Jesus Christ BiSodizin bá Hooghan Akée’di Dayoołkáałgo Yá Naazíinii Nihí Ádeiit’į́
Sodizin doo t’óó kin t’éí ádaat’ée da dóó deiyíłyeedígíí ndi. Díí Sodizin nihi ádeii’tį́, Christ yilą́ąjį’ sizį́ dóó bá hałne’é Bá yáłti’.
Shi’da’asnį́į́ bik’idjį’ “Tį’, t’áá ni nił bééhodoozįįł,”1 Jesus Christ Bisodizin bá Hooghan Akée’di Dayoołkáałgo Yá Naazínígíí ts’ídá áłtsé bił yah’ííyá naadįį hast’ą́ą́ shinááháigo. Ániid áłtsé bił hinishnáanii’ę́ę bił ałts’á nisht’aazhgo. Shiyaazh táá’ binááháigo. Dóó nasdzidgo shaanahookad. Kin góne’ yah’ííyaago, sizílígo shii’hadiiłdo diné bi’oodlą́ dóó bíłdahózhǫ́go shinazt’i’go baa’ákoniizį́’. T’áá át’éego “t’óó báhádzidgo diyołgo bá bine’ a’niichéehii” át’é.2 Táádi damóo azlį́į’go tó bee shidoolzįįh, aTaa’ Yá’ąąshdi Hólóonii bił aha’dinisht’ą́ dóó Christ bi’atiin bikáá’góó dah diiyá, ákót’ée ndi shi’iina’ doo t’áá ákogi át’ée da éí atiingóó.
Hool’áágóó ak’ihojídlí shóídeesht’eełgo, t’áá lą́ą́góó ats’iis át’éí dóó ii’sizíinii k’ehgo ntsáhákees bádahoo’a’. Jesus Christ bina’nitin ninałya dóó bee na’nitin; éí sodizin báhogan áłyaa dóó baa’áháyą́; yałkéé’ hwiní’ąągo deiyííłyeedígíí baadahasya’, Diyin yádahalne’ii dóó nihitahgoo bidaholnį́įhii; dóó sodizin bilnahazą́ą́goo Diyin God yiłaha’dadeest’aanii t’óó ahayóí hasht’e’ adadoolzingo nihindaazhchid dóó Yisda’íiníiłii yaadanihiizhéézh shiyaazh dóó shí, “Diyin God bizaad yáʼátʼéehii bee … [shaa] áháyą́” ńt’ę́ę,3 dóó łahdóó áka’anéilwo’go nihadeet’ą́.4
Hodeeyááhdą́ą́’, Diyin God ba’áłchíní áłah ánayiił’į́ dóó neeneezt’ą́ą́’5 “[nihi] t’síís naahidoonaał dóó hool’áágóó iiná hólǫ́ǫ dooleełgo.”6 Áhóhodoonįįł beneilnííhgo, sodizin báhooghan ádaahłe’ nihidííniid,7 ákǫ́ǫ́ bee ééhózinii shóidoot’eeł dóó diyingo ałha’diit’aah ádeeł’í dóó hasda’iildééh bik’eh áda’al’́į́’ dóó hool’áágóó iłhózhǫ́nii; Diyin bił ałhá’dit’aah ádaał’į́ dóó da díínósin’ éí bee Jesus Christ bił t’ááłá’í niidlį́;8 nihik’ihojidłí át’é “diyin k’ehgo iiná bee adziilii”;9 dóó t’áá ahą́ą́h áłah ńdee’dleeh Jesus béédeełniihgo dóó Binajį’ ahíłká’ańdéé’jahgo bee danihidziil.10 Sodizingi da’oołdah dóó dabikin naznilígíí Diyin k’ehgo iiná bá át’é. “Diyin God biSodizin … dah’azhoozh át’éego éí bikáádóó hool’áágóó iiná bíká hasht’e’ ádadiiłnééh bił heehjée bił.”11
Shik’is ła’ bich’į́ nahwiinaago bił ahiłhashne’, hash yit’áó ákindiida hoodishní. Binák’eeshto’go, kódííniid shí bishop shiká anólwo’ nidéé Diyin God bichį́’na’ ásdła bééso bee. Áádóó kónáádooniid, “bił dashighanígíí dóó shí haadishį́į́’ neiikai ńt’ee’ Sodizindę́ę́’ doo nihíká’o’oowodgóó. Kóbidííniid, “Sodizinjí éí idahidiikaahígíí ádaat’į́. Éí t’áábi adeinízingo dóó biłdahózhǫ́ Diyin God bichį́’na’ ásdła bééso bee nihika ánda’awo. Bidaoodlą bits’ą́ą́dę́ę́’ binest’ą’ bee nihíka’anda’awo’ dóó dabidziilgo Jesus Christ yikee deikaah.”
