Adziil bee Diyin Bikéé’ Asdzį́ Dííjį́įdi

Elder Jörg Klebingat áyiilaa

Tsosts’idiin Dahikahígíí ła’

Ádaadajiinódlí, t’óó bik’édí adłí éí dooda, danihidziil, t’áádoo dasooti’í, da’iinodlą́, náhádzid t’áágeed Bóhólníhii bee adinídíín dahdeenółeeł dii jį́di.

Ádá ntsahakees ílíinii Diyin God Ba’achiní tááłá’́í nízínígo yee yikidjisdłí’.¹ “T’áá nihíí’ nihóhóólníígo hiniiná dóó hool’áágóó iiná diníídzįįł, diné t’áá ałtso yá Ata’sizíinii ayóó Át’éii binahjį’, éí doodago ąąh aztį́ dóó anoonééł daats’í dinį́į́dzįįł, ch’į́įdii be’iiníziin yee hółtso’ígíí dóó bibee adziilii bik’ehgo.”² Diyin God doo yínhiniłka da yá’át’éehgo ídiilnííłgo, dóó ch’į́į́dii doo yínhiniłka da doo yá’áshxóogoo ídiilnííłgo.³ Ndi ła’ shį́į́ ła ádeenízin Diyin God dóó bitsąąji nilíinii yił iiná yaa ałheehit’ash, Éí ání “dóó Ch’į́įdii nizee’ bidoonį́į́d dóó chíbidi’niilchą’. … Éí [nihi] adziil nibohont’aah, Diyin God bihígíí éí dooda.”⁴

Nihin nahat’a bee iiná iilyaa’agíí bek’ehgo ni’diilyaa dooleeł nihóólzhiizhdi.⁵ Áko nihints’ahakees, bíchą́ déinehlninígíí, nihizaad, dóó bineełnishígíí ahinééłt’a’go heet’ao nihiYisdá’iinį́į́łíí ayóí íínį́į́nį́į́nii, dóó Bandaal’aí yikidiiłnį́į’ígíí, dóó Bisodizin ninalyahígíí ahidadéét’i’? Da’ t’ó bee nihidoolzį́’, Diyin God bi’adziil, dóó Diyin God bighan biih Bił ałhadiit’aahísh adahwiisaagoo ahanííh doodaii’ beesh nitsekees biyi’dę́ę́’ “ahanííh” bilááhdi baa ahééh niidzin? Dii iiná biyi’ Diyin God dóó bibee haz’áanii ayóí íínííninígíísh t’ah ha’at’iishíí doodaii t’áá heida’ish nabilaahdii bidziilgo ayóí iinííní?

Ch’į́įdii dóó bikéé’ nazíínii Christ dóó yádahalne’ii bindaanish nidayiiłchxǫǫhgo yika áda’t’į́ t’ááłáhági át’éego. Yisdá’iinííłíí bibee haz’áanii, t’ahdoo t’áá’at’é yánáh’ádáhodit’į́da, doo ilį́iį́da danizin łą’ída adahwiisaagoo dijį́į́di. Diyin God yá’dahaalne’ii t’áá aníínii yee ndanitingo “ach’į́’nahwii’ná” ádaat’é haníigo t’óó be’ílnííh. T’áábí ndi kwiideełnį́į́n ńt’éé’ “hast’į dibidí, dóó t’ó diłhił yidláanii,”⁶ ahééda’iiłda’goo háhwincha’ dóó saad hóníłǫ́ danį́į́go yikídaha’aah ńt’éé’. Ch’ééh ádaat’íínii dóó binda’adlo’ii “bindahaz’ą hat’ao bina’nitin bee tsísłtl’adeeniłcheehł,“⁷ dóó “da’boodlání“ ałtsé bidiikai yéé “t’áá ałtsogóó … bits’ą́ą́ji’ hada’iisdzíí’.”⁸

Yisdá’iiníiłii dóó áłtsé Bidiikai yéé dóó binaadéé t’áá ayisíí ałch’į́’ badahachį’, dóó nihido’ nihił t’áá ákwóhóót’é. Díjį́dí t’áá nantł’a t’áá nihizaaka nihi’oodłą bik’eh hinį́į́naago łahda hadanihisííd dóó nihich’į’ dahdadíilnį́į́go diné nihadaadlo. Ádaa hojódłíígo Yisda’iinį́į́łíí bik’ée’ jogaałgo baa hózhó, ndi łahda nį́į́tla’ kódanihidinį́į́go “da’osą́, da’oodłą́, dóó nihił dahózhó”⁹ daaníigo ntsídaakees, Christ woodlą, Diyin God bik’ehołį́, dóó ádana’ookąą bitséskéhgone’ t’į́hdigo ni’iilziihgo t’áá áko haala Bí ayóí ánihó’ni’ danízin.

