Meskos ku El a Hasi
Ora nos ta buska pa minsitrá “manera El a hasi,”nos lo proveé oportunidatnan pa lubida nos mes i alsa otronan.
Aproksimadamente 18 luna pasá, den otoño di 2017, mi ruman di 64 aña Mike a informa mi ku el a wòrdu diagnostiká ku kanser di pankreas. El a bisa mi tambe ku el a risibí un bendishon di saserdosi dor di su maestronan orientador i ku e la reuní ku e obispu. Tambe el a manda mi un portrèt di e Tèmpel di Oakland saká for di e hospital kaminda e ta risibi tratamentu, ku e titulo “Wak kiko mi por mira for di mi kamber di hospital.”1
Mi a keda mesun sorprendí dor di su komentarionan tokante maestro orientador, bendishon di saserdosio, obispunan, i tempelnan manera mi tabata tokante e kanser. Bo sa, Mike, un presbitero den e Saserdosio Aaróniko, no a asisti regularmente na iglesia pa kasi 50 aña.
Komo famia, semper nos tabata kasi mesun intrigá pa su progreso spirtual komo pa su progreso den e lucha kontra kanser, pa gran parti dor di su preguntanan frekuente [ku awor e ta hasi] tokante e Buki di Mormon, e poder di seya, i bida despues di morto. Mientras e lunanan ta pasando i e kanser ta plama, e nesesidat pa tratamentu adishonal i mas spesialisa a bin trese Mike na Utah na e Instituto di Kanser Huntsman.
Djis despues di su yegada, Mike a wordu bishita dor di John Holbrook, e lider misional di bario ku ta sirbi e fasilidat di kuido kaminda e ta biba awor. John a komenta ku “e tabata opvio p’ami ku Mike tabata un yu di Dios” i ku e pronto nan a desaroya un relashon i un amistat, ku a hiba John pa bira e ‘de fakto’ ruman ministradó di Mike. Tabatin un invitashon inmediato pa e misioneronan bishitá, kual mi ruman amablemente a rechasá, pero un luna den nan amistat, John a bolbe puntra, splikando na Mike, “mi ta kere ku lo bo disfruta skuchando e mensahe di evangelio.”2 E biaha aki e invitashon a wordu aksepta, hibando na reunionnan frekuente ku e misioneronan, i tambe bishitanan di Obispu Jon Sharp, di kual su kombersashonnan a hiba Mike al final pa risibi su bendishon patriarkal, 57 aña despues di su boutismo.
Den kuminsamentui di Desèmber di aña pasa, despues di lunanan di tratamentu, Mike a disidi di stop ku e tratamentunan di kanse, kual a kousa efektonan sekundario severo, i laga naturalesa tuma su kurso. Nos a wòrdu informá dor di su dòkter ku Mike tabatin aproksimadamente tres luna di bida. Mientras tantu, e preguntanan di evangelio a kontinua—manera tambe e bishitanan i apoyo di su lidernan di saserdosio lokal. Durante nos bishitanan ku Mike hopi biaha nos a wak un kopia di e Buki di Mormon habrí riba e kama miéntras nos tabata diskutí e restourashon di e evangelio, yabinan di saserdosio, ordenansanan di tèmpel i e naturalesa eterno di hòmber.
Na mitar di Desèmber, ku su bendishon patriarkal den su man, Mike a parse di a rekobrá su forsa, i su prognosis di por lo ménos tres luna tabata parse probabel. Asta nos a traha plan pa e por selebra Pasku huntu ku nos, Aña Nobo i mas ayá. Dia 16 Desèmber, mi a risibi un yamada di Obispu Sharp, lagando mi sa ku e i e Presidente di Estaka a entrevistá Mike, i a hañ’e digno di risibi e Saserdosio di Melkisedèk, i a puntra ki dia lo mi ta disponibel pa partisipá. E ordenansa tabata planiá pa djabièrne, 21 desèmber.
Ora e dia a yega, mi kasa, Carol, i ami a yega na e instituto di kuido i a topa nos inmediatamente den e gang serka di su kamber i a wòrdu informá ku Mike no ta tin pòls. Nos a drenta e kamber pa haña e patriarka, e obispu, i e presidente di estaka ya wardando—i Mike a habri su wowonan. E la rekonosé mi i a rekonose ku e por skucha mi i tabata kla pa risibí e saserdosio. Sinkuenta aña despues di a wòrdu ordená komo presbitero den e Saserdosio Aaróniko, mi ta tin e privilegio, asistí dor di su lidernan lokal, pa konferí mi ruman e Saserdosio Melchizedek I ordené den e ofisio di elder. Sinku ora despues, Mike a fayese, krusando e velo pa topa ku nos mayornan komo poseedor di Saserdosio Melkisedèk.
