Ndi doo yisíilts’áa’ da
Nihí bee áha’diist’ą́ dóó bee áda’óol’įįł yich’į’ dah atsíh dóó áłahjį’ Bóhólníihii Jesus Christ áha’deetą́ be’átiingóó yiidáałgo náás nihił hólónii benéiiniih.
Shích’ooní, Susan, t’áá’ nihe’ashíiké dóó dabích’ooní. Ałtso bada’áłchíní, dóó Eldir Quentin L. Cook, Naakits’áadah Yilt’éejí ,15, náahai shíigháhgi dah sidáo, t’áa’át’é yee’ doo yits’íígóó hastááł dadidóonįįł. Ndi shizhí bich’į’ anáhóoti’ ndi, shí ninádaahya’ bisin ndish’a’go ayóó’óosh’ní. Bee áłtah saad dóó ił nilíigo dah naazhjaa’ bee hadadilyaago hane’ yá’át’éehii yaa na’nítingo bóhoosh’ááh dóó shii’sizį́į yidiił’nááh.
Sin t’áa’ła’í eíí she’íina’ ayói át’éego bee bik’ihojísdlí’ “Tį’ t’áa náás yiikáh.” T’áa’ánii saad dah naazhjaa’ baa ntséskees dóó sin eíí haa’í ałtso yee dah hatáałi. “doo yidíilts’íił da tsi’naakáii ádaanínii doo yisíilts’ą́ą da, ndi Bóhólníihii t’éi bik’éh hwiníil’į́.”1
Doo yidíilts’íił da.
Bee hashtáałgo “Tį’ t’áa náás yiikáh,” t’áa’áko Lehi bidine’é iiná bitsin baa’átiingóó béésh ni’áii “dayótą’go náás yiikáhígíí baa tsídiskos”2 ndi“ béésh ni’áę́ę doo bi’dochííd at’éégóó yąąh dashijéé’, nléí yaayíkai dóó yiyáajį’ aníidee’ dóó tsin binéest’ą́ dayííyą́ą́’.”2 Lehi yaa hóolne’ kin ntsáa dóó bii’ hóteelii dine’é dah naazhjáa’go eíí bá ndaháłti’go bíla’ yee [bi]ch’į’ dah dadilníh dóó … neest’ą́’ deiyą́nę́ę.”4 Bí yee bá ndahálti’ dóó yee bąąh ndayíiłháał doo ayóó yizaad yiyíists’áa da dóó t’óó yii’ ch’íniyá: “ Ndi doo yisíilts’áa’ da.”5
Shisodizin eíí t’áa’ła’í niidzínigo Diyin Ii’sizíi nihik’izhdoodlííł dóó t’ááła’í niizínóo nihił chí’didoodláłgo hazhó’ó baa tsídidíikos hait’áo “hadidíil’į́įł” iiníziin yee áandaat’íi dóó nihokáá’ dine’é dííshjį́įdi biinéé’ nihe’íina’ yee da’ódziih.
doo síilts’áa’ da
Saad “yisíilts’áa’” háiida doodáo t’áa doole’é bee bá hwiil’a’go hazhó’í éii át’é níizin. Ákoh, dah naazhjaa’ “Tį’ t’áa náás yiikáh” ádaanínígíí t’áa biká nóhsinní nihi’doo’nííd “tsi’naakaii ha’át’íi daaní.” Dóó Lehi dóó dine’é bił tsin binéest’ą́’ deiyánii bee ayóó bee ééhózin áadaadlóh dóó kin ayóí ániłtso dóó bii’ hotéeldóó t’áa’áko á ndaháłti’ łeh.
Christ neinítin naháasdzoh “Diyin God hináanii bi’Ii’sizínígíí bee … [nihi jéí] dit’ódii biyi’di.”6 Bee ééhózin biká, Bóhólníihii Jesus Christ woodląo dóó hazhó’ó háiit’ǫ́ǫ ii’sizį́įjí bee iiná yiłdzíł. Yisdá’iiníiłii woodlą́ągo bee joolnish dóó bee hadziil. Bá hane’ Yá’át’éehii bit’áá’aanígíí bik’éhgo í’iilníiłgo, ii’sizį́įjí iiná bee nihik’ihojídlíigo náás ndanitł’áii bii’ nihe’íina’ bee ch’íhiidááh t’áa Yisdá’iiníiłii bich’į’ diit’íi’go. T’áá aaníí, “jó nihí t’áa akót’áo i’íilníiłgo doo néiildzid da, haalá Bóhólníihii, nihiká análwo’í nilį́i, ahánoo naaghá.“7
Bee áha’diist’ą́ biníí’ góne’ bił ałhaahóniilzin
Bee áha’diist’ą́ baa hasti’ígíí ádeiyaa dóó bibee’ádziil bi’áda’ool’įįł nihi zéédíntą́ dóó hazó’í yiidáłii bąą Bóhólníihii Jesus Christ dóó Yá’ąąshdi Azhé’é nilį́į nihéeh hósin.8 Díí doo nanitł’áaígíí bee eíí Yisdá’iiníiłii nihá Ata’sizíníi ba’íiniidlí9 dóó nihá Yáłti’í nilį́10 dóó ba’íiniidlí11 dahinii’ náágoo. Nihí Christ bee baadiidáłii yéego bidíilkaal dóó Bił nihizéedeetą́, nihí nidíilyééh dił yee nina’ídlá bił ahóol’á dóó hool’áo holóo bee nik’ihojísdli’ bąąhá naal’éél, néidzii’, dóó bee nihidzííl siidlíí’.12
Bee áha’deet’ą́ bee iináo dóó Bóhólníihii ayóó iiníi’nóo baa ádiit’áahgo eíí nihił nilį́ dóó ii’sizíi yee ayóó bitse’. Nihí bee áha’diist’ą́ dóó be’ó’ool’įįł baa hasti’íi diníilzingo, nihí t’áa’iití dóó hahóo’oo bitsíijį’ yiidááł13 dóó Bí diyiníi bee łahgo ánhiił’įįh dóó nihe’íina’ bii’ hóló yilééh. Áádóó Jesus doo t’óó saad diyindí báá hane’í nídi aláahgo nihił yilį́ yilééh; Bí bee ééhózin dóó bína’nítin hinii’náo níidzin, baa tsíikos, dóó bee íi’nííł.
