Faapotopotoina i Siona

I aso popofou o le Ekalesia toefuataiina, na talosagaina ai tagata o le ekalesia ina ia faapotopoto i se nofoaga tutotonu i le Iunaite Setete. Na muamua i Ohaio, sosoo ai ma Misuri, ma Ilinoi. Ina ua uma ona tulieseina le Au Paia o Aso e Gata Ai mai Navu, Ilinoi, sa latou amataina ai se malaga umi e agai atu i sisifo i le vanu o le Vai Masima Tele. Mo le tele o tausaga mulimuli ane, na faapotopoto atu ai iina tagata o le ekalesia mai itu uma o le lalolagi. E toatele na sopoia vasa i vaa folau. Ona latou malaga atu lea i Winter Quarters (ua i ai nei i Nebraska) i soo se ala lava na latou mafaia, e aofia ai vaa i vaitafe po o nofoaafi. I le malaga mulimuli e sopoia ai Laufanua Tetele ma Mauga Papa, sa o atu ai le Au Paia i taavale solofanua, taavaletoso, tietie i solofanua, ma savavali. Ina ua latou taunuu atu, e faitau afe na auina atu e nofoia isi eria i sisifo o le Iunaite Setete.

Ua le toe talosagaina i tatou e sopoia vasa po o konetineta ina ia faapotopoto ai i se nofoaga se tasi. I le lalolagi atoa, ua faapotopoto ai paionia o le talalelei i o latou paranesi, uarota, siteki ma malumalu paia. O oe lena o se tasi o ia paionia. O lau malaga foi o se malaga faaleagaga e pei lava le luitauina o le malaga i sisifo a paionia.

Faatonuga: Ina ia faamamaluina paionia ua mavae, oti ese ata nei, ma tuu i luga o le faafanua, o loo i itulau U8–U9. Tagai i le tala e filifili ai po o fea e tatau ona tuu ai ata taitasi. Ua faataatitia atu Malumalu o Katelani ma Navu e fesoasoani ai ia te oe. Ina ia faamamaluina ia paionia i aso nei o e o loo faapotopoto i o latou lava atunuu, tuu ia aiga e fa i luga o le kelope o le lalolagi.

Folauga a le Brooklyn

I le 1846 (o le tausaga a o lumanai le taunuu o paionia i le Vanu o Sate Leki) na folau ai nisi e 220 o le Au Paia o Aso e Gata Ai agai atu i Kalefonia e o atu i le faatausiusiuga i sauté o Amerika i Saute i le Brooklyn. I le folauga e lima masina, e 17,000 maila (27,000-km) na taia i latou e matagi, ma e toa 12 na maliliu ai. Ina ua latou taunuu atu i Yerba Buena (ua taua nei o San Francisco), sa nonofo ai nisi i Kalefonia ae malaga atu isi i Iuta.

O Le Autau a Mamona

O le 1846 na talosagaina ai e le malo o le Iunaite Setete se vaega o alii o le Au Paia o Aso e Gata Ai e tau i le Taua a Mekisiko. Sa latou savavali mai Council Bluffs, Iowa, toeitiiti lava 2,000 maila (3,200 km) e agai atu i Kalefonia, na maua ai le tupe sa sili ona manaomia e fesoasoani ai i le Au Paia. Latou te lei tau lava i se taua ae na latou faamaeaina ai se tasi o savaliga aupito umi a se autau i le talafaasolopito.