E Quorum di Eldernan
Teniendo un Quorum di Saserdosio Melkisedek den un bario ta uni e posedornan di saserdosio pa kumpli ku tur aspekto di e obra di salbashon.
No masha despues ku Iglesia a wòrdu organisá den e último dispensashon, Señor a deklará den un revelashon, “I pa medio di e orashon di bo fe lo bo risibí mi lei, pa boso por sa kon pa goberná mi iglesia i tin tur kos korekto mi dilanti,” E prinsipio aki a wòrdu sigui den Iglesia—i e promesa ei a wòrdu honra dor di Señor—for di e tempu ei. Patronchinan pa e organisashon di saserdosio i servisio a wòrdu revelá di tempu pa tempu kuminsando ku e Profeta Jose Smith ora ofisionan den saserdosio i quorumnan a wòrdu establesé primeramente. Refinashonnan signifikante a wòrdu revelá i implementá durante e tempu di Presidentenan Brigham Young, John Taylor, Spencer W. Kimball, i Ezra Taft Benson pa loke ta trata e Quorum di Diesdos, e Setenta, sumo saserdote, i otro ofisionan den quorumnan den ámbos Saserdosio Melkisedek i Aroniko. Awor, den un deklarashon históriko algun momentu pasa, Presidente Russel M. Nelson a anunsio mas ahuste krusial
Si mi por ripiti e deklarashon: “Awe nochi, nos ta anunsia restrukturashon signifikativo den nos quorumnan di Saserdosio Melkisedek pa kumpli e obra di Señor mas efikas. Den kada bario, e grupo di sumo saserdote i e quorum di elder lo wòrdu kombiná den un quorum di elder … [i] e komposishon di quorum di [e sumo saserdote di estaka] lo wòrdu pasa riba yamamentu aktual den saserdosio.
Presidente Nelson a agregá:
“A traha riba e modifikashonnan aki, revisá nan, i refiná nan pa vários luna. Nos a sinti e nesesidat urgente pa mehora e manera ku nos ta kuida di nos hendenan. … Pa hasi esaki bon, nos mester fortifiká nos quorumnan di saserdosio pa duna direkshon mas grandi na e ministerio di amor i apoyo ku ta Señor intenshon pa Su Santunan.
“E ahustenan aki ta inspirá di Señor. Ora nos ta implementá nan, nos lo bira mas efektivo, for di kual nos tabata anteriormente.”
Bou di e direkshon di e Promé Presidensia, Elder Ronald A. Rasband i ami lo agregá algun detaye ku nos ta konfia lo kontesta preguntanan ku boso lo tin.
Quorumnan di Elder i Sumo Saserdote.
Promé, pa reiterá, kiko ta e ahustenan pa e grupo di sumo saserdote di bario i e quorumnan di elder? Den barionan, miembronan di quorumnan di elder, i sumo saserdote lo ta awor kombiná den un quorum di ku un presidensia. E quorum aki, ku mas den number i union, lo wòrdu designá komo e “quorum di elder.” Grupo di Sumo Saserdote lo wòrdu deskontinuá. E quorumnan di elder lo inkluí tur elder i futuro elder den bario i tambe sumo saserdote ku no ta den servisio aktual den obispado, den e presidensia di estaka, i den e sumo konseho, òf funshonando komo patriarka. E quorum di sumo saserdote den e estaka lo ta komponé di e sumo saserdotenan ku ta sirbiendo den e presidensia di estaka, den obispado, den e sumo konseho, i funshonando komo patriarka.
E Presidensia di Quorum di Elder.
Kon e presidensia di e quorum di elder lo wòrdu organisá? E presidensia di estaka lo relevá e liderato di e grupo di sumo saserdosio i presidensianan di quorum di elder i lo yama un presidensia nobo di quorum di elder i konsehero den kara bario òf rama. E presidensia nobo di quorum di elder por inkluí eldernan i sumo saserdote, di edatnan variá i eksperensiá, sirbiendo huntu den un presidensia di quorum. Sea un elder òf un sumo saserdote por sirbi komo presidente di quorum of komo konsehero den e presidensia. Esaki no ta un toma di kontrol di quorum di elder dor di e sumo saserdote. Nos ta spera ku e eldernan i e sumo saserdotenan traha huntu den kualke kombinashon den e presidensia di quorum i den servisio di quorum. E ahustenan di quorum aki mester wòrdu implementá lo mas pronto ku ta posibel.