Shí hait’áo Diyin God bíYe’ ts’ídá at’éii dóó bił bee áha’deet’ą́ dóó yee bitse’íi bee bił ániilk’iizii naadíidzá dóó hinánii baa hodéeshníhii doo bíneesh’ą́ą da łeh. Ndi Bí dóó aTaa’ yá’ąąshdi hólóonii bił ániilk’iizii t’áa’aaníi dishní dóó íiyisíí bee hada’óní, bee hóozyeel, bee íł hózhó, dóó bee ii’sizį́į bitse’íi eíí doo bee “néildzid da, azhą nihe’ána’í kwǫ́ǫ́ sizíi ńdi.“14 Jesus Christ bił áha’deet’ą́-íilyaa dóó bił áha’deet’ą́-diníilzin, nihí “ha’óní bee nihizhdoodlííł, haalá Bóhólníihii nihich’í’ jínilį́“15 dóó tsi’nnkáii déiyisíilts’ą’í dóó yee áadaadóhii.
Shí Sodízin bá Hooghan yidiikai ahwiis’áo bitáa sháo, t’áa’ahąąh ndeiyidíshki’: yee áandaat’íi, dóó yee da’ódziih? Yee hándiiszíí’ii agháo yee índa’niłtin.
Ihidiikáii ak’e dahół’įnii Ii’sizį́ Diyiníi bibee óholníih ts’ídá nihił hóló daaní saad diyiníi bináhjį’ nihe’íina’ yii’ hóló, yéego sohodizóo, dóó hast’e’í’dólnizgo, dóó bááh-tó bibee ó’ool’įįł bibá hasht’e’ ádidíi’nííł. Ałdó’ t’áa’ahąąh yaa hadáadzih ła’ haajéé’ bighangi ii’sizį́ bee iiná dóó yił ałk’is danilíi yada’ólí, dine’é hazhó’ó bił nda’ánish bóhoo’áá’ dóó Bóhólníihii biSodizin bá Hoohan ninéidlá bii’ néiilnish, dóó hait’áo baa ákoníidzin t’áa’ałtsoní doo bee nidi’díilyéłii kin nitsaa dóó bii’ hóteelíi.
Shí díidí idiiyáii yee hadaháadzi’íi íiyisíí yá’át’éeh nisín. Ałtsé dóó atsíjį’, díidí adahées’a’ aTaa’ Yá’ąąshdi hólónii bi’íłhózhó binahat’a’ t’áa’aaníí dishní dóó Jesus Christ hait’áo ak’é Nina’ídlá dóó Yisdá’iiníiłii nilį́. Dóó naakigi, bii’sizį́ bił ééhózin dóó t’áa’áłah yaa ákonízin, sizíigi, dóó ahóot’éii; t’áa’ałah doo t’óó at’ée da dóó doo t’óó ba’ályaa da. Shí díidí akéé’ naazíi bee áha’diist’ą́ bináhjį’ dabitse’go bidántaahíi yii’ ch’éhaaskai dóó Bóhólníilhii hinánii biká ándaalwo’go yá’át’éeh dóó nich’ǫ’íi yii’ ch’éheeskai. Díidí ła’í nizínóo, Jesus Christ ts’ídá biYisdá’iiníiłii danilį́.
Hane’ yá’át’éehii bibee áha’diist’ą́ dóó bibee áda’óol’įįł nihe’íina’ bich’į’ bik’ehgo oodááł át’é. bik’ehgo oodááł choo’į́įgo bee bééhózin háajigo náhookǫs, shádi’ááh, ha’a’ááh, dóó e’e’aah tsinaa’ééł yil’ółgo dóó haa’í hahóodzoh. Biyi’ at’éegi, nihi’áha’diist’ą́ dóó nihe’áda’óol’įįł Bóhólníihii Jesus Christ áłahjį’ beehóniilzin benéiilniih nihí náás bee áha’diist’ą́ be’átiingóó yiidááł.
