Hende Muhé i Siña e Evangelio den e Hogar
E Salbador ta bo ehèmpel perfèkto di kon bo mester hunga un gran parti den Su movementu pa pone mas énfasis riba siñansa di evangelio den hogar.
Mi kerido hermananan, ta maravioso reuní ku boso. Esaki ta un tempu hopi emoshonante pa e Iglesia di JesuCristo di e Santunan di Delaster dianan. Señor ta dramando su konosementu riba Su Iglesia manera e la primintí E lo hasi.
Bo ta kòrda kiko E a bisa: “Pa kuantu tempu awanan den movishon por keda impuru? Ki poder por kontené e shelunan? Tambe e hòmber por saka su man chikí pa stop e riu Misuri den su kurso dekretá, of pa kambia su direkshon, pa strob’e e Todopoderoso di drama bendishon for di shelu riba e kabesnan di e Santunan di Delaster día.”1
Parti di Señor su kompartimentu di konosementu aktual ta relatá na pa aselerá Su dramamentu di bèrdatnan eterno riba e kabesnan i den e kurasonnan di Su hendenan. E la pone bon kla ku e yu muhénan di Tata Selestial lo tin un ròl primario den e aselerashon milagroso. Un evidensia di e milager ta Su guìa na Su profeta pa pone mas énfasis riba instrukshonnan di evangelio den e hogar i den e famia.
Bo por puntra, “Kon esei por hasi hermananan leal un forsa primario pa yuda Señor drama su konosementu riba Su Santunan?” Señor ta duna e kontesta den “E Famia: Un Proklamashon na Mundu.” Bo ta kòrda e palabranan, pero bo por mira nifikashon nobo i rekonosé ku Señor a premirá e kambionan emoshonante. Den e proklamashon, E la duna hermananan e responsabilidat di ta e edukadónan prinsipal di e evangelio den e famia ku e palabranan aki: “Mamanan ta primordialmende responsabel pa nutrishon di nan yunan.”2 Esaki ta inkluí nutrishon di e bèrdat di evangelio i konosementu.
E proklamashon ta sigui bisa: Tatanan i mamanan ta obligá na yuda otro komo partner igual.”3 Nan ta partnernan igual, igual den nan potenshonal pa kresementu spiritual i pa atkirí konosementu, i ta uni den yuda otro. Nan ta igual den nan destino divino pa wòrdu eksaltá huntu. De echo, nan no por wòrdu eksaltá nan so.
Dikon, e ora ei, e yu muhé di Dios den un relashon uní i igual ta risibié e responsabilidat primordial di nutri ku e nutrishon mas importante ku tur mester risibí, e konosementu di e bèrdat ku ta bin for di shelu? Pa loke ami por mira, esei tabata e manera di Señor for di tempu ku famia a wòrdu krea den e mundu aki.
Por ehèmpel, tabata Eva ku a risibí e konosementu ku Adam mester a kome di e fruta di e palu di konosementu pa nan por warda tur e mandamentunan di Dios i pa forma un famia. Mi no sa dikon e la bin na Eva promé, pero Adam ku Eva tabata perfektamente uni ora e konosementu a wòrdu dramá riba Adam.
Un otro ehèmpel di Señor usando e donnan di nutri di e hende muhé ta e manera ku E a fortalesa e yunan di Helaman. Semper mi ta emoshoná ora mi lesa e relato i mi ta kòrda mi propio mama su palabranan suave di siguransa ora mi sali kas pa servisio militar.
Helaman a registrá:
“Nan a wòrdu instruí dor di nan mamanan, ku si nan no duda, Dios lo salba nan.
