Pastornan di Alma

Dor di Elder Gary E. Stevenson

Di e Quorum di e Diesdos Apòstelnan

Nos ta ekstendé nos amor pa otronan pasó esei ta loke nos Salbador a manda nos pa hasi.

Den un kombersashon resiente ku un amigu di mi, el a bisa mi ku tempu e tabata hóben i resien boutisa den Iglesia, direpente el a sinti ku di algun manera e no tabata pas den su bario. E misioneronan ku a siñ’e a wòrdu trasladá, i e tabata sinti manera ku e tabata den posishon sekundario. Sin amigu den e bario, el a haña amigunan di ántes i ku nan el a partisipá den aktividatnan ku a aleh’é for di partisipá den iglesia, asina tantu ku el a kuminsá alehá for di e rebaño. Ku lágrima den su wowonan, el a deskribié kon profundamente agradesí e tabata ora ku un kompañero di su klas a saka man p’e i a invit’é pa bin bek, di manda kalido i inklusivo. Algun luna despues, e tabata atrobe den e siguridat di e rebaño, fortalesiendo otronan i e mes. Nos no ta agradesido pa e pastor na Brasil ku a buska e hóben aki, i elder Carlos A. Godoy, ken ta sinta aworakí mi tras komo miembro di e Presidensia di Setenta?

E no ta remarkabel kon esfuersonan asina chikitu por tin konsekuensianan eterno. E bèrdat aki ta den e kurason di e esfuersonan di ministra den e Iglesia. Nos Tata Selestial por tuma nos esfuersonan simpel i diario i kombertí nan den algu milagroso. A pasa solamente seis luna for di dia ku Presidente Russell M. Nelson a anunsiá ku “Señor a hasi ahustenan importante na e forma ku nos ta kuida un ku otro,” splikando, “Nos lo implementá un enfoke mas nobo i mas sagrado pa kuida i ministra otronan. Nos ta referí na e esfuersonan simplemente komo “ministrar.”

Presidente Nelson tambe a splika: “E seyo distinto den Señor Su Iglesia bèrdadero semper lo ta e esfuerso organisá i dirigí pa ministra na e yunan di Dios i nan famianan. Debí na e echo ku ta su Iglesia, nos, komo Su siervonan, nos lo ministra na esun, manera E a hasi. Nos ta ministra den su nòmber, ku su poder i outoridat, i ku su bondat amoroso.”

For di e tempu di e anunsio ei, bo respuesta tabata inkreibel! Nos a risibí informenan di gran éksito den e implementashon di e kambionan aki den kasi tur e estakanan di mundu na e manera ku nos profeta bibiente a dirigí. Por ehèmpel, e rumannan ministrante a wòrdu asigná na famianan, nan a organisá amistatnan, inkluso hombres jovenes i mujeres jovenes, i entrevistanan ministral ta tumando lugá.

Mi no ta ker ku ta un koinsidensia ku seis luna promé ku e anunsio reveladordi ayera — “un balanse i konekshon nobo entre instrukshon di evangelio na kas i na Iglesia — e anunsio revelador riba ministrá a w ordu duná. Kuminsamentu di Yanüari, nos lo usa 1 ora ménos den nos adorashon na Iglesia, tur loke nos a siña den ministrá lo yuda nos balansá di nobo e loke nos a pèrdè ei den un eksperensia di dia di reposo mas elevá i sagrado, sentrá riba e hogarku famianan i sernan kerí.

Ku e strukturanan organisativo establesé aki, nos por puntra nos mes, kon nos por sa ku nos ta ministrando na e manera di Señor? Nos ta yudando e Bon Pastor na e manera ku ta Su intenshon?

Den un diskushon resien ku e Presidente Henry B. Eyring, el a felisitá e Santunan pa ahustá na e kambionan notabel aki, pero tambe el a ekspresa su speransa sinsero ku e miembronan ta rekonosé ku ministra ta mas ku “ta amabel.” Esaki no kermen ku ta amabel ta intransendente, pero esnan ku ta komprondé e espíritu berdadero di ministra ta ripara ku e ta hopi mas aya di ta simplemente amabel. Hasi na manera di Señor, e ministerio por tin un influensia di alkanse largu pa e bon ku ta wòrdu ekstendé durante hinter e eternidat manera el a hasi pa elder Godoy.

“E Salbador a mustra ku e ehèmpel kiko ta nifiká ministra ora el a sirbi ku amor. … El … a siña nos, resa, konsola, i bendesi esnan ku tabata rònt di Dje, invitando tur pa siguiele. … A medida ku e miembronan di Iglesia ministra [na un manera mas elevá i mas santu], nan ta buska den orashon pa sirbi manera E lo a — hasi, pa … ‘bela pa kada miembro semper, i ta ku nan i fortalesé nan,’ ‘bishita e kas di kada miembro’, i yuda kada un pa komberti den un berdadero disípulo di JesuCristo.

