Mujeres Jovenes den e Obra
Kada muhé yòn den e Iglèsia mester sintí [su mes] valorá, [mester] tin oportunidatnan pa sirbi, i sinti ku e ta hasi algu di balor pa kontribuí na e obra aki.
Un aña pasá, den e seshon di saserdosio di konferensia general, Obispo Gérald Caussé a papia na e hòmbernan di e Iglèsia deskribiendo kon poseedornan di Saserdosio Aaróniko i Melkisedek ta kompañeronan inseperabel den kumplímentu di e obra di salbashon. E mensahe tabata un gran bendishon pa yuda e hóbennan kende tin e Saserdosio Aaróniko wak e parti ku nan ta hunga den e edifikashon di e reino di Dios riba tera. Nan sirbishi unifiká ta fortalèse e Iglèsia i ta trese un konvershon i kompromiso mas profundu den e kurasonnan di nos hóbennan ora nan ta wak e balor di nan kontibushon i kon magnifikante e obra aki ta.
Awe mi lo kier pa mi remarkanan ta un adishon na e mensahe ei ora mi ta papia tokante e muhénan yòn di e Iglèsia, kende igualmente ta nesesitá i esenshal den kumpli e obra di Señor den nan famianan i den Su Iglèsia.
Meskos ku Obispo Caussé, mi a biba den un rama chikitu di e Iglèsia durante un bon parti di mi hubentut, i hopi biaha mi a wòrdu pidí pa kumpli asignashonnan i yamamentunan ku normalmente a wòrdu hasí pa adultonan. Pa ehèmpel, esnan di nos den e programa di hubentut hopi biaha a tumá e inisiativa den yuda organisa i ehekuta nos aktividatnan i eventunan spesial. Nos a skirbi komedianan, forma un grupo di kanta pa diberti na aktividatnan di rama, i nos tabata partisipantnan kompletu den kada reunion. Mi a wòrdu yamá pa ta e lider di musika di rama i a dirigi e kantamentu den e reunion sakramental kada siman. E tabata un bon eksperensia pa un hiben di 16 aña pa para dialnti tur hende den e rama kada Djiadomingu i dirigi nan den e kantamentu di e himnonan. Mi a sinti importante i tabata sa ku mi tabatin algu di kontributi. Hendenan a depende riba mi pa ta eynan, i mi a stima sinti util. E eksperensia ei a yuda mi traha mi testimonio di Jesu Cristo, i meskos ku el a hasi pa Obispo Caussé, el a ankrá mi bida den sirbishi di evangelio.
Kada miembro mester sa kuantu tin mester di dj’e. Kada persona tin algu importante pa kontributi i tin talentonan i abilidatnan úniko ku ta yuda mové e obra importante aki pa dilanti. Nos hòmbernan yòn tin debernan di Saserdosio Aaróniko deskribí den Doktrina i Konvenionan ku ta basta visibel. E ta parse ménos opvio pa e muhénan yòn di e Iglèsia, nan mayornan, i nan lidernan ku, for di e tempu di nan boutismo, muhénan yòn tin e responsabilidat di konbenio pa yora ku esnan ku ta yora; i pa konsola esnan ku tin mester di konsuelo, i pa para manea testigu di Dios na tur tempo i den tur kos, i na kada lugar ku nan por ta, te dia nan muri. Muhénan yòn tin oportunidatnan pa kumpli e responsabilidatnan aki den nan barionan i ramanan i ora nan ta sirbi den presidensianan di klas, den konsehonan di hubentut, i den otro yamamentunan. Kada muhé yòn den e Iglèsia mester sinti su mes valorá, [mester] tin e oportunidat pa sirbi, i sinti ku e tin algu di valor ku ta kontributi den e obra aki.
