Diyin God Ayóó’ánihóó’ní
Diyin God ayóó’áníhóóníigo BiYe’ T’áá Éí T’éiyá BáYizhchíinii nihich’į’ ayííł’a’—doo nihijoołááhgo nihánihodoo’ááł da, ndi yisdánihidoo’ish.
“Háálá Diyin God nihokáá’ ayóí’áyóó’nóo, éí BiYe’ t’ááłá’í BáYizhchíi niheediní’ą́, áko t’áá háiida boodlánígíí doo ádin dooleeł da, ndi iiná doo ninít’i’ii bee hólǫ́ǫ doo.”(John 3:16). Díí saad ts’ídá áłtsé diséts’ą́ą́’ígíí, éí doo sodizin bá hooghandi da doodaii’ doo t’áá shighanígíí bóhooł’ą́ą́’ da. Níłch’i naalkidí biyi’ jooł bee nda’a’néego yiiłtsą́. T’áá háádę́ę́’ shį́į́ shinááł na’alkid ndi, dóó jooł hait’éíshį́į́ bee na’a’né, ndi t’áá jíłá’í ła’ díí bik’e’eshchį́įgo dah yootį́į́ł“John 3:16.”
Díí ałdó’ shił nilį́ saad 17: “Diyin God haYe’ nilíinii nahasdzáán bikáa’jį’ jiníł’a’ígíí éí doo nihokáá’ dine’é yijoołáago yá nahwii’aah da, nidi bí binahjį’ nihokáá’ dine’é yisdádookah.”
Diyin God éí Jesus Christ nihich’į’ ayííł’a’, BiYe’ t’ááłá’ii bits’íís hólǫ́ǫgo, áko Bits’íís nihá ninéídidoo’ááł t’ááłá’í niidzínígo. Díí nihá áyiilaa ayóó’ánihóó’nínígíí biniinaa dóó yinahaz’ánígíí bik’ehgo t’áá ánííltso Bił yah anídiikah.
Ákondi díí doo t’áá át’é bik’ésti’ da, t’áá ałtsoní, doo t’óó-sha’shingo binahast’ą́ą da. Éí nihá, Yá’ąąshdéé’ Nihizhe’é ayóí’ánihóó’níínii nihá áyiilaa, nihijéí bitł’áádéé’ bił bééhózin, nihizhi’, dóó ádiilnííłii bił bééhózin. Ha’át’íísh biniyé yiniidlą́? Jó Diyin bizaad biyi’déé’ bee ndanihidi’nitin.
Moses éí Yá’ąąshdéé’ aZhe’é t’áá ahąąh kóníigo yidiizts’ą́ą́’ “Moses, shiye’” (níníł’į́Moses 1:6; díí ałdó’ níníł’į́saad 7, 40). Abraham ashkii yázhí nilį́įgo Diyin God ye’awéé’ nilį́įgo yaa ákoniizį́į́’, t’ahdoo bidi’chíígóó Diyin binaanish íídoolíłígíí bee bik’ihodiinii’ (see Abraham 3:12, 23). Diyin God biká’análwo’go, Esther naat’áanii nilį́įgo bidine’é hasdá’yíí’eezh (níníł’į́ Esther 4). Diyin God ła’ ch’íkę́ę́h yaa dzóólį́įgo, éí naala’í, be’oodlą’ yinahjį’ yee t’áá aníí diyin yá yáłti’í yaa haadzíí’ áko Naaman yee náádzíí’ (níníł’į́ 2 Kings 5:1–15).
Ła’ diné yá’át’éehii t’áá íiyisíí shił nilį́, ájíłts’ísígo, Jesus yidéístsééł nízingo tsin bilátah hajisna’. Yisdá’iiníiłii bił bééhózin tsin bikáá’ dahjizdáago, niiltłah, dóó honéíł’į́į́’, áádóó kóhodííniid: “Zacchaeus, … wóshdę́ę́’ adaninááh” (Luke 19:5). Dóó doo baa deidiyii’nah da ła’ dį́į́ts’áadah binááhaigo tsitahgóó níyáago dóó hoot’ááł t’áá íiyisíí bá át’éego bił bééhozin: “[Joseph,] díí ShiYe’ Ayóó’ííníshńiinii át’į́. Yiniłts’ą́ą́’!” ( Joseph Smith—History 1:17).
Shik’is dóó shilahkéí, Yá’ąąshdéé’ nihiZhe’é bohoot’ááł nihí íiyisíí nihá dóó nihiniinaa nihiYisdá’íiníiłii binaanish íílééh. T’áá áníít’é, t’áá ła’í nídzínígo, éí Binaanish niidłí dóó Nihee yee ayóí’át’é.