“I nan a ripití na ami e palabranan di nan mamanan, bisando: Nos no ta duda ku nos mamanan tabata sa.”4
Miéntras ami no sa tur e rasonnan di Señor pa duna e responsabilidat primario di nutri den e famia na hermananan leal, mi ta kere ku e tin di aber ku e kapasidat di stima. E ta rekerí gran amor pa sinti e nesesidat di un otro hende mas ku di bo mes. Esei ta e amor puru di Christu na e persona ku bo ta nutri. E sentimentu di karidat ta bin for di e persona eskogi pa ta esun ku ta nutri siendo kalifiká pa e efektonan di e Ekspiashon di JesuCristo. E moto di Sosiedat di Sokoro, kual mi mama a ehèmplifiká, ta mustra pa mi inspirá: “Karidat Nunka ta Faya.”
Komo yu muhé di Dios, bo tin un kapasidat interno i grandi pa sinti e nesesidat di otronan i di stima. Esei, na su turno, ta hasi bo mas suseptibel na susuronan di e espíritu. E Espíritu e ora ei por guia kiko bo ta pensa, kiko bo ta bisa, i kiko bo ta hasi pa nutri hende asina Señor por drama konosementu, bèrdat, i kurashi riba nan.
Bosnan, hermananan, ku ta skucha mi bos kada un den un lugá úniko den bo biahe den bida. Algun di boso ta hóben den e seshon general di hende muhé pa promé bia. Algun di boso ta adultonan hóben preparando pa ta nutrido ku Dios ke pa boso ta. Algun di boso ta resien kasa ku ainda no tin yu, otronan ta mamanan yòn ku un òf mas. Algun ta mamanan di adolesente i otronan ku yunan den kampo mishonal. Algun di yunan ku a bira suak den fe i otronan ta leu fo’i kas. Algun ta biba nan so sin kompañero fiel. Algun ta abuelo.
famia di Dios i di bo propio famia, sea den futuro, den e mundu aki, òf den e mundu di espíritu. E konfiansa di Dios na abo ta pa nutri mas tantu di bo i Su famia ku bo por ku bo amor i bo fe den JesuChristu.
Bo desafio práktiko ta pa sa ken bo tin ku nutri, kon, i ki ora. Bo mester di Señor su yudansa. E konosé otronan su kurasonnan, i E sa ki ora nan ta kla pa akseptá bo nutrishon. Bo orashon i fe lo ta bo yabi pa éksito. Bo por dependé pa risibí di Su guìa.
El a duna e aliento aki: “Pidi e Tata den mi nòmber den fe, keriendo ku lo bo risibí, i lo bo tin e Espíritu Santu, ku ta manifestá tur kos ku ta nesesario.”5
Banda di orashon, estudio serio di eskritura lo ta parti di bo poder kresiente pa nutri. Ata ki e promesa: “No pensa di antemano ki bo ta bai bisa; pero atesora kontinuamente den bo mente e palabranan di bida, i lo bo haña den e mesun ora e porshon ku ta wòrdu duná na kada hòmber.”6
Pues lo bo tuma mas tempu pa hasi orashon, pa skrudiñá, i pa meditá riba asuntunan spiritual. Lo bo tin konosementu di bèrdat drama riba bo i lo bo krese den bo poder pa nutri den bo famia.
Lo bai tin tempu ku bo ta sinti bo progreso den siña kon mihó pa nutri ta poko-poko. E ta tuma fe pa wanta. E ta enkurashá bo di e manera aki:
“P’esei, no kansa di hasi bon, psó boso ta poniendo e fundeshi di un gena obra. I for di kosnan chiitu ta bin e loke ta grandi.
“Ata’ki, Señor ta rekerí e kurason i un mente dispuesto; i esnan dispuesto i obediente lo kome di e bon di e tera di Sion den e último dianan.”7
Bo presensia awe nochi ta muestra ku bo ta dispuesto na akseptá Señor su invitashon pa nutri otro. Esei ta bèrdat hasta pa esnan mas yòn akinan awe nochi. Bo por sa ken pa nutri den bo famia. Si bo hasi orashon ku intenshon berdadero, un nòmber i un kara lo bin den bo mente. Si bo hasi orashon pa sa kiko pa hasi òf kiko pa bisa, lo bo sinti e kontesta. Kada bia ku bo obedesé, bo poder pa nutri lo krese. Lo bo ta preparando pa e dia ku bo lo nutri bo propio yunan.
