UA RAHI TE HERE
I muri a‘e i te tahi ati iti, ua tia ia‘u ia faaohipa i te hoê turu tootoo, e ua haere mărû noa vau. E mea paari roa te mau taahiraa e‘a no‘u. I te fare pureraa ua măta‘u noa na vau i te marua i raro i te mau taahiraa – e tae noa’tu i taua Sabati ra a faaroo ai au i te hoê reo mărû e a ite ai au i te hoê rima iti i te tapearaa i to‘u rima : « A haere mai. E haere au na muri ia oe ».
Ua hi‘o atu vau i raro e ua ite au i te mata ataata papu o Gabriel e iva matahiti.
« Na reira ïa » ua parau atu vau. « Mai teie atu taime, ua riro oe ei taata tauturu no‘u. E haere ana‘e ! »
Aita e taata tei tono mai ia Gabriel. Ua ite noa oia i te hoê mama ruau e hinaaro ra i te tauturu e ua faaite mai oia ia’na iho.
I teie nei i te mau Sabati atoa, e pou mai maua o Gabriel i te e‘a ma te măta‘u ore.
Ua parau vau i muri iho i te mau metua o Gabriel : « E ere no te puai tino i ore ai au i măta‘u. O te rahiraa here râ ta’na e horo‘a mai ia‘u i te mau Sabati atoa. E taata rahi o Gabriel no te maitai ! »