Tuma e Spiritu Santu komo Boso Guia
Esta un regalo inkomparabel ta bini na esnan ku ta pone nan fe den Jesucristu. E regalo aki ta e Spiritu Santu.
Riba e djadumingu di Pasku di Resurekshon aki, nos pensamentu ta bai na e Resurekshon di Señor Jesucristu i na e graf bashí ku ta duna tur kreyente speransa den Cristu su triunfo ku di otro manera lo tabata un derota sigur. Mi ta kere, huntu ku e Apòstel Pablo, ku meskos ku Dios “a lanta Cristu for di morto [asina] [E] lo duna [nos] kurpa mortal bida pa medio di su Spiritu ku ta biba den [nos].”
Pa duna bida ke men hasi bibu. Meskos ku Cristu ta trese nos kurpa bèk na bida despues di morto físiko pa medio di e poder di Su Resurekshon, asina tambe E por duna nos bida, òf hasi nos bibu for di morto spiritual. Den e buki di Moises, nos ta lesa di Adam pasando den e dunamentu di bida aki: Adam a wòrdu boutisá, i e Spiritu di Dios a baha riba dje, i asina el a nase di e Spiritu, i a haña bida den e hòmber interior.
Esta un regalo inkomparabel ta bini na esnan ku ta pone nan fe den Jesucristu. E regalo aki ta e Spiritu Santu dunando nos loke e Tèstamènt Nobo ta yama “bida den Cristu.” Pero tin biaha nos ta sin apresio pa tal regalo?
Rumannan, ta un privilegio ekstraordinario pa “tin … e Spiritu Santu pa [nos] guia,” manera demostrá den e siguiente historia.
Durante e guera di Korea, Ensign Frank Blair a sirbi riba un barku stashoná na Hapon pa transportá trupanan. E barku no tabata sufisientemente grandi pa tin un kapelan formal, asina ku e kapitan a pidi Hermano Blair pa ta e barku su kapelan informal, opservando ku e hòmber yòn tabata un persona di fe i prinsipio, altamente respetá pa henter e tripulashon.
Ensign Blair a skibi: “Nos barku a hañ’é den un tifon inmenso. Tabatin olanan di 14 meter haltu. Mi tabata na warda … durante kua tempu un di nos tres motornan a stòp di funshoná i un sker den e liña sentral di e barku a wòrdu reportá. Nos tabatin dos motor mas, di kua unu tabata funshoná solamente ku mitar kapasidat. Nos tabata den problema serio.”
Ensign Blair a kaba ku su warda i tabata drentando den kama ora e kapitan a bati na su porta. El a puntra, “Lo bo por hasi orashon pa e barku por fabor?” Klaro ku, Ensign Blair a hasi asina.
Na e momentu ei, Ensign Blair por a pidi simplemente, “Tata Selestial, por bor bendishoná nos barku i tene nos sigur,” i despues bai drumi. Enbes, el a bisa ku e sa ku tabatin algu ku e por a hasi pa yuda sigurá e seguridat dje barku. Na kontesta na su orashon, e Spiritu Santu a inspir’é pa bai na e brùg, papia ku e kapitan, i sa mas. El a haña e kapitan purbando di determiná kon lihé por pone e sobrá motornan traha. nsign Blair a bolbe pa su kabina i a hasi orashon atrobe.
El a puntra, “Kiko mi por hasi pa yuda atendé e problema ku e motornan?”
Komo kontesta, e Spiritu Santu a susurá ku e mester kana rònt di e barku i opservá pa haña mas informashon. Atrobe el a bai na e kapitan i a pidi permiso pa kana rònt di e dèk. Despues ku un liña salba bida mará na su sintura, el a bai den e tormenta.
Pará patras na e barku, el a opservá e propèlernan gigante segun nan tabata sali for di awa ora e barku a alkansá un ola. Solamente un tabata traha kompletamente, i e tabata drai masha lihé. Despues di e opservashonnan aki, Ensign Blair a hasi orashon atrobe. E kontesta kla ku el a haña tabata ku e motor ku a sobra tabata bou di demasiado tenshon i mester a baha velosidat. Asina ku, el a bai bèk na e kapitan i a hasi e rekomendashon. E kapitan tabata sorpresá, bisando ku e ingeniero di e barku a kaba di bisa kontrali—ku nan mester oumentá e velosidat di e motor ku ta bon pa por pasa e tormenta. Sinembargo, …kapitan a skohe pa sigui Ensign Blair su sugerensia i baha velosidat di e motor. Pa manisé e barku tabata safe den awanan kalmu.
Solamente dos ora despues, e motor bon a stòp di funshoná kompletamente. Ku mitar kapasidat den e sobrá motor, e barku apénas por a drenta haf.
E kapitan a bisa Ensign Blair, “Si nos no a baha velosidat di e motor ora nos a hasié, nos lo a pèrdè mei mei di e tormenta.”
Sin e motor ei, lo no tabatin niun manera pa nabegá. E barku lo a bòltu i senk. E kapitan a gradisí e ofisial yòn SDD i a bisa ku e ta kere ku sigui Ensign Blair su impreshonnan spiritual a salba e barku i su tripulashon.
Awor e historia aki ta bastante dramátiko. I miéntras ku ta improbabel pa enfrentá sirkunstansianan peligroso asina aki, e historia tin indikashonnan tokante kon nospor risibí guia di e Spiritu ku mas frekuensia.
