Bèrdat i e Plan
Ora nos ta buska e bèrdat tokante religion, nos mester usa métodonan spiritual apropiá pa e búskeda ei.
Revelashon moderno ta definí bèrdat komo un “konosementu di kosnan manera nan ta, i manera nan tabata, i manera nan lo bira”. ” (Doctrina y Convenios 93:24) Esaki ta un definishon perfekto pa e plan di salbashon i “E Famia: Un Proklamashon na e Mundu.”
Nos ta biba den un tempu di informashon grandemente ekspandé i eksparse. Pero no ta tur e informashon ei ta bèrdat. Nos mester ta kouteloso ora nos ta e buska ei. Nos no mester konsidera e prominensia sekular of outoridat komo fuentenan di bèrdat kalifiká. Nos mester ta kouteloso tokante informashon òf konseho di amatùr ofresé dor di streanan di entretenimentu, atletanan prominente, òf fuentenan anónimo di internèt. Ekspertisio den e área aki no mester wòrdu tuma komo ekspertisio den bèrdat riba otro tópikonan.
Tambe nos mester ta kouteloso tokante e motivashon di esun ku ta proveé e informashon. Ta p’esei e skrituranan ta atvertí nos tokante supercheria (wak 2 Nefi 26:29).. Si e fuente ta anónimo òf no konosí, e informashon tambe por ta sospechoso.
Nos desishon personal mester ta basa riba informashon di fuentenan ku ta kalifiká riba e tópiko i liber di e distorshonnan i liber di motivashon egoista.
I.
Ora nos ta buska e bèrdat tokante religion, nos mester usa métodonan spiritual apropiá pa e búskeda ei: orashon, e testimonio di e Espíritu Santu, i estudio di e skrituranan i e palabranan di profetanan moderno. Semper mi ta tristu ora mi skucha algun ku ta reportá pèrdida di fe religioso pa motibu di enseñansanan sekular. Esnan ku un bia tabata tin vishon spiritual por sufri di segedat spiritual kousá na su mes. Presidente Henry B. Eyring a bisa “Nan problema no ta sinta den loke nan ta kere nan ta mira, e ta sinta den loke nan no por mira ainda.”
E métodonan di siensia ta guia nos na loke nos ta yama bèrdat sientífiko. Pero e “bèrdat sientífiko” aki no ta tur kos di bida. Esnan ku no siña “pa medio di estudio i tambe fe” (Doctrina y Convenios 88:118) ta limitá nan entendimentu di e bèrdat na loke nan por verifiká pa medio di maneranan sientífiko. Esaki ta pone límitenan artifisial na nan búskeda pa bèrdat.
Presidente James E. Faust a bisa: “Esnan ku a wòrdu [boutisa] ta pone nan alma na peliger dor di buska solamente e fuentenan di enseñansa sekular. Nos ta kere ku E Iglesia di Jesucristo di e Santunan di Delaster dianan tin e plenitut di e evangelio di Kristu, kual evangelio ta e esensia di bèrdat i lus eterno.”
Nos ta enkontra goso duradero dor di bin na sa i aktua riba e bèrdat di loke nos ta, e nifikashon di bida mortal, i unda nos ta bai ora nos muri. E bèrdatnan aki no por wòrdu siña dor di métodonan sekular òf sientífiko.
II.
Lo mi papia awor tokante di e bèrdatnan restourá di e evangelio ku ta fundamental pa e doktrina di E Iglesia di Jesucristo di e Santunan di Delaster dia. Por fabor konsiderá e bèrdatnan aki koutelosamente. Nan ta splika hopi tokante nos doktrina di práktikanan, kisas inkluyendo algun kos ku ainda no ta komprendibel.
Tin un Dios, ku ta e Tata amoroso di e espíritunan di tur esnan ku a yega di biba òf ku lo biba.
Género ta eterno. Promé ku nos a nase na e mundu aki, nos tur a biba komo spiritunan baron òf femenino den presensia di Dios.
Nos a kaba di tene e koro di Tabernakulo na Temple Sqyarevkanta, “I Will Follow God’s Plan.” Esei ta e plan ku Dios a establesé pa asina tur Su yunan spiritual por progresá eternamente. E plan ei ta vital pa kada unu di nos.
Bou di e plan, Dios a krea e mundu komo un lugá kaminda Su yunan spiritual stimá por nase den mortalidat pa risibí un kurpa físiko i di tin e oportunidat pa progreso eterno dor di hasi eskohonan korekto.
