Cristu A Resusitá; Fe den DjE lo Move Serunan

Pa Presidente Russell M. Nelson

Presidente di E Iglesia di JesuCristu di e Santunan di e Delaster Dianan

Fe den JesuCristu ta e poder mas grandi disponibel na nos den e bida aki. Tur kos ta posibel pa esun ku ta kere.

Mi rumannan stimá, mi ta gradesido pa tin e privilegio di papia ku boso awe riba e djadumingu di Pasku di Resurekshon aki.¹ E sakrifsio ekspiatorio i Resurekshon di JesuCristu i5anambiakada un di nos bida ta semper. Nos ta Stim‘É i nos ta adorá E i nos Tata Selestial ku gratitut.

Durante e seis lunanan ku a pasa, nos a sigui lucha ku un pandemia global. Mi ta asombrá pa boso resistensia i forsa spiritual den konfrontashon ku enfermedat, pèrdida, i isolashon. Mi ta hasi orashon konstantemente ku, dor di tur kos, boso lo sinti Señor su amor konstante pa boso. Si boso a reakshoná na boso pruebanan ku un disipulado mas fuerte, e aña ku a pasa aki lo no tabata en vano.

Awe mainta, nos a skucha di lidernan di Iglesia ku ta bini for di tur kontinente poblá riba tera. Berdaderamente, e bendishonnan di e evangelio ta pa tur rasa, lenga, i pueblo. E Iglesia di JesuCristu ta un iglesia global JesuCristu ta nos lider.

Afortunadamente, asta un pandemia no tabata kapas pa disminuí e marcha pa dilanti di Su bèrdat. E evangelio di JesuCristu ta eksaktamente lokual ta nesesario den e mundu konfuso, kontroversal, i preokupá aki.

Kada yu di Dios meresé e oportunidat pa skucha i akseptá mensahe di sanashon, redenshon di JesuCristu. Ningun otro mensahe ta mas vital pa nos felisidat—awor i pa semper.² Ningun otro mensahe ta mas yená ku speransa. Ningun otro mensahe por eliminá kontenshon den nos sosiedat.

Fe den JesuCristu ta e fundeshi di tur kreensia i e kondukto di poder dibino. Segun e Apòstel Pablo, “Sin fe ta imposibel pa komplasé [Dios]: pasobra es ku ke bai serka Dios mester kere ku E ta eksistí, i ku e ta e rekompensá esnan ku ta buska E.”³

Tur kos bon den bida—tur bendishon potensial di signifikashon eterno—ta kuminsá ku fe. Pèrmití Dios pa prevalesé den nos bida ta kuminsá ku fe ku E ta dispuesto pa guia nos. Arepentimentu berdadero ta kuminsá ku fe ku JesuCristu tin e poder pa limpia, sana, i fortalesé nos.⁴

“No ninga e poder di Dios,” e profeta Moroni a deklará, “pasobra e ta traha pa medio di poder, segun e fe di e yunan di hende.”⁵ Ta nos fe ta habri e poder di Dios den nos bida.

I tòg, Ehersé fe por parse abrumador. Tin biaha nos por puntra nos mes ku posiblemente nos por haña sufisiente fe pa risibí bendishonnan ku nos tin mester desesperadamente. Sinembargo, Señor ta pone e miedunan aki pa sosegá mediante e palabranan di profeta Alma di e Buki di Mormon.

Alma ta puntra nos pa simplemente eksperimentá riba e palabra i ehersé un un pida chikí di fe, si, ounke [nos] no por mas ku deseá pa kere.”⁶ E frase “un partikulo di fe” ta kòrda mi di Señor su promesa bíbliko ku si nos “tin fe manera un un pipita di simia mòster nos lo por ta kapas pa “bisa e seru ei, Kita bai for di aki i bai aya; i e seru lo hasié tambe; i nada lo no ta imposibel pa bos⁷

Señor ta komprondé nos debilidat mortal. Nos tur ta faya tin biaha. Pero E sa di nos potensial grandi tambe. E pipita di mòster ta kuminsá chikí pero ta krese bira un mata sufisiente grandi pa para bin traha nèshi den su takinan. E pipita di mòster ta representá un fe chikí ku ta kresiendo.⁸

Señor no ta rekerí fe perfekto pa nos por tin akseso na Su poder perfekto Pero E ta pidi nos pa kere.

