E Kurason di un Profeta
Nos por regosihá ku e Señor Su profeta tei presente i ku e Señor Su obra ta wòrdu hasí di un manera ku E a deskribí divinamente.
Mi a resa fervientemente ku e Spiritu Santu por ta ku kada unu di nos awe na e momento seletial aki. Loke ku nos por a testigua kolektivamnete awe tabata masha impreshonante ora e di diesshete profeta di e dispensashon aki a wòrdu sostené den un asamblea solemne.
Miéntras mi tabata buska guia pa sa e tópiko [ku] e Señor ke pa mi papia riba dje awe, mi mente a wòrdu dirigí riba un kombersashon algun tempu pasá ku e Promé Presidensia resien yamá. Den e kombersashon aki, un di e konseheronan a kompartí palabranan masomenos asina ki: “Mi ta deseá profundamente ku e miembresia di e Iglesia por komprondé e magnitut di loke a pasa ku e yamamentu di nos profeta nobo, Presidente Russell M. Nelson, i e importansia i kon sagrado lo ta e asamblea solemne ku lo tuma lugá na e Konferensia general.” Tambe el a opservá, “Ya ta 10 aña, i hopi ta esnan, spesialmente e hubentut di e Iglesia , no ta kòrda òf no a eksperensiá esaki promé.”
Esaki a laga mi reflekshoná riba un eksperensia ku mi tabatin. E promé profeta ku mi ta kòrda ta Presidente David O. McKay. Mi tabatin 14 aña di edat ora el a fayesé. Mi ta kòrda un sentido di pèrdida ku tabata kompañá su fayesimenu i e lágrimanan den wowo di mi mama i e tristesa ku hinter nos famia tabata sinti. Mi ta kòrda kon e palabranan “Por fabor bendishoná Presidente David O. McKay” tabata sali for di mi lepnan asina natural den mi orashon ku si mi no a pone atenshon, asta despues di su fayesimentu, lo mi outom҈tikamente lo a bisa e palabranan ei. Mi tabata puntra mi mes ku mi mente i kurason lo pasa pa ku e mesun sentimentunan e siguiente profeta ku lo bin na su lugá. Pero meskos ku mayornan ku ta stima kada un di nan yunan, mi a haña un amor pa, komekshon ku, I testimonio di Presidente Joseph Fielding Smith, ku a sigui Presidente McKay, i pa kada un profeta despues: Harold B. Lee, Spencer W. Kimball, Ezra Taft Benson, Howard W. Hunter, Gordon B. Hinckley, Thomas S. Monson, i awe Presidente Russell M. Nelson. Ami ta sostené kompletamente kada profeta ku mi man lantá i ku hinter mi kurason.
Ora di fayesimentu di kada un di nos profetanan stimá, ta masha natural pa sinti un sentido di tristesa i di pèrdida. Pero nos tristesa ta keda mitigá pa e goso i speransa ku ta bin ora nos eksperensiá un di e bendishonnan grandi di e Restourashon: ku e yamamentu i sostenimentu di un profeta bibiente na mundu.
Pa e motibu ei, lo mi papia di e proseso divino manera a wòrdu hasí den e delaster nobenta dia. Lo deskribí esaki den kuater segmento: promé e fayesimentu di nos profeta stimá i e desolvementu di e Promé Presidensia; di dos, e periodo di tempu wardando e reorganisashon di e Promé Presidensia nobo; di tres, e yamamentu di e profeta nobo i Promé Presidensia; i di kuater, e sostenimentu di e profeta nobo i e Promé Presidensia den un asamblea solemne.
E fayesimentu di e Profeta
Riba 2 yanüari 2018, nos profeta stimá Thomas S. Monson a pasa pa e otro banda di e velo. Semper lo e tin un lugá den nos kurason. Presidente Henry B. Eyring a ofresé sentimentunan Presidente Monson su fayesimentu ju perfektamente ta deskribí nos sentimentunan: “E karakterístiko ku ta distinguí e den su bida, meskos ku e esun di e Salbador, ta e preokupashon individual pa e pobernan, esnan enfermo –asta tur hende—rònt mund.”1
Presidente Spenser W. Kimball a splika:
“Meskos ku un strea ta skonde tras di e horisonte un otro ta bin dilanti, i morto ta engendrá bida.