Shí éí, Diyin God Bizaad Sání dasdzohígíí yinisht’a’go éí t’éiyá saad tsídí áyisíí t’áá bééhózingo yaa halné nisin. Hané’ álkéé dasdzoo’ígíí bee béé’dadiitįįh haiyit’éego Yá’ąąshdéé’ aZhe’é dóó Jehovah nihe’iiná bídéét’i’.
T’áá ániid Joseph baahané deiyíníilta’ ńt’éé’, éí Jacob biyé’ ayóí’áyó’níinii nilį́. T’áá ashkii nilínéedą́ą́’, Joseph Diyin Bóhólnííhii baajooba’go hoolzhiizh, ákó ndi t’áá yił háájéé’ bik’is ayóó at’éego bich’į́’ nidahwiisnáágo nibíhoneistáá’. Naakidi damóoyę́ędą́ą́’, niidlą’í niilt’é’ danihidees’náá’ Joseph bik’iské yaanéédiní’ą́. Sin biyi’ Hágo, Shikéé’ Yínááł deiníilta’: “Dikwíígo haz’ą́ągo, Joseph aat’́įįdígíí Jesus Christ be’iina’ beełt’é. Azhą́ ni’iisdzii’ yiniinaa ayóó át’éego ti’hoznii’ ndi, Yisdá’iiníiłii nihaanéédidoo’ááłgo yeehas’ą’, dichin’aghą́ bilááh át’éego ti’hoo’nííh biyidéé’ yisdánihii’eezh. Nihanídi’doot’ááł doodaii’ náasdi índa—t’áá hahgoshį́į́ t’áá áłah ádoolnííł—Joseph áát’įįdígíí Yisdá’iinííłii ałdó’ ákódzaa, t’áá aaníí’at’éii na’áłdziih dóó k’é yee áhínanihii’éésh.”1
Daasdzohgo bóhóidoo’ááłígíí ayóó shił nilį́ éí Joseph bínaaí Judah bits’ą́ą́dę́ę́’, éí Diyin God binahat’á łahdóó Joseph bá át’ée ńt’éé’. Joseph bik’iské binda’azlo’go dabi’niilhxį́į ńt’ę́ę́’ Judah baa ná’oozkąąd áko t’óó naal’a’í nilį́įgo nihaanidahidoonih yidííniid (níníł’į́Genesis 37:26–27).
Lą’í nááhai dóó bik’ijį’, Judah dóó bik’iské bitsilí akéédę́ę́’ígíí, Benjamin, Egyptgóó bił doohkah bi’dooniid. T’óó áłtsé éí bizhe’é baanich’į’go dooda niizį́į́’. Ákondi Judah Jacob yich’į́’ ádeehadoodzíí’—éí Benjamin ts’idá t’áá bił nídeesht’ash dííniid.
Egypt kéyahgi, Judah ádeehadoodzíí’yę́ę bee nibíhoneestą́ą́’. Ashkii Benjamin doo ahot’éégóó bik’íhást’ah. Judah, ádeehadoodzíí’yę́ę yénalniihgo, Benjamin bitsásk’eh góne’ yah’adashoołt’e’ jidííniid. “Áko,” kodííniid, “haashą’ yit’áo shizhé’é baanídeeshdááł, ashkii t’áá bídin?” (níníł’į́ Genesis 44:33–34). Judah yee ádeehadoodzíí’yę́ę yihodoolííł dóó Benjamin t’áádóó át’éhígóó nídoodaał. Łahdaaísh Judah Benjamin ayóí’ayónínígii át’áo t’áá háída baantsínkees łeh?
Amá dóó azhé’é bá’áłchíní’ísh kót’éego yaantsídaakees? Diyin God yá nida’nit’inii kot’éegooísh bidine’é yaantsídaakees? Primary dóó noosełí ayóí’ádayóóní dóó nideinitin éí hait’éego yaantsídaakees?
T’áá háíshį́į́ anít’į́ doodaii’ haa niłhoot’é, ákóndi háíshį́į́ ts’ídá kot’éego naantsékees. Háíshį́į́ Yá’ąąshgóó nihiZhe’é bich’į’ bił yahanídeesht’ash nó’nį́įgo naantsékees.
Baa’ahéénisin t’áá háíshį́į́ doo nihik’i’dikááh da, hoojooba’ ádaaníigo nihásodadilzin, dóó t’ahdii ńdanihinitin dóó nihíká’andaalwo’go hasht’e’ádadii’nééh Yá’ąąshgóó nihiZhé’é Bighangóó bich’į’ néikah.
