno pa risibí revelashon personal.
Rei Benjamin a tèstifiká di e bendishonnan i felisidat ku ta bini na esna ku kuidadosamente ta sigui e Salbador: “I ademas, mi ta deseá pa boso por kontemplá, riba e estado bendishoná i felis di esnan ku ta warda e mandamentunan di Dios. Pasó at’akí, nan ta wòrdu bendishoná den tur kos, tantu temporal komo spiritual; si nan keda fiel ta na fin nan ta wòrdu risibí na shelu, pa di e manera aki nan por biba ku Dios den un estado di felisidat sin fin.”5
Felisidat por wòrdu kumprá ku $15.00 ? No, no por. Felisidat profundo i duradero ta bini dor di biba e evangelio di Jesucristu intenshonalmente i kuidadosamente. Den e nòmber di JesuCristu, amèn.