Diyin Yiniidląanigii ei Haaz’éí Nahalin béé Naasgo Náhidiltáałgo Diyin bich’į́go Yidaał

T’ą́ą́chil 2022 Ntsáago Áłah Áleeh

Diyin Yiniidląanigii ei Haaz’éí Nahalin béé Naasgo Náhidiltáałgo Diyin bich’į́go Yidaał

Elder Larry S. Kacher áyiiilaa

Tsosts’idiinji diné Diyin ya nidaalnishji ’átah dasidah.

Doo Diyin yiniidlaago ei illi doo yiit’į́ da. Naana yisda’íiníilíígo ei iilii nich’į́ ’áá’át’ééh doo.

Jesus Christ yiniidlaagi ei haiyit’oa ’ách’į́ nahwinánigii béé ííl’į́į́ doo.? Diyin yiniidlaanigii ei haiyit’oa béé hasht’é hodít’éé dóó bee nihił hozhǫ́.

1977 yihai yę́ę́dą́á’. Béésh bee hané diists’áágo baa hané’ígíí nihi jei yiniiłgai. Carolyn dóó Doug Tebbs ei ałtso niniłtá dóó bighan ’aniid’igii yiinehgo bigheeł chidi yiiyíjjáá. Diné Elder danilį́nigii ei’aká’ííjé́ehgo van yíí heeł’ádá’áleeh. Doug Chidi yinaago naazgałgo, t’áá nidit’į́į́go inda chidi t’ą́ą́go dayíídíibą́ą́s. T’áá doo yíyíítsánigii ei bitsí ałts’íí’igii Jennie chidi yikéédę́ę́ doo yitįį́go sízí. Jennie t’áá’hooch’į́ ’ádin.

K’ad Háánáa hodóoniił? Díí’ahoodzáá’ígíí biniina daats’id saad hodooleeł?, doodago daats’i Carolyn dóó Doug yeigo ’áhitą́ doo, biTáá Ya’ą́ą́di holǫ́nii ya’álíí dóó yeigo yoodlaa dooleeł.

Díí ahoodzaago bee ’ach’į́ nahwiinaago nizaago naholziih, Laana hasin t’áádoo yee yoozná da, dóó Diyin doo yee yoozná da.¹ Díí diné nizhonigo bee iiná ’áyiilaa, Christ ’át’é’ígíí ’át’oa. T’áá’áaniigo Diyin yikee sizį́. Ayóó jooba’. Díí diné ei bił ahoot’ééh’ígíí ei Diyin béé t’áá ałtso nizhoni dooleeł nizin.²

Carolyn dóó Doug bé’áwéé’ ádin’ígíí t’áádi yik’ééh tihooniih ndi Diyin yił’agadadiit’áánigii ei yik’é hoł’i haadishį́į́ nihi áwee’i niha nidoodaał nizin.³

Díí diné bidzilgo hinanigii binaajį́ shidó shidzilgo Diyin yisnishdlaa dooleeł niizin. Doo ei t’áá ałtso yíít’į́į́ da. Diyin éí t’áá ałtso yoo’į́. Diyin Liberty jail ’awaaya’di Joseph Smith iłiní, “Díí t’áá’ałtso at’é’ígíí ei bits’áá .ohool’ááł dóó béé yá’át’ééh dííleeł ni. Diné biyé ei t’áá ’ałtso yilaadi tihoozniih ní. Áko nísh éí bilaadi ’ánít’ié?”⁴

Diyin bikééh yidzį́į́go, ’áádóó nanihinitingo bił yii’aash doo.⁵ Tá ’aniid naasha yę́ę́dą́ą́ Tahitidi Diyin ba nanitini nishłį́į́go ’awéé’ łá bitah honiizgaigo bá sodíízin. Bitsííkaa dadiiniihgo yá’át’ééh nidoodleeh diiniid. Yá’át’ééh nadleeł ńt’ę́ę́’ t’áá hoch’įį́ bitah naahwiinigai. Awéé ba sonadiizingo yá’át’ééh naana sidlįį’. Taadi ’áwéé’i baa sodonaadolzin nihidooniił. Diyin bichį́ sodizingo dii ’áwéé’ át’ééh dooleeł’ígíí ei yee bohoolniih doo diiniid. T’áá doo yeigo hodiiná’į́ ’áwéé’i yá’ááshgo yiTáá yich’į́ ’anaadzaa.

Ákondi Diyin bik’ehgo ’áhodzaa’ígo binaaji nihił ya’ahoot’ééh. Nihi ei awéé’ hinaa dooleeł daniizin, Diyin ei łá’go at’ééhgo ya yinizin. Diyin niha yinizin’ígíí bik’ehonił’į́go binaaji yá’át’ééhgo t’áá doolé’é baa nitsekess ’azhą́ą́ nihi naago ’al’ą́á ’áhooniił ndi.

