Nos Fogata di Fe
Pa esnan ku ta buska, permití, i biba p’e, amanesé di fe, tin biaha gradualmente, lo bin of por regresá.
Kerido rumannan, no ta maravioso risibí revelashon kontinuo for di shelu pa medio di Presidente Russell M. Nelson i nos lidernan di Iglesia ku ta invitá nos pa biba den maneranan mas nobo i santu na kas i na iglesia, ku tur nos kurason, mente i forsa?
Bo ta tin algun bia e oportunidat di hasi algu pa kua bo a sinti bo mes ku falta di preparashon òf inadekuá pero bo a wòrdu bendishoná paso bo a purba?
Mi tin. Ata un ehèmpel aki.
Algun aña pasa, Elder Richard G. Scott, un miembro di e Quorum di Diesdos Apòstel, a invitá mi amigablemente, “Gerrit lo bo ke pinta ku fèrf di awa ku mi?”
Elder Scott a bisa ku pintamentu tabata yud’e opservá i krea. E la skibi: “Purba na ta kreativo, hasta si e resultado ta modesto. …Kreatividat por engendrá un espíritu di gratitut pa bida i pa loke Señor a krea den bo ser. …Si bo skohe sabiamente, e no mester apsorbé hopi di bo tempu.”
Presidente Henry B. Eyring ta deskribí su meditashon artístiko motivá pa “un sentimentu di amor,” inkluyendo “ e amor di e Kreador ku ta spera Su yunan pa bira manera E - pa krea i konstruí. ” Presidente Eyring si obra kreativo ta proveé un “perspektiva úniko i spiritual di testimonio i fe.”
Presidente Boyd K. Packer su obra artístiko ta ilustrá e mensahe fundamental di e evangelio: “Dios ta e Kreador di e shelunan i tera i tur kos ku ta den nan, ku tur naturalesa ta duna testimonio di e kreashon dirigié divinamente, i ku tin un harmonia kompletu entre naturalesa, siensia, i e evangelio di Jesucristo.”
Alma ta testifiká, “Tur kos ta mustra ku tin un Dios.” Muchanan di primaria ta kanta, “Kada bia ku mi skucha e kanto di para òf wak e shelu blou,, … mi ta kontentu ku mi ta biba den e mundu bunita ku Tata Selestial a krea p’ami.” Outor Victor Hugo ta selebrá e “relashon milagroso entre sernan i kosnan den e totalidat inagotabel, for di solo te insekto. …Tur para ku ta bula ta tene e hilu di eternidat den nan gara. … Un nebula ta un nèshi di vruminga den e streanan.”
I esei ta trese nos bek na Elder Scott su invitashon.
“Elder Scott,” mi a kontesta, “Mi lo ke bira mas opservante i kreativo. Mi ta emoshoná pa imaginá e pinturanan di Tata Selestial ku nubianan moviendo i kada koló i sombra di shelu i awa. “Pero” - aki a bin e pousa largu- “Elder Scott,” mi a bisa, “Ami no tin abilidat pa pinta ku fèrf di awa. Mi ta preokupá ku lo bo frustra den purba na siña mi.”
Elder Scott a sonreí i regla pa nos topa. Riba e dia apuntá, e la prepará e papel, pintura, i kuashinan. E la dibuhá algun liña i yuda muha e papel p’ami.
Nos a usa komo modelo un di su pinturanan bunita titular Fogata na bahada di solo. Miéntras nos ta pinta, nos a papia tokante fe ----- kon ora nos ta wak e lus i kayente di e fogata, nos ta laga skuridat i insertidumbre atras - kon tin bia durante nochinan largu i soledat, nos fogata di fe por duna speransa i siguransa. I kon e amanesé ta bini. Nos fogata di fe - nos memorianan, eksperensianan, i herensia di fe den Dios su bondat i miserikòrdia den nos bida - ta fortalesé nos durante e anochi.
Mi testimonio ta ---pa tur esnan ku ta buska, permití, i biba p’e ---e amanesé di fe, tin bia gradualmente, lo bin òf por regresá. E lus lo bin ora nos deseá i busk’e, ora nos tin pasenshi i obediensia na Dios su mandamentunan, ora nos ta habri pa e grasia, sanashon i konvenio di Dios.
Ora nos a kuminsá pinta, Elder Scott a enkurashá mi, “Gerrit, hasta ku un lès lo bo por pinta algu ku lo bo ke keda kuné i rekordá.” Elder Scott tabata tin rason. Mi ta atesora e pintura di nos fogata di fe ku Elder Scott a yuda mi pinta. Mi abilidatnan artístiko tabata i a keda limitá, pero e rekuerdo di nos fogata di fe por enkurashá nos den sinku manera.
Promé, nos fogata di fe por enkurashá nos pa haña goso den kreatividat sano.
