Mansu i Humilde di Kurason
Mansedumbre ta un atributo definí di e Redentor i ta wòrdu distinguí pa sensibilidat rekto, boluntat di ta sumiso, outo restrikshon fuerte.
Mi ta regosiha den e oportunidat sagrado di sosten nos lidernan di Iglesia. I am di hinter mi kurason ta yama bon bini na Elder Gong i Elder Soares den e Quorum di Diesdos Apòstel. E ministerio di e dos hòmbernan fiel aki lo bendishoná individuonan i famianan rònt mundu i am ta ansioso pa sirbi i siña huntu ku boso.
Ta mi orashon ku Espíritu Santu lo siña i iluminá nos miéntras nos ta siña huntu tokante di e aspekto vital di e Salbador su naturalesa divino ku kada un di nos mester purba na sigui.
Lo mi presentá diferente ehèmpel ku lo trese dilanti e kualidat Kristian aki dilanti nos identifikando e atributo spesífiko despues den mi mensahe. Por fabor skucha koutelosamente na kada ehèmpel i konsiderá ku mi e posibel kontestanan ku lo mi presentá.
Ehèmpel #1. E Hóben Riku i Amulek
Den e Tèstamènt Nobo, nos ta siña tokante di e hóben riku ku a puntra Jesus, “Bon Maestro, kua bon kos mi ti ku hasi, pa ami tambe haña bida eterno?” E Salbador promé a amonestá pa warda e mandamentunan. E Maestro despues a duna e hóben un rekisito adishonal adaptá na su nesesidat spesífiko i sirkunstansia.
“Jesus a bis’e, Si bo ke ta perfekto, bai i bende tur loke bo tin, i duna na e pober, i lo bo tin tesoro den shelu: i bin i sigui mi.
“Pero ora e homber hoben aki a skucha esaki, e la bai tristu: pasobra e ta tin hopi pertenensha.”
Kompará e kontesta di e hóben riku ku e eksperensia di Amulek, manera deskribí den e Buki di Mormon. Amulek tabata un hòmber industriouso i próspero ku hopi famia i amigunan. E la deskribí su mes komo un hòmber ku a wòrdu yama hopi bia pero ku nunka no a skucha; un hòmber ku tabata sa e kosnan di Dios pero lo no sa. Básikamente un bon hòmber, Amulek tabata distrai pa e preokupashonnan di mundu meskos manera e hóben riku deskribí den e Tèstamènt Nobo.
Maske promé e la endurese su kurason, Amulek a obedesé e bos di un angel, risibí e profeta Alma den su kas, i proveé alimento na dje. E la wòrdu spièrta spiritualmente durante Alma su bishita i a wòrdu yama pa prediká e evangelio. Amulek a legumai “tur su oro, i plata, i kosnan presioso … pa e palabra di Dios, [i a wòrdu] rechasá pa esnan ku un bia tabata su amigunan i tambe dor di su tata i su famianan.”
Ki bo ta kere ta splika e diferensia entre e kontestanan di e hóben riku i Amulek?
Ehèmpel #2: Pahoran
Durante un periodo turbulento di guera deskribí den e Buki di Mormon, un interkambio di epístola a sosodé entre Moroni, e kapitan di e ehérsito Nefita, i Pahoran, e hues supremo i gobernador di e pais. Moroni, ken su ehérsito tabata sufri pa motibu di apoyo inadekuá di e gobièrnu, a skibi na Pahoran “na manera di kondenashon” i akus’é i su lidernan di deskuido, flohera, negligensia, i hasta di ta traidor.
Pahoran fásilmente por a resentí Moroni su alegashonnan inkorekto, pero e no a hasié. E la respondé ku hopi kompashon i deskribí e rebelion kontra di e gobièrnu di kua Moroni no tabata na altura di dje. E e ora ei Pahoran a deklará:
“Ata ki, ami ta bisa bo, Moroni, ku mi no ta regosiha den bo gran aflikshon, si, e ta hasi mi alma doló. …
“ …Den bo epístola bo a sensura mi, pero esei no ta nada; mi no ta rabia, pero si regosiha den e grandesa di bo kurason.”
Ki bo ta kere ta splika Pahoran su kontesta midí na Moroni su akusashonnan?
Ehempel #3. Presidente Russel M. Nelson i Presidente Henry B. Eyring
Durante konferensia general seis luna pasa, Presidente Russel M. Nelson a deskribí su kontesta na e invitashon di Presidente Thomas S. Monson pa studia, skrudiñá, i apliká e bèrdatnan ku tin den e Buki di Mormon. E la bisa, “Mi a purba na sigui e konseho. Entre otro kosnan, mi a traha un lista di kiko e Buki di Mormon ta, kiko e ta afirmá, kiko e ta refutá, kiko e ta kumpli kuné, kiko e ta klarifiká, i kiko e ta revelá. Mirando e Buki di Mormon dor di e lènsnan aki tabata hopi komprendibel i un ehersisio inspirá! Mi ta rekomend’é na kada un di boso.”
