Diyin God Bina’hatą́ Diyin K’ehjí Ayóó’óó’níígo Át’e’

Elder Dallin H. Oaks Áyiilaa

Áłtsé Naat’áaniijí Átsé Akéé’ Dasidá

Diyin bisodizin hanaalyah dóó binahagha’ dóó bibeehasąąnii éí diyin ba’ałchíní yisda’nidookah celestial hooghanjí dóó tsídá alaadi hoghaandi ninahidookáí.

Diyin NihiZhe’é éí t’áá ałtsoh ba’ałchíní ayóó’ayó’níígo binahagha’ bina’nitinígíí yich’į́ ayíílaah. Shił bee hódoolzííł niidzingo éí díí binahat’ah dóó bibeehaząąnii háníít’ąą doo. God éí nihokáá dine’é t’áá iysi ayóó’áyó’níigo biYe Jesus Christ t’ááłá’í háyizhchínígíí éí baazhniłtį́ áko Yisda’iiníiłii sílį́į́’ dóó niha daastą́. Sodizin hanaalyahígíí Jesus Christ Ninédláago Yá Naazinígíí Bisodizin Báhooghan éí Diyin binahat’á bił bee dah hózin. Nihee iina’ biniyéhígíí nihił bee hózin, ánohoot’aah diyin k’ehji’ dóó t’áá ałtsoh Diyin ba’ałchíní nizhónígo hatsijį’ bá’ahoot’é.

Shik’is dóó Shiláh, ayóó ánhiinishní. T’áá ałtsoh Diyin God ba’ałchíní ayóó’íí’nish’ní. Łah Jesus nabi’deikid, “Beehazáanii biyi’ haidígíí ts’ída aláahdi át’é?” Jesus yee na’niłtin Diyin God ayóó’íí’nii’ní doo bił kééhót’nii ałdo’ ayóó’íí’nó’níí doo éí Diyin God alaahdi bibeehaz’ą́ąnii át’é.¹ Díí beehaząanii éí ałtsé, haala diyin k’ehjí diniilseeł, Diyin God nahalingo diné ayóó’áníí’ní doo. Íínisin éí t’áá aniiltsoh díí ayóó’óó’ní bee binahaga’ házhó nihił bee hozin doo, jó díí éí Jesus Christ Bisodzin hanaalyahígíí NihiZhe’é dóó biYe’ yá’ayíílaah. Díí bee hadiidzehígíí éí hazhó Diyin God bee ayóó’óó’ní binahagha’ binanitinígíí niinilahgo bibeehas’ąąnii át’e’.

I.

Adah jiní t’áá naaki bił has’ą́ diné yá’ádaat’ééhígíí éí yahaashgóó ahikaah dóó diné doo yá’át’ééhii éí chį́įdiitahgóó ahikaah. Díí yooch’ííd éí t’áá naakii bił has’ą́, áko diné Diyin God bibeehas’ąąnii doo yik’eh yigaałgóó éí hool’aagóó ch’į́įtahgóó ba’ahootį́.

Yá’aashdi NihiZhe’é nizhónígo ba’ałchíní ayóó’á’yónį́į́go yánahas’ą́. Diyin Jesus Christ bisodindę́ę́’ nanitin éí t’áá át’é Diyin God ba’ałchíní—tóó ahayóí bąąh hane’—Diyin bił haz’ą́di doogaał² “Shizhé’é bighan góne’ éí t’óó ahayóí nahaz’ą́.”³ Jesus éí kót’áo náneeztą́ą́’. Diyin God t’áá aníinii yee hoł halne’ éí táago ałkéé’ haz’ą́ągo nihił íishją́ą́’ áyiilaa. Ándahwiit’aahdi t’áá aníiltso hait’áo ak’eh dahoniil’į́į́ nítę́ę́’i’gíí éí bik’ehgo, nihá nidahodiyoot’aał dóó nihijéí biyí’dę́ę́’ ííniidzinígíí.⁴ Biląąhji’ éí, t’áá doo nihee’iina łahgo án’éíyaago t’áá nihi bee ti’hódíínih. Doo naaki nilį́į́goo diyin bizaad biyídę́ę́’ yaah dah halne’.⁵ Áádóó, t’áá ákogi át’éii nigha nahodoot’aał hąąjigoshį́į́h hoghaan ayóó át’éii bii’diidaał. Áko, nihił bee hózin Diyin God t’áá aníinii bisąądoo , t’áá ałtso diné binaanish áyiilaahígíí bik’ehgo, ałąą át’áo nahaz’áni’góó éí ahidiikah.⁶

