TE ORARAA I TO‘U NEI ORARAA NO TE FAAHOHO‘A I TA’NA MAU HAAPIIRAA
Tei roto vau i te paeraa o te matahiti i te haapiiraa i te mau ite no te oraraa taata a farii ai au i te hoê haapiiraa no te faufaa no te hoê hi‘oraa maitai. I te mau taime atoa e tomo mai to matou orometua haapii i roto i te piha haapiiraa, e ite ïa oia i te hoê hoho‘a no’na iho – tei papa‘ihia e te tahi o to‘u mau hoa piah – i ni‘a i te tabula. E i te mau taime atoa, e ani ïa te orometua haapii ia tumâhia te hoho‘a. Aita râ oia e parau noa‘e i te tahi mea no ni‘a i te hoho‘a.
Ua putapû roa to‘u nei aau no te huru paari e te haehaa o ta matou orometua haapii e ua ui maere au no ni‘a i ta’na ekalesia. Ua ite aera vau e e melo hoi oia no te Ekalesia a Iesu Mesia i te Feia Mo‘a i te mau Mahana Hopea nei.
Ua faaoti au i te farii i te mau haapiiraa misionare, e ua bapetizohia vau i te 10 no Setepa 2000. Te taata tei faaite mai ia‘u i te hoê hi‘oraa maitai na roto i to’na huru oraraa o to‘u ïa peresideni amaa.
Te faaite papû nei au e o Iesu to tatou hi‘oraa hopea roa. Te riroraa mai Ia’na ra te huru, o te tumu ïa no tatou, te Feia Mo‘a i te mau Mahana Hopea nei, ia ora i te mau oraraa maitai. I reira e nehenehe ai ia tatou ia haapii na roto i te hi‘oraa maitai.