Bik’ehgo oodááł choo’į́įgo t’áa’aníitso ats’íís bii’ yee’ Christ baa díikah dóó bee hadiníilt’ée doo.16 Diyingo bee áha’diist’ą́ dóó bee áda’óol’įįł nihiká íilwo’go bee Yisdá’iilníiłii bee níil’į́ dóó háiit’į́, be’ajooda’,17 bee beníilt’é diidlééł. T’áa’aanínii yee’, “[atse’] doo yit’į́į shí dóó níh nihiká adóolwół t’áa’aaníí ayóó at’éii bąą.“18
Yéego béésh ni’áhii yiníitą’
Nihi bee áha’deet’ą́ bináhjį’ Diyin God dóó Jesus Christ béé hóniilzingo éiyá doo “yitsíilts’áá’“ bii níighah dóó bich’į’ nihitse’ doo. Dóó díí béésh ni’áhii t’áa’ahąąh yinóhtą́’go bitse’ doolééł. Ndi Nephi bik’iské nda’ídééłkid, “Nihizhé’é béésh ni’áo yiyíiłtsąnii ha’íi yaa hálne’ … ?
“Dóó [Nephi] koyiłní eíí Diyin God bizaad ádaat’é; dóó t’áá háiida Diyin God bizaad yidiits’a’ shį́į́, dóó éí yéego yotą shį́í, doo ádadoodį́įł da; dóoni’ ída’nitáahii dóó ach’į’ nahwiiłná yee ádiłt’óhii dóó bináá’ ádeidoołdįįł da, doo bił hodóochxǫǫł yaa bidoo’ísh da.”19
T’ááshǫ́ǫdi Diyin God bizaad.
Yaa áhalyąǫ, John ayíił’a’íi baa hójoolne’ Jesus Christ azaa nilį́igo.20
“Hodeeyá biyi’di Saad nílį́, dóó Saad yee’ yił holó Diyin God, dóó Saad yee’ Diyin God nilį́. …
“T’áá ałtsoní bee’ ádaayaa, dóó dahólóníi t’ááła’í nidi t’áadoo ła’ bídin ályaa da. …
“Dóó Saad bits’į’ hazlį́į́’, dóó nihitáhgi bighan, (dóó aTaa’ nilínii t’áałá’í bá yizhchíi yee, ayóó át’éii yee ayóó át’éhígíí daníilį́’’į́,) ajooba’ dóó t’áá aaníi bii’ hadeezbin.”) 21
Eíí bąą, Jesus Christ ła’ bee wojí “Saad.”22
Ła’ bii’nil, tseebíigi Oodlą’ baa Alyáii koní, “Nihí yee’ Bible Diyin God bízaad át’éego deiníidlá ; nihí dó’ Mormon biNáaltsoos yee’ Diyin God bízaad át’éego deiníidlá.”23
Ákoh, Yisdá’iiníiłii yee na’neestą́ą’, saad dadiyinii biyi’ dáasdzohí gi’át’áo, ałdó’ “saad” ádaat’é.“
Shi eíí bine’ Diyin God bizaad kwot’áo yéego yinóhtą’ (1) béneiłnííh, bá hodíilzin, dóó hátse’ áhwiiláo bił anółk’iis Yisdá’iiníiłii dóó BíZhé’é bibee aha’diist’ą́ dóó bibee áda’óol’įįł bináhjį’ hane’ yá’át’éehii dóó bá yádaałti’í dóó (2) sodizin, áánii ahá’ní, dóó áłahjį’ saad dadiyiníi choo’ǫ́ǫ dóó naazíi dóó ayíis’a’ dahináago yínda’níłtiníi t’áa’aaníi ádaat’é. Nihí Bóhólníihii wołíbee dóó ”yéego yinóhtą’” dóó yina’níłtin nihe’íina’ łáhgo áyiił’įįh,24 shí eíí diyin bił nahaz’ą́ągi ła’ soozí dóó nisóozínii nihik’ihózhdoodlííł, dóó “doo náhjį’ kónhidoolíłí da.“25 Jó Christ nihił hólóo, nída Bí nihił hólǫ́ dóó nihił yikáhdoo.26 T’áá aaníí, “yoołkáał biyi’dí Daboodlánii yá hadidóolwosh, dóó t’áa’aanínii náás kwíidoolííł.“27
T’áá aaníí áha’ní
Náas yináał. Yéego yinóhtą’. T’áa yisółtsą’í.
Yiiłtsąníi eíí Bee aha’diist’ą́ dóó bee áda’óol’įįł Yisdá’iiníiłii bá hane’ yá’át’éhii ninéiidlá yiikáh Bóhólníihii bináanish biyi’, yéego yiníitą’ Bí yee’ Diyin God bázaad nilį́, dóó t’áa yiníilts’ą’í Ch’į́įdii yee ayá dahoogis. T’áa ákot’éii bá neidááh, t’áała’í níidzínóo béésh hał dah yiitííł, azhą t’áa aaníinii bibéésh hał ayóó át’éi,“28 Bóhólníihii Jesus Christ báá hasti’ígíí bízhi’ bináhjį’, áamen.