Diyin T’áá bí díí naaki ayóó át’éii Diyin bił haząąhdi doo lahigo yee nihił halne’ dah. Nidi, Diyin binaaltsoos biyidę́ę́’ tsídá alaahdí Hoghaan ayóó át’éii lahígo yaah halne’, “jóhonaa’éí bisádinidiin nahalingo.”⁷

Tsídá aláahdi bił haz’ąądi’ éí⁸ táá ts’ídá ayóó’ahonóolnindi bił haz’ą́.⁹ Ts’ídá alaahdi bił haz’ąądi éí Diyin God dóó biYe’ Jesus Christ nahwiníídlin doo. Diyin God yee hadit’é’ígíí jinizingo éí wéí’iina łahgo anidoodlííł, diyin k’ehji’ bijíígha’ígíí baa áko dinǫ́ǫ́lsiił, háálá Diyin God bina’haga’ dóó bibeehaz’ąąnii yaah hoolne’ hool’áágoo bibeehaz’ąanii bik’ehgo. Jó díí éí Jesus Christ bisodizinjí yeeh nidanitin, áko Diyin God ba’áchíiní hasdá’nahidookah dóó tsídá alaadi Diyin God dóó Jesus Christ yił bighaan doo.

Diyin bighaan ntsaají ǵone’ dah oodląąnii Diyin God yił ághadadest’ą́ ts’ídá ákot’áo téíyá hábíígha. Díí nizhónígo baa dah hwíjiitaał, Diyin God bighan nahasdzáán bikáágí ádeelne’. Ła’ diné doo bił bee dah hózin diyin bighan ntsaa ǵone áha’deet’ą́ dóó bee’ó’ool’į́į́hí éí ákot’áo t’éíyá hool’áágoo iina baa jighaah. T’áá annii át’éíigo t’éíyá bee beehozin táá ałąą át’éii bił haz’ą́. Biniinaa éí Diyin God ba’ałchíní ayóó’á’yó’ní, áko yá’aashdi hooghan ałąa’át’éii yá’áyíí’laah, ákot’áó Eldir Quentin L. Cook yaah hoolne’, tsídá ayóó’á’noolnin.¹⁰

Jesus Christ niha niná’idahígíí binahji’ díí biigha’. “BiZhe’é yaah haniih, dóó bila’ a’yíílaa’ígíí bił bee hózin.”¹¹ Hasdahiildeeh éí ałąą’adaat’é yá’aashdi. Diyin God t’áá anii yaa halne’ éí ya’aashdi “bibeehaz’ąąnii áłąą’ádaat’éiigo alyaah.”¹² Yéígo bąąh haztí’ígíí:

“T’áá háíshį́į́h diyin bibeehaz’aanii doo yik’eh holį́’ígíí éí doo alaahdi celestial hoolyéídi yah ashdoogaał da.

“Áádóó t’áá háíshį́į́h doo terrestrial wolyéhígíí bibeehaz’ąąnii doo yik’eh hołį́į́’ígíí doo terrestrial ǵone yah ádooghaal da.

“Áádóó t’áá háíshį́į́h telestial wolyéhígíí bibeehaz’ąąnii doo yik’eh hołį́’ígíí doo telestial ǵone yah ádooghaal da.”¹³

Diyin God niha nahodoot’aałígíí éí bibeehaz’ąąnii binahat’ą́ bik’ehgo niha nahodoot’aał éí nihiZhé’é Yá’aashdi ayóó’óó’ní bee niha nahasą́. Díí binahat’ą́ bik’ehgo t’óó aháyóí yá’aashdi hooghan ba’ałchíiní yah áyíílaah.

