E Doktrina di Pertenesé

Dor di Elder D. Todd Christofferson

Di e Quorum di e Diesdos Apòstelnan

E doktrina di pertenesé ta nifiká kui pa kada un di nos: mi ta unu ku Cristo den e konvenio di e evangelio.

Lo mi ke papia tokante loke mi ta yama e doktrina di pertenesé den E Iglesia di JesuCristo di e Santunan di e Delaster Dianan. E doktrina aki tin tres parti: (1) e ròl di pertenesé den rekohementu di Señor Su pueblo di konvenio, (2) e importansia di servisio i sakrifiso den pertenesé, i (3) JesuCristo sentral den pertenesé.

E Iglesia di JesuCristo di e Santunan di e Delaster Dianan na su kuminsamentu tabata konsistí pa mayor parti di Santunan blanku Norte Amerikano i di nort Europa ku kantidat relativo di Merikanonan Nativo , Afro Merikanonan, i di Islanan Pasífiko. Awor, ocho aña for di e di 200 aniversario di su fundashon, Iglesia a krese hopi den kantidat i diversidat na Nort Amerika i asta mas ainda den resto di e mundu.

Manera profetisá pa hopi tempu e rekohementu di último dia di e pueblo di konvenio di Señor ta gana momentum, e Iglesia bèrdaderamente lo ta konsistí di miembronan di kada nashon, tribu, lenga, i pueblo.¹ Esaki no ta diversidat kalkulá òf forsá pero un fenómeno natural ku nos a spera, rekonosiendo ku e ret di e evangelio ta reuní di tur nashonnan i tur pueblonan.

Nos ta hopi bendishoná pa mira e dia ku Sion ta establesé simultaneamente riba tur kontinente i den nos propio bisendarionan. Manera e Profeta José Smith a bisa, e pueblo di Dios den kada dispensashon a mira dilanti ku antisipashon di goso na e dia aki, i “nos ta e pueblo faboresé ku Dios a hasi eskohí pa logra e gloria di Delaster dianan.”²

Siendo duná e privilegio aki, nos no por permití kualke rasismo, prehuisio di tribu, òf otro divishonnan pa eksistí den e Cristo Su Iglesia di e delaster dianan. E Salbador a manda nos, “Sea un; i si boso no ta un boso no ta di mi.”³ Nos mester ta diligente den eliminá prehuisio i deskriminashon for di e Iglesia, for di nos hogarnan, i, mas ku tur kos for nos kurasonnan. Segun e populashon di Iglesia ta krese ku mas diversidat, nos bon biní mester krese ainda mas spontaneamente i kaluroso. Nos tin mester di otro.⁴

Den su Promé Epístola na e Korintionan, Pablo ta deklará ku tur ku a boutisá den e Iglesia ta un den e kurpa di Cristo:

“Ounke e kurpa tin hopi parti, tòg e ta un kurpa. Asina ta ku Cristo tambe.

“Pa medio di un Spiritu nos tur ta batisá den e mesun kurpa esta si ta Hudiu òf Gentil, esta si ta mará òf liber, i nos tur a haña di bebe di e mesun Spiritu. …

“Pa asina no tin desunion den e kurpa; pero pa tur miembro tin e mesun kuid pa un i otro.

“Esta si un miembro sufri, tur otro miembro ta sufri ku n’e; òf si un miembro risibí honra, tur e miembronan ta gosa ku n’e.”⁵

Un sentido di pertenesé ta importante pa nos bienestar físiko, mental, i spiritual. Sinembargo, ta bastante posibel ku tin biaha kada un di nos por sinti ku nos no ta pas aden. Den momentunan di desanimo, nos por siti ku nunka nos lo no ta sufisiente pa Señor Su normanan haltu òf espektativanan di otronan.⁶ Sin ta nos intenshon nos por imponé espektativanan riba otronan, òf asta riba nos mes—ku no ta espektativanan di Señor. Nos por komuniká den un maneranan suptil ku e balor di un alma ta basá riba sierto logronan òf yamamentunan, pero esakinan no ta midi nos dignidat den bista di Señor. “Señor ta wak e kurason.”⁷ E ta interesá tokante nos deseonan i anhelonan i kiko nos ta birando.⁸

Hermana Jodi King a skirbi di su eksperensia di añanan pasá:

“Nunka mi a sinti ku mi no ta pertenesé na iglesia te ora ku mi esposo, Cameron i ami a kuminsá ku e lucha ku infertilidat. E muchanan i famianan ku normalmente mi sa gusta mira na Iglesia awor a kuminsá kousa mi tristesa i doló.

“Mi a sinti mi bashí sin un yu den mi brasanan òf un tas di bruki den mi man. …

“E djadumingu di mas duru tabata nos di promé den un bario nobo. Pasó nos no tabatin yunan, a puntra nos si nos tabata resien kasá i ki tempu nos tin plan pa kuminsá nos famia. Ya mi a kustumbrá bastante den kontestá e preguntanan aki sin laga nan afekta mi—mi tabata sa ku nan no tabatin mal intenshon.