Ofisionan di Saserdosio den e Quorum di Elder.
E ahuste den e struktura di e quorum aki ta kambia e ofisio den saserdosio di e miembronan di e quorum? No, e akshon aki no ta anulá ningun ofisio di saserdosio di kua kualke miembro di quorum a wòrdu ordená den pasado. Manera bo sa, un hòmber por wòrdu ordená den diferente ofisio di saserdosio durante su bida, i e no ta pèrdè òf ningun ordenashon anterior ora e risibí unu nobo. Miéntras ku den algun instansia e posedor di saserdosio por sirbi den mas ku un ofisio na e mesun momentu, manera ora un sumo saserdote tambe ta sirbi komo patriarka òf komo obispu, e típikamente no ta funshoná den tur e ofisionan di saserdosio pareu. Obispunan i Setentanan, por ehèmpel, no ta sirbi aktivamente den e ofisionan ei ora nan wòrdu relevo òf haña status emeritus. Pues, kualke otro ofisio òf ofisionan di saserdosio un hòmber por tin, miéntras e ta miembro di e quorum di eldernan, e ta sirbi komo elder.
Hopi aña pasa, Presidente Boyd K. Packer a opservá ku “e saserdosio ta mas grandi ku kualke un di su ofisionan. … E saserdosio no ta dividí. Un elder tin mesun tantu saserdosio ku un Apòstel. (wak DyC 20:38)Ora un hòmber [haña e saserdosio konferí riba dje], e ta risibié kompletu. Sinembargo, tin ofisionan den e saserdosio—divishonnan di outoridat i responsabilidat … Tin biaha ta bisa ku un ofisio ta ‘mas haltu’ òf ‘mas abou’ ku un otro ofisio. En bes di ‘haltu’ òf ‘abou,’ ofisionan de e Saserdosio di Melkisedek ta representá diferente áreanan di servisio.” Rumannan, Mi ta spera sinseramente ku nos lo no papia mas den terminologianan di “avanse” pa un otro ofisio den e Saserdosio di Melkisedek.
Eldernan lo sigui wòrdu ordená sumo saserdote ora nan wòrdu yama den presidensia di estaka, sumo konseho, òf obispado—òf na otro momentunan manera determiná dor di e presidente di estaka pa medio di konsiderashon den orashon i inspirashon. Ora su término di servisio den e presidensia di estaka, sumo konseho, òf obispado ta kompletá, sumo saserdotenan lo uni ku e quorum di eldernan den nan bario.
Direkshon pa e Presidente di Quorum di Elder.
Ken ta dirigí e obra di e presidente di quorum di elder? E Presidente di Estaka ta presidí riba e Saserdosio di Melkisedek den su estaka. P’esei, e presidente di quorum di eldernan ta direktamente responsabel na e presidente di estaka, ken ta proveé kapasitashon for di e presidensia di estaka i pa medio di e sumo konseho. E obispu, komo e sumo saserdote ku ta presidí den e bario, tambe ta reuní regularmente ku e presidente di quorum di elder. E obispu ta konsulta ku n’e i duna direkshon apropiá tokante kon mihó sirbi i bendishoná e miembronan di bario, trahando den armonia ku tur e organisashonnan di bario.
E propósito di E Kambionan aki.
Kiko ta e propósito di e ahustenan na e quorumnan di Saserdosio Melkisedek? Teniendo un quorum di Saserdosio Melkisedek den un bario ta unifiká e posedor di saserdosionan pa kumpli ku tur aspekto di e obra di salbashon, inkluyendo e obra di tèmpel i historia familiar previamente kordiná dor di e grupo di sumo saserdote. E ta permití e miembronan di quorum di tur edat i antesedente pa benefisiá for di e perspektiva i eksperensia di un i otro i di tur esnan den diferente estado di bida. Tambe e ta proveé oportunidatnan adishonal pa posedornan di saserdosio eksperensia pa siña otronan, inkluyendo futuro eldernan, miembronan nobo, hóben adulto, i esnan regresando bek den aktividatnan di Iglesia. Mi no por ekspresá adekuadamente kon emoshoná mi ta di kontemplá e ròl vital kresiente ku e quorum di elder lo tin den futuro. E sabiduria, eksperensia, kapasidat, i fortalesa ku lo wòrdu hañá den e quorumnan aki ta anunsiá un dia nobo i un standart nobo di servisio di saserdosio den hinter e Iglesia.