“T’áá “[Bi] bizhí bee doodáí [Ba] nidaała’ii dabizhí bee,”¹⁰ da’ Yisdá’iiníiłiísh nihí yoołkáaldi yahadzííh éí “bahodoolzhish nanitin yá’át’ééhii doo yídanłdzíłda dooleeł; ndi t’áábí ndabidínót’į́į́łígii yídindaniłį́į́go áłah ádeedoolííł,” dóó lą’ída “t’áá aníinii yits’ąąji bijaa’ dahdadikad, dóó t’óó bík’ijigóó hane’ nídadoodleeł”?¹¹ Da’ t’áá Bíish yik’édí silį́į́’ éí “ch’ééh dashoodłą dííniid, diné bibeehaz’áanii dabi’oodłąągo yee nida’nitin”?¹² Da’ Bíish t’ábitseedi adinį́į́d éí “t’áá nihí ła’ doo yá’áshǫ́ǫgo hadadoodzí, Diyin yikéé’naazį́įnii dahdeedina’ dadidoonį́į́ł”?¹³ Da’ diné ła’ “Doo yá’át’éehii éí yá’át’éehii át’é áádóó yá’át’éehii éí doo yá’át’éehii át’é” níigo,¹⁴ dóó “diné t’áá hó ha’áłchíní ła’ hwe’ana’í danilį́į doo”¹⁵ t’áá Bí nihidííniid?

Áko nihí’shą’? Nihił Yéé’ hołǫ́doo daats’í doodaii nideełdzidoo ? Bee adiist’įį bii’doo níjiłkááh nahalingoo’ish nihi oodlą’ choi’deeł’įįh? Jó nda shį́į́! Christ deinódlą́ągo, t’áádóó béédaałdzidí diné nihá adayiiłt’eehgo doodaii bádahach’į́’go t’áádoo béédaałdzidí.¹⁶ Yistsa’iinį́į́łii oło’łgo dóó Diyin ya’yádaałt’i’ii da’í’éésh dóó danihíí’ééshgo,“ hééshdo’ nihits’́ą́ą́jí niłį́į́ dooleeł?”¹⁷ Hada’íínį́į́łní dooleeł, t’óó bik’édí idłí éí dooda, danhidziil, t’áádoo dasooti’í, da’iinodlą́, náhádzid t’áágééd Diyin Bóhólníhii bee adinídíín dahdeeyinį́į́łyeeł dii jį́di.¹⁸

Yisdá’iinį́į́łíí t’áá beehózinígo kodíínįįd éí “t’áá háiida diné bidááhdoo bééhahsin shidííniidgo, shí ałdó’ Diyin shiZhé’é bidááhdoo hwééhasin hodideeshniił. … Nidi t’áá háiida diné bidááhdoo doo shééhoosinda dííniidgoo, shí ałdó’ Diyin shiZhé’é bidááhdę́ę́’ doo hwééhasin da hodideeshniił.”¹⁹

Ákohgo, nidi ła’ Diyin God bibeehazáánii ádinígii bił yá’ádaat’ééh, t’áá nihizahka bee hadadiidzi’ Elder D. Todd Christofferson éí “Diyin God yeehasą’ ádingo éí Diyin God doo hinanígíí binałte’.”²⁰

Ła’ éí ádeenizin beehazáánii biłdanlinígį́í yike’hdahołį́, nihi éí nihił dahózhó Yisdá’iiníiłii ánihidíínįįd t’áá ałtso saad Diyin God bizeedę́ę́ bee hahosołts’į́į́higii.”21

T’oo’ahojíyóí Diyin Bóhólníihii dajoodlą́ dóó BiSodizin kóhat’į́ doo yeehasąąda éí “t’ááha’átishį́ [nihi] jéí yinízinígí”²² t’áá nihizááká ádidíínįįł díí ́bąąhági át’é “dahooldah bikéé’góó bąąhági’ ádadíi nįįłda,”²³ háálá “t’oo’ahojíyóí t’áá ha’átííshį́į́ Diyin God doo ya’áshoní yiłninigii doo yá’át’ééhii ádazhdoolíiłda.”²⁴

“Shoh béédaałniih, béédaałniih … bike’ashchii’ [nidi hwee’iiłnííh] Diyin God Bibeehaz’áanii ákódaat’éh.”²⁵ Łahda hazhó’ó yikididotį́į́ł biniyé nazhnitingo alaah ázhdooł’á dahhałnįį. Áko Diyin God ba’áłchiní ła’ nanitin doo yiniisdinígíí yiyííłtsodgo ayóí iinį́į́niidooleeł doo éí t’óó ihónéedzą́ą da nidi ts’ídá t’áá ákónéehee át’é.