Den e manual di Instrukshon di Iglèsia 2, nos ta siña ku e obra di salvashon den nos barionan ta inklui obra misional di miembro, retenshon di konversonan, aktivashon di miembronan mésnos aktivo, obra ti tèmpel i historia familiar, i enseñansa di e evangelio. E obra aki ta wòrdu dirigí pa obispunan fiel, kende tin e yabinan di saserdosio pa nan bario. Pa hopi aña awor nos presidensia a hasia e pregunta aki “Den kua di e areanan menshoná aki nos muhénan yòn no mester ta envolví?” E kontesta ta ku nan tin algu di kontributi den tur areanan di e obra aki.
Pa ehèmpel, resientemente mi a topa algun muhénan yòn den e area di Las Vegas kende a wòrdu yamá pa sirbi manera konsultornan di bario di tèmpel i historia familiar. Nan tabata briya ku entusiasmo di por tin e oportunidat pa siña i yuda miembronan di nan bario haña nan antepasadonan. Nan tabatin abilidatnan spesial riba e kòmpiuter, a siña kon pa usa FamilySearch, i tabata eksitá pa komparti e konosimentu ei ku otronan. E tabata evidente ku nan tin testimonionan i un komprenshon di e importansia di buska e nòmbernan di nan antepasadonan morto pa asina ordenansanan salbadó esensial por wòrdu ehekuta pa nan den e tèmpel.
Algun luna pasa, mi tabatin e oportunidat pa purba un idea ku dos muhénan yòn di 14 aña. Mi a optené kopianan di dos agenda di konseho di bario i a duna Emma i Maggie kada un un kopia. Mi a puntra nan pa pasa den e agendanan i pa wak si tabatin kualke artíkulo di akshon di e konseho di bario den kua nan pora sirbi. Emma a wak ku un famia nobo tabata mudando dent nan bario, i el a bisa e por yuda nan muda i desempaketá. el a pensa e por bira amiga di e yunan dei e famia i mustra nan rònt nan e skol nobo. el a wak ku tabatin un sena di bario na kaminda i a sinti ku tabatin varios manera kon e por a ofresé su sirbishi.
Maggie a wak ku tabatin hopi hende di edat den e bario ku tabatin mester di bishita i amistat. el a bisa [ku] e lo tin gana di bishita nan i ta di yudaa e maravioso miembronan di edad aki. El a sinti [ku] e por a yuda siña e miembronan di e bario kon pa kuminsá i usa un kuenta di media sosial. Realmente no tabatin nada riba e agenda ei ku kiko e dos muhénan yòn no por a yuda!
Boso ku ta sinta den konsehonan di bario, òf tin kualke yamamentu den e bario, ta wak e muhénan yòn manera rekursonan valoroso pa yuda yena e hopi nesesidatnan den nos barionan? Normalemente tin un lista largu di situashonnan ku ta rekirí kualke persona pa sirbi, i hopi biaha nos ta pensa solamente riba e adultonan den e bario pa yuda ku e nesesidatnan ei. Meskos ku poseedornan di e Saserdosio Aaróniko a wòrdu invitá pa laborá ku nan tatanan i otro hòmbernan di e Saserdosio Melkisidek, nos muhénan yòn por wòrdu yama pa proveé sirbishi i minstra na e nesesidatnan di miembronan di bario ku nan mamanan i otro hermananan ehemplar. Nan ta kapas, ansioso, i dispuesto pa hasi hopi mas ku solamente asistí iglèsia riba djadomingu!
Ora nos ta konsiderá e ròlnan ku nos muhénan yòn lo wòrdu verwagt di tuma den e futuro serkano, nos por puntra nos mes ki tipo di eksperensia nos por proveé pa nan awor aki, ku lo yuda nan prepará pa ta misioneronan, studiantenan di evangelio, lidernan den e organisashonnan ousiliar di Iglèsia, obreronan di tèmpel, kasánan, mamanan, mentornan, ehèmpelnan, i amigunan. Nan por en realidat òawor kaba pa yena e ròlnan ei. Hóbennan hopi biaha ta wòrdu puntra pa yuda siña lèsnan riba Djadomingu den nan klasnan. Oportunidatnan ta na man awor pa nos muhénan yòn hasi sirbishi den e tèmpel ku a wòrdu hasi anteriormente pa trahadornan di ordenansanan òf boluntarionan ora nan ta asisti ku nan gruponan di hobennan pa boutisa pa e mortonan. Nos muchanan muhé di Primaria awor ta wòrdu invitá pa asisti reunionnan di preparashon pa tèmpel i saserdosio, kua lo yuda nan komprende ku nan tambe ta partisipantenan importante den e obra dirigí pa e saserdosio. Nan ta siñando ku hòmbernan, muhénan, i muchanan tur ta resipientenan di e bendishonnan di saserdosio i tur por tuma un oaktivo den move padilanti e obra di Señor.
