Konvershon Profundo i Duradero na Tata Selestial i Señor Jesucristu
Nos propósito ta pa balansá e Iglesia i e eksperensia di hogar den un manera ku lo oumentá grandemente fe, spiritualidat, i profundisá konvershon.
Manera Presidente Russell M. Nelson a kaba di eksponé hopi bunita i elokuente, lidernan di Iglesia a traha pa hopi tempu riba “un plan sentrá riba hogar i apoyá pa Iglesiapa siña doktrina, fortalesé fe, i fomentá alabansa personal mas grandi.” Presidente Nelson e ora ei a anunsiá e ahustenan pa logra “un balansa nobo entre instrukshonnan di evangelio den hogar i den Iglesia.”
Pa kumpli ku e propósitonan - deskribí dor di i bou di e direkshon di Presidente Russell M. Nelson i di akuerdo ku e desishon di e Konsilio di e Promé Presidensia i e Quorum di e Diesdos Apòstelnan - E skema di reunion di djadumingu lo wòrdu ahustá di e siguiente manera, kuminsando yanüari 2019.
Skema di Reunion di djadumingu
E reunionnan di djadumingu di Iglesia lo konsistí di un reunion sakramental di 60 minüt kada djadumingu, enfoká riba Señor, e ordenansanan di sakramento, i mensahenan spiritual. Despues di tempu di transishon pa e klasnan, miembronan di Iglesia lo asistí na un klas di 50 minüt ku lo alterná kada djadumingu:
-
Escuela Dominical lo wòrdu tené riba e promé i di tres djadumingu di luna.
-
Reunionnan di quorumnan di Saserdosio, Sosiedat di Sokoro, i Mujeres Jovenes lo wòrdu tené riba e di dos i di kuater djadumingu.
-
Reunionnan riba e di sinku djadumingu lo ta bou di direkshon di e obispu.
Primaria lo wòrdu tené riba kada djadumingu durante e mesun periodo di 50 minüt i lo inkluí tempu pa kanta i lèsnan.
Pa loke ta trata e skema di reunionnan di djadumingu, e lidernan senior di Iglesia tabata konsiente pa hopi aña ku pa algun di nos miembronan presioso, e skema di tres ora di djadumingu na Iglesia por ta difísil. Esaki partikularmente ta bèrdat pa mayornan ku yunan chikí, muchanan di Primaria, miembronan di edat, konversonan nobo, i otronan.
Pero tin hopi mas na e ahuste aki ku solamente e redukshon di e skema di reunion riba djadumingu. Presidente Nelson a rekonosé ku gratitut kuantu ta wòrdu lográ komo resultado di boso lealtat pa invitashonnan previo. E, i hinter e liderazgo di e Iglesia, ta deseá pa trese mas goso di evangelio na mayornan, muchanan, hóbennan, solteronan, esnan di edat avansá, konversonan nobo, i esnan ku e misioneronan ta siñando pa medio di un esfuerso balansá sentrá riba hogar, i apoyá dor di Iglesia. E propósitonan i bendishonnan asosiá ku e ahustenan aki i otro kambionan resien ta inkluí e siguiente:
-
Konvershon mas profundo na Tata Selestial i Señor Jesucristu i e fortalesementu di fe den Nan.
-
Fortalesé individuonan i famianan pa medio di kuríkulo sentrá den e hogar, apoyá dor di Iglesia ku ta kontribuí na e biba e evangelio ku goso.
-
Honra e dia di reposo, ku un enfoke riba e ordenansa di e santa sena.
-
Yuda tur Tata Selestial su yunan na ámbos banda di e velo pa medio di obra mishonal i risibí ordenansanan i konvenionan i bendishonnan di e tèmpel.
