Tur Mester Tuma riba Nan e Nòmber duná dor di e Tata
E Salbador Su nòmber tin un poder singular i esensial. E ta e úniko nòmber di kua salbashon ta posibel.
Un par di siman pasá, mi a partisipá na un boutismo di diferente mucha di ocho aña di edat. Nan a kuminsá siña e evangelio di JesuCristu for di nan mayornan i maestronan. E simia di nan fe den Dje a kuminsá krese. I awor nan ke SiguiÉ den e awanan di boutismo pa bira miembro di Su Iglesia restourá. Mirando nan antisipashon. Mi a puntra mi mes ta kuantu nan por a komprondé tokante un dje aspektonan importante di nan kombenio boutismo: pa tuma riba nan e nòmber di JesuCristu.
For di prinsipio, Dios a deklará e preferensia di e nòmber di JesuCristu den Su plan pa nos. Un angel a bisa nos promé tata, Adam: “Tur lokual bo ta hasi bo ta hasié den e nòmber di Yu, i bo ta arepentí i yama Dios den e nòmber di e Yu pa semper.”
Profeta di E Bùki Di Mormon Rei Benjamin a siña su pueblo, “Ku ningun otro nòmber lo wòrdu duná ni ningun otro kaminda, ni manera pa medio di kual salbashon por bini.”
Señor a reiterá e bèrdat aki na e profeta José Smith: “Ata’ki, JesuCristu ta e nòmber ku e Tata a duná, i lo no tin otro nòmber ku lo wòrdu duná mediante di kual hende por wòrdu salba.”
Den tempu aki, Presidente Dallin H. Oaks a bisa nos ku “esnan ku ehersé fe den e sagrado nòmber di JesuCristu … i drenta den su kombenio … por demanda e sakrifisio ekpiatorio di JesuCristu.”
Nos Tata Selestial ke poe apsolutamente kla ku e nòmber di Su Yu, JesuCristu, no ta simplemente un nòmber entre hopi. E Salbador Su nòmber tin un poder singular i esensial. E ta e úniko nòmber dor di kual salbashon por ta posibel. Dor di poné énfasis di bèrdat den tur dispensashon, nos amoroso Tata ta sigurá tur Su yunan ku tin un kaminda pa regresá bek serka Dje. Pasombra tin un kaminda sigur disponibel no ta nifiká ku nos regreso outomátikamente ta sigurá. Dios a bisa nos ku ta rekerí akshon di nos: “Asina ta ku, tur hende mestertuma riba nan e nòmber di kua a wòrdu duná pa e Tata.”
Pa haña akseso na e poder di salbashon ku ta bini solamente dor di e nòmber di Christu, nos mester “ humiliá su mes dilanti di Dios … i bini dilanti ku un kurason kebranto i un spiritu kontrito … i [ta] dispuestopa tuma riba dje e nòmber di JesuCristu” i asina wòrdu kualifiká, manera mi amigunan di ocho aña di edat, pa “wòrdu risibí pa medio di boutismo den su iglesia.”
Tur esnan ku sinseramente ta deseá pa tuma nòmber di e Salbador riba nan mester drenta awa i risibí e ordenansa di boutismo pa un testigu físiko pa ku Dios di nan desishon. Pero boutismo ta djis e kuminsamentu
E palabratuma no ta pasivo. E ta un palabra ku akshon ku múltiple definishon. Nos kompromiso di tumá riba nos e nòmber di Jesucristo ta rekirí akshon i tin múltiple dimenshon.
Por ehèmpel, un nifikashon di e palabratuma ta pa partisipá òf risibié den bo kurpa, manera ku bo ta bebe algu òftuma remedi. Tumando riba nos mes e nòmber di Christu, nos ta kometé patuma Su enseñansa nan. Su karakterístiko, i últimamente Su amor profundo den nos ser pa asina nan bira parti di ken nos ta. Asina, ta ku e importansia di Presidente Russell M. Nelson su invitashon na e adultonan yòn pa “den orashon [buska] vigoroso mente pa komprondé kiko kada di e vários título nan di [e Salbador ] su nòmbernan ta nifikapersonalmentepa [nan],”i pa fiesta riba e palabranan di Christu den e skrituranan, espesialmente e Bùki di Mormon.
E segundo nifikashon di e palabratuma ta akseptá un persona den un ròl òf embarasá e bèrdat òf un idea òf prinsipio. Ora nos tumá riba nos e nòmber di Christu, nos ta aksept’é komo nos Salbador i embarasá kontinuamente Su enseñansa nan komo guìa pa nos bida. Den kada desishon relevante ku nos hasi, nos portuma Su evangelio pa ta fiel i biba obediente mente ku henter nos kurason, poder, mente, i forsa.
Finalmente, e palabratuma por nifiká dirigí nos mes ku un nòmber òf kousa. Hopi di nos tin e eksperensia dituma responsabilidat na trabou òftumaun kaso òf un moveshon. Ora nos tumá riba nos e nòmber di Christu, nos ta tumá e responsabilidatnan di un berdadero disípulo, nos ta pleita su kaso, i nos ta “para testigu pa [E] den tur tempu i den tur kos, i den tur lugá ku nos lo ta den.” Presidente Nelson a hasi un yamada naturmujeres hóben i “turhombres hóben entre 12 i 18 aña den E Iglesia di Jesucristu di e Santunan di e Delaster Dianan pa mèldu nan mes den e batayon di Señor pa yuda reuní Israèl.” I nos tur ta masha agradesí pa akseptá e yamada profétiko pa usa e nòmber di Su Iglesia restorá manera E mes a revelá: E Iglesia di JesuCristu di e Santunan di e Delaster Dianan.