Obisponan, nos sa ku boso debernan hopi biaha ta pisa, pero meskos ku un di boso prioridatnan mas haltu ta pa presidí riba e quorumnan di Saserdosio Aaróniko, Manual 2 ta splika ku e obispo i su konseheronan ta proveé liderasgo di saserdosio na e organisashon di Mujeres Jovenes. Nan ta wak riba i fortalesé muhénan yòn individual, trahando di serka ku e mayornan i lidernan di Mujeres Jovenes den e esfuerso ei. E tambe ta bisa ku e obispo i su konseheronan regularmente ta partisipá den e reunionnan, sirbishi, i aktividatnan di Mujeres Jovenes. Nos ta gradisí pa obispunan ku ta tuma e tempu pa bishitá klasnan di Mujeres Jovenes i kende ta proveé oportunidatnan pa muhénan yòn pa ta mas ku solamente miradónan di e obra. Danki pa sigurá nos muhénan yòn ta partisipantnan valorá den kumpli ku e nesesidatnan di e miembronan di bario! E oportunidatnan pa sirbi den maneranan nifikante ta bendishoná nan hopi mas ku aktividatnan den kua nan ta djis wòrdu dibertí.
Na boso, e muhénan yòn di e Iglèsia, boso añanan di hubentut por ta hopi okupá i hopi biaha difísil. Nos a nota ku hopi mas di boso ta luchando ku asuntonan di valor di boso mes, ansiedat, nivelnan haltu di stress, i tambe por ta depresion. Birando boso pensamentunan afó, en bes di keda pensa riba boso mes problemanan, porta no ta e solushon di tur e asuntonan aki, pero sirbishi por hopi biaha hasi boso kargo mas lihe i hasi boso retonan parse ménos duru. Un di e mihó maneranan pa oumentá sentimentunan di valor di bo mes ta pa mustra, dor di nos preokupashon i sirbishi na otronan, ku nos tin hopi di valor pa kontributi. Mi ta enkurashá boso muhénan yòn pa lanta boso man pa sirbi i pone e mannan ei na trabou ora boso ta mira un nesesidat rònt di boso. Ora boso ta kumpli boso responsabilidatnan di konvenio i partisipa den edifika e reino di Dios, bendishonnan lo basha den boso bida i boso lo diskubri e goso profundu i duradero di ta un disipel.
Rumannan, nos muhénan yòn ta asombroso. Nan tin talentonan, entusiasmo, i energia sin limite, i nan tin kompashon i ta gusta kuida. Nan kier ta di sirbishi. Nan mester sa ku nan ta wòrdu valorá i ta esensial den e obra di salvashon. Meskos ku hòmbernan yòn ta prepara den e Saserdosio Aaróniko pa sirbishi mas grandi ora nan ta avansa dentro e Saserdosio Melkisidek, nos muhénan yòn ta preparando pa bira miembronan den e organisashon di muhénan mas grandi riba tera—e Sosiedat di Sokoro. Huntu, e bunita, fuerte, fiel muhénan i hòmbernan yòn aki ta preparando pa ta kasanan, i mamanan i tatanan kende lo lanta nan famia digno di e reino selèstial di Dios.
Mi ta testifiká ku e obra di nos Tata Selèstial ta pa trese pa dilanti e inmortalidat i bida eterno di Su yunan. Nos presioso muhénan yòn tin un ròl importante pa hunga den yuda pa kumpli e gran obra aki. Den e nòmber di JesuCristo, amén.