Shi dine’é Christ bikéé’ nisiidzį́įnii, t’áá ayáhágo baańts’ekees lago ayóó át’éégo Diyin Bóhólníihii yiłnish nihił, biSodizin, azhą́ bi’oh’needłeeh ndi. Łahda nida’iinį́į́h łeh dóó łahdah éí nishó’da’ayíílt’eeh, akondi t’áá ánííłtso Christ bił t’áá łá’í nidłí. BiSodizin nihá hadiilyaa binajį́’ eehohozin dóó nihik’ijidłí Bich’į́’ hodíníízin dóó ahiłká anéiijahgo.
Ła’ nihík’is yąąh dabínígo ádashiłní, doo yéego Relief Society át’ah danidłį́į́da háálá Áłchiní doodaii’ chi’kęh nidaniitin. Éí danihikis t’aa’ayisii dabidziilgo Relief Society at’ahdanilí háálá niha áłchíní ayóí’adéenį́į́’nííní dóó noosełí Jesus Christ bidziilgo dayoodlą’dooleełgo ndeenitin.
Relief Society doo t’óó kin biih biłhaząąda, Damóo nanitin, honeeni, doodaii nihita’goo naat’áanii ídlį́da doodaii aláhdi bidahołnį́į́hii doo t’áá ákwidida. Sodizinjí Relief Society Diyin God yił’aha’da’dest’ą́ saaní; éí nihí—t’ááłá’í nídzínígo dóó t’áá anį́į́łtso. Éí nihi “ádahwis’áago kin dahnaazhjagoo ahajíinííba’ dóó ahiłká anéiijah.”12 T’áá’ałtsogóó dóó táá yidáałgóó, t’áá holzhiizhgo Relief Society łahdoo nidłį́ diyingo í’íilį́į́go, éí saaní Diyin God binaanish ła’deełe’ t’áá łá’í nízinígo dóó ahióóltą’go13 hasih yee andalwo’: “t’é’é’į́ yike’hdadidlį́, ąąhnidahaz’ągi andaalwo’; bąąnahookaadígíí yadajooba, dooda oodlanígíí nideenitin,—iłhozho dóó naas bee’adoodaał … neeniłkla’ígíí yah yichį́ bidziil.”14
Sodizin bilnahaząągoo binaałt’éégo bee da’ííníísh hast’oi dóó áłchíníní dóó noosełí bit’ahgoo. Sodizin doo kin t’eeya biłnahazą́ą́da’ dóó ałkee hwiní’ąągo deiyííłyeedgo baadahasya; Sodizin éí nihí, atah daniidłinigíí. Nihí Jesus Christ BiSodizin bá Hooghan Akée’di Dayoołkáałgo Yá Naazínígíí aníítah, Christ yiląąjí sizį́ dóó Diyin God yá dahalne’í bá yádaałti’. Bóhólníihii t’áá kódííniid:
“Sho, díí shina’nitin át’é—t’áá háíshį́į́ ádaaná’oskąąd dóó shikéé’ dadiiyahagii, éí shisodizin nandłį́į́ dooleeł. …
“Dóó … háíshį́į́ shisodizin atah nilínígíí, dóó shisodizin ya’át’į́įgo ni’niłdįįjį’, bí lą́ąh shitsé bee ha’ootłin yee bidzííł dooleeł.”15
Shikis dóó shilah, baa’ákoniidzįįh Jesus Christ biSodizin atah danídłį́į́nígíí doolahdo’ bee nihikihoojisdłí’da, akǫ́ǫ́ nihí oodłą’, ajéí, adzííl, ńtsa’hákees bee áhiłka’aneejah dóó nihi la’ bee Bí’álílee Yinaalnish. “Jó, ats’íís [Christ biSodizin] bee hadilyaii doo t’ááłá’í bee hadilyaa da, nidi lą’í bee hadilyaa.”16
Ashkii ła’ bimá yił halne’, “Ánísts’ísí yę́ędą́á, Diyin God bích’į’ t’áá’ahą́ą́h t’ááłá’í béeso nááhaniihígíí nináshdlééhgo, iinisin łeh t’ááła’í béeso t’áá si’ą́ą́ ńt’éé’ sodizin bá hooghan bee ádoonííł. T’óósh baa dlohasin?”
Bidiisnaa’go, kwiishdiiniid, “Nizhóní yee! Da’nibínílyąąsh nidéé?”
“Aoo’!” jidíiniid. “Ayóo ádanoolnin, dóó dimííl ánéełą́ą́!”17
Shi’kis ayóí ánihóshníínii, nihi’oodlą́ áłchíní bi’oodlą’gi’ át’ée dooleeł dóó baa nihiłdahózhó t’óó honiłyazhigo andeełwó ndi Diyin God bi’ó’ółį́į́ł bee ayóo át’éego náás hoogaał.
