MANATU MO AFIAFI FAALEAIGA

O nei manatu e mafai ona faaaoga mo aoaoga i le potuaoga faapea foi i le aiga.

“Manatuaina o Iowa,” i. 8: Fai i le aiga pe o a ni mea latou te aveina pe afai o le a latou o ese e pei ona sa faia e paionia. O a ni uiga faaleagaga o le a talafeagai mo le malaga? Faamatala i ai tala e uiga i ou lava augatama ma po o a auala na fesoasoani ia i latou.

“Meafaigaluega e Tolu e Fausia ai se Fale Paia,” i. 14: Amata e ala i le talanoaina o auala faigofie e mafai ona e faia ai lou fale o se nofoaga e sili atu ona paia. Lona lua, ia aai fiafia i se meaai po o se meaai suamalie foi a o talanoaina le taua o taimi e aai ai faatasi o se aiga. Ia faaiu i le fuafuaina o se galuega faatino e mafai ona outou faia o se aiga, ma talanoaina po o a faamanuiaga faaleagaga ma faaletino e maua mai le galulue faatasi.

“O Lenei, e Silisili i Tisipenisione Uma,” i. 18: Ia valaaulia tagata o le aiga a le o le faamatala i upu, ia tusi se ata o o latou faamoemoega mo se lumanai manuia. Ia talanoaina mea e tutupu e mafai ona taofia ai nei faamoemoega mai le faataunuuina. Faitau ni mau e faatatau i le faatuatua. E mafai faapefea e le faatuatua ona tuumamaina le fefe? I le faaaogaina o le tusiga lenei, ia talanoaina pe o a mea e mafai ona faia e lou aiga e olioli ai i le lumanai.

“O Lau Gagana e Iloa Ai Oe,” i. 30: Tofi se tagata o le aiga e talanoa e pei o tagata faapitoa e pei o se pepe, o se tagata tautaua, po o se tagata i tusitusiga paia. Tuu atu i tagata o le aiga e mate lea ituaiga [tagata]. Faamatala le tala ia Elder L. Tom Perry a o i ai o ia i le Malini. E faapefea ona faaalia i le gagana lou ituaiga tagata? Ina ia fesoasoani i lou aiga e faaaoga gagana lelei, faapipii [i luga] ia fautuaga e tolu a Elder Perry.

“Lototele i totonu o se Togasana,” i. U2: Ia faatusatusa le tala i le auuso o Rollins i le tala ia Nifae ma ona uso o e na aumaia papatusi apamemea mai ia Lapana (tagai 1 Nifae 3–4). Na faapefea ona faaalia le lototele i ia tala taitasi? Aisea e taua ai le i ai o tusitusiga paia?