Siñansa di Evangelio Apoyá pa Iglesia, Sentralisá den Hogar
E skema di djadumingu aki ta permití mas tempu pa un nochi di hogar i pa studia e evangelio den hogar riba djadumingu, òf riba otro tempu manera individuonan i famianan por skohe. Un nochi di aktividat familiar por wòrdu tené riba djaluna òf otro tempu. Pa e fin aki, lidernan mester kontinuá tene djaluna anochi liber for di reunionnan i aktividatnan di Iglesia. Sinembargo, tempu usá den nochi di hogar, estudio di evangelio i aktividatnan pa individuonan i famianan por wòrdu di skema di akuerdo ku e sirkunstansianan individual.
un kuríkulo harmonisá i un rekurso nobo pa Individuonan i Famianan Bini Sigui Mi ku ta wòrdu koordiná ku loke ta wòrdu siñá den Escuela Dominical i Primaria. Den yanüari, e klasnan Escuela Dominical di e hóbennan i adultonan di Iglesia i di Primaria lo studia e Tèstamènt Nobo. E rekurso pa Individuonan i Famia di estudio nobo den hogar Bini, Sigui Mi - tambe kubriendo e Tèstamènt Nobo - ta diseñá pa yuda miembronan pa siña e evangelio na kas. E ta splika: “E rekurso aki ta pa kada individuo i famia den Iglesia. E ta diseñá pa yuda [nos] siña e evangelio [mihó] - sea riba [nos] mes of ku [nos] famia. … E skema den e rekurso [nobo] aki ta organisá di akuerdo ku un skema… semanal.”
E lèsnan Bin, Sigui Mi nobo di Primaria siñá den iglesia lo sigui e mesun skema semanal. E lèsnan pa adulto i hóben di Escuela Dominical riba e promé i di tres djadumingu lo ta koordiná di manera ku nan ta apoyo pa e rekurso di hogar nobo Bin, Sigui Mi. Riba e di dos i di kuater djadumingu, adultonan den Saserdosio i Sosiedat di Sokoro lo kontinuá studia e enseñansanan di lidernan di Iglesia, ku énfasis riba e mensahe di profetanan moderno. Mujeres Jovenes i hóbennan di Saserdosio Aaróniko lo studia e tópikonan di evangelio riba e djadumingunan ei.
E rekurso nobo di estudio den hogar ta proveé “Ideanan pa Estudio di Eskritura pa Famia i Noche di Hogar.” E skema di kada siman ta kontené ideanan útil pa studia i aktividatnan pa individuonan i famianan. E rekurso pa Individuonan i Famianan Bini, Sigui Mi tambe tin hopi ilustrashon ku lo yuda engrandesé siñansa individual i familiar, espesialmente pa muchanan. E rekurso nobo aki lo wòrdu proveé na kada hogar entrante desèmber di e aña aki.
Presidente Nelson, for di su diskurso inisial na e miembronan di e Iglesia den yanüari, a eksortá nos pa prepará pa e Segundo Binida di JesuCristo dor di kana den e kaminda di konvenio.
Kondishonnan mundial ta rekerí konvershon individual profundo i fortalesé fe den Tata Selestial i JesuCristo i Su Ekspiashon. Señor a prepará nos, liña pa liña, pa e tempunan peligroso ku nos ta enfrentá awor. Den añanan resiente, Señor a guia nos pa atendé preokupashonnan prinsipal relashoná inkluyendo:
-
Honra e dia di reposo i e ordenansa sagrado di e santa sena kual atrobe a wòrdu enfatisá den e delaster tres añanan.
-
Bou di e guia di e obispu, quorumnan di èlder i Sosiedat di Sokoro fortalesé ta enfoká riba e propósito i responsabilidat divinamente asigná di e Iglesia i yuda miembronan hasi i warda konvenionan sagrado.
-
Ministrando den un “manera mas elevá i santifiká” ta wòrdu adoptá ku goso.
-
Kuminsando ku e fin den mente, konvenionan di tèmpel i servisio di historia familiar ta birando un parti mas útil den e kaminda di konvenio.
E ahuste anunsiá awe mainta ta atrobe un otro ehèmpel di guia pa e desafionan di awendia.
