Bendishon na abundansia
Mayoria bendishon ku Dios ta deseá pa duna nos ta rekerí akshon di nos parti—akshon basá riba nos fe den JesuCristu.
Ni rumannan, nos Tata Selestial i JesuCristu ta deseá pa bendishoná kada unu di nos.1 E pregunta di kon pa yega na i optené e bendishonnan ei ta e tópiko di debate teológiko pa siglonan.2 Algun ta argumentá ku bendishonnan ta wòrdu ganá; nos ta risibí nan solamente dor di nos obranan. Otronan ta argumentá ku Dios a skohe kaba ken E ker bendishoná i kon--i ku e determinashon ei ta inkambiabel. Tur dos posishon ta robés. Bendishon di shelu no ta wòrdu ganá ni pa akumulashon frenétikamente “kupòn di bon aktonan” ni tampoko dor di warda desesperá pa wak si nos ta gana e loteria di bendishon. No, e bèrdat ta muchu mas nuansá, pero mas apropiá pa e relashon entre un Tata Selestial amoroso i Su herederonan potensial—[esta] nos. Berdat restourá ta ku bendishonnan nunka no ta wòrdu ganá, pero [nan] ta akshonnan di fe inspirá di nos banda, tantu inisialmente komo kntinuo ta esensial.3
Segun nos ta konsiderá kon risibí bendishon di Dios, laga nos kompará bendishon di shelu komo un rei di palu. Imaginá bo meimei di e rei di palunan aki tin un korona di splenter òf palu mas fini. E palunan poné riba otro [di] fini bai diki, despues e tronkon i siguí pa e tronkon grandi. E grupo di palu aki ta kontené un kantdat enorme di kombustibel, kapas pa produsí lus i kalor pa hopi dia. Visualisá awor pa pone un lusafè, esun ku e kabes di fosfor.4
Pa e energia di e rei di palu por wòrdu liberá ta nesesario pa e palu di lusafè wordu raspa i e grupo di palu wòrdu sendé. E stapel di palu lo kue kandela lihe i lo laga e palunan mas grandi di e stapel tambe kima. Asina e reakshon di kombustibel kuminsá, e lo kontinuá te ora e palu a kima kompletu òf e kandela keda deprivá di oksigeno.
Sendiendo e lusafè i pegando e stapel di palu na kandela ta akshonnan chikitu ku ta abilitá e energia potensial di e palu pa bin afó.5 Te ora e lusafè sende, nada no ta pasa, ni kon grandi e kantidat di palu ta. Si e lusafè sende, pero no wördu poné riba e e grupo di palu, e kantidat di lus i kalor ku lo wòrdu saka afó di e lusafè so ta masha tiki i e energia di kombustibel den e palu lo permanesé sin sali. Si oksígeno no wòrdu duministrá na kualkier punto, e reakshon di kombustion ta para.
Di mesun manera, mayoria bendishon ku Dios ta deseá pa duna nos ta rekerí akshon di nos banda---akshon basá riba nos fe den JesuCristu. Fe den e Salbador ta un prinsipio di akshon i di poder.6 Promé nos ta aktuá den fe, despues e poder ta bin—di akuerdo ku Dios Su boluntat i tempu. E sekuensia ta krusial.7 E akshon rekerí, sinembargo, semper ta chikitu kompará ku e bendishonnan ku al final nos lo risibí.8
Konsiderá kiko ta pasa ora ku kolebranan feros i venenoso, a bin entre e Israelitanan di antaño riba nan kaminda pa e pais di promesá. E mordé di un kolebra venesoso tabata fatal. Pero un persona ku a wòrdu mordé por a wòrdu saná dor di mira un kolebra di bròns ku Moises a traha i poné riba un palu.9 Kuantu energia e ta rekerí pa wak algu? Tur ku a wak a aksedé e forsanan di shelu i a wòrdu saná. Otro Israelitanan ku a wòrdu mordé a faya pa wak e kolebra di bròns i a fayesé. Kisas nan a karesé di e fe pa wak.10 Kisas nan no a kere ku un akshon asina fásil por inisiá e sanashon prometé. Of kisas a sabienda a hasi nan kurason duru i nengá e konseho di Dios Su profeta.11