Tin goso den imaginá, siña, i hasi kosnan ku ta bale la pena. Esaki ta spesialmente bèrdat ora nos ta profundisá nos fe i konfiansa den Tata Selestial i Su yu, Jesucristo. Nos no por stima nos mes lo sufisiente pa nos salba nos mes. Pero Tata Selestial stima nos mas i konosé nos mihó ku nos por stima òf konosé nos mes. Nos por konfia den Señor i sostené na dje pa nos propio entendimentu.
Bo a yega di ta esun úniko ku a wòrdu invitá na e un kumpleaño?
Bo a yega di ta esun ku nan a skohe lastu, òf no a skohe, pa un ekipo?
Bo a yega di prepará pa un tèst di skol, entrevista di trabou, un oportunidat ku di bèrdat bo tabata ke - i bo a sinti ku bo a faya?
Bo a yega di hasi orashon pa un relashon ku, pa kualke motibu, no a funshoná?
Bo a yega di enfrentá malesa króniko, bandoná dor di bo kasa, agonisá dor di famia?
Nos Salbador konose nos sirkunstansianan. Ora nos ta ehersé nos albedrio duna dor di Dios i empleá tur nos fakultatnan den humildat i fe, nos Salbador, Jesucristo, por yuda nos logra e desafionan di bida i goso. Fe ta inklui un deseo i eskoho pa kere. Fe tambe ta bin dor di obedesé Dios su mandamentu, duna nos bendishonnan, ora nos ta sigui Su kaminda di konvenio.
Ora nos a sinti, òf sintiendo, insertidumbre, soledat, frustrashon, rabia, laga na kaya, desapunte, òf distansia for di Dios i Su Iglesia restourá, lo por tuma un medida èkstra di esfuerso i fe pa drenta bek den Su kaminda di konvenio. Pero e ta bale la pena! Por fabor bin, bin atrobe, na e Señor Jesucristo! Dios su amor ta mas fuerte ku e lasonan di morto - temporal i spiritual. Nos Salbador su Ekspiashon ta infinito i eterno. Kada un di nos ta pèrdè i kai chikitu. Nos por, pa un tempu, pèrdè nos kaminda. Dios amorosamente ta sigurá nos, sin importá unda nos ta òf kiko nos a hasi, ku no tin un punto ku bo no por regresá bek. E ta warda pa brasa nos.
Segundo, nos fogata di fe pro enkurasha nos pa ministra den un maneranan nobo, elevá, i mas santifiká yena ku e espíritu.
E tipo di ministashona ei ta trese milager i bendishon na esnan ku ta pertenesé na konvenio - kaminda nos ta sinti Dios su amor i ta buska pa ministra na otronan den e spiritu ei.
No hopi tempu pasa, Hermana Gong i ami e a sera konosí ku un tata i famia bendishoná dor di un ruman di saserdosio fiel ku a bin na nan obispu i pidi si e (e ruman di saserdosio) por bira e kompañero di maestro orientador ku e tata. E tata tabata inaktivo i no tabata interesá den maestro orientador. Pero manera e tata su kurason a kambia, e i e ruman amoroso aki a kuminda bishita “nan” famianan. Despues di un bishita asin’ei, e kasa --- su mes no ta asistiendo na iglesia --- a puntra su kasa kon kosnan a bai. E tata a atmití, “mi a sinti algu --- i despues bai den kushina pa kue un serbes.
Pero un kos a sigui otro: eksperensianan sensibel, servisio ministrante, kambionan di kurason, lèsnan di preparashon pa tèmpel, asistiendo iglesia, wòrdu seya komo famia den e tèmpel sagrado. Imaginá kon gradesido e yunan i e ñetunan ta na nan tata i mama i na e hermano ministrante ku a bin manera un amigu i kompañero ku nan tata i ministra na i stima otronan.
Un di tres fogata di fe enkurashamentu: goso kreativo di e evangelio i bendishonnan ta bini ora nos buska pa stima Señor i otronan ku tur nos kurason i alma.
E skrituranan ta invitá nos pa pone tur loke nos ta i por bira riba e altar di amor i servisio. Den e Antiguo Tèstamènt, Deuteronomio ta uni nos ta “stima Señor bo Dios” ku tur bo kurason, alma, i mente. Josue ta eksportá, “Stima Señor bo Dios, …kana den tur su kamindanan, …warda su mandamentunan, …tene na e, i, …sirbi e ku tur bo kurason i tur bo alma.”
Den e Tèstamènt Nobo, nos Salbador ta deklará e dos gran mandamentunan: “Bo lo stima Señor bo Dios ku tur bo kurason, i ku tur bo alma, i ku tur bo forsa. … i bo próhimo manera abo mes.”
