Nahat’á’sh doo choo’į́įda?

By Elder Adrián Ochoa

Tsosts’idiin dóó

T’áá anii iłhózhó binahat’á choo’íinii át’é. Ya’ąąshdee niZé’hé Diyin áyiilaa, éí ayóí áno’ní.

T’áá ánii hastiin t’áá ániid naagháa le’ bił ahił hwiishne’ éí nanitingo dikwííshíí naahai dóó k’ad éí yaahííłtahagíí yinaalnish. łahgo éí, bi’iiná yá’át’ééh. Akondi bi’oodlą’ do bidziilda yileeł. To’ nit’eeł yihitliish nahlin Yisdá’íiníiłii biSodizin doo yo dłą́ą́go. Diyin bina’nitin ninályáhígíí bits’ą́ą́dóó doo shik’i hojídlį́į da níigo yee shił holne’. Íł hózhǫ́ doo be’iina’ bii’ hólǫ́ǫ da.

Ła shį́į́ t’áá ákódeinohsin éí dííjį́ bee nihich’į’ hadeesdzih nisin. Díí sin bee dahoohtaał yę́ę́ ánihidishní’ “Yisdá’íiníiłii bee ayóó’óni’ yee naanihisniih baa hashtaał” ndi k’ad doo “ákwiinosinda”.¹

NihiZhe’é Diyin hool’áágóó ił hózhóonii ts’ídá yá’át’ééhgo nihá hasht’e’yiilaa. Ákondi iina’ kót’éedoo laanaa niidzin yę́ę doo ákót’įįhgo NihiZhe’é Diyin binahat’á doo nihá bik’eh haleehda nahałin leh.

Ła shį́ Jesus yikéé’ naazį́įnii gí’átáó ákódeiniizį́į́’ bitsinaa’eeł biyí “tónteel biih, tó náádiidáh dahnabiiłhango: haala t’óó báhádzidgo níyolgo.”²

Áádóó, k’adą́ą́’ ha’a’aahgo:

“Jesus bich’į’ níyá, tónteel yikáágoo yighaałgo.

“Dóó Bikéé’ naazíinii tónteel yikáá’ yigááłgo dabiiłtsą́ągo yik’ee bił dahóóyéé’, … dóó ndaasdzíídgo yich’į’ hadadeeshghaazh.

“Nidi t’áá áko Jesus áhałní, Nihił dahózhǫ́; shí ásht’į́; t’áadoo nídaałdzidí.

“Áádóó Peter yich’į’ haadzíí, Diyin Bóhólníihii, ní ánít’įįgo, hágó shanínááh shidiní tó bikáá’goo.

“Áádóó Hágo, hodííniid. Áádóó tsinaa’eeł biihdę́ę́’ Peter hadahyá, tółkáá’ joogááł, Jesus bich’į’.

“Áko t’áá íiyisíí níyol, nijisdzííd; dóó tó biih goyah jidiizhtłishgo, hazhdoolghaazh, … Diyin Bóhólníihii, yisdáshíłteeh.

“Áádóó t’áá hosch’į’ Jesus bich’į’ dahdiilnii’, dóó bisił, dóó ábiłní, ni’oodlą́ doo bidziilda’, ha’át’éegoshą’ doo íínídłąąda?”³

Táágo haz’ą́ Peter bits’ą́ą́doo baa ákonįizį́’ éí nihiłch’ínish’aah? Díí bee nahaz’ą́anígíí nihiká’adoolwołgo nihá baa sodiszin t’áá háíshį́į́ ił hózhǫ́ bihoot’aał doo shił hólǫ́ǫ da nohsinígíí.

Áłtséhígíí, éí Jesus Christ joodlą́ą́go ájoniił dooleeł.

Peter be’oodlą́ dooládo’ da. Jesus “hóshdę́ę́’,” bidííniidgo tsinaa’eeł-níyol dahneiyiłghanyę́ę yits’ą́ą́jį’ dahdiiyá. Jesus Christ woshdę́ę́’ díí ánilee bidííniidgo t’áá ídąa biłbeehozin’, la’ yidoolííłgo.⁴ Peter éí Yisdá’íiníiłii alááhdi yaadzolí bitsinaa’eeł yilaahdi. Ákó éí be’oodlą yee bidziilgo ánį́į́ł bich’į́ hodiinááhgo, hóyéé’ biłnáhoot’aahgo.

Peter bi’oodlą Elder José L. Alonso ła áhoot’íídgo yaahadzí’ ę́ę béébináshniih. Elder Alonso aní biye’ bizéé’ hazlį́į́hgo, bich’ooní dóó ba’áłchíní t’áá sáhí daazlį́’, Elder Alonso áłchíní yahdaałti’go yidiizts’ą́ą́’.

“Hash dadíinííł?” dadííniid.

Atsi’ náhást’éí binááhai’ígíí ádííniid, “Nihizhe’é yá’á’t’ééh. Jesus Christ bisodizin bina’nitin yee na’nitin .”