“E obra di Señor ta sin fin. “Asta ora un lider poderoso fayesé, ni pa un sekonde e Iglesia no ta keda sin liderato, danki na e Providensia amabel, kende a duna Su Reino kontinuidat i perpetuidat. Manera ya a sosodé … anteriormente den e dispensashon aki, e hendenan reverentemente a sera un graf, seka nan lagrimanan, i bira nan kara pa future.”2
E interregnum Apostóliko
E periodo di tempu entre e morto di un profeta i e reorganisashon di e Promé Presidensia ta wòrdu yamá un “interregnum Apostóliko.” Durante e periodo aki e Quorum di Diesdos, bou di liderasgo di e presidente di e Quorum, huntu tin e yabinan pa atministrá e liderato di e Iglesia. Papiando riba esaki, Presidente Joseph F. Smith a siña, “Semper tin un kabes den e Iglesia, i si e presidensia di e Iglesia wòrdu kitá pa morto òf otro motibu, e ora ei e siguiente kabes di e Iglesia ta e Quorum di e Diesdos Apòstelnan, te ora un presidensia wòrdu organisá atrobe.3
E mas resiente periodo di traspaso aki a kuminsá ora Presidente Monson a fasesé riba 2 yanüari, i a terminá 12 dia despues riba djadunmingu 14 di yanüari. Riba e mainta di Sabat ei, e Quorum di e Diesdos Apòstelnan a reuní den e sala superior di e tèmpel si Salt Lake ku un spiritu di ayuno i orashon, bou di guia presidensial di Presidente Russell M. Nelson, e Apòstel di mas antiguedat i president di e Quorum di e Diesdosnan.
Yananentu di en Profeta Nobo
Den e reunion sagrado i memorable aki, siguiendo un unidat bon estalesí den un unidat di unanimidat, e Rumannan sintá den òrdu di antiguedat den un semi sirkulo di 13s stul, a lanta man pa sostené e organisamentu di e Promé Presidensia, i despues sostené Presidente Russell Marion Nelson komo e Presidente di e Iglesia di JesuCristu di e Santunan di e Delaster Dianan. E sostenimentu a wòrdu siguí ku e Quorum di e Diesdos reuní den un sirkulo, poniendo nan man riba e kabes di e Presidente Nelson pa orden’é i apart’é, ku e siguiente Apòstel den antigueedat aktuando komo e bos.
Presidente Nelson despues a nombra su konseheronan, Presidente Dallin Harris Oaks, Presidente HenryBenion Eyring ku Presidente Dallin Harris Oaks komo e Presidente di e Quorum di e Diesdos Apòstelnan, i Presidente Melvin Russell Ballard komo e Presidente den funkshon…di e Quorum Diesdos Apòstelnan. Despues di sostenimentu similar e hermanonan tur a wòrdu apartá den nan su respektivo ofisionan dor di Presidente Nelson. Esaki tabata un eksperensia profundamente sagrado, ku un deramanetu di e Spiritu. Mi ta ofresé na boso mi testimonio apsoluto ku e boluntat di Señor, pa kual nos ta resa fervientemente, a manifestá poderosamente den e aktividatnan i eventonan di e dia ei.
Ku e ordenamentu di Presidente Nelson I e reorganisashon di e Promé Presidensia, e transpaso apostóliko a pasa, i, e Promé Presidensia resien formá a kuminsá funshoná remarkabelmente sin ni un sekonde di interupshon gobernando den Señor Su Reino na mundu.