E kuríkulo tradishonal di Iglesia a enfatisá e eksperensia di Iglesia riba djadumingu. Nos sa ku ora nos tin mihó enseñansa i miembronan di klas mihó prepará spiritualmente, nos tin un mihó eksperensia na Iglesia riba djadumingu. Nos ta bendishoná ku hopi biaha e Espíritu ta oumentá i fortalesé konvershon den e esena di Iglesia.
E kuríkulo nobo sentrá riba hogar i apoyá pa Iglesia mester influensiá mas poderosamente e opservashon religioso familiar i komportashon i opservashon religioso personal i komportashon. Nos sa e impakto spiritual i e konvershon profundo i duradero ku por wòrdu lográ den e seno familiar. Hopi aña pasa, un estudio a establesé ku pa hóbennan e influensia di e Espíritu Santu hopi biaha ta kompaña e estudio di eskritura i orashon den e hogar. Nos propósito ta pa balansá e Iglesia i e eksperensia di hogar den un manera ku lo oumentá grandemente e fe, spiritualidat, i profundisá konvershon na Tata Selestial i Señor JesuCristo.
Den e porshon sentrá riba hogar i apoyá pa Iglesia di e ahuste aki, tin fleksibilidat pa kada individuo i famia pa determiná den orashon kon i ki ora e lo wòrdu implementá. Por ehèmpel, miéntras esaki lo bendishoná tur famia grandemente, basá riba nesesidatnan lokal, lo ta kompletamente apropiá pa hóbennan soltero, adultonan soltero, mayornan soltero, famianan ku no miembro, miembronan nobo, i otronan pa reuní den grupo pafó di alabansa normal di djadumingu pa disfrutá di e sosialidat di evangelio i wòrdu fortalesé dor di studia huntu e rekurso basá riba hogar i apoyá pa Iglesia. Esaki lo wòrdu lográ informal pa esnan ku ta deseá esaki.
Den hopi parti di mundu, hendenan ta skohe pa keda den e kapia despues di e skema normal di djadumingu pa disfrutá di relashonnan sosial. No tin nada den e ahuste anunsiá aki ku lo interferí den e práktika maravioso i gratifikante aki den ningun manera.
Pa yuda miembronan prepará pa e dia di Reposo, algun bario ya kaba a manda un e-mail informativo, teksto, òf mensahe di medio sosial den siman. En bista di e ahuste aki, nos ta rekomendá fuertemente e tipo di komunikashon aki. E invitashonnan lo rekordá e miembronan di e skema di reunion di djadumingu pa e siman ei, inkluyendo e tópiko di lès, i apoyo kontinuo di kombershon di evangelio den e hogar. Adishonalmente, e reunionnan di adulto riba djadumingu tambe lo proveé informashon pa konektá estudio di Iglesia i hogar kada siman.
E reunion sakramental i e periodo di klas lo rekerí konsiderashon bou di orashon pa ta sigur ku e prioridatnan spiritual ta wòrdu enfatisá riba funshonnan atministrativo. Por ehèmpel, anunsionan por wòrdu hasí pa gran parti durante di un invitashon den siman òf riba un programa di print. Miéntras ku e reunion sakramental mester tin un orashon di apertura i klousura, e di dos reunion mester tin solamente un orashon di klousura.
Manera a wòrdu menshoná anteriormente, e skema nobo di djadumingu lo no kuminsá te yanüari 2019. Tin vários motibu pa esaki. E dos nan mas importante ta, promé, pa por tin tempu pa distribuí e Bini, Sigui Mi rekurso pa Individuonan i Famianan i, di dos, pa duna tempu pa presidentenan di estaka i obispunan regla skema di reunion ku e meta pa por tin mas bario reuní mas tempran durante e dia.
Manera lidernan a buska revelashon, e guia risibí durante e lastu añanan ta pa fortalesé e reunion sakramental, honra e dia di reposo, i enkurashá i asistí mayornan i individuonan pa hasi di nan hogar e fuente di fortalesa spiritual i oumento di fe - un lugá di goso i felisidat.