Den e Buki di Mormon: Un Otro Tèstamènt di Jesucristo, Rei Benjamin a laborá “ku tur e forsa di su kurpa i e fakultat di hinter su alma” i establesé pas den e tera. Den e Doktrina i Konvenio, manera kada misionero sa, Señor ta pidi nos pa sirbi E ku tur nos “kurason, forsa, mente i forsa.” Ora e Santunan a drenta e Kondado di Jackson, Señor a manda nan pa mantené e dia di Reposo santu dor di stima “Señor bo Dios ku tur bo kurason, ku tur bo poder, mente, i forsa; i den e nòmber di Jesucristo lo bo sirbi e.”
Nos ta regosiha den e invitashon pa konsagrá hinter nos alma na buska maneranan elevá i santu pa stima Dios i esnan ku ta rondoná nos i pa fortalesé nos fe den Tata Selestial i Jesucristo den nos kurason i den nos hogarnan i na iglesia.
Di kuater, nos fogata di fe ta enkurashá nos pa establesé patronchinan regular di bida rekto ku ta profundisá fe i spiritualidat.
E abitonan santu, rutinanan rekto, òf patronchinan den orashon pro inkluí orashon, estudio di eskritura; ayuno; rekordando nos Salbador i konvenionan pa medio di ordenansanan di e sakramento; kompartí bendishonnan di e evangelio pa medio di servisionan mishonal, tèmpel i historia famia, i otro servisionan; manteniendo un diario personal; i mas kos.
Ora patronchinan rekto i deseonan spiritual uni, tempu i eternidat ta bin mas serka. Lus Spiritual i bida ta bin ora práktikanan religioso regular trese nos mas serka di nos Tata Selestial i nos Salbador, Jesucristo. Ora nos stima e espíritu i e letra di e lei, e asuntunan di eternidat lo destilá riba nos almanan manera e serena di shelu. Ku obediensia diario i awa bibu refreskante, nos lo haña kontestanan, fe, i forsa pa por enfrentá e desafionan di kada dia i oportunidatnan ku e pasenshi di evangelio, perspektiva i goso.
Di sinku, ora nos ta trata na mantené e mihó patronchinan familiar miéntras nos ta buska maneranan mas santifiká pa stima Dios yuda otronan prepara pa topa ku E, nos fogata di fe por enkurashá nos pa rekordá ku perfekshon ta den Kristu, no den nos mes òf den e perfekshonismo di mundu.
E invitashon di Dios ta yen di amor i posibilidat pasobra Jesucristo ta “e kaminda, e bèrdat, i e bida.” Na esnan ku ta sinti nan mes karga, E invitashon, “Bin na mi,” i na esnan ku ta bin serka E, E ta primintí, “Lo mi duna bo sosiegu.”“Bin na Kristu, i wòrdu perfekshoná den dje, … stima Dios ku tur bo forsa, mente i poder, i e ora ei su grasia lo ta sufisiente pa bo, ku pa medio di su grasia bo por ta perfekto den Kristu.”
Den e siguransa “pa medio di su grasia bo por wòrdu perfekshoná den Kristu,” tin tambe e konsuelo, pas, i promesa ku nos por sigui pa dilanti ku fe i konfiansa den Señor hasta ora kosnan no ta bai manera nos a spera, suponé, òf kisas meresé, no pa nos falta, hasta despues ku nos a hasi nos esfuerso.
Den vários tempu i manera, nos tur ta sinti inadekuá, insertidumbre, kisas indigno. Asina den nos esfuersonan leal pa stima Dios i ministra na nos próhimo, nos por sinti Dios su amor i inspirashon nesesario pa nan i nos bida den un maneranan mas santifiká.
Ku kompashon, nos Salbador ta enkurashá i primintí ku nos por “sigui pa dilanti ku konstansia den Kristu, teniendo un speransa perfekto i briante, i un amor di Dios pa tur hende.” E doktrina di Kristu, nos Salbador su Ekspiashon, i nos disipulado di hinter nos alma di e kaminda di konvenio por yuda nos konosé Su bèrdat i hasi nos liber.
Mi ta testifiká di e plenitut di Su evangelio i Su plan di felisidat a wòrdu restourá i siña den E Iglesia di Jesucristo di e Santunan di Delaster dianan, den skrituranan santu, i pa medio di profetanan for di Profeta Jose Smith te ku President Russel M. Nelson awe. Mi ta testifiká di Su kaminda di konvenio lo hiba nos na e don di mas grandi ku nos Tata Selestial ta primintí: “Lo bo tin bida eterno.”
Ku Su bendishonnan i goso duradero por ta di boso miéntras nos ta kalentá nos kurason i speransa i kompromiso na nos fogata di fe, ta mi orashon den e sagrado nòmber di Jesucristo, amèn.