Nos ta komprondé ku un berdadero pastor ta stima su karnenan, konosékada unu na number, i “tin un interes personal den” nan

Mi amigu di hopi aña a pasa su bida komo ranchero hasiendo trabounan duru di kria bestia i karnénan den e Serunan Rokoso brutu. Un bia el a kompartí ku mi e desafionan i peligernan asosiá ku e kriamentu di karné. el a deskribí ku na komienso di e primavera, ora e snew riba e serunan a smèlt, el a pone e rebaño familiar na aproksimadamente 2000 karné den e serunan durante di e verano. Einan, el a kuida e karnénan te na fin di hèrfst, ora nan a bai wòrdu trasladá for di e serunan di verano na un desierto di invierno. el a deskribí kon difísil tabata pa atendé ku un rebaño grandi di karné, ku ta rekerí dianan trempan i anochinan lat: lanta hopi mas tempran ku amanesé i terminá hopi mas despues ku bira anochi. E no por a hasié su so.

Otronan a yuda atendé ku e rebaño, inkluyendo un kombinashon di mannan di rancho ku eksperensia asistí dor di mannan mas hóben ku ta benefisiá di e sabiduria di su kompañeronan. Tambe el a konfia den dos kabai bieu, dos kabai yòn den entrenamentu, dos kachó pastor bieu i dos kachó yòn pastor. Den e transkurso di verano, mi amigu i su karnénan a enfrentá bientu i tormenta, enfermedat, herida, sekura i kasi kualke otro difikultat ku unu por imaginá. Algun aña nan tabata tin ku transportá awa durante di e verano pa mantené e karnénan bibu. Despues, tur aña na fin di hèrfst, ora e klima di invierno tabata menasa i e karnénan tabata wòrdu saka for di e seru i konta, por lo general mas di 200 tabata pèrdè.

E rebaño di 2000 karné pone riba e serunan na prinsipio di verano ta redusí na ménos ku 1800. E mayoria di e karnénan desaparesé no ta pèrdè pa enfermedat òf morto spiritual, si no pa depredadonan manera leonnan di seru of koyote. E depredadornan aki usualmente ta haña nan den e korderonan ku tabata alehá for di e siguridat di e rebaño, retirando nan mes for di e protekshon di nan pastor. Konsiderá pa un momento loke mi a kaba di deskribí den un konteksto spiritual? Ken ta e pastor? Ken ta e rebaño? Ken ta esnan ku ta asistí e pastor?

Señor JesuCristo E mes a bisa, “Ami ta e bon pastor, i mi konosé mi karnénan, … i mi ta duna mi bida pa e karnénan.”

E profeta Nefi tambe a siña ku Hesus “lo alimentá su karnénan, i den Dje nan lo haña di kome.” Mi ta haña pas permanente di sa ku “Señor ta mi pastor” i ku kada un di nos ta konosí p’E i bou di su kuido. Ora nos ta enfrentá e bientunan i e tormentonan di áwaseru, e enfermedatnan, e heridanan i e sekura, Señor, nos Pastor, ta atendé nos. E ta restourá nos almanan.

Di e mesun manera ku mi amigu tabata kuida su karnénan ku e yudansa di mannan di rancho, kabainan i pastornan hóben i bieu, Señor tambe tin mester di yudansa den e tarea difísil di kuida e karnénan i Su rebaño.

Komo yunan di un Tata Selestial amoroso i komo karnénan di Su rebaño, nos ta disfrutá di e bendishonnan di wòrdu atendé individualmente dor di JesuCristo. Simultáneamente nos tin e responsabilidat di brinda asistensia ministrante na otronan ku ta rònt di nos komo pastornan. Nos ta skucha e palabranan di Señor pa “sirbi mi i sali den mi nòmber, i … reuní mi karnénan.”

Ken ta un pastor? Tur hòmber, muhé i mucha den e reino di Dios ta un pastor. No ta rekerí ningun yamada. For di e momentu ku nos sumergi den e awanan di boutismo, nos ta enkargá ku e trabou aki. Nos ta esforsa pa stima otronan pasó esei ta lo ke nos Salbador a manda nos pa hasi. Alma a enfatisá: “Kua pastor … ku tin hopi karné no ta kuida nan, ya asina e wòlfnan no ta drenta i mata su rebaño? … E lo no sake afó?” Ora nos bisiñanan ta den peliger temporal òf espiritualmente, nos ta kore pa yuda nan. Nos ta hiba e karga di otronan pa nan ta mas liviano. Nos ta yora ku esnan ku ta yora. Konsolá esnan ku tin nesesidat di konsuelo. Señor ta spera ku amor esaki di nos. I e dia lo yega ku E lo responsabilisá nos pa e kuido ku nos a duna pa ministra su rebaño.