Presidente Henry B. Eyring tambe a enfatisá e importansia den su bida e petishon di Presidente Monson. E la opservá:
“Mi a lesa e Buki di Mormon kada dia pa mas ku 50 aña. Pues kisas, mi por a pensa rasonablemente ku e palabranan di Presidente Monson tabata pa un otro hende. Aun asina, meskos ku hopi di boso, mi a sinti e profeta su ta enkurashá nos i su promesa a invitá mi pa hasi un esfuerso aun mas grandi. …
“E resultado felis pa ami, i pa hopi di boso, tabata loke e profeta a primintí.”
Kiko bo ta kere ta splika e kontestanan inmediato i di kurason na Presidente Monson su invitashon dor di e dos lidernan di Señor su Iglesia?
Mi no ta sugeriendo ku e kontestanan spiritualmente fuerte di Amulek, Pahoran, Presidente Nelson i Presidente Eyring ta wòrdu splika pa solamente un kualidat Kristian. Siertamente, hopi atributonan ku ta konekta na otro i eksperensianan ta guia nan na madures spiritual reflehá den e bida di e kuater siervonan noble aki. Pero e Salbador i Su profeta a suprayá un kualidat esensial ku nos tur mester pa por komprondé mas mihó i esforsa pa inkorpor’é den nos bida.
Mansedumbre
Por fabor ripara e karakterístika ku Señor a usa pa deskribí Su mes den e siguiente eskritura: “Tuma mi karga riba bo, i siña di mi: pasobra ami ta mansu i humilde di kurason: i lo bo haña deskanso den boso alma.”
Instruktivamente, e Salbador ta skohe pa pone énfasis riba mansedumbre for di tur e otro atributonan i virtutnan ku E por a selektá.
Un patronchi similar ta evidente den e revelashon risibí pa medio di e Profeta Jose Smith na 1829. Señor a deklará, “Siña di mi, i skucha mi palabranan; kana den mansedumbre di mi Espíritu, i lo bo haña pas den mi.”
Mansedumbre ta un atributo definí di e Redentor i e ta distinguí pa sensibilidat rekto, deseo di ta sumiso, i kontené bo mes fuertemente. E kualidat aki ta yuda nos komprondé mas kompleto e reakshonnan respektivo di Amulek, Pahoran, Presidente Nelson, i Presidente Eyring.
Por ehèmpel, Presidente Nelson i Presidente Eyring korekto i rápido a respondé ora Presidente Monson a enkurashá pa lesa i studia e Buki di Mormon. Maske ámbos hòmber tabata sirbi den un posishon visibel i importante den Iglesia i nan a studia e eskritura ekstenso pa dékadanan, nan a demostrá den nan reakshon ningun duda òf sentido di importansia propio.
Amulek di bon gana a someté na Dios su boluntat, akseptá un yamada pa prediká e evangelio, i laga atras su sirkunstansia kómodo i relashonnan familiar. I Pahoran tabata bendishoná ku perspektiva i outo restrikshon pa aktua en bes di reakshoná miéntras e ta splika na Moroni e desafionan ku a resultá for di un rebelion kontra di e gobièrnu.
E kualidat Kristian di mansedumbre hopi biaha ta wòrdu konfundí den nos mundu kontemporáneo. Mansedumbre ta fuerte, no debil, aktivo, no pasivo; ku kurashi, no tímido; restringí, no eksesivo; modesto, no agrandando bo mes; i kortes, no ireverente. Un persona mansu no ta wòrdu provoká fásilmente, pretensioso, òf arogante i ta kla semper pa rekonosé e logro di otronan.
Miéntras humildat generalmente ta mustra dependensia riba Dios i e nesesidat konstante di su guia i apoyo, un karakterístika distinguí di mansedumbre ta un reseptividat spiritual partikular pa siña di tantu e Espíritu Santu i for di hende por ta mustra ménos kapas, eksperensia, òf eduká, ku kisas no tin posishonnan dje importante ei, òf ku di otro banda no ta aparentá di tin masha di kontribuí. Kòrda kon Naaman, kapitan di e ehérsito den Siria, a superá su orguyo i humildemente a akseptá e konseho di su siervo pa obedesé Elisha e profeta i baña de e rio Jordan shete bia. Mansedumbre ta e protekshon prinsipal for di segedat di orguyo ku hopi bia ta bin for di prominensia, posishon, poder, rikesa i adulashon.
Mansedumbre - un Atributo Kristian i un Don Spiritual
Mansedumbre ta un atributo desaroyá pa medio di deseo, e ehersisio rekto di agensia moral, i e lucha semper di retené e remishon di nos pikanan. Tambe e ta un don spiritual di kua nos por buska na un manera apropiá. Nos mester kòrda, sinembargo, e propósito di kua e bendishon ei ta wòrdu duna, hasta pa benefisiá i sirbi e yunan di Dios.