“Sinembargo, e djadumingu en partikular aki, kontestando e preguntanan ei tabata spesialmente difísil. Nos a haña sa, despues di karga speransa, ku nos,—atrobe—no tabata den espera.

“Mi a kana drenta renion sakramental sin ánimo, i kontestá preguntanan típiko ‘di sera konosí’ tabata hopi duru pa mi. …

“Pero tabata Skol Dominikal ku di bèrdat a kibra mi kurason. E lès—intenshoná pa ta tokante e rol dibino di mamanan—rápidamente a bira un seshon di kehamentu. Mi kurason a sak i lágrimanan silensiosamente a basha riba mi kara segun mi ta tende muhénan ta keha tokante un bendishon ku lo mi a duna kualke kos pa por tin.

“Mi a kore sali for di iglesia. Promé, mi no kier a bai bèk. Mi no kier a eksperensiá e sentimentu di isolashon ei atrobe. Pero e anochi ei, despues di a papia ku mi esposo, nos tabata sa ku nos lo sigui bai iglesia no solamente pasó Señor a pidi nos pa hasié pero tambe pasó nos tur dos konosé e goso ku ta bin pa medio di renobá konvenionan, i sinti e Spiritu na iglesia ta surpasá e tristesa ku mi a sinti e dia ei. …

“Den Iglesia, tin miembronan viudo, divorsiá, i soltero; esnan ku nan miembronan di famia a kita bai for di evangelio; hende ku enfermedatnan króniko òf desafíonan ekonómiko; miembronan ku ta eksperensiá atrakshon pa mesun sekso; miembronan ku ta lucha pa vense adikshonnan òf dudanan, konversonan resien; esnan ku a kaba di muda; mayornan ku kas bashí pasó yunan a bai; i e lista ta sigui bai.

“E Salbador ta invitá nos pa bini na DjE—sin importá nos sirkumstansianan. Nos ta bin iglesia pa renobá nos konvenionan, pa oumentá nos fe, pa haña pas, i pa hasi meskos ku El a hasi perfektamente den Su bida—ministrá na otronan ku ta sinti manera nan no ta pertenesé.”⁹

Pablo a splika ku e Iglesia i su ofisialnan ta duná di Dios “pa perfekshoná e santunan, pa e obra di e ministerio, pa e edifikashon di e kurpa di Cristo:

“Te ora nos tur alkansá union den fe, i di e konosementu di e Yu di Dios, te na un hòmber perfekto, te na midí di e estatura di e plenitut di Cristo.”¹⁰

Ta un ironia tristu, pues, ora un persona, ta sinti ku e no ta kumpli ku e ideal den tur aspekto di bida, ta konkluí ku nan no ta pertenesé den e mesun organisashon diseñá pa Dios pa yuda nos progresá te na e ideal.

Nos tin ku laga e husgamentu den man di Señor i esnan ku El a manda i sea kontentu pa stima i trata otro e mihó ku nos por. Laga nos puntr’E pa mustra nos e kaminda, kada dia, pa “trese … e pober, i e mankaron, i e koho i e siegu”¹¹—esta, tur hende—na e gran bankete di Señor.

Un di dos faseta di e doktrina di pertenesé tin di haber ku nos propio kontribushonnan. Ounke poko biaha nos ta pensa riba dje, hopi di nos pertenesé ta bini for di nos servisio i e sakrifisionan ku nos ta hasi pa otronan i pa Señor. Enfoke eksesivo riba nos propio nesesidatnan òf nos mes komodidat por frustra e sentido di pertenesé.

Nos ta lucha pa sa e na e Salbador Su doktrina.

“Esun ku ke ta grandi entre boso, lo ta boso sirbidó

“Pasó asta e Yu di hende no a bin pa wòrdu ministrá, pero pa e ministrá, i pa duna Su bida komo reskate pa hopi.”¹³

Pertenesé no ta bini ora nos ta warda p‘e pero ora nos saka man pa yuda otro.

Awendia, lamentablemente, konsagrá bo mes na kousa òf sakrifiká kualke kos pa otro persona ta birando kontra-kultura. Den un pida artíkulo pa Deseret Magazine e aña pasá, outor Rod Dreher a konta di un kombersashon ku un mama yòn na Budapest.

“Mi ta den un tram na Budapest ku un … amiga den su 30 aña—laga nos yamé Kristina—miéntras nos ta riba kaminda pa entrevistá un señora grandi [Kristian] ku, huntu ku su kasá defuntu, a soportá persekushon di e estado komunista. Miéntras nos ta rekoré e kayanan di suidat, Kristina ta papia tokante kon difísil ta pa ta honesto ku amiganan di su edat tokante e batayanan ku e ta eksperensiá komo un esposa i mama di yunan yòn.

