Na’nítiní Aká Aná’alwo’ Hool’áágóó Shei’iina Yik’idhojisdlííh
Niha sodizin tsełkee dóó dah bimá dóó bizhé’é dah yiidoołtseeł dóó bił beedahozin dóó, hoolaagóó bee iiná bikidhojidlí doo, Diyin God yá’ndahnítingóó naayaahgo.
Ahéhéé’ President Nelson, bee hainidzeeh Diyin bá’nanítiní aká aná’alwojí.
Shik’is dóó shila, naaki naaháíyą́ą́dą́ą́’ ntsaago áłah aleehdi, nishtł’ahjí shinąą’ t’áá hooyaní doo naalnishda silį́į̨́’ áko doo iishį́į́ da silį́į́’.
Ashzhá díí shich’į́ nahwiina’ígíí ndi, baa ahééh nisin nanałahgo óót’į́, natąąjigo adeest’į́į́’ígíi. Shee iina natąą’ nishį́į́’go, naanish łah binahjí yéígo íhoołą́ą́’ígíí éí aajigo dah díí yah. Díí éíyá naaki naahai Diyin bá nanishtinii nishlíígo Keyah Biná’asééldi England wolyédi binahji diyin k’ehji dahdiiyah.
1930 Naanish Adaasdiin yaadą́ą́’ yéígó shimá dóó shizhe’é dóó biłhaajeehígíí bich’į́ nidahwiinąą’. Chidi nahaniihjí shizhé’é aají yéígo binaanish íyósingo, biłhaajeehígíí yikidnaaldzidgo, shimá dóó shizhé’é doo sodizingóó ałnah nat’aash dah silį́į́’.
Azhá biłhaajeehígíí doo sodizingóó ałnanakai ndi shí éíyá shik’is bił akǫǫh atah ałnanadaah nt’ę́ę́’.
Íídą́ą́’, diyin bá’nanishtingóó diishshaal nisin ndi, doo shimá dóó shizhé’é bee bich’į́ yaasht’į́ dah nt’ę́ę́’.
Nt’ę́ę́’ wodaholta’di shí dóó naaki sik’is Diyin God bá’ndahníítin doo dahdííniid. Biship baa niyah, aadi na’nítiní binaaltsoos hádiishtł’aah, shimá dóó shizhe’é éí doo hoghaandi sikéédah cháágóó ííaazh. Shimá dóó shizhe’é nat’aashgo , bił hwaashné, keyah Great Britian hoolyeehdí na’nishtin doo bee bił hweeshne’. Baa ahééh nisin t’áá’ałah shá yineedlį́ dóó shik’is shá yidahneehdlįį́’go na’nítingóó diishaał níízį́į́’.
Na’nishtíngóó nisíyaahígíí bits’ąądoo yá’át’ééh achóóní dóó azhe’é sílį́į́’ dóó shinaanishjí ałdó yá’át’ééhgo sílį́į́’. Éí binahji ałdó shee iina Diyin dóó bisodizinjí biká anaashwo’ doo biniyeh haasht’é áshíílaa.
T’aachil 1985 yaahdaah ntsáo áłah aleehdi hastóí diyin bee’adziilii dah deeyíleehígíí bich’į́ hadíí’zį́ shidooniid. Tsełkéé ashiiké bich’į́ haaszííh. Tsełkéé nolinígíí Diyin God bá ndahnotin doo , áko haasht’é adahdołneeh diishníí’go bich’į́ haasdziih. Ádiishní, “Tsídá tóó ahayóí sodizinjí nashidineezt’ąąh, ndi tsídá alaahdi éíyah náhást’éíts’áadah shinaahaigo elder nishłę́ę́’go nizhónígo náshidíneezt’ąąh na’nítingóó dah dííshaago.”1
Bóhólníihii neehósin. Na’nótin íínílaago, t’áání nił bee hódoolzį́į́ł áko Diyin God nizhónígo bee hodíísįįł. Diyin k’ehjí diníiseeł Diyin bánalnishgo. Bizhí binahji’, bá naanal’á doo éí bee diné biká analwo’ doo. Diyin bá na’nítingo Diyin Iisizíínii niká’analwo’ doo. Diyin bee óholnííhii néínilahígíí bee na’nítin doo. Áko bínaał nanishgo Diyin na’olíigo doo.
