Kere, Stima, Hasi
Nos ta logra bida abundante dor di bira berdadero disípulo di Jesucristo - dor di siguié den Su kamindanan i komprometé den Su obra.
Mi kerido rumannan, ta un okashon asina maravioso pa ta huntu ku boso den e sekshon di e konferensia general maravioso aki riba e dia djawe: pa skucha mensahenan inspirá: pa skucha e koro maravioso i asombroso di misioneronan representando e miles di misioneronan rònt mundu---nos yunan muhé i nos yunan hòmber - I spesialmente pa ta uní den nos fe awe, atrobe sosteniendo nos kerido Presidnete i profeta, Presidente Russelll M. Nelson, e ProméPresidensia, i e ofisialnan General di e Iglesia. Esta un dia di godo pa ta huntu ku bosos awe.
E Rei antiguo Solomon tabata un di e ser humano visiblemente mas e eksitoso den historia. E tabata parse di tin tur kos - sèn, poder, adorashon, fama, honor. Pero despues di dékada di indulgensia propio, selebridat, i ekstrabagansia, kon Rei Solomon a resumí si bida?
“Tur kos ta vanidat,” el a bisa.
E hòmber aki, ku tabata tin tur kos, a terminá desilushoná, pesimista, i infelis, maske e ta tin tur kos bon p’e.
Tin un palabra na Aleman, Weltschmerz. Mas o ménos definí, e ta nifiká tristesa ku ta bin despues di pensa hopi tokante kon e mundu ta inferior na loke nos ta pensa nos mester ta.
Kisas tin un tiki Weltschmerz den kada un di nos.
Ora dolónan silensioso lastra drenta den e hukinan di nos bida. Ora tristesa saturá nos dianan i benta un sobra profundo riba nos anochinan. Ora tragedia i inhustisia drenta e mundu rònt di nos, inkluyendo den e bida di esnan ku nos stima. Ora e biahe dor di nos kaminda di mala suerte personal i soledat, i doló skuresé nos kietut i kibra nos trankilidat - nos por wòrdu tenta pa ta di akuerdo ku Solomon ku bida ta vano i ku falta di nifikashon.
E Gran Speransa
E bon notisia ta, ku tin speransa. Tin un solushon falta si nifikashon, vanidat, tristesa i Weltschmerz di bida. Tin un solushon pa hasta e bashí mas profundo, falta di speransa i desanimo ku bo por ta sinti.
E speransa aki ta wòrdu haña den e poder transformativo di e evangelio di Jesucristo i den e poder di redenshon di e Salbador pa sana nos di e malesanan di nos alma. Su bida, enseñansa, i ehèmpel ta apuntá na e kaminda pa “paso den e mundu, i bida eterno den e mundu benidero.”
“Mi a bin,” Jesus a deklará, “pa na por tin bida, i pa nan por tin e mas abundante.”
Nos ta logra e bida abundante aki no dor di enfoká riba nos propio nesesidatnan or den nos logronan per dor di bira berdadero disípulo di Jesucristo - dor di sigui den Su kaminda i partisipá den Su obra. Nos ta haña bida abundante dor di lubidá nos mes i partisipá den e gran kousa di Cristu.
I kiko ta e kousa di Kristu? E ta di kere den dj’E, stima manera E a stima, i hasi manera E a hasi.
Jesus “a bin ta hasi bon.” E la kana entre e pobernan, esnan rechasá, esnan malu, i esnan ku bèrgwensa. E la ministra na esnan indefenso, esnan debil, i esnan sin amigu. E la pasa tempu ku nan; E la papia ku nan. “I e la sana nan tur.”
Tur kaminda ku E a bai, e Salbador a siña e “bon notisia di e evangelio. E la kompartí e bèrdatnan eterno ku ta liberá e hende spiritualmente i tambe temporalmente.
Esnan ku ta dediká nan mes Kristu su kousa ta diskubrí e bèrdat di e promesa di e Salbador: “Ken ku pèrdè nan bida pa mi kousa lo hañ’e.”
Solomon tabata robes, mi kerido rumannan - bida no ta “vanidat.” Al kontratio, e por ta yen di propósito eterno i sentido.
E mannan sanador di Jesucristo ta disponibel pa tur esnan ku ta busk’é. Mi a bin sa sin ningun duda ku keriendo den i stimando Dios i purba na sigui Kristu por kambia nos kurason, suavisá nos doló, i yena nos alma ku “goso ekstremadamente grandi.”
Kere, Stima, Hasi
Pa por aktivá e bendishonnan sanador i transformador ku nos Tata Selestial tin pa esnan ku ta brasa e evangelio di Jesucristo, nos mester hasi mas ku un entendimentu intelektual di e prinsipionan. Un kaminda di komienso pa e disipulado ta kuminsá ku tres palabra simpel:
Permití mi sugirí ku disipulado ta kuminda ku tres palabra simpel:
Kere, Stima, I Hasi.