E prinsipio pa aktivá bendishon ku ta bini di Dios ta eterno. Meskos ku e Israelitanan di antaño, nos tambe mester aktuá riba nos fe den JesuCristu pa nos wòrdu bendishoná. Dios a revelá ku “tin un lei irevokabel dekretá den shelu promé ku e fundashon di e mundu aki, riba kual tur bendishonnan ta basá—i si nos optené kualke bendishon di Dios, e ta pa obediensia na e lei riba kua e ta basá.”12 Bisando esei, bo no ta gana bendishon—e noshon ei ta falsu—pero bi mester kalifikáp’e. Nos salbashon ta bin solamente dor di e meritonan i grasia di JesuCristu.13 E inmensidat di Su sakrifisio ekspiatorio ta nifiká ku e grupo di palu ta infinito. Pero nan no ta sero, I nan no ta insignifikante; den skuridat un lusafè ku wòrdu sendé por wòrdu mira kilometer nan leu. Defakto, e por wòrdu nirá na shelu.14
Pa risibí un bendishon deseá di Dios, aktuá ku fe, sendiendo e lusafè metafóriko riba kual e bendishondi shelu ta kontigente. Por ehèmpel, un di metanan di orashon ta segurá e bendihonnan ku Dios ta dispuesto di otorgá pero ku ta kondishoná si nos puntra.15 Alma a roga pa miserikòrdia i su dolónan a resolve, e no a keda tormentá pa e rekuerdonan di su pikánan. Su goso a abrumá su doló— tur esaki pasó el a sklama den fe na JesuCristu.16 E energia aktivá ku nos mester ta pa [nos] tin sufisiente fe den Cristu pa sinseramente puntra Dios dem orashon i aseptá Su boluntat i tempu pa Su kontesta.
Hopi biaha, e energia aktivá ku mester pa risibí bendishonnan ta rekerí mas ku djis wak of puntra; akshonnan kontinuo, yen di fe ta rekerí. Meimei di e siglo 19, Brigham Young a dirigí un grupo di Santunana di e Delaster dianan pa eksplorá i establesé den Arizona, un region den Nort Amerika. Despues di a yega na Arizona, e grupo su awa a kaba i nan tabata teme ku nan lo muri. Nan a roga na Dios pa ayudo. Djis despues, awaseru ku sneu a kuminsá kai, permitiendo nan pa yena nan barinan ku awa i proveé pa nan bestinan. Gradisí i refreská, nan a regresá na Salt Lake City regosihando den e bondat di Dios. Na nan regreso, nan a raportá e detayesnan di nan ekspedishon na Brigham Young i a pronunsiá nan konklushon ku Arizona ta inhabitabel.
Despues di skucha nan reporte Brigham Young a puntra un hòmber den e kamber kiko e ta pensa di e ekspedishon i e milager. E hòmber ei, Daniel W. Jones, firmenmente a kontestá, “Ami lo yena [mi barínan] kontinuá i resa atrobe.” Hermanp Brigham a pone su mannan riba Hermano Jones i a bisa, “Esaki ta e homber ku lo ta na kabés e siguiente biahe pa Arizona.”17
Nos tur por korda momentonan ku nos a sigui pusha bai dikanti i resa atrobe— i bendishonnan a bin komo resultado. E eksperensia di Michael I Marian Holmes ta ilustrá e prinsipionan aki. Michael i ami a sirbi huntu komo Setenta di Aria. Semper mi tabata eksitá ora e wòrdu yamá pa hasi orashon den nos reunionnan pasó su spiritualidat profundo tabta bisto; e tabata sa kon papia ku Dios. Mi tabata stima tendé hasi orashon. Den kuminsamentu di nan matrimonio, Michael i Marian no tabata hasi orashon òf asistí na iglesia. Nan tabata okupá ku tres yu chikitu i un kompania di konstrukshon eksitoso. Michael no tabata sinti ku e tabata un hòmber religioso. Un anochi nan obispu a bin na nan kas i a enkurashá nan pa kuminsá hasi orashon.
Despues ku e obispu a bai, Michael i Marian a disidí ku nan lo purba hasi orashon. Promé ku bai drumi, nan a bai na rudia banda di nan kama i di un forma inkonfortabel Michael a kuminsá. Despues di algun palabra inkomodo direpente Michael a lanta para, bisando “Marian, mi no por hasi e kos aki.” Ora ku el a lanta i a kuminsá kana bai, Marian a garé na su man, hale bèk na su rudia, i a bis’é, “Mike bo por hasié.” Purba atrobe Ku e enkurashamentu aki, Michael a terminá su orashon kòrtiku.
E famia Holmes a kuminsá resa regularmente. Nan a aseptá un invitashon di un bisiña pa asistí na iglesia. Miéntras ku nan tabata kana den kapia I skucha e himno inisial, e Spiritu a susurá na nan, “Esaki ta bèrdat.” Despues, sin wòrdu mirá ni puntrá, Michael a yuda limpia algun sushi di kapia. Miéntras ku e tabata hasi esaki, in impreshon speshal, “Esaki ta Mi kas.”