Doo naanitłahgo Jesus Christ yiniidlaa, ałtsé t’óó hai’át’įnigii éí nihi jéí biihaleeh, binaajį́ ei íína bee bich’į́’ádahazt’į́ bich’į́ nihidził. Diyin yiniidlaanigii binaajį́ nihił ’adahoot’é’ígíí bich’į́ nihidził. Áko nihił beehozingo iina hozh’ó’ niił’į́į́go Diyin bikééh⁶ siidzį́įgo dóó “Christ yéigo [deiniidlą́ągo], dóó tʼáá íiyisíí laanaa [daniidzin].”⁷

Díí át’áo iiná nihá ályaa, ’ách’í naahwiinanigii ei Diyin yiniidlaanigii bee naasgo t’áálá’i nahidiitaałgo Diyin bich’į́go yidaał. Há’át’í jinizinigii dóó ’ájít’́į́nigii bik’ehgo naasgo jogaał.

Diyin yiniidlaa dooleeł niizingo, ei t’óó Diyin koní niizin łeh, Diyin God ’ayoo’ahoninigo doo baa’ahwiilchį́į́ da. Na’íízii ei łada haasht’é yilnééh niizin, ’áyoo’a’oonii t’áágééd. Diyin nihil holǫ́nigii táá doo nihił beehozin da.

Yeigo iniidlaa dooleel niizingo ei t’oo nihił hoolą́ James yee naniiztą́ą́ yę́ę́’ ei t’óó nihił hoolą́. Yéénihiniłnii’ “ájooníiłii t’áágééd hwe’oodlą’ t’áadoo nánídlíní da.”⁸ Łada t’áá nihi’ádáádzihníídlígo ałdo t’áá doolé’é t’áá’ ch’ééh ił’í łeh. T’áá shi nisinigii ’át’oa ashłeeh niizingo ła ya’ą́ą́dę́ę́’ Diyin nihika’adoowoł doo báhasii’ą́ da.

Jesus Christ t’áá’áaniigo yiniidlaago éí łago ’at’oa nitsiikess yileeh. Nihił beehozingo ei Diyin yisda’íiníilii yiniidlaago dóó bik’ehoniil’ígo Diyin nihił holǫ́ǫ́ doo.⁹ ’ak’ehoo’įnigii doo béé’ájínijit’į́nigii ’át’éeh da bee naazt’á.¹⁰ Diyin bibee haz’ą́ą́nii baa’ákoniizin dóó bik’eh hol’íí bee Diyin bá’iį́į́niidlí. Diyin ba’íínidli’ígíí binaajį́ t’áádoolé’é nihił iizhaa ííł’į́. Diyin ei naasgo hoot’i’go, ádíínídį́į́ngo yidaałgo niha yinizin.

Áádóó łá náaná niha yinizin. T’áá yeigo Diyin yinidlaa yiidléégo diyingo ’adaat’é’ígíí nihił beehozih áádóó hait’ééhgo Diyin God bits’áádoo dadiyinii nihi díít’į́, ’álaadi niizinigii naaji ’adeelné. “Há’át’íí nisin?“ áádóó “Há’át’į́sh God yinizin?” T’áá Yisdá’íiníilii ’át’éígi ’át’áo, “shí íinisinígíí éí dooda, nidi ni íinínízinígíí ádoonííł.”¹¹ Diyin God éí bibee naa’anish niidlį́í doo.¹²

Yá’át’ééh iił’į́įnigii ei hool’aahgo íít’í President Russell M. Nelson nanitingo ání, Nitáá Yaa’ą́ą́di holǫ́ǫ́nii éí Diyin binanitin’igii bihool’ááh nihił ni.¹³ T’áá naashooziihgo t’áá doolé’é nihił beehozin. Diyin Joseph Smith ííłní, “Shi nanitin bik’eh honił’į́į́go ei nił honishłǫ́ǫ́ doo hozhǫ́nigii nihił holǫ́ doo.“¹⁴

Háanizáájį́ nihe’odlaa’, haaz’éí nahalingo bee nihi deigo yidaał. Elder Neil L. Andersen hazhó’ó yaa halne’, “Ni’oodlą’ doo t’áá bini’dínósééł da, ni ei bee nóhólnííh.“¹⁵ T’áá yeigo Diyin Yisdaíiníilii yinidlaa dooleeł nizingo éí binaalnish doo.

Haaz’éí bee náásgo deigo yidaałgo, Laman dóó Lemuel ei yaago yi’aash, Nephi deigo yigaał. T’áá baházingo ei Nephi ani ”ákǫ́ǫ́ deeshááł dóó Bóhólníihii ádííniidígíí biʼdeeshłííł,”¹⁶ naana Laman dóó Lemuel azha ’aníídi diyin naal’á’ yíyiłtsą́ą́ ndi ’ání ei ła’go ’at’oa yałt’į́ aní “Haashąʼ yitʼáo éí Bóhólníihii Laban nihílákʼee yidoolóós?”¹⁷

Doo Diyin yiniidlaago ei illi doo yiit’į́ da. Naana yisda’íiníilíígo ei iilii nich’į́ ’áá’át’ééh doo.

