Mayornan i Muchanan
E gran plan di felisidat di nos Tata Selestial ta bisa bo ken bo ta i e propósito di bo bida.
Mi kerida hermananan, ki maravioso ta pa por tin e seshon general di konferensia nobo aki di hende muhé di Iglesia di ocho aña bai ariba. Nos a skucha mensahenan inspirá di hermananan ku ta liderá i di PresidenteHenry B. Eyring. Nos ta gusta traha bou di e direkshon di Presidente Russel M. Nelson, i nos ta warda ku interes pa skucha su diskurso profétiko.
I.
Yunan ta e regalo mas presioso di Dios --- nos kresementu eterno. Asina mes, nos ta biba den un tempu kaminda hopi hende muhé no tin gana di ta parti den haña yu ni nutri nan. Hopi adulto hóben ta demora matrimonio te ora nan nesesidatnan temporal ta satisfasé. E edat averahe di matrimonio di nos miembronan di Iglesia a subi ku mas ku dos aña, i e kantidat di nasimentu den e miembresia di Iglesia ta kayendo. Estádos Unídos i algun otro nashon ta konfrontando un futuro ku masha tiki mucha madurando den adulto pa apoyá e kantidat di adulto penshonado.1 Mas ku 40ta porshento di e muchanan ku ta nase na Merka ta di mamanan soltero. E muchanan aki ta vulnerabel. Kada un di e tendensianan aki ta obra kontra di e plan divino di salbashon di nos Tata.
II.
Muhénan Santunan di e Delaster Dianan ta komprondé ku ta un mama ta nan prioridat mas haltu, nan goso di mas grandi. Presidente Gordon B. Hinckley a bisa: “Hende muhé pa gran parti ta mira nan kumplimentu mas grandi, nan felisidat mas grandi den nan hogar i famia. Dios a planta den e hende muhé algu divino ku ta ekspresá su mes den forsa silensioso, den refinamentu, den pas, den bondat, den virtut, den bèrdat, den amor. I tur e kualidatnan remarkabel aki ta haña nan ekspreshon mas berdadero i satisfaktorio den maternidat.
E la kontinuá, “E obra mas grandi ku kualke hende muhé por hasi ta di nutri i siña i biba i enkurashá i lanta su yunan den rektitut i bèrdat. No tin otro kos ku por kompará ku esei, independientemente di loke e ta hasi.”2
Mamanan, kerida hermananan, nos stima boso pa loke boso ta i pa loke boso ta hasi pa nos tur.
Den su diskurso importante di 2015 titulá “Un Petishon na Mi Hermananan,” Presidente Russel M. Nelson a bisa:
“E reino di Dios no ta un no por ta kompletu si hende muhé ku ta hasi konvenio sagrado i ta warda nan, hende muhé ku por papia ku e poder i outoridat di Dios!
“Awendia, … nos mester di hende muhé ku sa kon ta hasi pa kosnan importante sosodé pa medio di nan fe i ku ta defensornan ku kurashi di e mortalidat i famia den un mundu yena ku piká. Nos mester di hende muhé ku ta deboto na pastorea Dios su yunan den e kaminda di konvenio pa yega eksaltashon; hende muhé ku sa kon pa risibí revelashon persona, ku ta komprondé e poder i pas di e investidura di tèmpel; hende muhé ku sa kon pa yama e podernan di shelu pa protehá i fortalesé muchanan i famia; hende muhénan ku ta siña sin miedu.”3
E enseñansanan inspirá aki ta basáriba “E Famia: Un Proklamashon na e Mundu,” den kua e Iglesia restourá ta afirmá doktrina i práktikanan sentral den e plan di e Kreador promé ku E a krea e mundu.
III.
Awor mi ke dirigí mi mes na e grupo mas yòn den e oudiensia. Mi kerida hermananan, pa motibu di bo konosementu di e evangelio restourá di Jesucristo, bo ta úniko. Bo konosementu ta apoderá bo pa soportá i surpasá e difikultatnan di kresementu. For di edat yòn, bo a partisipá den proyektonan i programanan ku a desaroyá bo talentonan, manera skibimentu, papia i planifiká. Bo a siña komportashon responsabel i kon ta resistí tentashon di gaña, hasi trampa, hòrta, òf uso di alkohòl i droga.
Loke ta hasi bo úniko a wòrdu rekonosé den un estudio di Universidat di North Carolina tokante adolesente Merikano i religion. Un artíkulo di Charlotte Observer titular, “Adolesentenan Mormon por enfrentá mihó: Estudio ta demostrá ku nan por enfrentá adolesensia mihó ku otronan.” E artíkulo aki a konkluí ku “Mormonnan ta skor mihó den evitá komportashonnan riesgoso, studiando mihó na skol i tin un aktitut positivo tokante futuro.” Un di e investigadónan den e enkuesta, ku a entrevista mayoria di nos hubentut, a bisa, “Den kasi kada un di e kategorianan nos a wak un patronchi kla: Mormonnan ta promé.”4
Dikon bo ta enfrentá mihó e difikultatnan di kresementu? Muher hóben, ta pasobra bo ta komprondé nos Tata Selestial su gran plan di felisidat. Esaki ta konta bo ken bo ta i e propósito di bo bida. Hóben ku e entendimentu ei ta promé den solushoná problema i promé den skohe loke ta korekto. Bo sa ku bo por tin Dios su yudansa den surpasá tur e difikultatnan di kresementu.
