Ministrando
Nos lo implementá un aserkamentu mas nobo, mas santifiká den kuido na i ministrashon na otronan.
Danki, Elder Gong i Elder Soares, pa boso ekspreshon sinsero di fe. Nos ta asina agradesido na boso i boso kerido kompañeronan.
Kerido rumannan, nos ta buska konstantemente direkshon for di Señor den kon nos por yuda nos miembronan pa warda e mandamentunan di Dios, espesialmente e dos mandamentunan grandi di stima Dios i nos próhimo.
Pa lunanan nos a bin ta buska un manera mihó pa ministra na e nesesidatnan spiritual i temporal di nos hendenan na e manera di Señor.
Nos a tuma e desishon di retirá maestro orientador i maestro visitante manera nos a konosé nan. Na nan lugá, nos lo implementá un aserkamentu mas nobo, mas santifiká pa kuida i ministra na otronan. Nos lo referí e esfuersonan aki simplemente komo “ministrashon.”
Ministrashon efektivo ta permití nos pa kombiná e donnan di e hermananan i pa medio di e poder inkomparabel di e saserdosio. Nos tur mester di e tipo di protekshon ei for di e alimañanan astuto di e atversario.
Elder Jeffrey R. Holland di e Quorum di Diesdos Apòstel i Hermana Jean B. Bingham, Presidente General di e Sosiedat di Sokoro, lo splika kon hermanonan asigná di e saserdosio i hermananan asigná di e Sosiedat di Sokoro i e Mujeres Jovenes lo funshoná den sirbi i vela over di miembronan di e Iglesia rònt mundu.
E Promé Presidensia i e Diesdos ta uni den aprobá nan mensahenan. Ku gratitut i ku orashon nos ta habri e kapítulo nobo aki den e historia di Iglesia. Den nòmber di Jesucristo, amèn.