Asamblea Solemn
E mainta aki, e proseso divino aki ta kulminá den konkordansa ku e mandato deliñá den Doktrina y Convenios: “I tur kos mester wòrdu hasí na òrdu, i di komun akuerdo den e Iglesia, dor di orashon di fe,”4 I “tres Sumo Saserdote, ... sostené pa e konfiansa, fe, i orashon di Iglesia, ta konstituí un quorum di e Presidensia di e glesia.”5
Elder David B. Haight a deskribí e suseso anterior den kual nos a partisipá awe:
“Nos ta testigu di ipartispante den un sususo sumamente sagrado —un asamblea solemne pa aktua riba asunrunan selestial. Meskos ku den tempunan amtiguo, tabatin hopi ayuno i orashon ofresé di e Santunan rònt mundu pa nan pr tin un deramamentu di e Spiritu di e Señor, kual ta asina evidente…na e okashon aki e mainta aki.
“Un asamblea solemne, manera e number ta impliká, ta indiká un okashon sagrado sereno i reverentenkaminda e Santunan ta reuní bou di direkshon di e Promé Presidensia.”6
Rumannan, nos por regosihá—asta grita Hosanna! — ku e Señor Su bosero, un profeta di Dios, ta den funshon i ku e Señor ta komplasé ku Su obra ta wòrdu hasí di e manera ku divinamente El a preskribí.
Presidente Russell M. Nelson
E proseso divinamente ordená aki ta kondusí na un otro profeta divinamnete yamá. Meskos ku Presidente Monson tabata un di e grandinan entre e habitantenan ku a biba na e mundu aki, asina Presidente Nelson tambe ta. El a wòrdu profundamente prepará i spesifikamente siñ dor di Señor pa dirigí den e tempu aki. Ta un gran bendishon nos tin pa awor tin nos kerido Presidente Russell M. Nelson komo nos profeta amoroso i dediká—e di 17 Presidente di e Iglesia den e delaster dispensashon aki.
Presidente Nelson ta di berdat un hòmber remarkable. Mi tabatin e privilegio di sirbi den e Quorum di Diesdos ku n’e komo mi presidente di Quorum pa algu mas ku dos aña.Mi a biaha ku n’e i tabata asombrá riba su energia, ya ku bo mester move lihé pa wanta su paso. Total el a bishitá 133 pais den su bida.
Su alkanse ta pa tur, yòn i bieu. Ta parse ku e konosé tur hende i tin e don particular di kòrda nòmber. Tur ku konosé ta sinti ku nan ta su favorite. I asina e ta ku tur—dor di su amor genuine i preokupashon ku e tin pa tur hende.
Mi promé asosiashon ku Presidente Nelson tabata riba un base eklesiástiko, tambe mi a bira familiar ku e bida professional ku Presidente Nelson a hiba promé ku el a wòrdu yamá komo Outoridat General. Maneia hopi di boso sa, Presidente Nelson tabata un sirugano di kurason mundialmente konosí i, tempran den su karera medisinal, un desaroyadó pionero die mashn di kurason-pulmon. El a traha den un team di investigashon ku a sostené e promé oerashon habri di kurason riba un hende den diesnuebe sinuentoun, usando un “bypass” di kurason-pilmon na diesnuebe sinkuentiun. Presidente Nelson a hasi un operashon di kurason riba Presidente Spencer W, Kimball no hopi tempu promé ku el a bira e profeta.
Interesantemente, nientras Presidente Nelson su yamamentu den e Diesdosnan 34 aña pasá a terminá e etapa komo professional un karera médiko di fortalesé i drechá e kurason, el a kuminsa un ministerio komo Apostel dediká na fortalesé i drechá inumerabel kantidat di kurason rònt mundu, kada unu a wòrdu lantá i saná dor di su palabranan doi sabidoria, servisio i amor.
Un kurason manera Cristu
Ora mi visualisá un kurason manera Cristu den praktika dirio, mi ta mira Presidente Nelson. Mi no a topa niun hende ku tapersonifiká e ehèmpel riba un nivel mas haltu manera e ta hasi. E tabata un enseñansa remarkable pa mi pa ta den e pososhon pa opservá personalmente e manifestashonnan di un kurason manera di Cristu di Presidente Nelson.