Mi rumannan stimá, mi yamada na boso riba e Pasku di Resurekshon mainta aki ta pa kuminsá awe pa oumentá boso fe. Mediante boso fe, JesuCristu lo oumentá boso abilidat pa move e serunan den boso bida,⁹ounke boso desafionan personal por ta mes haltu ku Montaña Everest.

Boso serunan por ta soledat, duda, malesa, òf otro problemanan personal. Boso serunan lo varia, i tòg e kontesta na kada di boso desafionan lo oumentá boso fe. Esaki ta tuma esfuerso. Disípulonan floho i negligente semper lo batayá pa haña asta un pipita di fe.

Pa hasi kualke kos ta rekerí esfuerso. Bira un disípulo berdadero di JesuCristu no ta eksepshon. Oumentá boso fe i konfiansa den DjE ta rekerí esfuerso. Mi por ofresé sinku sugerensia pa yuda boso desaroyá e fe i konfiansa aki.

Di promé, estudio. Bira un studiante aktivo. Profundisá boso mes den e skrituranan pa komprondé mihó Cristu su mishon i ministerio. Konosé e doktrina di Cristu pa asina bo komprondé su poder pa bo bida. Internalisá e bèrdat ku e Ekspiashon di JesuCristu ta apliká na abo. El a tuma riba Su Mes bo miseria, bo erornan, bo debilidatnan, i bo pikánan. El a paga preis di rekompensa i a duna e poder pa bo pa move tur seru ku semper lo bo enfrentá. Bo ta optené e poder aki ku bo fe, konfiansa, i disposishon pa sigui E.

Move bos serunan por rekerí un milager. Siña tokante milagernan. Milagernan ta bini segun bo fe den Señor. Sentral pa e fe aki ta konfia den Su boluntat i tempu—kon i kual tempu E lo bendishoná bo ku yudansa milagroso ku bo ta deseá. Solamente bo inkredulidat lo stroba Dios pa bendishoná bo ku milagernan pa move e serunan den bo bida.¹²

Mas bo siña tokante e Salbador, mas fásil lo ta pa konfia den Su miserikòrdia, Su amor infinito, i Su poder ku ta fortalesé, sana, i redimí. E Salbador nunka no ta mas serka di bo ku ora ku bo ta enfrentá òf subi un seru ku fe.

Di dos, skohe pa kere den JesuCristu. Si bo tin duda tokante Dios e Tata i Su Yu Stimá, òf e balides di e Restourashon òf di e verasidat di José Smith su yamamentu dibino komo un profeta, skohepa kere¹³ i keda fiel. Hiba bo preguntanan na Señor i otro fuentenan konfiabel. Studia ku deseo pa kere en bes di ku e speransa ku bo por piki pieu den bida di e profeta òf diskrepansia den e skrituranan. Stòp di oumentá bo dudanan dor di kompartí nan ku otronan ku ta duda. Pèrmití Señor pa guia bo riba bo biahe spiritual di deskubrimentu.

Di tresr, aktua den fe. Kiko lo bo a hasi si bo tabatin mas fe? Pensa riba dje. Skirbi di dje. Despues risibí mas fe dor di hasi algu ku ta rekerí mas fe.

Di kuater, partisipá di e ordenansanan sagradodignamente. Ordenansanan ta habri e poder di Dios pa bo bida.¹²

I di sinku, puntrabo Tata Selestial, den e nòmber di JesuCristu, pa yudansa.