Bendishonnan Ekstraordinario
Kiko e ahustenan aki ta nifiká pa e miembronan di e Iglesia di JesuCristo di e Santunan di Delaster dianan? Nos tin konfiansa ku e miembronan lo wòrdu bendishoná den maneranan ekstraordinario. Djadumingu por bira un dia pa siña e evangelio siñansa den iglesia i den e hogar. Ora individuonan i famianan ta partisipá den konsehonan di famia, historia familiar, ministrashon, servisio, alabansa personal, i tempu pa famia gososo, e dia di Reposo lo bira berdaderamente un delisia.
Un famia di Brasil ta miembronan di un estaka kaminda e rekurso nobo pa hogar Bini Sigui Mi a wòrdu di tèst. E tata, Fernando, un misionero regresá, ken huntu ku su kasá, Nancy, ta e mayornan di kuater yu yòn, a bisa: “Ora e programa Bini Sigui Mi a wòrdu introdusí den nos estaka, mi tabata asina animá, i mi a pensa “e manera ku nos ta studia e eskrituranan na kas ta bai kambia.” El a sosedé berdaderamente den mi hogar, i komo un lider di Iglesia mi a mira kon e ta sosodé den otro hogarnan. …El a yuda nos pa berdaderamente diskutí e eskrituranan den un hogar. Mi kasa i ami tabatin un entendimentu mas profundo tokante e tópikonan studiá … El a yuda nos … amplia nos konosementu di e evangelio, i engrandesé nos fe i testimonio. …Mi ta duna testimonio… ku mi sa ku e tabata inspirá pa Señor p’asina e estudio konsistente i efektivo di e prinsipionan i doktrinanan kontené den e eskrituranan por trese mas fe, testimonio, i lus na e famianan … den un mundu ku ta kai mas i mas.
Den un tèst di prueba rònt mundu, tabata tin un reakshon hopi faborabel na e rekurso di hogar nobo Bini Sigui Mi . Hopi a reportá ku nan a progresá for di lesa e eskrituranan pa aktualmente studia e eskrituranan. Tabata tambe un sentimentu en komun ku e eksperensia tabata di promové e fe i di tin un impakto maravioso riba e bario.
Konvershon profundo i Duradero
E meta di e ahustenan aki ta pa optené un konvershon profundo i duradero di adultonan i e generashon lantando. E promé página di e rekurso pa individuo i famia ta mustra: “E ophetivo di tur e enseñansa di evangelio ta pa profundisá nos konvershon i yuda nos bira mas manera JesuCristo. …Esaki ta nifiká konfia den Cristu pa kambia nos kurason.” Esaki ta konfia dor di alkansá “mas aya di un lokal di lès bai den e kurason i hogar di un individuo. E ta rekerí konsistensha, esfuerso diario pa komprondé i biba e evangelio. Konvershon berdadero ta rekerí e influensia di e Espíritu Santu.”
E meta i bendishon mas importante di un konvershon profundo i duradero ta risibí dignamente e konvenionan i ordenansanan di e kaminda di konvenio.
Nos ta konfia ku boso lo deliberá huntu pa buska revelashon pa implementá e ahustenan - sin mira mas leu di e marka òf purba na organisá na un manera estrikto individuonan òf famianan. Informashon adishonal lo wòrdu kompartí den komunikashonnan benidero, inkluyendo un karta di e Promé Presidensia i anekso.
Mi ta testifiká na boso ku den e deliberashon ku e Konseho di e Promé Presidensia i e Quorum di e Diesdos Apòstelnan den e tèmpel, i despues ku nos kerido profeta a hasi e petishon na Señor pa revelashon pa sigui pa dilanti ku e ahustenan aki, un konfirmashon poderoso a wòrdu risibí dor di nos tur. Russel M. Nelson ta nos Presidente i profeta bibiente. E anunsionan hasí awe lo resultá den bendishonnan profundo pa esnan ku brasa ku entusiasmo e ahustenan i buska e guia di e Spiritu Santu. Nos tur lo yega mas serka di nos Tata Selestial i nos Señor i Salbador, Jesucristu, di kua ami ta un testigu sigur. Den nòmber di Jesucristu, amèn.