Den algun siman di mi yamamentu den e Diesdosnan na Òktober 2015, mi tabatin e oportunidat pa tira un mirada chikitu den e bida profesioanal di Presidente Nelson. Mi a wòrdu invitá na un evenemento unda el a wòrdu honrá komo pionero den sirugia di kurason. Ora ma drenta e pasio, mi tabta asombrá a wak e kantidat di profesionalnan einan ku tabata honrá I rekonosé e trabou ku Presidente Nelson a realisá hopi aña promé komo dòkter den medisina i sieuhano.
E anochi ei hopi professional a para i ekspresá nan rèspèt i atmirashon pa e kontribushon ekstraordinario ku Presidente Nelson a hasi den su spesialidat médisinal. Mes impreshonante ku kada un di e presentadónan tabata diskribiendo Presidente Nelson su diferente logronan, mi tabata ainda mas fasiá dor di un kombersashon ku mi tabatin ku un hòmber sintá banda di mi. E no tabata sa ken mi tabata, pero e tabata konosé Presidente Nelson, e tempu ei Dòker Nelson, komo director di e programa residensial di sirugia di toraks n un skol médiko di 1955.
E hòmber tabta un studiante bieu di Presidente Nelson. El a kompartí hopi rekuerdo. Mas interesante tabata su deskripshon di e estilo di enseñansa di Presidente Nelson, ku manera el a bis, a trese ku n’e un gran parti di asuntunan notorio, El a splika ku hopi dii e enseñansa di sirugia di kurason residensial tabata kondusٕí den e sala di operashon. Einan, resdidentenan tabata opservá i hasi sirirgia bou di suervishon di e fakultat , komo un klas di laboratorio, El a kompartí ku e ambiente di e sala di operashon bou di sierto di e siruganonan di e fakultat tabata kaotiko, kompetitivo, yen di preshon, i asta basá riba ego. E hòmber aki a deskribí esei komo un ambiente difisil, tin biaha asta degrasante. Komo resultado, e siruhanonan residente asta tabata sinti na karera hopi biaha na peliger.
Despues el a splika e ambiente úniko ku por a eksperensiá den e sala di operashon di Presidente Nelson. E tabata trankil, kalmo i digno. Residentenan tabata wòrdu tratáku un respect profundo. Sinembargo, siguiendo e demostrahon di un prosedura, Dòkter Nelson tabata spera e normanan di mas haltu di prestashon di kada un di e residentenan. E hòmber aki a sigui deskribí kon e mihó resultado pa pashènt i e mihó siruganonan a bin di e sala di operashon di Dòkter Nelson.
Esaki no ta sorprendé mi niun tiki. Esaki ta loke ku mi a opservá personalmente, i a wòrdu berdaderamente bendishoná dor di e Quorum di e Diesdos. Mi ta sinti ku mi tabata, di sierto manera, un di si residentenan den treining.”
Presidente Nelson tin un maneraeksepshonal di siña otro I ofresiendo korekshon di un manera positive, respetuoso I ku la edifiká. E ta e personifikashon di e kurason manera di Cristu i un ehèmpel pa nos tur. Di dje, nos ta siña ku den kualke sirkumstansia ku nos por enkontrá nos aden, nos manera di aktuá por ta di akuerdo ku e prinsipio di e Evangelio di JesuCristu.
Awor nos tin e gran bendishon pa sostené nos profeta, Presidente Russel M. Nelson. Den hinter su bida, el a magnifiká su numeroso ròlnan komo studiante, maestro, kasám dòkter, lider di saserdosio, abuelo, i Apòstel. Ela a kumpli e ròlnan aki e tempu ei—i a kontinuá di hasi esei—ku e kurason di un profeta.
Rumannan, loke nos a testiguá i a partisipá den dje awe , un asamblea solemne, ta kondusí na mi testimonio ku Presidente M. Nelson ta e Seٮor Su bosero pa tur hende. Tambe mi ta gregá mi testimomio di Dios e Tata, di JesuCristu I di e Su ròl komo nos Salbador i Redentor. Den e number di JesuCristu.