Na E Iloaina?

Na Tutupu ia Iulai

30 Iulai, 1837: I lona muamua atu i isi tagata e papatiso i le Vaitafe o Ribble, na avea ai George D. Watt ma tagata liliu mai muamua na papatisoina i Peretania Tele. O Elder Heber C. Kimball na papatisoina o ia.

24 Iulai, 1847: Na taunuu atu ai Polika Iaga ma isi paionia i le Vanu i Sate Leki.

24 Iulai, 1929: Na faatulagaina ai le Misiona a Czechoslovak.

9 Iulai, 1976: Na faatulagaina ai le Misiona a Iapani Okayama.

Motugaafa Faaleautaitai

Na aoao mai Peresitene James E. Faust, o le Fesoasoani Lua i le Au Peresitene Sili: “Ina ua tuuina atu e le Faaola ni aoaoga faaleautaitai ia Peteru, sa fetalai atu o Ia, ‘Pe a liua mai oe, ona e faamalosi ai lea i lou uso’ (Luka 22:32).

“E malie lona faaaogaina o le upu faamalosi. E faigata tele ona faamalosi pe a le avea ma se tagata fesootai lelei. O le tele o taimi e tutupu ai faafitauli, e le faapea ona o le sese o le fuafuaga, ae ona o le le lelei o le fesootaiga” (“These I Will Make My Leaders,” Ensign, Nov. 1980, 36).

O lea la, afai o le a outou faia ni fuafuaga ma lou aiga, vasega, po o le korama, ia manatua e talanoa. O le a le gata ina manaomia ona outou talanoa; ae e tatau foi ona e faalogo. Faalogo ia i latou ua i ai sou tiutetauave e taitaia, faalogo i ou matua ma taitai o le autalavou, ae o le mea aupito taua, faalogo i le Agaga.

Iloaina o le Mana o le Atua

O fuaitau o mau o loo i lalo ua faaalia ai nisi o faataitaiga o le mana o le Atua ma faaalia ai mea e mafai ona faia e le perisitua. Faitau ia fuaitau taitasi, ma faafetaui i le ata sa’o.

— Kenese 1:1

— Ioane 11:39–44

— 3 Nifae 11:21

— Mareko 14:22–24

— Ioane 9:1–7

— Helamana 12:9–17