Partisipashon di Hermananan den e Rekohementu di Israel
Mi ta ekstendé un petishon profétiko na boso, e muhénan di e Iglesia, pa forma e futuro dor di yuda rekogé Israel esparsí.
Ta maravioso pa ta huntu ku boso, mi kerido i presioso hermananan. Kisas un eksperensia resien por duna boso un bista chikí di kon mi ta sinti entorno bosonan i e abilidatnan super di kua boso ta dotá.
Riba un dia ku mi tabata papia den un kongregashon na Latino America, mi a bira masha eksitá riba e tópiko, i na un momento dado mi a bisa, “Komo un mama di 10 yu, mi por bisa boso ku…” I despues ma sigui pa kompletá mi mensahe.
Mi no a realisá ku mi a bisa e palabra mama. Mi traduktor, asumiendo ku mi a papia algu robes, a kambia e palabra mama pa tata, pues e kongregashon nunka no a sa ku mi a referí mi mes komo un mam a. Pero mi kasa Wendy a tendé, i e tabata kontentu ku mi fayo freudiano.
Na e momento ei, e deseo profundo di mi kurason pa hasi un diferensia den mundo … manera solamente un mama por … a sali for di mi kurason. Den e añanan ku a pasa, kada biaha ku nan a puntra mi dikon mi a skohepa bira un dokter den medisina, mi kontesta semper tabata e mesun: “Pasobra mi no por a skohe di bira un mama.
Por fabor tuma nota ku kada biaha ku mi a usa e palabra mama, mi no ta papiando solamente di hende muhé ku a duna lus òf a adoptá yunan den e bida aki. Mi ta papiando di tur nos Mayornan Selestial su yunan muhé. Kada hende muhé ta un mama pa virtut di su destino divino eterno.
Pues awe nochi, komo e tata di 10 yu … nuebe yu muhé i un yu hòmber — i komo Presidente di e Iglesia, mi ta roga pa boso por sinti kon profundo mi ta sinti pa boso---tokante ken boso ta i tur e kosnan bon ku boso por hasi. Niun hende no por hasi loke un muhé rekto por hasi. Niun hende no por kopia e influensia di un mama.
Hende hòmber por i hopi biaha ta komuniká e amor di Tata Selestial i e Salbador na otro persona. Pero hende muhé tin un don spesial pa esaki — un investimentu divino. Boso tin e kapasidat pa sinti loke un hende tin mester — i ki ora nan mester di esaki. Boso por sali na alkanse, i fortalesé un hende den su momento di nesesidat.
Hende muhé por mira kos diferente ku hende hòmber, i oh, kuantu nos mester di boso perspektiva! Boso naturalesa ta laga boso pensa riba otronan promé, pa konsidereá e efekto ku kada konsekuensia di e akshon lo bai tin riba otronan.
Manera Presidente Eyring a indiká, tabata nos glorioso Mama Eva---ku su vishon mas ayá di e plan di nos Tata Selestial—ku a inisiá lokual nos ta yama “e Kaida.” Su eskoho sabí i ku kurashi i Adam su desishon pa sosten’é a hiba Dios Su plan de felisidat pa dilanti. Nan a hasié posibel pa kada unu di nos bini na mundu, risibí un kurpa, i prueba ku nos lo skohe pa para firme pa JesuCristu awor aki, meskos ku nos a hasi den bida premortal.
Mi hermananan stimá, boso tin donnan i tendensianan spiritual spesial. Awe nochi mi ke a urgi boso, ku tur e speransa di mi kurason, pa resa pa komprondé boso donnan spiritual— pa kultivá, usa i ekspandé nan, asta mas ku boso a yega di hasi. Boso lo kambia e mundu si boso asina.
Komo hende muhé, boso ta inspirá otronan i pone norma digno di kopia. Laga mi duna boso un tiki informashon di dos di e anunsionan prinsipal ku nos a hasi den nos delaster konferensia general. Boso, mi hermananan tabata e yabi pa kada unu.