Den e proseso pa tumá e nòmber di Señor riba nos, nos mester komprondé e kousá di Christu i Su Iglesia ta unu i meskos. Nan no por ta separá. Di e mes manera, nos disipulado personal pa ku e Salbador i miembresia aktivo den Su Iglesia tambe ta inseparabel. Si nos empeñá nos kompromiso ku unu, nos kompromiso ku e otro ta mengua, manera nochi ta sigui dia.
Algun ta duda pa tumá e nòmber di Jesucristu i Su kousá pasombra nan ta konsider’é demasiado smal, limitá i den konflikto ku otro. En realidat, tumá e nòmber di Christu riba nos ta ambos pa librá i amplifiká. E ta lanta e deseo ku nos a sinti ora nos a akseptá e plan di Dios pa medio di fe den e Salbador. Ku e deseo ei bibu den nos kurason, nos por diskubrí e propósito real di nos donnan divino i talentonan, eksperensia Su amor ku ta duna poder, i krese den nos preokupashon pa e bienestar di otronan. A medida ku nos tumá riba nos e nòmber di e Salbador, realmente nos mantené tur lokual ku ta bon i bira manera Dje.
Ta importante pa kòrda ku tumá e nòmber di e Salbador riba nos ta un kombenio kometé—kuminsando ku e kombenio di boutismo ku nos a hasi. Presidente Nelson a bisa, “[Nos] esfuerso pa sigui e Salbador pa medio di drenta den kombenio Kuné i despues mantené nan lo habri porta pa tur bendishonnan spiritual i privilegionan disponibel.” Un di e privilegionan supremo di tumá e nòmber di e Salbador riba nos pa medio di boutismo ta e akseso ku e ta proveé pa e segundo ordenansa riba e kaminda di pakto, ta nos konfirmashon. Ora mi a puntra un di mi amigunan di ocho aña di edat kiko ta nifiká tumá e nòmber di Christu riba bo, e la rospondé simplemente, “E ta nifiká mi por risibí e Spiritu Santu.” E tin rason.
E don di e Spiritu Santu ta wòrdu risibí pa medio di konfirmashon despues ku nos a risibi e ordenansa di boutismo. E don ta derechi i oportunidat pa por tin e Spiritu Santu semper komo kompaño. Si nos skucha i obedesé Su vòs suave i stèl. E lo tene nos riba e kaminda di pakto ku nos a drenta pa medio di boutismo, ta atvertí nos ora ku nos desviá for di dje, i enkurashá nos pa arepentí i koregí loke ta nesesario. Nos prioridat despues di boutimo ta pa mantené e Spiritu Santu semper huntu ku nos pa asina nos por sigui progresá riba e kaminda di pakto. E Spiritu Santu por ta huntu ku nos solamente den grado ku nos ta mantene nos bida limpi i liber di piká.
Pa e motibu aki, Señor a proveé un manera pa nos por kontinuá mente refreská e purifikashon di e efekto di nos boutismo pa medio di un otro ordenansa—e santa sena. Tur siman nos por “testifiká … ku nos tadispuesto pa tumá riba [nos] e nòmber di e Yu” un bia mas ta rèk ipartisipá di e emblema di Señor su kurpa i sanger den nos man—e pan i e awa—ipartisipá di nan den nos alma. A kambio, e Salbador ta realisá Su milager di limpiesa un bia mas i kualifiká nos pa risibí e influensia kontinuo di Spiritu Santu. Esaki no ta evidensia di e infinito miserikòrdia haña solamente den e nòmber di JesuCristu? Manera nos a tumá Su nòmber ribanos.E ta tuma nos pikanan i tristesanan ribaDje,i ainda Su brasa ta “ekstendé” pa rondia nos den Su e brasa di Su amor.
E sakramento ta rekordá nos tur siman kutuma riba nos e nòmber di JesuCristu ta un kompromiso pa biba kontinuá mente, no ta un evento ku a tuma lugá un bia riba e día di nos boutismo. Nos por gosá kontinuá mente i repetidamente “di e sagrado, santu sakrifisio, pa e hende ku ameno por komprondé, pa nos pikanan por wòrdu redimí i tuma su karni i sanger.” No ta un milager chikí ku ora e yunan di Dios komprondé e poder, di e bendishonnan spiritual ku por yega atraves di tumá riba nos e nòmber di Christu, nan sintimentu semper ta di goso i nan deseo semper ta pa drenta un pakto ku nan Dios.
Ora nos sigui riba e kaminda di pakto divino diseñá, nos kompromiso i esfuerso pa tumá riba nos e nòmber di JesuCristu lo duna nos forsa “pa retené [Su] nòmber semper graba den [nos] kurason.” Nos lo stimá Dios i nos próhimo i sinti un deseo pa sirbi nan. Nos lo mantené Su mandamentunan i anhelá pa aserka mas na Dje pa medio di hasi un kombenio adishonal Kuné. I ora nos haña nos mes suak i inkapas pa aktua riba nos deseonan hustu, nos por supliká pa e forsa ku ta sali solamente for di Su nòmber, i E lo reskatá nos. Ora nos soportá ku fieldat, e día lo yega ku nos lo Mir’é i e lo ta huntu Kuné, i nos lo deskubrí ku nos a bira manera Dje, asina nos ta kualifiká nos pa regresá den presensia di nos Tata.
Pasombra e promesa di e Salbador ta sigur: “kere den e nòmber di Jesucristu, i adorá e Tata den su nòmber, i perseverá den fe te na final den su nòmber” nos lo ta salvo den e reino di Dios. Huntu ku boso, mi ta gosa ku e bendishonnan importante aki ta wòrdu hasí posibel dor di tumá riba nos e nòmber di JesuCristu, di kende i den nòmber di kende mi ta testifiká, amèn.