T’áá haishį́į́ baa jiinį́į́ba’ dóó nihił niłį́dooleeł bí’oodlą’ doo nihił’aanį́į́da ndi doodaii Diyin Bóhólníihii doo yik’ehgo dahináada ndi. Hat’íí t’áá aníinii nááháshdoołnída doo aha’deet’aah doo iłídłį́į́ dóó éého’dílzin bá haz’ąągi.

Zion dóó Babylon doo ahidinį́į́łnaada. “Diné binant’a’í naaki yik’eh hół’į́į́go doo bohónéedzą́ą da.”²⁶ T’áá anį́į́t’é béédéélniih dooleeł Yisdá’íiníiłii na’iiłnaago na’ídíłkid,“Ha’át’íishą’ biniyé, Bóhólníihii, Bóhólníihii, dashidohní, nidi ádíshnínígíí doo bida’oł’į́į da?”²⁷

Nihi jeí bee, t’áá nihí íniidzingo Diyin Bohólníihii bik’eh honįįłį́į́ dooleeł éí bee ayóí ínííninígíí bee bééhozin.

Diyin Bohólníihii bikéé’ yináałgo dóó nibikaahgóó ahooniił bita’gi dah nahidiidahgo, t’áá shǫǫdí bééniłniih Yisda’iiníiłii ayóí anó’níinii “hágo [niłní], háálá bibee ajoobaʼ éí yee [nichʼįʼ] dah dilnííh, dóó ání: [Neʼiinaʼ] łahgo [ánánídlééh], dóó shił [honílǫ́].”²⁸

President Nelson na’neeztą́’ “Jesus Christ, k’ad dóó Nináánídzáádi ts’ídá ałáahdi át’áo bina’anishígíí íídoolííł.”²⁹ Nidi ałdó’ na’neezt’ą́ éí “ t’áá heishį́į́ Diyin Bohólníihii yikéé’ naazíinii atídal’į́įgo t’áá yídaníłdzil doo.”³⁰ Kot’éego “Jesus bízhi’ biniinaa doo ił ídlį́ bik’ee ti’dahodzooznii’ígi bą́ą́h da’jílį́įgo hąąh tsíhodidookos”³¹ ła’da shį́į́ t’áá éí deeyá bee t’áá “Bizhí’ t’éiyá yéígo bíká’ániit’į́įgo.”³²

“Éí bik’idahojidlí,”dííniid Yisdá’iiníiłii “t’áá háiida doo bił naaki danilį́į́góó shaa nitsídaakeesígíí.”³³ Náánáładii bóhwiiłąą’ “Nibee haz’áanii ayóó’ádayó’níinii éí t’áá íiyisí hasht’edadít’é, áko t’ááłá’í nidi doo azadabidínóo’ahí da.”³⁴ T’ááłá’í ndi! Áko t’áá nihí na’ádį́į́lkid, “da’ t’óó kónígháníjį’ shee hodina’, áko saadígíí biniinaa shich’į’ nahwii’náago, doodaii’ atíshi’dil’į́įgo, shaa ní’diildahgo t’áá áko bits’ánáshwo’ígíí ánísht’į́?³⁵ Da’ t’áá íiyisíísh sidziilgo tsé bikáá’ sézį́, éí Jesus Christ dóó Bá nidaala’í?”

Diné ła’ ádaaní, t’áá aaníinii ał’ąą dine’é bá ał’ąą ádaat’é. Áhdeełninígíí éí bąąhági át’éii ádin,³⁶ éí “diné áát’įįdígíí doo ádąąh dahast’ą́ą da,”³⁷ díí át’éégo ntsáhákees éí chį́į́dii yee’ádihosní! Áko ma’iitsoh dibé ndahalingo hadadít’éhígíí t’áá baa ákoniidzin, éí áłahjį’ ahíayiihéésh dóó “yaa ntsidaakeesígíí yee neení’aahgo nidaiisiihigiį yaneenił’in.”³⁸

T’áá íiyisíí yéigo Christ yikéé’ sizį́į́nii dadiidléełgo, baahonít’i’ bik’ídííkahgo át’é. Doodaii’, chį́į́dii łahjégo adahoozt’í’ yó’oołkąąh. Nidi ak’ee naazíínii da’oodlánígíí,“doo nihe’oodlą’ dóó t’óó bik’édí diidłeeł da doodaii’ doo t’ą́ą́’hadiikah da t’áá’aníinii nihił béédahózinígíí bits’ą́ąjį’.”³⁹