II.

Diyin bisodizindę́ę́’ t’áá’ anii binanitin dóó bibeehaz’ąąnii éí Diyin God binahat’ą́ t’áá át’e’ ba’ałchíiní bił bee hozingo doo.

T’áá nihí ádeinizinígíí éí deiníídlą́. T’áá nihí ádeinizinígíí nahagha’ éí nisodizin yikee naazį́ díí la’í diné bił bee dah hozin. Díí naanish Diyin God binahat’ą́ naasgóó yigaał doo. T’áá altso Diyin ba’ałchíní bik’á’neejah—ázhá diné doo nihił yá’anahjah ndi—t’áá bi bee bódahólnííh.

Łah dah na’ídikid, há’á’tííh biniyeh tsełkee nida’nitinígíí lá’í keyahgóó áhíkaah, ázhá t’áá kǫ́ǫ́ ndi. Ałdo’ na’ídikid há’átíísh biniinaago diné badahójooba’ígíi yéígo bikah anahjah, ázhá doo nihisodizinjí yah anahjah. Háálá Diyin God bits’ąą’doo na’nitin, t’áá ałtso nihik’is dóó nihlah ádaat’é, diyin k’ehjí dóó chiyaan ałdo bee bikah áneejah.

Hol’áágóó Bina’nitin éí ba’ałchíní ba’hojoobá’go át’é. Diyin bits’ąądoo Diyin God binahat’ą́ éí ałchíní bee nánitin át’é. Yéigo baa honęęnígo át’é, diné biká’anijilwo’go. Háálá bibeehaz’ą́ąnii dóó Diyin God binahat’ą́ éí ałchíní tsídá nizhónígo na’nitinígíí bee na’niitin doo áko ałchíní bił dah hózhó doo.

III.

Diyin God bisodizin bee bá’hodilzinígíí éí hooghan haz’anígíí yéígo yee nidahnitin. Doo la’í’ diné bił bee dah hózin éí hooghan haz’aandi belaahgo bina’nitin hólǫǫgo át’é. Hool’áágóó ahił na’anish éí yiníídla’ dóó bee na’niitin. Yéígo nihinaanish éí Diyin ba’ałchíní tsídá ayóó’ahonóolnindi celestial hoolyéídi yah ánidoodaał nizin. T’áá ałtso diné bá ąą’alyaah Christ niha ninanidlá áko t’áá ałtso diné hoolaagóó iiná bich’į́ ąą’át’é, nihimá Eve ani, “Diyin God diné t’áá ałtso ak’édahoł’į́’ígíí tsídá alaahdí hoghaandi Celestial wolyéíídi doogaał.”¹⁴ Díí bilaahdi yisdá’á’niił át’é. President Naat’aani Russell M. Nelson aní, “Yisdá’iildééh éí t’áá wó baa nijilnish łeh; ndi hoolaagóó iłhózho éí iłhaajeehjí bídeet’į́.¹⁴

Diyin God t’áá aníinii yaah halne’ éí hoolaagóó iłhózhodi jinizingo éí tsídá hool’áágo iigehígíí hastiin dóó asdzání oodlą́ąnii Diyin God bił ahadadeest’ą́ą́’go t’éíyá hool’aadi jidooaash.¹⁵ Díí diyin k’ehjí nanitin éí aszání dóó diné yéígo biniyé ahódiil yaah, kwe’é dóó hool’aagóó.¹⁶

Díí diné binanitin biniinąą Diyin God bisodizindę́ę́’ yich’ąąji dahnilį́, doo diné aszáníjigo áwó’dilneeh dah. Doo aszání diné k’ehji’ áwó’dilneeh dah. Iigeh éí Diyin God bits’ą́ą́dóó ályaa áko doo hwił naaki nilíí’ doo.