Peter nahalingo, díí at’ééyázhí bich’į’ nahwii’nánígíí doo yaa ntsékeeda áko Jesus Christ ya’oolí dóó Bá Tihooznii’ígíí. Yisdá’́iiníiłii joodlą́ągo hoł hodeezyéél dóó hadziilgo náás naahjoodaał dooleeł.

Nát’ą́ą́’ nihe’iina’ noołį́į́go, t’óó ahayóídi nihe’oodlą’ baada’íísolígo bee áda’oołaa’ nisin. Hwe’oodlą’ binajį́ Sodizin bizhdiighááh. NihiZhe’é Diyin bich’į’ sodííłzingo nihe’oodlą’ hólǫ́ǫ ádiiní. Diyin bizaad hwe’oodlą’ binahjį’ jółt’a’ dooleeł. Ntsaago áłah na’ádleehdéé’ yasht’í’go nihe’oodlą’ dahólǫ́o dashísołts’a’. As President Russell M. Nelson ání, “Nihe’oodlą’ t’áá’íídą́ą́’ daholǫ́ǫgo t’áádoo bi’oh ádaahłe’í.”⁵

Łahgo bíhwiidoo’áłígíí biki’diit’ą́ Peter bits’ą́ą́dóó éí díí:

Nihich’į’ nahwii’náago, t’áá hooshch’į’ Jesus Christ bich’į’ ndíínaał.

Yisdá’íiníiłii yich’į’ dahdiiyahgo, Peter níyól yinásdzííd dóó táłtł’ááhyitłíísh. Peter ákódoonį́į́łgo yaa’ákoniizį́’, ndi doo ch’ééh tó yii’ di’tałda doodaii’ tsinaa’eeł doo yich’į’ dah’adiiłkǫ́ǫ́da. Christ yoodlanígíí t’áadoo yiidííchida, ákondí t’ah yówehda yíyiiłtsóód, hadoolghaazhgo ádííniid, “Diyin Bóhólníihii, yisdáshiłteeh.”

“Jesus t’áá hooshch’į’ bich’į’ dahdiilnii’, dóó habííłtį́”⁶

T’áá ánííltso níyol bidziil nihich’į’ hodiiłnááh dóó tó bihiitłish. Kóhoot’įįhgo, béénílniih t’ááshǫǫdí NihiZhe’é Diyin bi ił hózhǫ́ bee hoot’ááł łahgo náábízhi’—niná’ílyáh bee hoot’ááł. Éí hoot’ááł doo t’óó nihe’iina’ bee naalk’įh biniyéda, ts’idí doo chą́ą́h dadidiigohgoda, doo t’áłtł’ááh ńdeitłlishgoda, doo t’áá áłahjį’ deidlooh dooleełgo áyaadda. NihiZhe’é Diyin nihániná’ályé laanaa nidzin doogo bił bééhózin. Niná’ílyé bi hoot’ááł nihá bik’eh áhoolyaa.⁷ Díí biniinaa Niná’nídláii ayííł’aad. T’áá ha’át’áo—tihwii’níihgo—éí hoot’áłígíí doo nihidéíł’níi da díníidzįįh łágo. Ákóhoot’įįhgo éí hoot’áłígíí t’áá íiyisíí nihá át’ée doo.

Ákót’áo baa hoolzhizhgo, Peter ádzaa’ígíí bénáłniih. Yisdá’iinííłii bich’į’ ndíínááł.

“Jó k’ad beeniłkąh dóó yisdádooháałjį’. … Tʼáadoo iiná ałtso ádaałeʼ bijį́įdi índa niheʼiinaʼ łahgo ádaoohłeʼé.”⁸

ádana’ookąą bee naahjį’ dahnáázhdiidah. President Nelson na’neezt’ą́ą́’:

Doo ła’ kot’áo bee haa’áyį́į da, agháo yá aniit’ééh, doodáo atsísgo níidzingo bee t’ááłá’í níidzinígo niilzéłii biláaho, t’áá yoołkááł bąąhí ndit’áá bíndeilnish.

Nihi bee aha’deet’ą́ be’átiin bikáá’ yéego bee yiikáhgo, bee aha’deet’ą́ be’átiin bitádiigáz doodáo adéiiyáz, doodáo siizíi doo bee aha’deet’ą́ k’ad yiit’į́į da, t’áá shǫǫ bąąhí nidinóh’ááh. T’áá yoołkááł bąąhí nihidóh’áahgo nihitse’ wóhleeł—t’áá yoołkááł hazhó’í í’iilnííł dóó ániit’é.⁹

Christ bikee’ oodaał éí doo t’óó baańtsíjíkeesda doodaii’ t’óó baa yájíłti’da doodaii’ doo t’óó ayóí ájo’nída. Bikee jogaałgo áha’ní. Nanhint’inígíí bik’ehgo hiníínáágo áhá’ní. Dóó t’áá’áníit’é, ádaanda’díiką́ą́ł, haneetehee.