Si nos ta kere Dios, e ora ei nos tin fe den dje i konfia Su palabra. E kerensia simpel ei ta kousa nos kurasonnan pa yena i krese den e amor di Dios i otronan. Ora e amor ei krese, nos ta wòrdu inspirá pa hasi manera e Salbador i kuminsá nos propio biahe den e kaminda pa disipulado.
“Pero,” bo ta bisa, “esei por ta parse un tiki simplistiko. Sigur, e problemanan di bida -mi problemanan - ta hopi mas kompliká pa un reseta asina simpel. Bo no por kura Weltschmerz ku e tres simpel palabra: Kere, Stima, Hasi. =”
No ta e dicho ta kura. Ta e amor di Dios ta reskatá, restourá, i kura.
Dios konosé bo. Bo ta Su yu. E stima bo.
Hasta ora bof pensa ku bo no por wòrdu stima, E ta ekstendé [Su man] na bo.
E dia aki - tur dia - E ta saka man pa bo, deseando pa kura bo. Su gran plan pa bo ta pa remplasá e bashí den bo kurason ku goso rebosante. E ta deseá di bari kita e skuridat den bo bida i yen abo alma ku e lus kresiente, sagrado i briante di Su gloria.
Mi a eksperensia esaki pa mi mes.
I ta mi testimonio komo un Apòstel di e Señor JesuCristo ku tur esnan ku bin serka Dios - tur esnan ku berdaderamente ta kere, stima, i hasi - por eksperensiá e mesun kos.
Nos ta kere
E eskrituranan ta siña nos ku “sin fe ta imposibel agradá [Dios]: pasobra esun ku bin na Dios mester kere ku e ta.”
Pa algun, e echo di kere ta difísil. Tin biaha nos orguyo ta den kaminda. Kisas nos ta pensa ku pasobra nos ta sabi, eduká, òf eksperensia, simplemente nos no por kere den Dios. Nos ta suponé ku nos sa mihó ku Dios. I nos ta kuminsá wak religion manera un tradishon kèns.
Den mi eksperensia, kreensia no ta dje tantu ei un pintura impreshonante ku nos ta mira i atmirá i di kua nos ta diskutí i teorisa. E ta mas un plug ku nos ta hiba den e tereno di plantashon, i ku e sudor di nos frente nos ta krea e kanalnan ku ta tuma e simianan pa duna fruta ku lo permanese.
Bin serka di Dios, i E lo bin serka di bo. Esaki ta e promesa na tur esnan ku ta buska pa kere.
Nos Stima
Eskrituranan ta revelá ku mas nos stima Dios i Su yunan, mas felis nos ta bira. E amor ku Jesucristo a papia di dje, sinembargo, no ta un karchi di regalo, benta afó, amor di sigui pa otro kos. No ta un amor ku ta wòrdu papia di dje i despues lubidá. No ta un “laga mi sa si tin algu ku mi por hasi” tipo di amor.
E amor ku Dios ta papia di dje ta e tipo ku ta drenta nos kurason ora nos lanta mainta fo’i soño, keda ku nos durante hinter dia, i yena den nos kurason ora nos bisa nos orashonnan di gratitut na final di dia.
Esaki ta e amor inekspresabel ku Tata Selestial tin pa nos.
Ta e kompashon sin fin ku ta permití nos pa wak mas klaramente otronan pa loke nan ta. Pa medio di e lèns di amor puru, sernan imortal ku potenshan infinito i ku balor i yunan stima di Dios Todopoderoso.
Una bes nos wak dor di e lèns, nos no por lubidá, deskartá, òf diskriminá kontra ningun hende.
Nos ta hasi
Den e obra di e Salbador, ta hopi bia “pa medio di kosnan chikí i simpel” ku “kosnan grandi ta sosodé.”
Nos ta ku práktikanan repetitivo ta loke ta hiba nos na bira bon den kualke kos. Sea ta toka e klarinèt, skòp un bala den nèt, drecha un outo, òf bula un avion, ta pa medio di práktika nos ta bira kada bia mas mihó.
E organisashon ku Señor a krea na mundu - E Iglesia di Jesucristo di e Santunan di Delaster dianan - ta yuda nos pa hasi netamente esei. E ta ofresé un lugá pa práktika e manera di biba ku E a siña i bendishoná otronan manera E a hasi.
Komo miembronan di Iglesia, nos ta risibí yamamentu òf responsabilidat ku ta rekerí di nos pa saka man ku kompashon i servisio na otronan.
Resientemente, Iglesia a pone un énfasis renobá riba ministra, sirbiendo òf stima otro. Hopi pensamentu a bai den e asuntu aki pa determiná kon nos mester yama e énfasis spesial aki.
Un di e nòmbernan ku a wòrdu konsiderá ta pastorea, un referensia apto pa e invitashon di Kristu: “Alimentá mi karné.” Sinembargo, e tin por lo ménos un komplikashon: usando e término ei lo hasi ami un Pastor Aleman. Konsekuentemente, mi ta hopi kontentu ku e término ministra.