Djis un aña pasa, un yamada a wòrdu ekstendé na Presidente Russell M. Nelson pa kada un di nos kuida nos rumannan di un manera “mas haltu, santu”3 Papiando di e Salbador, Presidente Nelson a siña ku “pasobra esaki ta Su Iglesia, nos komo Su sirbidónan lo ministrá na un i otro, manera E a hasi. Nos lo ministrá den Su nòmber, ku Su poder i outoridat, i ku Su bondat amoroso.””4
Komo kontesta na e invitashon ei di un profeta di Dios, esfuersonan remarkabel pa ministrá na esun ta tumando lugá rònt mundu, den tantu esfuerso kordiná, komo miembronan fiel ta kumpli nan asignashon pa ministrá, komo tambe loke nos ta yama ministrashon “impromptu” manera asina hopi ta demostra amor manera Cristu komo kontesta na oportunidatnan inesperá. Den nos propio famia, nos a testigua, hopi di serka, e tipo di ministrashon aki.
John, ku tabata Mike su amigu i ruman ministrante, president di mishon tabata konta su misioneronan ku “si tin un hende riba e lista di ‘no ta interesá,’ no entregá. Hende ta kambia.” E ora ei e la konta nos, “Mike a kambia hopi pisá.”5 John tabata e promé amigu, proveéndo enkurashamentu frekuente i apoyo … pero su ministrashon no a stòp na solamente bishitanan amikal John tabata sa ku un minister ta mas ku un amigu i e amistat ta magnifika ora nos ta ministrá.
No ta nesesario pa un hende ta sufriendo, manera mi ruman, di un malesa ku ta menasá pa kita e bida pa ta den nesesidat di servisio ministrante. E nesesidatnan ei ta bin den un variedat di forma, tamaño, i kondishon. Komo un mayor soltero, un pareha menos aktivo; un adolesente ku desafio; un mama kargá; un prueba di fe; òf finansiero, salú, or asuntunan di matrimonio— e lista ta kasi sin final. Sinembargo, manera Mike, niun hende ta muchu leu, i nunka ta lat pa e Salbador su alkanse amoroso.
Nos a siña riba e pagina wèb di Ministrá di Iglesia ku, “mientras tin hopi proposito pa ministrá, nos esfuersonan mester ta guiá pa e deseo di yuda otronan logra un kombershon individual mas profundo i mira manera e Salbador.”6 Elder Neal L. Andersen ta pone asina aki:
“Un persona ku un bon kurason por yuda un hende drecha un tayer, hiba un kolega di kamber na dòkter, tin almuerso ku un hende ku ta tristu, of sonreí i bisa halo pa iluminá un dia.
“Pero un siguidó di e promé mandamentu naturalmente lo agregá e aktonan di servisio importante aki.”7
Modelando nos ministerio na esun di JesuCristo, ta importante pa kòrda ku Su esfuersonan pa stima, alsa, sirbi, i bendishoná tabata tin un meta mas haltu ku nesesidat inmediato. E tabata sa klaramente di nan nesesidat di kada dia i tabatin kompashon pa nan sufrimentu aktual ora E tabata sana, duna di kome, perdoná, i siña. Pero E tabata ker a hasi mas ku soru pa awe. E tabata ke pa esnan ku ta rònt di dj’E sigui E, konosé E, i logra nan potenshal divino.8
Ora nos ta buska pa minsitrá “manera E a hasi,”9 nos lo proveé oportunidatnan pa lubida nos mes i alsa otronan. E oportunidatnan aki hopi bia por ta inkombiniente, test nos deseo berdadero pa bira manera e Maestro, di kua Su servisio mas grandi, Su Ekspiashon infinito, tabata tur kos menos kumbiniente. Den Mateo kapitulo 25, nos ta wòrdu rekordá kon Señor ta sinti tokante nos, ora, manera E, nos ta sensibel na e luchanan, pruebanan, i desafionan, ku hopi ta enkontrá, pero ku hopi biaha no ta wòrdu notá.
