Nda’ałkid: “Nihi Lą́ą Sáanii Danohłį́į́go Nihiiłtsą́ T’ahbitséedi”
President Spencer W. Kimball 1979 yę́ędą́ą́’ azee’ál’íídi sidáago bichooní ííłní, Camilla, sáanii álahsilį́į́go’ bee hadiisdzihígíí bich’į’ yidíiłta.
Sister Camilla Kimball: “Díí jį́į́di adahwiisáágóó Sodizinjí idahidiikaahígíí t’ahbiláhádi áanį́į́łąądoo háálá sáanii łą’́í ayóo t’áá ákogí ádaat’éhígíí biniinaa (éí ayóo Diyin iisizíinii daboosį́įh) łą’ída Sodizinjí ididiishááł dadinóozį́į́ł. Díí bik’eh áhodoonííłgo éí sáanii Sodizinjí at’ah danlínígíí Diyin God yik’eh dahináágo dóó yá’á’t’éehgo iiná ádéełį́į́go bee beedahodilzin dóó t’ahiisjaní łahgo ádaat’é—bíłdahózhǫ́ǫ—nihookáá’ sáanii ádaat’éhígi’ át’éego éí dooda.”1
President Russell M. Nelson ání: “Shilah ayói’ánihóshni, nihoolzhíízh bich’į́’ yoołkááłgo ayóó’átéego nihíká’anájah, President Kimball ałkidą́ą́ biní biyi’ji’ yiyiiłts’ą́nę́ę́ éí díishjį́ baahoolzhiizh. Nihí lą́ą sáanii danohłį́į́go nihiiłtsą́ t’ahbitséedi! Nihi ts’íís dadíínósin, adindíín, ayóí’ó’ó’ní, ééhózin, hada’íínółní, dahonósą, da’íínodlą’, dóó diyin k’ehgo dahinoná kódanot’éego sáanii yá’ádaat’ééhíí adahwiisaadee, bá’áłchíní yił, Sodizinjí łą’ída ididooka!
“Nihi … nihe’ádziil bídindanígłį́, bee idooyahágíí, nihe’oodlą’, olta’ béédahonosinígíí, naat’áanii ídlį́į bíínohghahígíí, nihił éédahózinígíí, dóó nihizhí. Diyin God bee bóhólnígo haz’ą́ągí sáanii doo ádin da dóó doo t’áá bídinda éí Diyin God yił’áha’da’deest’ą́ągo déidóhsinígíí áádóó yee dahiná, sáanii Diyin God bi’ádziil dóó ayóó’át’éii yee yahdaałti’ígíí! …
“… Ha’át’í ninaanish dooleełgo bee hak’ihodiinííhígíí, haashį́į́ yit’éehgo niłhaz’ą́, nił’heet’éego ha’íinísidígíí bikah hada’ííłkid, niłbééhózinígíí, dóó diyingo nihiłííshjaní elyaaígíí. Yáhdaałt’í’ danihidiiní dóó hadahodzih wardgóó dóó stake áłah nída’ádlééhgóó. T’áá ła’í sozinígo sáanii nihich’ooní dahólónígíí yádaałti’ ahíłká aná’álwo’go dóó ahiłnołíígo nihich’ooní bił danihighangóó nidaho’á. Nihich’ooní hólǫ́go doodaii’ t’áá sáhí naaghágo, nihí sáanii łahgo át’éego bínóołdził dóó Diyin God ééhozin yee nikijisdłį́į́. Nihí alah daniidlíníí nihe aná’áwó’ na’íílnánii t’áádóó biiłt’éhígíí bee’íílneehgo doo niha bííghahda.
“Nihił bééhózingo eí sáanii ábi’dilyáii ts’ída t’áa’áłtsoní bee baa ahóyą́ągo ályaa! Nihe’ádziil bídin dániidłį́! …
“… ahéhee’ nihidíshní, shilah ayói’ánihóshni, dóó nihik’íjisdłí éí baadinoosełígíí bínooł’ą́ dooléeł, biniiye anhi’diilyáii t’áá’át’é ładoołííł, da’ahííniitą’go diyingo na’anish ła’dadíílníił. Ałhił deiníílnííshgo Diyn Bóhólnííhii Naakidi aleeh nihokáá’jí’ nídoodáálgo biba’ hasht’e’ádadiilnééh.”2