Shitsi’ ła’ nida’ntiní ídahoołaahgi’ naalnish ńt’ę́ę́’. Nida’nitiní t’áá bit’éehya biłhóołne’ lá éí naałtsoos Mormom Woolyehígíí daatsí t’áá aníínii át’éii at’é níigo. Yaa sodolzin dóó niłch’í iisizííníí biłííjání íidolííłgo yíká sodolzin, ndi doo bich’į́’ naháne’da.

Shitsi’ díí na’nitiní hałeet’áo bik’a’ adeeshwoł nízingo sodolzin. Biní bii’ hoole’ éí Diyin God bizaad doo t’oo deenįįłt’a’ t’éiyá biniiyá’da dóó bee da’ídíídlą́ą́ł; éí binahjį́’ Diyin God bibee hazaanii bik’e’ dahonį́į́ł’į́ dooleełgo niheełya. Shitsi’ díí ntsáhakees na’nitiní yee yich’́í hadzí.

Ádóó bik’iji’, éí na’nitiní nááyiiłtsą́, bił náhóózhǫ́od lé’. Indida Naaltsoos Mormon Woolyehígíí t’áá aaníí át’éii át’é shíłbééhoozin hodííniid. Biłbééhózin díí biłííshją áłyaago haala yéégo yíká át’į́ííd na’nitin Naaltsoos Mormon Woołyehígíí biyi’dę́ę́’.

Peter ádzaa’gi’ át’áo Yisdá’íiníiłii bich’į́’ dahdidíikah nihich’į́’ndahwíínáágo. Jesus Christ bikee yinaał t’áadoo neehódzą’ dóó ne’adziił ba’íínílíhí. T’áá Bídin chééh dah’adiiłkǫ́ǫ́go nizaagóó ahoolzhiizh, Bich’į́’ dahdííłnį́į́h doo nits’ąą’ é’doolkiił da. Éí nahat’a nihíka anałwo’!

Táá’agíí éí Peter át’įįdígíí bits’ąądoo bóhółą́’ágíí éí:

Diyin God bidááhdoo hojooba’ ádíinilzingo, dóó ayoo ádaat’éí bííníghahgo áńdoolííł.

Peter bi’oodla’ choiyosį́į́d, tó yikaa niya dóó Yisdá’íiníilii yíká ádiinį́į́d bich’į́’ hodeeznáago. Ashą́ akwit’ée ndi, Yisdá’íiníilii Peter ayoo át’éego ádooliiłgo yiłnaolí. “Ni’oodlą́ doo bidziilda’, bidííniid, ha’át’éegoshą’ doo íínídłąąda?¹⁰

Peter bicha’hodooshkeedgo yik’ee nidiiłt’ááł doont’e’. Ndi biłt’aa’áko bijéí ajooba’ bíí’hólǫ́. Jesus Christ t’áá yeįgo yoodlą’ dooleełgo t’ahdii yíká’át’í. T’óó ahayoo ach’í’nahwíína yii’t’adiiyá bee bi’oodlą’ bidzii silį́—t’áá’ííyisíí bich’į́’ nahwiis’nááh—naasdi Peter yitł’is tségi’a’t’áo nat’anii sil’į’ Diyin Bóhółnííhii ákóbó’níín ńt’ę́ę́’. Diyin Bóhółníihii ayoo’át’éego yiká’iiłwod.

Diyin Bóhółníihii éí ha’át’ííshį́į́’ ayoo’át’éii ádiiłííłgo ná’yinízin. BiSodizin dóó yikí bohołniihii, t’óó’ahayóígo áká’e’elyeed bidį́hooyeeh dóó Diyin ke’hgo áka’azhdoolwooł Yisdá’íiníiłiigi’ át’áó. łahdoo Binaanish ayóo’át’éii bee biká ezhdoołwod. Iłhózhó bihoot’ááł nił t’áá’anį́į́ át’éii dooleeł łahdoo aná’áwo’ ła’nadę́ę́ bee biłbóhoołáahgo bi’iina’ ádeedoolííł.

Shi’oodlą’ bidziilgo áshlééhgo, díí Alma bizaad shi’iina-łahgo áyiila: “Ajooba’ doo binihí’diniłchééhgo bee dáhinínáágo nihí bik’í’hojidłí dooleeł.” ¹¹ Nihee ajooba’ hóóló hasht’e’ ádinį́į́lzindo ákó Jesus nihíka’ádoołwoł, niholós, dóó bee yá’á’t’ééhgo e’íílį́į́ dooleeł.¹²

Shi’oodlą’ bee ádishní éí hool’áágóó iłhózhǫ́ binahat’a’ nihíká’anáłwo’. Yáąshdę́ę́ Nizhé’é áyííla, éí ayóí ánó’ní. Jesus Christ niha bąąhagíat’éeh dóó anoneeł yik’eh desdłį́į́ Bi’tsíís nineedini’ąągo naanihisnį’. dóó éí bąą, nihe’iina’ łahgo áńdaahdléehgo dóó doo nihijéí dasoołtł’isgo, t’áadoo hodina’í niná’ílyáii ayóó át’áo hasht’eelyaaígíí nihí dooleeł.¹³ Jesus Christ bízhi’ binahjį’, amen.