Ázhą́ą́ doo yiego iniidlaa da ndi, Diyin bilah ei nich’į́ dadoolí.¹⁸ K’ad diwiishį́į́ naahai yę́ę́dą́ą́ Nigeriadi sodizin ba hooghanji diné bił hadahodzo’ígíí stake wolyé. K’adę́ę́’ ’áajį́’ahooziihgo ’ałah ’áleeh’ígíí naaz díízt’áh Diné łá ei t’óó haajida dishaał niizin doo ei ałtsé ałah aleeh’igii yaa nitsekessgo. Diné ei stake president doo shidoonił nizingo.

Haadishii bioołwołgo chidi bidiizgo ndi t’áá doo ’adzáá da. Díí ’ahoodzaaa’ígíí yinaaji nitsekessgoHá’át’į́sh biniinaa yt’áá doo ’adzaa da, nizin. Akǫ́ǫ́ ninadzaago iidą́ą́ iinizin yę́ę́ ya nitsekess. Ádaań’oską́ą́n ’akeedi ’alah áleehdi niyaa. Stake president silį́į́’i

Elder Neal A. Maxwell nanitingo ani ”T’áá hozhǫ́ Diyin bił jilį́į́go ei táá’aniigo hoł hozhǫ́. T’áá bich’į́go ajił’į́į́go ałdo t’áá bich’į́go holǫ́.”¹⁹

“T’áá biniighágo iił’į́įgo,” Áádóó t’óó ’ákot’é Diyin ei láji yee bohoniih.²⁰ Mc Cormick bighandoo hayit’áo ahił nidaanish. Áhískééhgo naadiin łá’ naahai Mary Kay nizhonigo Sodizin bahooghanjí binaanish’ígíí ił’į́. Ken ei doo sodizin bahooghanji ’atah nilį́ da. Doo ił nilį́į́ da, haala bé’adzan ’ayoo’ayoonigii biniina ei sodizin Bahooghan ałnánaanaki.

Łá damóogo Ken bich’í hadiidzih niizii’í. T’áá’aat’eeh bee bił hodiin e nisi Táá’áko nil hoshnégo bidish ni? Dooda ní.

Há’at’í lá niizin. Diyin shidiináá niizin. K’ad ei ałtso ashlaa didishnił ’igii niizin. Sodizin doo baa nitsekessgo Diyin t’áá bahool’á da.

Aadoo bik’iji ei łágo ’at’oa nitsekess. Diyin bá naash’á’ dóó diyinii bik’ehgo asht’į́doo niizin. Gerald Cardon bił McCormick bighango niitazh.

T’áá yeigo hodiiná, Gerald sin “Shiyisdá’iiníiłii Hiiná” wolye’igii bee hotaał bidishni.²¹ Altsé ei shinił’į́į́, doo hataał. Hozhoni hazlii, Diyin nihił hazlii. Mary Kay dóó biché’é Kristin Diyin yoodlaanigii ei haadziih. ako Diyin t’áá íiyíisii bidzilgo nihił holǫ́. Kristin’s hadziih doo bik’iji Ken binákééshtó naalį́.²²

Diyin God diné yił naalnish. Ájéí doo t’óó yidadiłchi da, ájéí łágo ánideidlé. Naadiin naahai doo Diyin yoodlaago ei Diyin Iisizíinii Holy Ghost łágo ’ayiilaa. Áádoo naadi damóogo bik’íjígo Ken tó bee bidoozį́į́h. Naahaigo Ken dóó Mary kay Diyin bighandi ’ahaa bidiinil ei hoolááhgo ’ahił hinaa dooleeł biniyé.

T’áá iniit’é haayit’oa doo t’áá nihi iinizin bik’éh’áhooniil da, Diyin ei diné łahgo anideilé’éh.

Diyin ya yaltí ei naa’adiljkid né’odlaa bee naasgo Diyin bich’į́go yinaałgo.

Bee’ádaahashniih’igi shitśą́ą́ naajį́ ’aalyaa?²³

Shijei biyidi daatsi Diyin bizaad bá hoosil’ą́.²⁴

Tihooshniih’iígíi daatsi sha diyingo ’adaané?²⁵

Shi íínisinigii daatsi táá’át’é Diyin nihiTáá God biih yileeh?²⁶

Sin ’áyoo’o’o’nii shaa nidínit́’áá wolyé’igii bee hashtaałgo éí daatsi bik’ehgo anisht’ééh doo.²⁷

Hininááji Diyin God daatsi báhoso’ą́ą́ doo?²⁸

K’ad doo Diyin binanitin bik’ehgo hinínaago, Táá shoodi bich’į́go nidoodaah. K’ad naasgo yinaa’ígíí ei naasdi na’ałchiní yik’ehgo ’adą’aat’ééh doo.

Nihee’oodlą’ yéigo nihi jéí biih dahlǫ́ǫ́ doo. Yisdá’iiníiłii bił ahadi’niit’ą́ bik’eh honiil’į́įgo bí’ídííníiltą’ doo. Jesus Christ bízhi’ binahjį’, amen.