Un otro rason dikon abo ta mas efektivo ta pasobra bo ta komprondé ku bo ta un yu di un Tata Selestial ku stima bo. Mi ta sigur ku bo ta familiar ku e gran himno “Kerido Muchanan, Dios Ta Serka di Bo.” Ata ki e promé verso ku nos tur a kanta i kere den dje:
Kerido muchanan, Dios ta serka di boso,
Kuidando boso di dia i nochi,
I ta deleitá den tin bo i bendishoná bo,
Si bo lucha pa hasi loke ta korekto.5
Tin dos enseñansa den e verso ei: Promé, nos Tata Selestial ta serka di nos i ta vela riba nos dia i nochi. Pens’e! Dios stima nos, E ta serka di nos, i E ta vela riba nos. Di dos, E ta deleitá pa bendishoná nos ora nos “ta lucha pa hasi loke ta korekto.” Ki konsuelo mei mei di tur ansiedat i difikultat!
Si, muhernan hóben, bo ta bendishoná i bo ta maravioso, pero bo ta meskos ku tur Tata Selestial su yunan den bo nesesidat di “lucha pa hasi lo korekto.”
Aki mi por duna bo un konseho riba diferente kos, pero mi a skohe pa papia di solamente dos.
Mi promé konseho ta tokante e telefònnan selular. Un enkuesta resien den hinter e nashon a diskubrí ku mas ku mitar di e adolesentenan na Merka ta bisa ku nan ta pasa muchu tempu ku nan telefòn selular. Mas ku kuarenta porshento ta sinti ansiedat ora nan ta separá for di nan telefòn selular.6 Esaki ta mas komun bou di mucha muhé ku mucha hòmber. Mi kerida hermanitanan —i hende muhé adulto tambe — e lo bendishoná bo bida si bo limitá bo uso di i dependensia di telefòn selular.
Mi di dos konseho ta ainda mas importante. Ta amabel ku otro. Amabilidat ta algu ku hopi di nos hóbennan ta hasiendo kaba. Tin gruponan ku hóbennan den algun komunidat ku a mustra e kaminda na nos tur. Nos tur a wòrdu inspirá dor di aktonan di amabilidat di hóbennan na esnan den nesesidat i yudansa. Den hopi manera bo por duna e yudansa ei i mustra amor un na otro. Nos ta deseá pa tur sigui boso ehèmpel.
Na mes momentu, nos sa ku e atversario ta tenta nos tur pa no ta amabel, i tin ainda hopi ehèmpel di esaki, hasta bou di muchanan i hóbennan. Falta di amabilidat persistente ta konosé bou di hopi nòmber, manera tenta, agrupá kontra un hende, òf uni den rechasá otronan. E ehèmpelnan aki deliberadamente ta duna doló na koleganan di klas i amigunan. Mi muhénan hóben, no ta bunita pa Señor si nos ta kruel i malu ku otronan.
Ata un ehèmpel aki. Mi sa di un hòmber hóben, un refugiado aki na Utah, kutabata wòrdu tenta paso e tabata diferente, inkluso papiando su idioma natal. El a wòrdu persigui pa un gèng di hóbennan privilegiá te ora e la retalia di un manera ku a kousa ku el a kai sera pa 70 dia miéntras e tabata wòrdu konsiderá pa deportashon. Mi no sa kiko a provoká e grupo di hóben aki, hopi di nan Santunan di e Delaster Dianan manera bo, pero mi por mira e efektonan di nan maldat, un eksperensia trágiko i un karga pa un di e yunan di Dios. Aktonan chikitu di krueldat por tin konsekuensianan devastador.
Ora mi a skucha e historia ei, mi a kompar’é ku loke nos profeta, Presidente Nelson, a bisa den un devoshonal mundial di hubentut. Pidiendo bo i tur otro hóben pa asistí den e rekohementu di Israel, e la bisa: “Destaká; ta diferente for di e mundu. Abo i ami sa ku bo ta e lus di mundu. P’esei, Señor mester pa bo parse manera, zona manera, aktua manera, i bisti manera un berdadero disípulo di Jesucristo.”7
E batayon di hóben ku Presidente Nelson a invitá pa uni lo no ta malu ku un i otro. Nan lo sigui Señor su enseñansa pa saka man i ta amoroso i konsiderá na otronan, hasta pa bira un banda di kara ora nos sinti ku un hende a hasi malu ku nos.
Den un diskurso di konferensia general durante e tempu ku hopi di boso a nase, Presidente Gordo B. Hinckley a alabá “muher hóben bunita ku ta luchando pa biba e evangelio.” E la deskribí nan, manera ami ta sinti pa deskribí boso:
“Nan ta generoso na un ku otro. Nan ta buska pa fortalesé un ku otro. Nan ta un krédito pa nan mayornan i nan hogar for di kua nan a bin. Nan ta yegando edat di hende muhé madurá i nan lo karga durante nan bida e idealnan kua aworakí ta motivá nan.”8
Komo siervo di Señor, mi ta bisa na bo muhé hóben, nos mundu mester di bondat i amor. Ta amabel ku un i otro. Hesus a siña nos pa stima un i otro i pa trata otronan manera nos ke wòrdu trata. Ora nos ta lucha pa nos ta amabel, nos ta bai mas serka di dj’E i Su influensia amoroso.
Mi kerida hermananan, si bo partisipá den maldat — individualmente òf den grupo - disidí awor pa kambia i enkurashá otronan pa kambia. Esei ta mi konseho, i mi ta invitá bo pa ta un siervo di Señor Jesucristo pasobra Su Espíritu a bisa mi pa papia ku bo tokante di e tópiko importante aki. Mi ta testifiká di JesuCRistu, nos Salbador, ku ta siña nos pa stima otro manera El a stima nos. Mi ta roga ku nos lo hasi esei, den enòmber di JesuCristu, amèn.