Michael i Marian a aseptá e yamamentu di iglesia i a sirbi den yamamentu den barrio i estaka. Nan a wòrdu seyá na otro i nan 3 yuna a wòrdu seyá na nan. Mas yu a bini, hibando e total na12. E famia Holmes a sirbi komo presidente di mishon i kompañera—dos biaha.
E promé orashon di forma torpe tabata kòrtiku pero yena di akshon di fe ku a inisiá e bendishonnan di shelu. E famia Holmes a duna e kandela di fe kuminda dor di asistí na iglesia i sirbi. Nan disípulado dediká durante di e añanan a kondusí na un kandela grandi ku te awe ta inspirá.
Un kandela, sinembargo, mester risibí un konstante suministro di oksigeno pa e palunanfinalmente por wordu liberá na su máksimo potensial. Manera demostrá dor di Michael i Marian Holmes, fe den Cristu ta rekerí un akshon kontinuo pa e resplandor por kontinua. Akshonnan chikitu, ta alimenta nos abilidat pa kana riba e kaminda di kombenio i kondusí na bendishonnan mayor ku Dios por ofresé. Pero oksígeno ta fluí solamente si figurativamente nos keda move nos pianan. Tin biaha nos mester traha un arko i fleche promé ku revelashon bini, na unda nos tin ku bai pa buska kuminda.18 Tin biaha nos mester traha hermentnan promé ku revelashon bin, pa kon ta traha un barku.19 Tin biaha, riba direkshon di e profeta di Señor,nos mester prepará un bolo di e tiki zeta i hariñá pa risibí un boter di zeta ku no ta kaba i un barí di hariña.20 I tin biaha nos mester keda “ketu i sa ku Dios ta Dios,” i jonfia den Su tempu.21
Ora bo risibí kualke bendishon di Dios, bo por konkluí ku bo a kumpli ku e lei eterno ku ta goberná e risibimentu di e bendishon ei.22 Pero korda ku e lei “irevokablemente dekretá” ta insensible pa tempu; loke ta nifiká ku bendishon ta bin konforme tempu di Dios. Asta profetanan di antaño buskando nan hogar selestial23 a muri den fe, sin risibí e promesanan, pero mirando nan dja leu … [I] nan tabata persuadí … i a brasa nan.”24 Si un bendishon deseá di Dios no a wordu risibí —ainda—bo no mester bira loko, puntrando bo mes kiko mas bo tin ku hasi. Na lugá di esaki, skucha e konseho di José Smith pa “alegremente hasi tur kos ku ta den [bo] poder; i e ora ei … para ketu, ku e mayor siguransa pa wak e … man [di Dios] … revel su mes.”25 Algun bendishon ta reserve pa despues, asta pa e mas balente di Dios Su yunan.26
Seis luna pasá, un plan di Iglesia sentrá riba e hogar pa siña doktrina, fortalesé fe, i fortifiká personanan i famianan a wordu i.ntrosusí. Presidente Russell M. Nelson a primintí ku e kambio lo por yuda nos pa sobrebibí spiritualmente, krese nos goso den evangelio, i profundisá nos kombershon na nos Tata Selestial i na JesuCristu.27 Pero ta na nos pa reklamá e bendishonnan aki. Nos kada unu ta responsabel pa habri i studia Ven, Siguenme—pa uso individual i familiar, huntu ku e skritura i otro material di Ven, Siguenme.28 Nos mester diskutí nan ku nos famia i amigunan i organisá nos Dia di Reposo pa sende e kandela metafóriko. Of nos por laga e rekursonan sinta den e stapel den nos kasnan ku e energia potensial derá den nan.
Mi ta invitá boso pa aktivá fielmente e poder di shelu pa risibí bendishonnan spesífiko di Dios. Trein e fe pa sende e lusafè i sende e kandela. Suministrá e oksígeno nesesario miéntras bo ta warda ku pasenshi riba Señor. Ku e invitashonnan aki, mi ta roga ku e Spiritu Santu lo guia i dirigí boso, pa bosnan meskos ku e hòmber fiel deskribí den Proverbionan lo “ta abundá den bendishon.”29 Mi ta testifiká ku nos Tata Selestial i Su Yu Stimá JesuCristu, ta biba, [i] ta preokupá pa boso bienestar, i tin plaser pa bendishoná boso, den e nòmber di JesuCristu, amen.