Bee ałchį́ ánalneeh, dii ashdla’áadah Diyin God yandaala’í shine’dee nahazt’ą baa hasdziih. Nihookáá’ dine’é “áhodoonííł bił béédahózinii ádeiłní, T’áadoo ił áhát’į́ hádadóh’į́’í, áádóó áhodooníiłii yaa dahalne’ii ádeiłní, T’áá ákogi át’éii t’áadoo bee nihił dahołne’é,”⁴⁰ da’oodláanii éí “bik’ihoshdoodłiił hodahdę́ę́’, aoo’, dóó beehazáanii dóó t’áá díkwíída, dóó náás áhodoonííł baa dahwiishzhiizhgo.”⁴¹

Doo t’óó bił ’ahóóyóída, éí hast’óí t’áá’aghą iníya’ii’ahi nidadłee Diyin God bizzad doo yabiłda hozhonígíí badahałe’íí yahadasdzíí ę́ę́ bik’ehgo. Doo ya’ádahalchįįda éí “Diyin God bizaad biyi’dóó nee’ni’jį’ ádahodooníiłii bee ak’eda’ashchínígíí doo diné ła’ t’áá bí bíniik’ehgo yik’i’diitáanii át’ée da” doodaii’ diné iiniziníígii bik’ehgo da, “nidi diné bił dahodiyinii éí Níłch’i Diyinii yádabiiłti’go Diyin God yá [halne’].”⁴²

Peter nahalingo, Diyin God díí be hastóí éí “nihiBóhólníihii bá [dahalne’ígíí doo] baa yá [danízin]” dóó Bí “biniinaa awáalyaaí” danilį́⁴³ kwít’áó baa ntsáhákeesgo éí yee nidanitinígíí doo daabí da ndi bił aadigígíí Bí. Peter nahalingo, díí hastóí “t’éiyá [deinééł’į́į’ii] áádóó deidiizts’ą́ą’ii doo baa hodiilnihgóó ts’ídá doo bohónéedzą́ą.”⁴⁴ T’áá’aniigo she’oodłą bee hasdziih Aląąji’ bidahoolníhígíí dóó Nakidsada danilinígíí yá’á’daat’éeh dóó hastóí t’áá’aníí Diyin God ayóíadayóní dóó Ba’ałchíní dóó Bí’ayóí ábó’ní. Bizaad shíí dadidiitsį́į́ł Diyin Bóhólníihii t’áá bi bizeedeegi at’éego, “hoodezyéél dóó oodlą’ bee. Áko kodeet’į́į́go chį́į́diit’a bidadit’íh doo ak’ehdidoodleełda; … dóó Diyin Bóhóníihii chahalyeeł bi’ádziil taoodooł nił atsijį’.”⁴⁵

“Agaan doo diiyįįdii doo naanish náás bił hooghaał yidinoołtlą da”;⁴⁶ ayóo át’éégo náás yit’ih dooleeł nihił doodaii’ t’áánidin doodaii’ shída, áko “díí jį́ háidíígíí bá nidaał’a’ dooleełígíí nidadinoh’aah.”⁴⁷ Ninda’ ólleeh doodaii’ niyaandahałhiz kin tsoh ayóó át’e doo yá’ashǫǫgoo bits’ąądee haho’sįįlts’į́į’hígíí bee. Doodabiichįįdgo hahóóltsx’aazígíí doo ídanįįl’ąąda éí ahodííłzéé’ na’ííłnaaníí, ajéí tíhooznííh dóó Diyin God yikee sizííníí.

T’áá’aniigo she’oodłą bee Christ hiná dishní, nihisdá’iiníiłii nilį́ dóó nihik’eh niná’ídlá, dóó Bisodizin yiląąji’ sézį, aląąji’ bidahoolnįįhígíí dóó Nakidts’aahda naiilinígíí, ́ako doo “na’nitin ałtah áát’eełii t’áadoo bee nídahííníilghaałí.”⁴⁸

President Nelson na’neezt’ąą, “Jesus Christ t’áá aaníí yikee’ naakaiígíí éí doo nídaaldzidgóó Diyin yaa yádaałti’, áko łahgo ádaat’é. Doo nídaaldzid da, dohodisin, dóó doo nidahinilyees da.”⁴⁹

Shik’is dóó shilá, nizhónígo yoołkááłgo honį́į́dząą! Jesus Christ bízhi’ baa hast’i’ binahjį́ ’ádishní, áamen.