Ashdla’ nideesziid yaahdą́ą́, Elder Jeffery R. Holland dóó Quentin L. Cook, t’áá’ałah British Islesdi ałdó ałkidą́ą́’ nanítini dah nilį́į́’ nt’ę́ę́’, aadi dah oodląní dóó nidahnitinii baa niikai, keyah nizhónídi. Áádi neikaigogo, baa nisískees ałkidą́ą́’ aadi diyin bánanishtinii nishlį́į́’ nt’ę́ę́. Shił bee hózin diyin bánanishtingo Diyin ShiZhé’é dóó Jesus Christ sheehózin dóó ayóó’á’shó’ní éí aadi bánanishtingo shił bééhózin.
Nanishtinidi yaadą́ą́’ naaki nihinaat’áanii President Selvoy J. Boyer dóó Stainer Richards dóó dah bichóóní Gladys Boyer dóó Jane Richards nizhónígo bił nidah siilnish. Nat’ąą dinishį́į́’go, shił beehozin shaa dajoslííh dóó ayóó’á’dah’shó’ní lah Diyin bina’nitin yee nidásineezt’ąąh. Naanish ayóó’át’é aashdoołiił dah só’né. Naanish nontł’ahígíi shaa deesnil dóó óholnį́į́hjí bóhooąąh éí binahji’ la’í bóhoołąah éí naasgóó aka’ aná’ alwo’jí bóhoołąah.
Naat’áanii President Spencer W. Kimball naanish niha’ayiilaah, Canada Toronto Missiondi nihołnííh doo, áko shí dóó Barbara dóó niha’ałchíní bił akǫǫh nííkai. T’ą́ą́chil 1974 yaadą́ą́’ Naat’áanii President Spencer W. Kimball, nihinaanish niha áyiilaah, nizhónígo nanítinjí yaayałtį́, “Háágóóshą́ Nahaasdzáán bidiné’é dah íídoodląął?”2 Díígí at’áó diyin binahagha’ nahasdzáán bikaadi bich’į́ ádoolnį́į́l níigo t’áá bí Naat’áanii President Kimball bił áhát’į́į́go yiyiitsan. Nahasdzáán bikaahdoo tsełkéé nidahnítinígíí ła’ígo nidzin níígo yee haadziih. Bee nałniih Diyin anhiłní, “t’áá at’é diné … éí náasjį’ ádahooníilígíí nahasdzáán dine’é t’áá ałtso yee yił halne’ doo.”3 Naat’áanii President Kimball binánítin, t’áá átso tsełkéé nanítindoo níígo nahasdzáán bikaahgi hooghaandi baa yádah’át’į́ silį́į́’. Éí diishjį́į́di t’ahdii ákot’é. Baa ahéénisin Naat’áanii President Nelson abinídą́ą́’ yee haadziih díi éi Diyin akót’áó yinízin.
K’ad neeznáá naaháí yaahdą́ą́’ Naat’áanii President Monson tsełkee ndanitinígíí at’ééhké dóó ashiiké binaaháí’ígíí yá yaago áyiilaah.4 Shí bąąh nisékéésgo éíyá, k’ad tsełkee bá há ashja’ íidoolííł binají bee iina nizhónígo íídooleeł nanítingóó naayaahgo.
Jesus Christ Yá Halne’ii nishlį́, áko tsełkéé ashiiké--dóó at’ééké yídaneedlį́įgo nanishtin doo danizinígíí---t’áá k’ad nihimá dóó nihizhe’é bee bich’į́ yadaalt’į́ nanishtindoo dah bidóní. Dóó nihik’is nanítingóó diinaał dah bidoní, dóó naaki bił nilį́į́go éíyá nihibiship bich’į́ yádah doołtį́ bábidahnoodlį́į́’go.