Binti aña pasa den konferensia general, mi a relatá e historia konta promé dor di Elder Vaughn J. Featherstone di e Setenta ku mi ta kere ta importante ripití akinan.
Na 1918 Hermano George Goates tabata un kunukero ku a planta wòrtel di suku na Lehi, Utah. Invierno a bin trempan e aña ei i a fris hopi di su plantashon di wòrtel den suela. Pa George i su yu hóben Francis, e kosecha tabata poko poko i difísil. Miéntras tantu, un epidemia di influenza tabata plama ront. E malesa temeroso a e bida di George su yu Charles i tres di Charles su yunan chikitu—dos yu muhé chikitu i un yu hòmber. Durante e periodo di solamente seis dia, un George Goates doloroso a hasi tres biahe separá pa Ogden, Utah, pa trese e kurpanan kas pa funerario. Na final di e pousa teribel aki, George i Francis a karga nan wagòn i bai bek na e tereno di wortel.
“Na kaminda] nan a pasa wagòn tras di wagòn yená ku wòrtel ku ta wòrdu hiba na e fábrika i manehá pa kunukeronan di besindario. Miéntras nan tabata pasa, kada un tabata zuai i saludá: ‘Hei Tio George,’ ‘Hopi forsa, George,’ ‘Tempu difísil, George,’ ‘Bo tin hopi amigu, George.’
“Den e lastu wagòn tabatin … kara di purunchi Jasper Rolfe. E la zuai un saludo alegre i grita: ‘Esei tabata nan tur, Tio George.’
“[Hermano Goates] a bira wak Francis i bisa: ‘Mi ta deseá ku esei tabata tur di nos.’
“Ora nan a yega nan e portanan di e kunuku, Francis a bula abou for di e wagòn kòrá di wòrtel di suku i habri e porta miéntras [su tata] tabata kore subi e tereno. [George] a wanta, para su wagòn, … i wak su tereno. … No tabata tin ningun wortel den hinter e tereno. E ora ei e la bin bei loke Jasper Rolfe tabata bisé ora e la grita: “Esei ta nan tur, Tio George!’
“[George] a baha for di su wagòn, piki un man yen di e tera maron i riku ku e stima asina tantu, i e ora ei … un kabes di wòrtel, i e la wak pa un momentu na e símbolo di su obra, komo si fuera e no por a kere su wowonan.
“E ora ei [e] e la kai sinta riba e kabesnan di wòrtel—e hòmber aki ku a hiba kuater di su sernan kerí kas pa entiero den e kurso di seis dia; traha kaha di morto, koba buraku pa dera, i hasta yuda ku e pañanan di entiero—e hòmber asombroso aki ku nunka a faya, nunka a duda, nunka a tembla durante hinter e prueba agonisante—a kai sinta riba e kabesnan di wòrtelnan i kuminsá yora manera un mucha chikí.
“E ora ei e la lanta, seka su wowonan, … wak den shelu, i bisa: “Danki, Tata, pa e eldernan di nos bario.’”
Si, danki na Dios pa e hòmbernan di e saserdosio i pa e servisio ku nan tin ku duna ainda den ministerio na individuonan i famianan i den establesé Zion.
E Promé Presidensia, e Quorum di Diesdos Apòstel, i e Presidensia di e Setenta a konsiderá e ahustenan aki durante e un periodo ekstenso di tempu. Ku hopi orashon, estudio kouteloso di e fundamentu di eskrituranan tokante quorumnan di saserdosio, i konfirmashon ku esaki ta e boluntat di Señor, nos ta move pa dilanti ku unanimidat den loke ta realmente un paso den e kumplimentu di e Restourashon. Señor su direkshon ta manifestá, i mi ta regosiha den dje, miéntras mi ta duna testimonio di dj’E, Su saserdosio, i boso ordenashon den e saserdosio, den e nòmber di JesuCristu, amèn.