Christ Bihoot’aał bił haazą́ají ahiłnida hiikááh éí shį́į́ nihidadíít’i’. Diyin bizaad biyi’dę́ę́’ deiníilta’, Yisda’iiníiłii hágo nihiłní:
“Nihitahísh diné bitah doo dahatsʼídígíí hólǫ́? Wóshdę́ę́’ bił nihohkááh. … tʼáá haitʼéego da bąąh dah nahazʼánígíísh hólǫ́? Wóshdę́ę́ʼ bił nihohkááh dóó hadaałtʼéego áńdadeeshdlííł, háálá nihąąh hą́ą́h niizį́į́ʼ; ajoobaʼ shiiʼ hadéébįįd.
“… niheʼoodląʼ bee nanihiisdziihgo bídeínóhghahgo shił bééhózin.”18
Da’ t’áá’áníit’éésh ach’į́’ nahwii’ná nihee dahólǫ́ éí Yisdá’iiníilii déés’éezjį’ nidadíigééł? Ła’ éí nihits’íís bąąhnidahaazą́, lą’í ę́į́ nihintsáhákees dadiikąągo, ła’ éí yiłkééhat’íínii bich’í’ ndahwiiłná, dóó t’áá’áníiltso háádadiilyį́’ bikahadeet’į́ łeh nihii sizíinii nabóhont’aahgo. Nihí t’áá aníit’é t’ááhá’át’éehgo tida’hwíinííh.
Baadaiiníílt’a’ éí “diné tʼáá ałtso jílínę́ę, tʼááłaʼ, doo bitah dahatsʼídę́ę dóó … tʼáá haitʼéego da bąąh dah nahazʼánę́ę yaa dayiizhʼéézh; áádóó tsʼídá tʼáá átʼé naheeshtʼeezhę́ę hadaałtʼéego ánáyiidlaa.
“Dóó tsʼídá tʼáá átʼé, ndahaaskai yę́ę dóó doo ádaatʼéhę́ę, bikétsį́įjįʼ nitsidadeesgoʼ, dóó yichʼįʼ sodadoolzin.”19
Ashkii yázhí Diyin God yodląągo t’ahła’í beeso nááhaniihígíí niyílééhdoo hodesaago, amá t’asahi Diyin Bóhóníihíi ba’ajoba’ bi’adziil yidįnlį́į́jí, ázhé’é ba’áłchíní wołíbee yá’yilnish’, nihízází Diyin God bił’aha’diit’aah yídindanilí’ yee yisda’dooka’ dóó yee hadaałt’ééh dadooleeł, nihí t’ááłá’í nídzínígo Damoogo’ Diyin God bił’aha’dit’aah adeiil’į́, ahiłdin daniidlį́į́’, dóó Diyin Yisda’íiníilii Niná’ídláí nanhidoołdzíji’ ahíłnihíík’aah.
Shi’kis dóó shilah ayóí ánihóshníínii, Jesus Christ hágo ninígíí bik’eh hónnił’ígo t’áá nihí dóó nihí ti’hooniíh baadadidiit’ááł. Bich’í’ nihikaahgo dóó ayóí ádeenį́į́níínii Bich’í’ nidahiit’ééshgo, nihí oodlą yoo’į́. Yá’át’ééh ánádabidoodłííł, dóó nihído yá’át’ééh ánánihidoolííł.
“Kʼé bee Christ bikééʼ [ndasiidzį́įgo]” biniinaa,20 “nihijéí dóó nihintsékees bee tʼááłáʼí” deiidleeh;21 a’ohgo ádaa ntsíikees; ak’eh honiil’į́; nihá áhwiinít’į́; lą́ niidzin; yéigo ha’ííníilní; t’áá ałtsojį’ ádaa áhwiilyą́; áłahjįʼ Diyin God bibeehazʼáanii yikʼeh honiilʼį́; oodląʼ, chohooʼíinii, dóó diyingo ayóó óʼóʼníinii hólǫ́; tʼáá áłahjįʼ naanish yáʼátʼéehii bindeiilnish bee nida’ádíniitaah.22 Jesus Christgi ádaníit’é dadiidleeł biká’ádeet’į́.
Christ biSodizin niidlį́į biniinaa, President Russell M. Nelson naneeztą́ągi át’áo t’áá aaníigo ádishní, “NihiYisdá’iinííłii dóó Nihánina’nídleii, Jesus Christ, k’ad dóó Nináánídzáádi ts’ídá aláahdi át’áo bina’anishígíí [nihee] íídoolííł.”23
Bóhólníihii ádiiniid:
“K’ad holzishgo éí shinaanish tsį́į́łgo yiwoł doo.
“Dóó nihą ninishłé … beehazaanii éí ahinaokah, dóó hasht’e’ádadoołneeh, hadaałt’é ádadooneeh; aoo, nihijéí purify adał leeh, shidadéé nihí la’ dóó nihi kee doo chingoo ádaał leeh, áko doo doonah chingoo anihideeshłiił.”24
Díí diyingo nihí iilnį́į́’ígíí bidiilnííł dóó baanihił hózhǫ́ ahineekah, haste’áda’dííłneeh, dóó hadaałt’é ádidíílnííł bikah hojooba’go sodizin Jesus Christ bizhi’ binahjį’, amen.