TE HERE NEI IESU IA TATOU
I te hoê mahana te parahi ra vau i ni‘a i te tofa a faaroo noa’i i te hoê pehe uira. A ta‘i ai te himene « Haapii Ia‘u ia Ite i te Maitai », (Te mau Himene, no 189), ua feruri au i te tusia a Iesu Mesia no tatou tata‘itahi. Ua haamana‘o vau i To’na here, haehaa, e aroha, e ua ite au i to‘u aau i te îraa i te mauruuru. Ua faaite papû mai te Varua o te Fatu ia‘u e te here nei te Faaora ia tatou.
Te parahi ra ta‘u nei tamaiti e piti matahiti i pihai iho ia‘u, a mata‘ita‘i noa’i i te mau hoho‘a no Iesu Mesia. Ua ite oia i te tahi mea no te mea ua hi‘o mai oia ia‘u e ua parau mai, « Mama, te here nei Iesu ia oe ! »
Ua riro Iesu Mesia ei tuhaa no to‘u oraraa e te oraraa o to‘u nei utuafare. Tei roto Oia i to‘u nei mau mana‘o e to‘u nei aau. Ua taui Ta’na evanelia i to‘u oraraa.