Promé, ora ta trata di revelashon, nos mester sintonisá nos reseptor adekuadamente na e frekuensia di shelu. Ensign Blair tabata biba un bida limpi i fiel. Ku e no tabata obediente, e lono a haña e konfiansa spiritual nesesario pa hasi orashon manera ku el a hasi pa siguridat di e barku i pa risibí guia asina spesífiko. Nos kada un mester hasi esfuerso pa dirigí nos bida ku Dios su mandamentunan pa por haña Su guia.
Tin biaha nos no por skucha siñal di shelu pasobra nos no ta digno. Arepentimentu i obedensia ta e manera pa logra komunikashon kla atrobe. E palabra den Tèstamènt Bieu pa arepentí ke men “pa bira” “òf bira bèk.”Ora boso ta sinti boso leu for di Dios, solamente boso mester tuma e desishon di bira for di e piká i enfrentá e Salbador, kaminda boso lo hañ’é ta warda boso, ku Su brasanan habrí. …ta ansioso pa guia boso, i boso ta djis un orashon leu for di risibí e guia aki atrobe.
Di dos, Ensign Blair no a djis pidi Señor pa solushoná su problema. El a puntra kiko e por hasi pa ta parti di e solushon. Meskos nos por puntra, “Señor, kiko mi tin ku hasi pa ta parti di e solushon?” Enbes di djis hasi lista di nos problemanan den orashon i pidi Señor pa solushoná nan, nos mester ta buskando maneranan mas proaktivo pa risibí yudansa di Señor i komprometé pa aktua di akuerdo ku guia di e Spiritu.
Tin un di tres lès importante den historia di Ensign Blair. E por a hasi orashon ku un siguransa asina kalmu si e no a risibí guia for di e Spiritu na okashonnan anterior? E yegada di un tifon no ta tempu pa buska e regalo di e Spiritu Santu despues di no a busk’é pa hopi tempu i sin sa kon pa us’é. E hòmber yòn aki klaramente tabata sigui un patronchi ku el a usa hopi biaha promé, inkluso komo un mishonero di tempu kompleto. Nos mester di e Spiritu Santu komo nos guia den awanan kalmu p’asina Su stèm por ta sin fayo ku nos den e tormenta di mas peligroso.
Algun por pensa ku nos no tin ku spera guia diario di e Spiritu pasobra no ta kumbiniente ku Dios mester manda den tur kos, pa nos no bira sirbidónan floho.…skritura aki, sinembargo, a wòrdu duná na algun mishoneronan di promé aya ku a puntra José Smith pa haña revelashon ku nan mes mester a risibí di nan mes. Den un versíkulo promé, Señor a bisa nan pa bini na e kampo mishonal segun nan determiná entre nan i Señor.
E mishoneronan aki tabata ke un revelashon spesífiko tokante nan plannan di biahe. Ainda nan no a siña buska nan mes direkshon den asuntunan personal. Señor a yama e aktitut aki loke e ta: flohera. E promé miembronan por tabata asina kontentu pa tin un profeta berdadero ku nan tabata den peliger di faya den siña kon pa risibí revelashon nan mes. Ta outosufisiente spiritualmente ke men ta kapas pa skucha Señor su stèm mediante Su Spiritu pa un persona su mes bida.
Alma a konsehá su yu pa “konsultá ku Señor denturkos.” Pa biba di e manera aki—lokual hopi biaha nos ta yama “biba pa medio di e Spiritu—ta un gran privilegio. E ta trese un sentido di trankilidat i siguransa i tambe komo frutanan di e Spiritu manera amor, goso, i pas.”
Ensign Blair su kapasidat pa risibí revelashon nb}a salba e i su koleganan for di un tormenta severo. Otro tipo di tormentanan ta sosodé awendia. E Buki di Mormon su parabel di e palu di bida a duna un imágen poderoso di kon pa logra seguridat spiritual den un mundu asina. E soño aki ta konta di neblina diripiente di skuridat ku ta trese destrukshon spiritual na miembronan di Iglesia ku ta kanando riba e kaminda bèk pa Dios.
Pensando na e imágen aki, mi ta imaginá kantidat grandi di hende biahando riba e kaminda, algun ku nan mannan firme garando e bara di heru, pero hopi otro siguiendo e pasonan di e hendenan dilanti nan. E delaster aki ta tuma tiki pensamentu òf esfuerso. o por djis hasi i pensa lokual otronan ta hasiendo i pensando. Esaki por parse di ta funshoná bon ora no tin prueba. Pero e tormentanan di desepshon i e neblinanan di falsedat ta lanta sin aviso. Den e situashonnan aki rekonosé e stèm di e Spiritu Santu ta un asuntu di bida i morto.
Nefi su promesa poderoso ta ku esnan ku skucha e palabra di Dios, i … tene duru na dje, … lo no bai pèrdí nunka; tampoko e tentashonnan i e flechanan ardiente di e atversario lo no vense nan pa hasi nan siegu, pa hiba nan pa destrukshon.
Sigui e pasonan di e hendenan boso dilanti no ta sufisiente. Nos no por djis hasi i pensa loke otronan ta hasi i pensa; nos mester hiba un bida ku guia. Nos kada un mester tin nos mes man na e bara di heru. E ora ei nos por bai na Señor ku konfiansa humilde, sabiendo ku E lo guia nos na nos man, i duna [nos] kontesta na [nos] orashonnan. Den e nòmber di Jesucristu,amèn.