Diyin God bisodizin bina’nitin éí diné łah yits’ąąjí dahnilį́ Díí nihił bee dah hózin. Bits’áájí éí t’áá ałdo Diyin God binahat’ą́ át’é, dóó Satan bee íiniziiinii éí yéígo Diyin God binahat’á yits’ąąjí yinaalnish.¹⁸ Satan éí t’áá naa’adooldah yits’ąąji’ nilį́ dóó iigeh łahgo at’áó nizin, dóó ałchíní haleehígíí doodah nizin, dóó diné asdzaani ádilį́į́hgo doo dooda yeeh azdzáani hastóí adilį́į́hgo ałdó. Ndi naasdi éí Diyin God binahat’a éí doo łahgo anidoonííł dah, ázhá łah diné deenizin ndi. Nihi nihił has’ą́igíí éí łahgo anaalniił, ndi Diyin God binahat’ą́ éí t’áá háíshį́į́h Diyin God yiłághadeet’ą́’ígíí yik’ehgo yigaalgo éí t’áá at’é akidjidli bee há’oodziihígíí bídoo.¹⁹

Tsídá yéígo nanitin hool’áágoo iina, “tsídá alaahdi nihik’elyahígíí,”¹⁷ éí 1995 yaahdą́ą́’ iłhaajeehjí bee iishjaan niha’alyaah.¹⁸ Jó éí łahgo át’é, doo diishjį́di bibee haz’áanii dóó bee’ó’ooĺį́į́hí nahalin dah. Łah diné doo Diyin God ayóó’óó’ní binahat’á bił bee dah hózin da, dóó iłhaajeeh bee ha’oodzeehígíí éí łahgo andoolnį́į́ł dah nizin. Gaamaalii danilinígíí éí iłhajeeh bee ha’oodzíí’ígíí binanitin bił dah nizhóní, éí binahji’ hool’áágoo iina bik’ehgo ninahídookah.

Jó díí éíyah Jesus Christ bisodizin hanaalyahígíídę́ę́’ dóó bibeehaz’aanii binanitin.

IV.

Dine’ t’áá altso ałąą’ at’éii bił keedahwiitį́. Diyin God bikéé’nísíízį́įnii, dine’ t’áá altso ayóó’íí’níí’ní doo ázhá yiníídla’nígíí doo dah yoodląą’da ndi. T’áá áníít’eh Diyin God ba’ałchíní dah níídlį́. T’áá aniltso, Diyin God nihighan ayóó’ át’éiidi niha nahahoni’ą́ nihee iina ninit’ígo. Diyin bighan ntsaahígíí nahaszáan bikaagi adaalne’, áádí tsídá alaahdi hak’íhojidli dóó alaahdi bibeehaz’áanii dóó alaahdi bił’aha’deet’ą́ áádi adaalne’ díí éí Diyin God niha yinizin. Díí t’áá’ anii át’éii dine’ bee bił wiilne’ doo. Ndi ninąągóó biłkeedahwíítí’ígíí éí ayóó’óó’ní bee t’áábí bee bidaholnįįh. Naaltsoos Mormon Wolyéhígíí biyi’ Diyin yá yáłti’í ła’ ání, “Diyin God ayóí ádeiínóhʼníigo, dóó nihookááʼ dineʼé tʼáá ałtso ayóó ádeiínóhʼníigo, náás deínóhkááh.”²²

Tsidá k’ad hoolzizhígíi nahasdzaan bikaagi Yisdahiiníilii tsídá yéígo nidzin diné t’áá ałtsoba’ Christ bina’haghą́ binahnitin éí ajóó bizii’. Éí binahji’ t’áá’ ałso diné bibee iina’ łahgo adeelé dóó yikégo dah diighaa.²⁰

T’ahnit’ę́ę́’ díí Diyin God binahgha’ bina’nitini baahast’į́’ii nihee iinají baa nidaałnish doo,éí bá sodizin, Jesus Christ bizhi’ binahji’, aamen.