Pa por tin signifikado, eskohonan mortal mester a òrdu hasi entre forsanan kompetitivo di bon i malu. Mester tabatin oposishon, p’esei un atversario, kual a wòrdu saka pa motibu di rebelion, i a wòrdu permití pa tenta Dios su yunan pa aktua kontrario na Dios Su plan.
por wòrdu lográ solamente pa medio di e eksperensia den mortalidat i, despues di morto, dor di kresementu post mortal den e mundu di spiritu.
Den transkurso di e bida mortal, nos tur wòrdu mancha dor di pika ora nos sede na e tentashonnan maligno di e atversario i despues nos lo muri. Nos a akseptá e desafionan ei, konfiando riba e plan su siguransa ku Dios nos Tata lo proveé un Salbador. Su Yu Unigenito, ken lo reskatá nos pa medio di e resurekshon universal na un bida ku kurpa despues di morto. E Salbador tambe lo a proveé un ekspiashon pa paga e preis pa tur por wòrdu limpia di pika riba e kondishonnan ku E preskribí. E kondishonnan ta inkluí fe den Kristu, arepentimentu, boutismo, e don di e Espíritu Santu, i otro ordenansanan hasi pa medio di e outoridat di saserdosio.
Dios su gran plan di felisidat ta proveé un balansa perfekto entre hustisia eterno i e miserikòrdia ku nos por optené pa medio di e Ekspiashon di Jesucristo. Tambe e ta apoderá nos pa wòrdu transformá den kriaturanan nobo den Kristu.
Un Dios amoroso lo komuniká ku nos. Nos sa esei pa medio di Su amor i pa motibu di e Ekspiashon di Su Yu Unigenito, humanidat “hinter“ por wòrdu salba dor di obediensia na su leinan i ordenansanan di [Su] evangelio” (Artíikulonan di Fe 1:3; enfasisi añadí.
E Iglesia di Jesucristo di e Santunan di Delaster dia ta apropiadamente konosi komo un Iglesia ku famia komo sentral. Pero lo ke no ta wòrdu komprondé ta ku núkleo familiar ei ta enfoká riba mas ku relashonnan mortal. Relashonnan eterno tambe ta algu fundamental na nos teologia. “E famia ta ordena dor di Dios.” Bou di e gran plan di nos Kreador amoroso, e mishon di Su Iglesia restourá ta pa yuda e yunan di Dios logra e bendishonan divino di eksaltashon den e reino selestial kual por wòrdu haña solamente pa medio di un matrimonio eterno entre un hòmber i un muhé (wak Doctrina y Cobvenios 131:1–3). Nos ta afirma Señor su enseñansa nos ku “género ta un karakterístika esensial di individualnan premortal, mortal, i identidat eterno i propósitom entre hòmber i muhé ta esensial den Su plan eterno.”
Finalmente, Dios Su amor ta asina grandi ku, eksepshon di e poko nan ku deliberadamente ta bira yunan di perdishon, El a proveé un destino di gloria pa tur di Su yunan. “Tur di Su yunan” ta inkluí tur ku a muri. Nos ta hasi ordenansanan pa nan dor di apoderashon den nos tèmpelnan. E propósito di e Iglesia di Jesucristo ta pa kualifiká Su yunan na e grado mas haltu di gloria, kual ta eksaltashon of bida eterno. Pa esnan ku no ta deseá òf kualifiká, pasobra Dios a proveé otro reinonan glorioso pero mas abou den gloria.
Kualke persona ku komprondé e bèrdatnan eterno aki por komprondé dikon nos komo miembronan di E Iglesia di Jesucristo di e Santunan di Último dianan ta pensa i hasi manera nos ta hasi.
III.
Awor lo mi menshoná algun aplikashon di e bèrdatnan eterno aki kual por wòrdu komprondé solamente den lus di e plan di Dios.
Promé, , nos ta honra e albedrio individual. Mayoria ta konsiente di e gran esfuersonan di Iglesia restourá pa promové libertat di religion na Merka i rònt mundu. Esfuersonan no solamente ta promové nos propio interes pero, di akuerdo ku Su plan, buska pa yuda tur e yunan di Dios pa disfrutá di e libertat pa skohe.
Di dos, nos ta hendenan misionero. Tin bia ta puntra nos dikon nos ta manda misioneronan na tantu nashon asin’ei, hasta entre poblashonnan Kristian. Nos ta risibí e mesun pregunta tokante dikon nos ta duna asina tantu mion di dòler na ayudo humanitario na personanan ku no ta miembro di nos Iglesia i dikon nos no ta konektá e ayudo nan nos esfuersonan mishonal. Nos ta hasi esaki pasobra nos ta estimá tur mortal komo yunan di Dios - nos rumannan - i nos ke kompartí nos abundansia spiritual i temporal ku tur hende.
