K’ad Ąą̨jí Áool’kid.

Naat’áanii Russell M. Nelson Áyiilaa

Jesus Christ Bisodizin Dííjį́įdi Atah Danilínígíí Aláahjį’ Naat’áanii.

K’adéíyá díí oolkiłígíi biyídi nihi bídahwiidiilááł. K’adéíyá díí oolkilígíí biih nihi nihéé’iina łahgo andiilnííł. K’adéíyá díí oolkilígíí biih nihi nihéé’iina łahgo andiilnííł.

Shik’is dóó shilah, díí ntsaa álah álééh éí bee hánííh doo. Nizhónígo sodadoolzin dóó hádahaasdzííh, dóó dilní yeedah hojíít’aał áko nihikidhojiidliih. Diyin yánidaalnishígíí bits’ąądoo ndahíísną́.

Naagóó adahódoonį́į́lígíí bee nihił hoone’ bik’ego naas yiikah doo. Shisodizin éí diyin k’ehjí nich’į́ há’oodziid éí Diyin God ni ádííliiłígíí bee niłhoone’.

Naasgóó doo ééhózin dah. Tł’ǫ́ǫ́di ahoot’éhigíí łah’anaaniił. Naanish ałdo’ doo bee hózin dah. Nitsihodínídéél, átíjíídzaah, ąądahas’ą́, naałnííhii, éí tsííl’ǫ́ nihéé iina łágoát’ííh. Díí nihinąągóó ahooníílígíí éí doo néídló’ dah. Ndi ła’ éí néídl’ǫ́go bíighah, há’t’į́ish shį́į́h níídzinígíí t’áá nihi bee nihóholnį́į́h.

Henry Van Dyke bizaad shił nizhóní béésh nazbaasgi bikaah Wells Collegedi, kin nineezdi hádaaz’áhídi New York. Saad kót’áo dah síjaah:

Shiláyázhí bicha’haas’ó
Naasgóó dóó adą́ą́’dą́ą́’ yit’á ałnéénił:
Bidahdi, oolkił’ígíí ałwosh
Chaháłheeł, dóó bilaadi bidziil:
Bíne’di doo nat’ąą’ ashdzoh da,
Oolkił asdííd, éí doo ní dah:
T’ááła’í ahéé’elkid t’éíya nilah biyidi,—
K’ad éí bi chahas’oh yik’áádi sizį́.

Ooh, adą́ą́dą́ą́’ ahót’ííd yaah bits’ąą’doo ohodiilaał,dóó, ooh, naasgóó bich’į́ haasht’é adídilnííl. Ndi k’ad éíyá ádahíílniił. K’ad éíyá díí oolkiłígíi biyídi nihi bídahwiidiilááł. K’ad éíyá díí oolkilígíí biih nihi nihéé’iina łahgo andiilnííł. K’ad éíyá diné biká’adiilwoł, bich’į́nidahwiiná’ígíí. Mormon biye Moroni ííyiłní, “Tsʼídá yéigo ndaniitin doo; … nahasdzáán bikáa’gi neidáago éí nihinaanish hólǫ́, éí éí yáʼátʼéehii yikʼijįʼ naanishígíí bikʼeh didiidleeł, dóó áko Diyin God bił hazʼą́ądi hádiilyįh.”

Ch’įįdii t’áá akwííjí nihik’íjí naalnish. Tsidá t’áá’ ałkidą́ą́’ t’áá aniinii yits’ąąjí hólǫ́. Ánáádishní díí abiní yaahdą́ą́’ t’áá lé’í yá’át’ééhii baa naalnishgo éí bits’ąądę́ę́’ diyin k’ehjí nidziil doo áko náágóó hasht’éíílaa’ dóó ach’į́ nahwii’ną́ biyí yinaał doo, éí Elder Dieter F. Uchdorf yaa yałtį́.

Diyin bighan ntsaahdi nizhónígo diyin k’ehji’ nił bee hoodoolzííł dóó nihik’ihojidlí’ígíí nizhónígo baa ákón níídzin doo. Naníhooshk’aah t’áá shǫ́ǫ́di nich’į́ nahwiinąągo diyin bighan ntsaa’ígíí éí baa nisínikees doo. Áádi naagháágo éí hool’aagóó nihikidhojildlííh doo.

Nahasdzáán bikáági nihisodizin naasgóó nooseelgo diyin bighan ntsaa’ígíí la’í diné bá ádeelne’ doo. 41 átaa’ bighan t’ahdi bąąh nidahanish dóó ła’ éí haasht’éédaalné. Łahí éí haasht’éíí daalne’. Diné nidaalnishígíí básodizin t’áá haadishį́į́h diyin bighan yaa nidaalnishígíí.

Sodin bik’ehgo k’ad éí aniidi diyin bighan kódí anaadahdoolnį́į́ł: Wellington, New Zealand; Brazzaville, Republic of the Congo; Barcelona, Spain; Birmingham, United Kingdom; Cusco, Peru; Maceió, Brazil; Santos, Brazil; San Luis Potosí, Mexico; Mexico City Benemérito, Mexico; Tampa, Florida; Knoxville, Tennessee; Cleveland, Ohio; Wichita, Kansas; Austin, Texas; Missoula, Montana; Montpelier, Idaho; and Modesto, California.

Díídi tseebííts’aadah ánii Diyin bighan nii’nil’ígíí t’óó ahayói dine’é dahináígíí dóó daneezná’iǵíí be’íina’ bee yik’ídahózhdoodlíił. Shik’is dóó Shiláh, ayóó ánhiinishní. Bóhólníihii nihee hósin dóó ayóó ánho’ní. Bí nihi Yisdá’iiníiłii nihik’é Niná’idláii nilį́. Bí yiláajį’ sizí dóó Bísodizin bá Hooghan bik’éhgo náás yilwół. Tah nit’ééh Diyin ánihididoolniił, “shidine’é danohłį́įgo nihiDiyin God nishłį́į doo.”⁴

Díí shił t’áá’aaníí, Jesus Christ bízhi’ binahjį’, aamen.