“Bin, abo bendishonáa di mi Tata, hereda e reino prepará pa bo for di e fundashon di e mundu:
“Pasó mi tabatin hamber i boso a duna mi di kome: mi tabatin set, i boso a duna mi di bebe; mi tabata un Estranhero i boso a risibí mi den boso kas. …
“E ora ei e hustu lo kontesta, bisando, Señor, ki dia nos lo a mira bo ku hamber i dunabo di kome? of ku set, i a duna bo di bebe?
“Ki dia nos a mira bo un estranhero, i a duna bo posada? …
I e Rei lo kontestá i bisa nan, Asina mi ta bisa bosnan, Kualkier kos ku bosnan a hasi pa un di mi rumannan mas pober, bosnan a hasié na ami.”10
Sea nos ta sirbi komo rumannan ministrante, òf simplemente ora nos wòrdu notifiká ku tin un hende den nesesidat, nos ta wòrdu enkurashá pa buska e guia i e direkshon di e Spiritu — i despues aktua. Nos por pensa kon miho nos por sirbi, pero Señor sa, i pa medio di Su Espiritu nos lo wòrdu guiá den nos esfuersonan. Manera Nefi, ku ôa wòrdu guiá pa e Espiritu, sin sá promé e kosnan ku [e] mester hasi,”11 nos tambe lo wòrdu guiá pa e Espiritu ora nos ta esforsá pa bisa instrumentonan den e mannan di Señor pa bendishoná su yunan. Ora nos ta buska e guia di e Spiritu i konfia den Señor, nos lo wòrdu poné den situashonnan i sirkumstansianan kaminda nos por aktua i bendishona - den otro palabra, ministrá.
Lo bai tin otro tempunan ora nos ta rekonosé e nesesidat peor nos ta sinti inadekuá pa respondé, asumiendo ku loke nos tin pa ofrese no ta sufisiente. Pa hasi manera E a hasi”12 ta pa ministrá dor di duna loke nos ta kapas di duna i konfia den Señor pa e magnifiká nos esfuersonan pa bendishoná nos “kompañero biaheronan den e biahe mortal aki,”13 Pa algun, e por ta dunando e regalo di tempu i talentonan; pa otronan, e por ta un palabra amabel i un lomba fuerte. Ounke nos por sinti ku nos esfuersonan no ta adekuá, Presidente Dallin H. Oaks a komparti algun prinsipio importante tokante “chikí i simpel.” E la siña ku aktonan chikí i simpel ta poderoso pasobra nan ta invitá “e kompania di e Espiritu Santu,”14 e kompañero ku ta bendishona tantu esun ku ta risibi.
Sabiendo ku e lo muri pronto, mi ruman Mike a komentá, “e ta asombroso kon kanser di pankreas por pone bo enfoká riba kiko ta mas importante.”15 Danki na homber i muhenan maravioso ku a mira e nesesidat, no a husga, i ministrá manera e Salbador, no tabata lat pa Mike. Pa algun, kambio ta bin mas lihé, pa otronan kisas despues di e velo. Sinembargo, nos mester korda ku no ta lat nunka i ningun hende mester dualdu asina leu for di e kaminda ku nan ta mas ayá di yega e Ekspiashon infinito di JesuCristo, ku ta sin limite den su durashon i alkanse.
Den konferensia general di Oktober último, Elder Dale G. Renlund a siña ku “ni maske kon largu nos a bin di ta leu for di e kaminda … e momentu pa nos disidi pa kambia, Dios ta yuda nos bin bèk.”16 E desishon pa kambia, sinembargo, hopi biaha ta resultado di un invitashon, manera “mi ta kere lo bo disfruta skuchando e mensahe di e evangelio.” Meskos ku e no ta nunka demasiadolat pa e Salbador, tampoko nunka ta demasiado trempan pa invitá.
E Pasku di Resurekshon aki ta proveé, in biaha mas, un oportunidat glorioso pa reflekshoná riba e gran sakrifisio ekspiatorio di nos Salbador JesuCristo i kiko E a hasi pa kada un di nos na un kosto hopi haltu, un kosto ku E mes a deklara “a kousa ku [E}, e mas grandi di tur, di tembla di dolor.” “Sinembargo,” El a deklará, “mi a hasie i mi a terminá mi preparashonnan pa ku yunan di homber.”17
Mi ta testifikáku dor ku El a “kaba”, semper tin speransa. Den e nòmber di JesuCristu, amèn.