Di trese, bida mortal ta sagrado pa nos. Nos kompromiso na e plan di Dios ta rekerí nos pa bai kontra aborto i eutanasia.
Di kuater, tin hopi ku tin problema ku algun di e posishonnan di Iglesia tokante matrimonio i muchanan. Nos konosementu di e plan revelá di Dios di salbashon ta rekeri nos di oponé preshonnan sosial i legal ku ta aktual pa desviá for di matrimonio tradishonal i pa hasi kambionan ku ta konfuso i ta kambia género òf homogenisá e diferensianan entre hòmber i muhé. Nos sa ku e relashonnan, identidat i funshonnan di hòmber i muhé ta esensial pa kumpli ku e gran plan di Dios.
Di sinku, nos tin tambe un perspektiva distinto riba muchanan. Nos ta mira e duna lus i nutri yunan komo parti di e plan di Dios, i un deber sagrado i ku goso di esnan ku tin e poder pa partisipá den dje. Den nos bista, ku e tesoro mas grandi na mundu i den shelu ta nos yunan i nos posteridat. P’esei, nos mester siña i lucha pa prinsipionan i práktikanan ku ta proveé e mihó kondishonnan pa e desaroyo i felisidat di mucha - tur mucha.
Finalmente, nos ta yunan stima di un Tata Selestial, ku a siña nos ku e baron i femenino, matrimonio entre hòmber i muhé, i e duna lus i nutri yunan tur ta esensial den Su gran plan di felisidat. Nos posishon riba e fundamentalnan aki frekuentemente ta provoká oposishon den Iglesia. Nos ta konsiderá esaki inevitabel. Oposishon ta parti di e plan, i Satanas su oposishon ku mas forsa ta dirigi na loke sea ku ta mas importante pa Dios su plan. E ta buska pa destruí Dios su obra. Su método prinsipal ta pa desakredita e Salbador i Su outoridat divino, pa kita e efektonan di e Ekspiashon di Jesucristo, pa deskurashá arepentimentu, bai kontra e revelashon, i pa kontradesí responsabilidat individual. Tambe e ta buska pa konfundí género, pa distorshona matrimonio, i deskurashá hañamentu di yu spesialmente dor di mayornan ku lo lanta nan yunan den e bèrdat.
IV.
E obra di Dios ta sigui bai dilanti apesar di e oposishon organisá i konstante ku ta konfrontá nos miéntras nos práktika e enseñansanan di e Iglesia di Jesucristo di e Santunan di Delaster dianan. Pa esnan ku ta sukumbí pa e oposishon, mi ta ofresé e tres sugerensianan aki.
Kòrda e prinsipionan di arepentimentu hasi posibel dor di e poder di e Ekspiashon di Jesucristo. Manera Elder Neal A. Maxwell a urgi, no ta entre esnan “ku ta preferá purba na kambia e Iglesia en bes di kambia nan mes..”
Elder Jeffrey R. Holland a urgi:
… “Tene duru na e loke bo sa kaba i para duru te ora konosementu adishonal bini. …
“… Den e Iglesia aki, loke nos sa semper lo triunfá riba loke nos no sa.”
Ehersé fe den Señor Jesucristo, ku ta e promé prinsipio di e evangelio.
Finalmente buska yudansa. Nos lidernan di Iglesia stima bo i ta buska guia spiritual pa yuda bo. Nos ta proveé hopi fuentenan manera esnan ku bo ta haña riba LDS.org, o tro apoyonan pa e estudio na kas. Tambe nos tin rumannan ministrante yamá pa duna asistensia ku amor.
Nos Tata Selestial amoroso ke pa Su yunan tin goso esei ta e propósito di nos kreashon. E destino ta bida eterno, kual nos por haña dor di sigui nti huntu ku nos profeta, Presidente Russel M. Nelson, hopi bia yama “e kaminda di konvenio.” Esaki ta loke e la bisa den su promé mensahe komo Presidente di e Iglesia: “Mantené bo mes riba e kaminda di konvenio. Bo kompromiso pa sigui e Salbador dor di hasi konvenio ku n’E i despues warda e konvenionan lo habri e porta pa kada bendishon spiritual i privilegio optenibel pa hòmber, muhé, i muchanan tur kaminda. .”
Mi ta testifiká solemnemente ku e kosnan ku mi a bisa ta bèrdat, i nan a wòrdu hasi posibel dor di e enseñansanan di e Ekspiashon di Jesucristo, ku ta hasi tur kos posibel bou di e gran plan di Dios, nos Tata Eterno. Den e nòmber di Jesucristo, amèn.