Promé, ministrashon. E norma supremo pa ministrá ta esun di nos Salbador, JesuCristu. Generalmente, hende muhé ta, i semper tabata, mas serka di e norma ei ku hende hòmber. ora bo ta ministrando di bèrdat, bo ta sigui bo sentimentunan pa yuda un otro hende eksperensiá mas di e Salbador Su amor. E inklinashon pa ministrá ta inherente den muhéna hustu. Mi konosé muhenan ku ta puntra den orashon tur dia, “Ken Bo ke pa mi yuda awe?”
Promé ku e anunsio di aprel 2018 di e manera mas haltu i sagrado pa kuida di otro, e tendensia di sierto hòmbernan tabata pa marka nan asignashon di maestro orientador komo “hasí” i move pa e siguiente tarea.
Pero ora boso a sinti ku un hermana ku boso tabata bishitá tabatin mester di ayudo, boso a kontestá mesora i esei durante henter e luna. Pues, tabata kon boso ta bishitá ku a inspirá nos pa elevá pa ministrashon.
Di dos, den e delaster konferensia general, nos a restrukturá e quorumnan di Saserdosio di Melchizedek. Ora nos a kibra kabes kon yuda e hòmbernan di Iglesia pa ta mas efektivo den nan responsabilidatnan, koutelosamente nos a konsiderá e ehèmpelnan di e Sosiedat di Sokoro.
Den Sosiedat di Sokoro, muhénan di varios edat i etapanan di bida ta reuní huntu. Kada dékada di bida ta trese desafionan úniko, i tòg , ata boso einan, siman tras di siman, reuní huntu, kresiendo i siñando e evangelio huntu, i hasiendo un diferensia real den e mundu.
Awor, siguiendo boso ehèmpel, poseedornan di Saserdosio di Melchizedek ta miembronan di e quorum di elders. E hòmbernan aki ta varia di edat di 18 pa 98, ku e mesun saserdosio amplio i eksperensia di Iglesia. E rumannan aki awor por krea lasonan fraternal mas fuerte, siña huntu, i bendishoná otronan mas efektivamente.
Yüni pasá, Hermana Nelson ku mi a papia ku e hubentut di e Iglesia. Nos a invitá nan pa inskribí den Señor Su batayon di hubentut pa yuda rekoge Israel tur dos banda di e velo. E rekogimentu aki ya e desafio di, mas grandi, e kousa di , mas grandi,, i e obra di mas grandi na mundu awendia!
Ta un kousa ku deseperadamente mester di mas hende muhé pasó hende muhé ta forma e futuro. Asina ta ku awe nochi mi ta ekstendé un ruego profétiko na boso, e hende muhénan di e Iglesia, pa forma e futuro dor di yuda e rekogimentu di Israel esparsí.
Unda boso por kuminsá?
Mi ta ofresé kuater invitashon:
Promé, mi ta invitá boso pa partisipá den un ayuno di 10 dia di medionan sosial i di tur otro media ku ta trese pensamentunan negativo i impuro na boso mente. Hasi orashon pa sa kua influensia mester kita durante boso ayuno. E efekto di boso ayuno di 10 dia por sorpresá boso. Kiko boso ta nota despues di a tuma un pousa di perspektivanan di e mundu ku a bin ta heridá boso mente? Tin un kambio awor den na kiko boso lo ke dediká boso tempu i energia? Kualke un di boso prioridatnan a kambia—maske ta djis un tiki? Mi ta urgi boso pa registrá i sigui ku kualke impreshon.
Di dos, mi ta invitá boso pa lesa e Buki di Mormon entre awor aki i e fin di aña. Maske kon imposibel ku esei por parse ku tur loke boso ta trata di manehá den boso bida. Si boso ke aseptá e invitashon aki ku un berdadero intenshon, Señor lo yuda boso un haña manera pa logra esaki. I, mientras boso ta studia den orashon, mi ta primintí ku shelunan lo habri pa boso. Señor lo bendishoná boso ku inspirashon i revelashon kresiente.
Miéntras boso ta lesa, mi ker a enkurashá boso pa marka kada versíkulo ku ta papia di òf ta referí na e Salbador. Despues, intenshonalmente papia di Cristu, regosihá den Cristu, i prediká di Cristu ku boso famianan i amigunan. Boso i nan lo wòrdu atraé mas serka di e Salbador dor di e proseso aki. I kambionan, asta milagernan lo kuminsá sosodé.
