E FEIA MO‘A VAU NO TE MAU MAHANA HOPEA NEI

Luz Yesenia Moreno Rivera, Colombia

Ite paeraa o te matahiti o ta maua nei tamaiti Nicolás, ua haere oia i te hoê o te mau fare haapiiraa maitai roa‘e i roto i to matou nei oire. Ua faaterehia te fare haapiiraa e te tahi ê atu ekalesia. Ua fariihia o Nicolás noa’tu e ere oia i te melo no taua ekalesia ra.

I te hoê mahana ua arata‘i atu te hoê o te faatere no te fare haapiiraa e no te ekalesia ia Nicolás i rapae au i te fare pureraa no te ani ia’na no te aha aita oia e rave nei i te ohipa i roto i te haapa‘oraa a te fare haapiiraa.

Ua parau o Nicolás, « E Feia Mo‘a vau no te mau Mahana Hopea nei ».

Ua tamata te taata i te ani ia Nicolás ia taui i to’na feruriraa, ma te parauraa e e parau mau te mau ekalesia atoa e te ti‘aturi nei ratou ia Iesu Mesia.

Ua pahono atu o Nicolás, « Te haapii nei to‘u mau metua ia‘u ia faatura i ta outou ekalesia, e mea au râ na‘u i te riroraa ei Feia Mo‘a i te mau Mahana Hopea nei ». Ua farii te taata i teie nei pahonoraa e aita oia i haape‘ape‘a faahou ia’na.

Ua riro o Nicolás ei hi‘oraa maitai, e tae noa’tu no to’na na metua, no te peeraa i te hi‘oraa o Iesu Mesia.