T’áá ániidígo shik’is Covid-19 naałniih bidoolna’go azee’al’į́įdi 233 hwiiską́. Íídą́ą́’, bizhé’é bizéé’hazlį́į́’yę́ę baa níyá, bitsoi danilíinii dii hané shá baadadooh’ááł hodííniid. Dáádiníbaal biłáádę́ę́’ ndi, dii achei yá’á’t’ééhii bitsóí yá’ąąshdi hoghangóó náákah doo biniyé yíká’análwo’.
Idahidiikááhgo, Christ yikéé’ naazíinii “Benjamingi” ádaat’éíi yééda’hwiiłnííh. Ni’ bikáágóó dilní yee ádííniidgo deidiizts’ą́ą́’ éí Diyin God yá yáłti’í nihiłhólónígíí, President Russell M. Nelson baa. Tsíłkéí dóó chi’kę́ę́h Diyin Bóhółníihii bá ndaabaahí yił deiyílníísh. T’ááłá’í nízínígo dóó yił hadaazhjee’ Diyin k’ehgo áká’andaalwo’—ayóí’áda’ahó’níigo, bił dahadlee’, dóó bik’is yida’iiłnííh dóó yił kéédahat’íinii Diyin Bóhólníihii yich’į́’ yił nihekááh. Nooselí dóó t’áá dahóyáanii yéédahalnííh dóó Diyin God bił aha’diit’aah yik’eh dahół’į́—Diyin God Bighan naaznilgóó haada’dibiį́į́h, bikwáhásiní bizéé’ dahazlį́’ígíí bízhi’ hadeintá, dóó Diyin God bibee’ó’ool’įįł yá ádeił’į́.
Ha’at’éego Yá’ąąshdę́ę́’ aZhe’é bihoot’ááł t’áá ła’í siidzí nihí déétį’go áyiilaa akah’aná’áwo’go ałdó’ áko Baa náhidiikah? Biniinaa’ígíí éí diigi’ át’áo Jesus Christ bik’ehgo ániit’ée dooleeł. Ákohgo, Judah dóó Benjamin bich’į’ nahwiis’náago baahane’ éí Yisdá’iiníiłii nihá ti’hooznii’ígíí binahjį’ bik’ididiit’į́į́ł. Be’iina’ yee nihá niná’ídláago bił t’áá ła’niidlį́, Be’iina’ nihá ninéidiní’ą́ągo hoghangóó neikah. Yisdá’iiníiłii be’ayóí ’ó’óní’ Judah yee haadzíí’: “Haashą’ yit’áo shiZhe’é bił yahánídeeshdááł, dóó [ni] éiyá t’áá nídingo?”’ Israel ahída’yii’éeshii daniidlį́įgo, nihí ałdó’ ákódadii’ní dooleeł.
Diyin God bizaad sání lą’í Bi’álílee dóó ajooba’ hasin dabiyi’ éí Yá’ąąshdę́ę́’ aZhe’é bihoot’ááł bee bééhózin. Diyin God Bizaad bii’ 2 Kings 4, díí saad “łá’íjį́ áhoodzaa” táádi ałkéé’ kóhodoo’niid éí bik’idi’deeshtį́į́ł biniyé baa dahasti’go ádahoonííłii Diyin God bee bóhólnííh dóó t’įįhdígo át’éhígíí ndi doo bi’diił’áa da.
Ániid shik’is silį́į’go Paul éí t’áá aaníinii át’é ní. Paul łah atíbi’dool’įįd biyaahoo’a’dę́ę́ dóó sodizin doo jíłdin da ńt’éé’. Germanydi siláo nidabaahígíí nida’nitingi, hoghangi’ nát’áázh ch’íkę́ę́h na’nitiní ayóó hodisin bee bits’a’dinídiin nahalingo yi’yiiłtsą́. Hashą’yit’áo łahgo ánoolnin jiníigo néízhdéíłkid ńt’éé’ Jesus Christ BiSodizin dííjį́įdi ninályáhígíí atah nilį́į lá.
Paul nda’ntiní yił ahínéikahgo hodeeshzhiizh dóó sodizindę́ę́’ hágo bi’dooniid. NááDamóo, chidíłtsoo’í yii’dę́ę́’ hadaałwodgo, naakí diné bi’éé’ deijį łigai dóó bizéédéit’i’ yiyiiłtsą́. Da’ Sodizinjí elders nohłį́ níigo neiyídéíłkid. Lą́’ąą’ dadííniid, áko Paul yikéé’ dahdiiyá.