Fe ta rekerí esfuerso. Risibí revelashon ta rekerí esfuerso. “Pero ken ku pidi, lo risibí; i esun ku buska lo haña; i esun ku bati, porta lo habri p’e.”¹³ Dios sa kiko lo yuda bo fe krese. Puntra, i despues puntra atrobe.

Un inkrédulo lo por bisa ku fe ta pa esun debil. Pero e afirmashon aki no ta tene kuenta ku epoder di fe. E Apòstelnan di e Salbador lo a sigui siña Su doktrina despues di Su morto, ku peliger pa nan bida, si nan duda den DjE?¹⁴ José i Hyrum Smith lo a sufri morto komo mártir defendiendo e Restourashon di Señor su Iglesia a ménos ku nan tabatin un testimonio sigur ku e tabata berdadero? Kasi 2,000 Santu lo a muri durante di e trayekto di pionero¹⁵si nan no tabatin fe ku e evangelio di JesuCristu a wòrdu restourá? Berdaderamente, fe ta e poder ku ta laga ku kos improbabel logra esun posibel.

No minimalisá e fe ku bo tin kaba. Mester di fe pa uni na e Iglesia i keda fiel. Mester di fe pa sigui profetanan en bes di ekspertonan i opinion popular. Mester di fe pa sirbi un mishon durante un pandemia. Mester di fe pa biba un bida kasto ora e mundu ta grita ku Dios su lei di kastidat ta for di moda awor. Mester di fe pa siña e evangelio na muchanan den un mundu sekular. Mester di fe pa roga pa e bida di un ser kerí i asta mas fe pa aseptá un kontesta desepshonante.

Dos añ despues Hermana Nelson i ami a bishitá Samoa, Tonga, Fiji, i Tahiti. Kada nashon di e islanan aki a eksperensiá áwaseru fuerte pa hopi dia. Miembronan a ayuná i hasi orashon pa nan reunionnan pafó lo ta protehé for di áwaseru.

Na Samoa, Fiji, i Tahiti, djis ora ku e reunion a kuminsá áwaseru a stòp. Pero na Tonga , e áwaseru no a stòp. Sinembargo, 13,000 Santunan fiel a bini oranan promé pa haña un asiento, a warda ku pasenshi durante un kaida di áwaseru fuerte, i despues a sinta hopi muhá durante un reunion di dos ora.

Nos a mira fe vibrante na obra bou di kada un di esnan di e isla—fe sufisiente pa stòp áwaseru i fe pa perseverá ora e áwaseru no a stòp.

E serunan den nos bida no semper ta move kon òf ora ku nos ke. Pero nos fe semper lo sigui pusha nos padilanti. Fe semper ta oumentá nos akseso na poder dibino.

Por fabor sa esaki: si tur kos i tur otro hende den mundu ku bo ta konfia lo faya, JesuCristu i Su Iglesia nunkalo faya bo. Señor nunka no ta kabishá, ni E no ta drumi.¹⁶ E “ta e mesun ayera, awe,i [mayan],”¹⁷E lo no bandoná Su kombenionan,¹⁸ Su pro,esanan, òf S amor pa Su pueblo. E ta hasi milagernan awe i lo sigui hasi milagernan mañan.¹⁹

Fe den JesuCristu ta e poder mas grandi disponibel na nos den e bida aki. Tur kos ta posibel pa esun ku ta kere.²⁰

Bo fe kresiente den DjE lo move serunan—no e serunan di piedra ku ta hasi e tera bunita pero e serunan di miseria den bo bida. Bo fe ku ta floresélo yuda bo kambia desafionan den kresementu sin igual i oportunidat.

Riba e djadumingu di Pasku di Resurekshon aki, ku mi sentimentunan profundo di amor i gratitut, mi ta deklará mi testimonio ku JesuCristu di bèrdat a resusitá.” El a resusitá pa guia Su Iglesia. El a resusitá pa bendishoná e bidanan di tur Dios su yunan, unda ku na ta biba. Ku fe den E, nos por move serunan den nos bida. Mi ta testifiká asina den e nòmber sagrado di JesuCristu, amèn.