Mi amigu pastor a kompartí otro elemento hopi importante den e kuido di e karnénan den e área di distribushon. el a deskribí ku e karnénan pèrdí tabata partikularmente vulnerabel na e peligernan di e depredadonan. Defakto, hasta 15 porshento di su tempu i di su ekipo ta dediká na haña karnénan pèrdí. Mas lihé nan haña e karnénan pèrdí, promé ku e karnénan alehá muchu for di e rebaño, ménos probabilidat nan lo tin di wòrdu daña. E rekuperashon di e karnénan pèrdí ta rekerí hopi pasenshi i disiplina.

Algun aña pasa, mi a haña un artíkulo den un korant hopi intrigante ku mi a ward’e. E titular di e promé página ta bisa: “E kachó determiná no ta bandoná e karnénan pèrdí.” E artíkulo aki ta deskribí un kantidat chikitu di e karnénan ku ta pertenesé na e un operashon no hopi leu for di e propiedatnan di mi amigu ku di algun manera a keda atras den área di verano. Dos òf tres luna despues , nan a keda pega i bou di sneu den e serunan. Ora e karnénan a keda atras, e kachó pastor a keda atras ku nan, ya ku esei tabata su deber di kuida i protégé e karnénan. E no ta sali for di su guardia! E ta keda einan, dando buèlta rònt di e karnénan pèrdí durante lunanan den e klima friu ku sneu, sirbiendo di protekshon kontra di e koyotenan, e leonnan di seru òf kualke depredador ku por daña e karné. E ta permanesé einan te ora ku por guia òf hunta e karnénan na e seguridat di e pastor i e rebaño. E imágen kaptura den e portada di e artíkulo ta permití bo wak e karakter den e wowo i e komportashon di e kachó pastor.

Personahe den e wowonan i komportamentu di un pastor aleman

Den e Tèstamènt Nobo, nos ta haña un parabola i instrukshon di e Salbador ku ta brinda un perspektiva na nos responsabilidatnan komo pastornan, rumannan ministrante, di karnénan pèrdí:

“Kua di bosnan, teniendo un shen karné, si e pèrdè un di nan, no ta laga e nobenta i nuebe den e desierto, i bai tras di esun ku ta pèrdí, te ora e hañ’e?

“I ora e hañ’e, e ta pone riba su skouder, i bira kontentu.

“I ora e yega kas, e ta reuní si amigunan i bisiñanan, i e ta bisa nan: Alegrá huntu ku mi; pasó mi a haña mi karné ku tabata pèrdí.”

Ora nos resumí e lès siña den e parabola, nos ta haña e konseho balioso aki:

Nos mester identifiká e karné pèrdí.
Nos mester bai buska nan te ora nos haña nan.
Ora nos haña nan, nos mester pone nan riba nos skouder i trese nan kas.
Nos mester rondoná nan ku amigunan riba nan regreso.

Rumannan, nos mayor desafio i nos rekompensa mayor por yega ora nos ta ministra e karnénan pèrdí. E miembronan di e Iglesia den e Buki di Mormon “[a] kuida nan hendenan i alimentá nan ku kosnan relashoná ku rektitut.” Nos por sigui nan ehèmpel ora nos kòrda ku e ministerio mester wòrdu “Guia pa e Espíritu, … fleksibel i … personalisá pa e nesesidatnan di kada miembro.” Tambe ta fundamental pa “nos buska yuda e personanan i famianan pa prepará pa nos próksimo ordenansa, warda [nan] konvenionan … , i kombertí nan mes den outo sufisiente.”

Kada alma ta presioso pa nos Tata Selestial. Su invitashon persona pa ministra ta di gran balor i importansia pa E, pasó ta Su obra i Su gloria. Ta literalmente e obra di eternidat. Kada un di su yunan tin e potensial inkomparabel den Su bista. E stima bo ku un amor ku bo no por ni kuminsá komprondé. Manera e kachó pastor deboto, Señor ta keda den e serunan pa protégé bo durante e bientunan, e tormentonan, e sneu i mas.

Presidente Russel M. Nelson a siña nos lastu konferensia: “Nos mensahe na e mundu [i mi por agregá, “na nos rebaño ministrante] ta simpel i sinsero: nos ta invitá tur Dios Su yunan na ámbos banda di e belo pa bin na nan Salbador, risibí e bendishonnan di e tèmpel santu, tin pas duradero, i kalifiká pa bida eterno.”

Ku nos por opservá e vishon profétiko aki pa asina nos por ta pastor pa e almanan bai tèmpel, i den e último instansia, bai serka nos Salbador, JesuCristo. E no ta spera nos pa hasi milager. E solamente ta pidi nos pa trese nos rumannan na Djepasó E tin e poder pa redimí e almanan. Hasiendo esaki, nos por ta sigur di e promesa aki” “I ora e Pastor prinsipal aparesé, lo bo risibí korona di gloria ku lo no desvanese.” Di esaki mi ta testifiká den nòmber di JesuCristo, amèn.