Sodizingi áłah’ílį́įgo, halne’í diné ła’ yich’į́’ dahdiilnii’ dóó nihe’oodlą’ bee haohdziih yidííniid. Ałtso hadajisdzíí’go, ásaa’ yilghałí ninádeediiłghał yaadahaniihgo dóó áłah danilínígíí háádadilwosh, “Amen.”
Halne’í Paul yich’í’ dahdiilnii’, yiizį’ dóó kódííniid, “Joseph Smith Diyin yá yáłti’í nilį́ dóó Naałtsoos Mormon wolyéhígíí t’áá aaníí át’é.” Ásaa’ yilghałí t’áadoo bee baahasnih da doodaii’ amen t’áadoo ho’dooniid da. Hodíína’go Paul yaa ákoniizį́į́’ doo éí sodizin yahanádááhjí yahííyáa da lá. Átahígo, Paul ts’ídá yiká’át’inę́ę́ yik’iníyá dóó tó bee bi’doolzį́į́’.
Tó bee bi’diilzį́į́h bij́į́, ła’ Sodizingí atah nilínígíí ábíłní, “Yisdá’shíínílóóz.” Díkwídi damóo t’ah bítséedi, díí diné sodizin náááła’ hainitáago íídą́ą́’ ła sodizingi ásaa’ daalghałígíí dóó amen chodeiyół’ínígíí ła biłyahajííyah. Díí diné Paul be’oodlą yidiizts’ą́ą́’ éí Joseph Smith dóó Naałtsoos Mormon wolyéhígíí bił t’áá’aníigo, áko Diyin God bééhósin, yik’ee tíhoonííhígíí da, dóó Bihoot’ááł bá hólǫ́ yaa’ákoniizį́’. Áko t’áá áłah Paul dóó éí diné, “łah ójį́’ áhoodzaa,” t’áá aaníí!
Nihídó’ nihił béédahózin Yá’ąąshdę́ę́’ aZhe’é iłhózhóonii bihoot’ááł nihá bee hólǫ́ t’ááłá’í niidzínígo. Biye’ Ayóí’Ayóó’níinii nihich’į’ ayííł’a’ígíí biniinaa, álílee chodeidiił’įįlígíí yee nihikizhdoodleeł éí “[ts’ídá] t’áá łah ojį́’ bii’ [áhoodzadoo]” binahjí bihoot’ááł ła’doonííł.
T’áá aaníí yinishdlá díí ghaaí hazhó’ó Diyin God nihá bohoot’ááł bídahodiil’ááł Diyin bizaad Sání biyi’dę́ę́’. Éí dólzingo ałkéé’ daasdzoogo yee na’nitin Diyin ya’áhályání naanish bídéét’í’ígíí díí doo ééhozingo dahoolzhizh bii’ dóó Diyin God ya’ at’į́í ni’bikáá’goo dahazkééh dóó diné ałkeedadi’niih. Dóó hada’ółníigo da’oodlánígíí nihiYisdá’íiníiłii ńdoodááłgo ńdeíyólí , yíiká hada’asííd dóó hasht’e’ádadilnééh t’áá Bí Bá Naakidi’álee Náádááł—T’áá shiidą́ą́’dii ákóháníigo hoolzhish, ayóó’ át’éego ná’idááh.
Áajį́ ayííłką́ągo, Diyin God bihoot’áał doo shį́į́ nihináa bee yiit’įį da át’éíí nihi iina’ t’áá ałtsohgi bidiit’í’gi (ninił’į’ Doctrine and Covenants 58:3). Ákondi beenééłnį́į́ Nephi adinį́į́d yę́ę́ bich’į’nahwíínáo doo yikidiit’ííhígíí: azhą́ dóó t’áá ałtsoní yiki’diit’į́ ndi, biłbééhózin Diyin God Ba’áłchíní ayóí’ayó ní (ninił’į’ 1 Nephi 11:17).
Díí shi’oodłą’ át’é díí Damóo abinígo ayóó’áhonólnin. Nihijéí bííhdadiił yeeł dóó biní nihísizíínii biłhodéezyéél, ha’ahoní, dóó hool’áágóó iłhózhǫ́ bii’hadidoobį́į́ł: Diyin God ayóí’anihonį́į́go BiYe’ t’áá ła’í bá yizhchį́įníí nihich’į́’ ayiił’á —doo nihijoołáago niha nihwii’aah da, nidi Yisdá’nihidoo’iish. Jesus Christ bízhi’ binahjį’, amen.