Mamanan di adolesentenan por hasi orashon pa sa kon pa nutri un yu hòmber òf muhé ku ta parse di no ta respondé na nutrishon. Bo por hasi orashon pa sa ken por tin e influensia spiritual bo yu mester i lo akseptá. Dios ta skucha i ta kontesta e tipo di orashonnan di kurason ei di mamanan preokupá i E lo manda yudansa.
Tambe, welanan akinan awe nochi por sinti e doló di kurason kousá pa e demandanan i difikultatnan di su yunan i ñetunan. Bo por tuma e kurashi i direkshon for di e eksperensianan di bo famia den e skrituranan.
For di e tempu di Eva i Adam, te Tata Israel, i sigui pa kada famia den e Buki di Mormon, tin un lès sigur tokante kiko pa hasi tokante e tristesa di yunan ku ta parse di no responde: nunka stòp di stima.
Nos tin e ehèmpel ku ta duna ánimo di e Salbador ora E ta nutri e yunan spiritual rebellede di Su Tata Selestial. Hasta ora nan i nos ta kousa doló, e Salbador su man ta saká.8 E ta papia den Nefi di Su rumannan spiritual, kual E la purba sin éksito pa nutri: “Oh bosnan … ken ta di e kas di Israèl, kuantu bia mi a trese boso huntu manera un galiña ta trese su puítunan huntu bou di su ala, i mi a nutri boso.”9
Pa hermananan den kada etapa di e biahe di bida, den kada situashon familiar, i den kada kultura, e Salbador su ehèmpel perfekto di kon abo lo hunga un parti grandi den Su movishon pa pone énfasis mas grandi riba enseñansa di evangelio den e hogar.
Abo lo trese bo sintimentu inherente di karidat den kambionan di aktividat i práktika den bo famia. Esei lo trese kresementu spiritual mas grandi. Ora bo hasi orashon ku i pa bo famia, lo bo sinti bo amor i esun di Señor pa nan. Esei lo bira mas i mas bo don spiritual ora bo busk’e. Bo miembronan di famia lo sintié ora bo ta hasi orashon ku fe mas grandi.
Ora e famia reuní huntu pa lesa skritura na bos altu, abo lo a lesa nan kaba i hasi orashon tokante nan pa prepará bo mes. Lo bo a haña momentunan pa hasi orashon pa e Spiritu por lusa bo mente. E ora ei, ora ta bo turno pa lesa, miembronan di bo famia lo sinti bo amor pa Dios i pa Su palabranan. Nan lo wòrdu nutrí do di dj’E i dor di Su Spiritu.
E mes un derame aki por bin den kualke enkuentro familiar si bo hasi orashon i planifik’e. E por tuma tempu i esfuerso, pero e lo trese milager. Mi ta kòrda un lès ku mi mama a siña nos ora mi tabata chikitu. Ainda mi por wak den mi mente e mapa ku koló di e biahenan di e Apòstel Pablo. Mi ta puntra mi mes unda e la haña tempu i energia pa hasi tur e kos ei. I te ku e dia di awe mi ta bendishoná pa su amor pa e Apòstel fiel ei.
Kada un di boso lo haña maneranan pa kontribuí den e derame di bèrdat riba boso famianan den Señor su Iglesia restourá. Kada un di boso lo hasi orashon, studia, i skrudiñá pa sa kiko lo ta bo kontribushon úniko. Pero esaki ami sa: kada un di boso, kargando responsabilidat igual ku e yu hòmbernan di Dios, lo ta un parti grandi den e milager di e enseñansa di e evangelio ku lo akselerá e rekohementu di Dios su famia pa e regreso glorioso de Señor JesuChristu. Den e nòmber sagrado di JesuChristu, amèn.