“Kristina su difikultatnan ta kompletamente normal pa un muhé hóben ku ta siña kon pa ta un mama i kasá—sinembargo e aktitut predominante bou di su generashon ta ku difikultatnan di bida ta un menasa pa bienestar di un hende i mester rechasé. E i su kasá ta diskutí tin biaha? Anto e tin ku bai lagé, nan ta bisa. Su yunan ta irité? Awel e mester manda nan krèsh.

“Kristina ta preokupá ku su amiganan no ta komprondé ku pruebanan, i asta sufrimentu, ta un parti normal di bida—i kisas asta parti di un bon bida, si e sufrimentu ei ta siña nos kon pa por tin pasenshi, ta kariñoso i amoroso. …

“… Sosiólogo di religion di Universidat di Notre Dame Christian Smith a haña den su estudio di adultonan [edatnan] 18 to 23 ku mayoria di nan ta kere sosiedat no ta nada mas ku ‘un kolekshon di individualista outónomo ku tei pa gosa di bida.’ ¹³

Dor di e filosofiia aki, kualke kos ku un hende ta haña difísil ta un forma di opreshon.’” ¹⁴

Kontrario, nos antepasadonan pionero a optené un sentido profundo di pertenesé, union, i speransa den Cristo dor di e sakrifisionan ku nan a hasi pa sirbi mishonnan, edifká tèmpelnan, bandoná hogarnan komfortabel bou di preshon i kuminsá di nobo, i di hopi otro manera a konsagrá nan mes i nan medionan pa e kousa di Sion. Nan tabata dispuesto pa sakrifiká asta nan bida si tabata nesesario. I nos tur ta e benefisiarionan di nan perseveransia. E mesun kos ta bèrdat pa hopi awe ku por pèrdè e asosiashon di famia i amigunan, renunsiá oportunidatnan pa trabou, òf di otro manera sufri deskriminashon òf intoleransia komo konsekuensia di a batisá. Sinembargo, nan rekompensa, ta un poderoso sentido di pertenesé entre e pueblo di konvenio. Kualke sakrifisio ku nos hasi den kousa di Señor ta yuda konfirmá nos lugá ku n‘E ku a duna Su bida na reskate pa hopi.

E elemento último i mas importante di e doktrina di pertenesé ta e ròl sentral di JesuCristo. Nos no ta uni na e Iglesia pa kompañerismo so, kon importante ku e ta. Nos ta uni pa redenshon pa medio di e amor i grasia di JesuCristo. Nos ta uni pa sigurá e ordenansanan di salbashon i eksaltashon pa nos mes i esnan ku nos stima na ambos banda di e velo. Nos ta uni pa partisipá den un proyekto grandioso pa establesé Sion den preparashon pa regreso di Señor.

E Iglesia ta e wardadó di e konvenionan di salbashon i eksaltashon ku Dios ta ofresé nos mediante e ordenansanan di e santu saserdosio.¹⁵ Ta dor di warda e konvenionan aki nos ta optené e sentido di pertenesé mas haltu i mas profundo. Presidente Russell M. Nelson resientemente a skirbi:

“Manera abo i ami a hasi un konvenio ku Dios, nos relashon ku n,E ta bira mas será ku promé ku nos konvenio. Awor nos ta mará huntu. Pa motibu di nos konvenio ku Dios, E nunka lo no kansa den Su esfuersonan pa yuda nos, i nunka nos lo agotá Su pasenshi di miserikòrdia ku nos. Kada un di nos tin un lugá spesial den Dios Su kurason. …

“… JesuCristo ta esun ku ta gatantisá di e komneionan ei (wak Hebreonan 7:22; 8:6).”¹⁶

Si nos ke kòrda esaki, Señor Su speransanan haltu pa nos lo inspirá i no deskurashá nos.

Nos por sinti goso ora nos ta buska, individualmente i kolektivamente, “e midí di e estatura di e plenitut di Cristo.” ¹⁷ Apesar di desepshonnan i kontratempu na kaminda, e ta un gran buskedá. Nos ta elevá i animá otro den sigui e kaminda pa subi, sabiendo sin importá e tribulashon i sin importá tardansa den bendishonnan primintí, nos por “ta di bon ánimo; [pasó Cristo a] vense e mundu,”¹⁸i nos ta kun‘E. Siendo un ku e Tata, Yu, i Spiritu Santu ta sin duda lo maksimo den pertenesé.¹⁹

Asina, e doktrina di pertenesé ta redusí na esaki—kada un di nos por afirmá: JesuCristo a muri pa mi; El a konsiderá mi digno di Su sanger. E ta stima mi i por hasi tur e diferensia den mi bida. Si mi arepentí, Su grasia lo transformá mi. Mi ta un ku n‘E den e konvenio di evangelio; mi ta pertenesé na Su Iglesia i reino; mi ta pertenesé den Su kousa pa trese redenshon na tur Dios Su yunan.

Mi ta testifiká ku bo ta pertenesé, den e nòmber di JesuCristo, amèn.