T’áá k’ad Diyin God baa áádinot’aah, nanítingóó diishaał nizin dóó naasgóó shijéí dóó shilá, dóó shinsékéés nt’óólgo niséskéés doo, áko shí éí iłídlį́ nishlíí’ doo. Nihee oodla’ yéígó bidziilgo adoołeeł, díí Diyin Jesus Christ binahagha’ hanaalyahígíí.
Amá dóó azhe’é nhi ałdó hazhó nanótiningo niha ałchíní nizhónígo haasht’é adah didoolneeh. T’áá diiji’ nha ałchíní diyin bá nanotin doo dah bidoné. Nihił bee dah hozin amá dóó azhe’é éí alaahgo deedííts’ah áko haasht’é adah didoolniił.
K’ad tséébiits’aadah nihi naaháígo t’ah doo diyin bá nanotingóó nisooyaahgo, dik’os nitsaahígíí biniinaago, k’ad éí akǫǫh dooghaał nihi diishní. Nihi biship bich’į́ yádoot’į́ dóó haasht’é adah didoołnííł.
T’áá ałtso Biship tseełkéé bá bizhnéédlíí’go haasht’é adah doołneeh dah bijinį́į́’go dóó tsełkéé tséébiits’aahdah beedaahai’ígíí hadahnótah áko bá bidahnodlį́į́go nidahnítinígóó adahídookah. Ashiiké bá bizhnéédlíí’go ndah notindoo dahabijinį́į́’go, at’ééké éí akǫǫh deenizinígíí ałdo’ bá bizhnéédlį́į́’ doo.
K’ad tsełkéé ndah nítinígíí, ahééhee. Dikos Nitsaa naanįįh yaahdą́ą́’ diyin bá nanítin nt’ę́ę́’. Éí biniinaah, shí nanishtin yaahdą́ą́’ éí łahgo at’éii nt’ę́ę́’, doo 2020 nidahnítinígíí nahalindah nt’ę́ę́’. Shił bee hozin t’áá anii nanitł’ah. Azhá ach’į́ nahwíínaa’ bił hoolziizh ndi, Diyin éí binaanish baa nananaa’ doo, dóó nizhónígo adííłeeł. Béesh bee hane’í chóóniłį́į́’go diné diyin Jesus Christ binahaga’ hanaalyaha’ígíí diditsį́į́ł nizinígíí éí ákot’áó ndahnotin nt’ę́ę́’. Tsídá yéígo diyin bá nanítin t’áá biinighaji’, Diyin naa’ahééh nizin doo. Díí nanítin bits’ąądoo nihik’idahójodlíí’ doo.
Azhá ałtso nanítinii sinilį́į́’ ndi diyin binaanish éí naasgóó baa nanish doo. Díí nanítindi bóhwíiniłąąhígíí éí naasgóó níoodla’ bidziil doo, dóó yéígó nanish, sodilzin dóó Diyin bik’eh honił’į́. Diyin bił ahádahdinótí’ígíí bik’ehgo yinaał doo. K’ad naagóó aka analwo’ dóó diné bikidahójidlį́.
Niha sodizin tsełkee dóó dah bimá dóó bizhé’é dah yiidoołtseeł dóó bił beedahozin dóó, hoolaagóó bee iiná bikidhojidlí doo, Diyin God yá’ndahnítingóó naayaahgo. T’ah nit’ééh nihinsékéés dóó nihijéí biyídę́ę́’ Diyin Mosiah biyé yee yich’į́ haadzíí’ígíí nanííłnąą’ doo. Kó yidííniid, “Niwó’jí yokaah … dóó shizaad baa hołne’ doo; ndi ha’dahíínółíígo binahji’ ya’át’ééhii deedoołtseeł … Shí, dóó ní éíyá shiłá bee nínanishgo łá’į́ hasdanáhídooká.”5
Diyin God t’áá nít’éé’ Sodizindi nooséłí bik’ihojidlíi doo, áko hasht’e’ádadidoolníiłgo Diyin yá naal’a’ doo éí bá sodizin.