E Obra aki ta pa Tur Hende
Di mes, e énfasis no ta nobo. E ta simplemente proveé un oportunidat renobá i refiná pa nos por práktika e mandamentu di Señor pa “stima un i otr,” un manera refiná pa implementá i praktiká e propósito di e Iglesia
Djis pensa riba Obra mishona; E manera di kompartí e evangelio yen kurashi, humildemente i ku konfiansa taun ehèmpel maravioso di ministrá na e nesesidatnan spiritual di otro, no importa ken nan ta.
Òf ke hubo di e obra di tèmpel - buskando nòmbernan di nos antepasadonan i ofresé nan e bendishon di eternidat? Ki manera tan divino pa ministra!
Konsiderá e akto di buska esnan pober òf den nesesidat, alsando e mannan ku ta dekaí, òf bendishonando esnan malu i afligí. Eseinan no ta e mesun echonan di ministrashon puru ku Señor a praktiká ora e tabata na mundu?
Si bo no ta miembro di Iglesia, mi ta invitá bo pa bin i wak.” Bin i uni mku nos. Si bo ta un miembro di Iglesia pero aktualmente bo no ta partisipá aktivamente, mi ta invitá bo: por fabor bin bek - nos mester di bo!
Bin, agregá bo for a na esun di nos.
Dor di bo talento úniko, abilidatnan, i personalidat, bo por yuda nos bira mihó i mas felis. A kambio, nos ta yuda bo bira mihó i mas felis tambe.
Bin, yuda nos krea i fortalesé e kultura di sanashon, amabilidat, i miserikòrdia pa tur e yunan di Dios. Pasobra nos tur ta lucha pa bira mihó kriaturanan nobo kaminda “kosnan bieu a pasa bai” i “tur kos … ta bira nobo.” E Salbador ta mustra nos e direkshon pa move - bai dilanti e pariba. E ta bisa, “Si bo stima mi, warda mi mandamentunan.” Laga nos tur traha huntu pa bira e hendenan ku Dios su intenshon ta pa nos bira.
Esaki ta e tipo di kultura di evangelio ku nos ta deseá pa kultivá den hinter e Iglesia di Jesucristo. Nos ta buska pa fortalesé e Iglesia komo un lugá ku nos ta pordoná un i otro. Nos ta resistí e tentashon di buska falta, hasi redu, i kibra otronan. Kaminda, na lugá di mustra riba fayonan, nos ta elevá i yuda otro pa bira e mihó ku nos por bira.
Laga mi invitá bo atrobe. Bin i wak. Uni na nos. Nos tin mester di bo.
Hendenan Imperfekto
Lo bo haña ku e Iglesia aki ta yena ku algun di e mihó hendenan ku e mundu aki por ofresé. Nan ta ameno, amoroso, amabel, i sinsero. Nan ta luchadó, dispuesto pa sakrifiká i hasta héroe tin bia.
Nan ta tambe penosamente imperfekto.
Nan ta kometé eror.
Tin bia nan ta bisa kos ku nan no mester bida. Nan ta hasi kos ku nan ta deseá ku nan no a hasi.
Pero nan tin esaki en komun - nan ke mehora i bai mas serka di Señor, nos Salbado, ku ta JesuCristu.
Nan ta purba tin hasié bon.
Nan ta kere. Nan ta stima. Nan ta hasi.
Nan ke bira ménos egoista, tin mas kompashon, mas refiná, mas manera Hesus.
E Malchi pa Felisidat
Si, bida por ta duru tin bia. Siertamente nos tur tin nos momentunan di desesperashon i desapunte.
Pero e evangelio di Jesucristo ta ofresé speransa. I, den e Iglesia di Jesucristo, nos ta uni ku otronan ku ta buska un lugá di famia di amistat - un lugá di kresementu kaminda nos por kere, stima, i hasi.
Sin importá nos diferensianan - siendo ku nan ta polítiko, sosial, rasial, generashon, òf ekonómiko - nos ta buska pa brasa un i otro komo yunan di nos kerido Dios.
Mi ta gradesido mas ku por midi di ta un miembro di e Iglesia di Jesucristo i di sa ku Dios stima Su yunan sufisiente pa duna nan un malchi di felisidat i sentido den e bida aki i e manera pa eksperensia e goso eterno den su salanan di gloria den e bida benidero.
Mi ta gradesido ku Dios a duna nos un manera pa sana e alma ku ta malu i e Weltschmerz di bida.
Mi ta testifiká i laga mi bendishon ku ora nos Kere den Dios, ora nos Stima E i StimaSu yunan ku tur nos kurason, i purba na Hasi manera Dios a instruí nos, nos lo haña sanashon i pas, felisidat i propósito. Den nòmber di JesuCristo, amèn.