Ora nos ta bin na i sigui e Salbador, kada bia nos ta kapasitá aun mas pa bira manera E. Nos ta wòrdu empoderá pa e espíritu ku disiplina, restrikshon propio i un aktitut stabil i trankil. Pues, mansedumbre ta loke nos ta bira komo disípulonan di e Maestro i nos ta djis algu ku nos ta hasi.
Moises “tabata siñá den tur e sabiduria di e Egipsionan, i tabata poderoso den palabra i echo.” Ainda, e “tabata hopi mansu, riba tur e hendenan ku tabata riba e fas di tera.” Su konosementu i kapasidat por a kousa pa e ta orguyoso. Na su lugá, e atributo i don spiritual di mansedumbre ku kua e la wòrdu bendishoná a disminuí arogansia den su bida i magnifiká Moises komo un instrumento pa kumpli ku Dios su propósitonan.
E Maestro komo un Ehèmpel di Mansedumbre
E ehèmpelnan mas mahestuoso i signifikativo ta wòrdu hañá den e bida di e Salbador mes.
E Gran Redentor, ku “a desendé bou di tur kos” i sufri, sangra, i muri “pa limpia nos tur for di inhustisia,” ku ternura a laba e pianan na stòf di Su disípulonan. E tipo di mansedumbre ei ta karakterístika importante di Señor komo un siervo i lider.
Jesus a proveé e ehèmpel mas grandi di sensibilidat rekto i deseo di someté miéntras E tabata sufri agonia intenso den Getsemani.
“I ora e tabata na e lugá, e la bisa na [Su disípulonan], hasi orashon pa bo no kai den tentashon.
“I e … a kai na rudia, i hasi orashon,
“Bisando, Tata, si ta bo boluntat, kita e kopa aki for di mi; no opstante no mi boluntat pero di bo, wòrdu kumpli.”
E mansedumbre di e Salbador den e eksperensia esensial eterno aki ta demonstrá pa kada un di nos e importansia di pone e sabiduria di Dios riba nos propio sabiduria.
E konsistensia di Señor su propio boluntat di entrega su mes i restrikshon propio fuerte ta tantu un inspirashon komo un instrukshon pa nos tur. Miéntras ku un kompania ama di guardian di tèmpel i sòldánan romano a yega Getsemani pa apoderá di Jesus, Pedro a saka su spada i kòrta e orea banda drechi di un di e siervonan di sumo saserdote. E Salbador a mishi ku e orea di e siervo i salb’e. Por fabor nota ku E la saka man i bendishoná esun ku ta bai kaptur’é usando e mesun poder selestial ku por a prevení E di wòrdu kaptura i krusifiká.
Konsiderá tambe kon e Maestro a wòrdu akusá i kondena dilanti di Pilato pa wòrdu krusifiká. Jesus a deklará durante Su traishon “Bo no ta pensa ku aworakí mi no por hasi orashon na mi Tata i e lo duna mi mesora mas ku diesdos legion di angel?” I asina, e “Hues Eterno di tantu bibu komo morto” di un manera apsurdo a wòrdu kondena dilanti un polítiko apuntá temporalmente. “I [Jesus] a kontesta ku nunka un palabra; asina tantu ku e gobernador a maravia grandemente.” E Salbador su mansedumbre ta ilustrá den Su kontesta disiplina, restrikshon fuerte, i falta di deseo pa usa Su poder infinito pa benefisio personal.
Promesa i Testimonio
Mormon ta identifiká mansedumbre komo e fundashon for di kua tur kapasidat spiritual i don ta bin.
“Por tanto, si un hòmber tin fe e mester tin speransa; pasobra sin fe lo no por tin ningun speransa.
“I atrobe, ata ki mi ta bisa bo ku e no por tin fe i speransa, solamente si e ta mansu, i humilde di kurason.
“Si ta asina, su fe i speransa ta en vano, pasobra ningun ta akseptabel dilanti Dios solamente e mansu i humilde di kurason; i si un hòmber ta mansu i humilde di kurason, i konfesá pa medio di e poder di e Espíritu Santu ku Jesus ta e Kristu, e mester tin karidat, paso si e no tin karidat e no ta nada; pa e motibu ei e mester tin karidat.”
E Salbador a deklará, “Bendishoná ta e mansunan: pasobra nan lo heredá e tera.” Mansedumbre ta un aspekto esensial di e naturalesa divino i por wòrdu risibí i desaroyá den nos bida dor di i pa medio di e Sakrifisio di e Salbador.
Mi ta testifiká ku JesuCristu ta nos Redentor resusitá i bibiente. I mi ta primintí ku E lo guia, protehé i fortalesé nos miéntras nos ta kana den mansedumbre di Su espíritu. Mi ta deklará mi testimonio sigur di e bèrdatnan aki i primintí den e sagrado nòmber di Señor JesuCristu, amèn.