E mainta e anunsio a wòrdu hasí tokante e skèdjel nobo di Djadumingu kurikulo sentra riba e hogar, i sostené dor di Iglesia. Boso, mi hermananan kerí, ta e yabo na e éksito di e esfuerso nobo siñando e evangelio balnasá. Por fabor siña esnan ku bo stimaloke boso ta siñandodi e skrituranan. Siña nan kon pa bira direkshon di e Salbador pa Su poder ku ta sana i limpia ora nan kometé piká. I siña nan kon rekoré riba Su poder ku ta fortalesékada dia den nan bida.
Di tres, establesé un patronchi di nbishitá tèmpel regularmente. Esaki lo por rekeríalgu mas di sakrifisioden boso bida. Mas tempu regular den e tèmpel lo permitíSeñor pa siña boso kon pa rekurí riba Su poder di saserdosio ku kual boso a wòrdu inbestíden Su tèmpel. Pa esnan ku no ta biba serka di un tèmpel, mi ta invitáboso pa studia den orashon tokante di tèmpel den skritura i den e palabranan di e profetanan bibiente, Buska pa konosé mas, pa komprondé mas, pa sinti mas tokante di e tèmpelnan mas ki boso hamas a hasi promé.
Den nos devoshonal mundial pa hubentut Yüni ku a pasa ei, mi a papia toaknte un hòmber yòn ku su boda a kambiaora ku su mayornan a kambia su smartphone pa un telefon ku por yama so. E hóben aki su mama ta un muhé sin miedu di fe. El a mira su yu tumando sierto desishonnan ku lo por a impedí e di bai riba mishon. El a hiba su ruego na tèmpel pa sa kua ta e mihó manera pa yuda su yu. Despues el a sigui dilanti ku kada impreshon.
El a bisa: “Mi a sinti e Spiritu guia mi pa chèk e telefon di mi yu riba un tempu spesífiko pa gara kosnan spesífiko. Mi no sa kon pa nabegá e smartphonenan aki, pero e Spiritu a guia mi den tur e medionan sosial ku mi no tabata ni usa! Mi sa ku e Spiritu ta yuda mayornan, ku ta buskando guia pa protehá nan yunan. Den [kuminsamentu] mi yu tabata furioso riba mi … Pero despues di apenas tres dia, el a gradisí mi! E por a sinti e diferensia.”
Su yu su komportashon i aktitut a kambia dramatikamente. El a bira mas servisial na kas, hari mas tantu, i a kuminsá paga mas atenshon na Iglesia. E tabata gusta sirbi pa un tempu den e boutisterio di tèmpel i prepará pa su mishon.
Mi di kuater invitashon, pa boso ku ta mayor di edat, ta pa partisipá kompletamente den sosiedat di Sokoro. Mi ta urgi boso pa studia e deklarashon di e propósito aktual di Sosiedat di Sokoro. E por guia boso pa desaroyá boso propio deklarashon di proposito pa boso bida. Tambe mi ker a hasi un petishon sinsero na boso pa eksperensiá e bèrdatnan den e deklarashon di Sosiedat di Sokoro publiká kasi 20 aña pasá. Un kopia di e deklarashon aki hinká den leshi ta kologá na e muraya den e ofisina di e Promé Pr4esidensia. Mi ta emosioná kada biaha ku mi lesa esaki. E ta deskribí ken boso ta i ken Señor ke pa boso ta na e momento presis aki miéntras boso ta hasiboso parti pa yuda rekohé Israel esparsí.
Mi kerido hermananan, nos mester di boso! Nos “mester di boso fortalesa, boso konbershon, boso konvikshon, boso abilidat pa dirigí, boso sabiduria, i boso stemnan.” Simpelmente nos no por rekohé Israel sin boso.
Mi stima boso i ta gradisí boso i awor ta bendishoná boso ku e abilidat pa laga e mundu atras miéntras ku boso ta asistí den e obra krusial i urgente. Huntu nos por hasi tur loke nos Tata Selestial ta desea pa nos hasi pa prepará e mundu pa e Segunda Benida di Su Yu Stimá.
Jesus ta e Cristu. Esaki ta Su Iglesia. Di esaki mi ta testifiká den e nòmber di JesuCristu, amèn.